സെന്റ് മേരീസ് എച്ച്.എസ്സ്. കൂടത്തായ്/ലിറ്റിൽകൈറ്റ്സ്/2025-28
പ്രവേശനോത്സവം 2025
കൂടത്തായി: ഓമശ്ശേരി ഗ്രാമ പഞ്ചായത്ത് തല സ്കൂൾ പ്രവേശനോത്സവം കൂടത്തായി സെൻ്റ് മേരീസ് ഹയർ സെക്കണ്ടറി സ്കൂളിൽ നടന്നു. വാർഡ് മെമ്പർ ഷീജ ബാബു അദ്ധ്യക്ഷത വഹിച്ച ചടങ്ങ് പഞ്ചായത്ത് പ്രസിഡണ്ട് കെ. കരുണാകരൻ ഉദ്ഘാടനം ചെയ്തു. ക്ഷേമകാര്യ സ്റ്റാൻ്റിംഗ് കമ്മറ്റി ചെയർപേഴ്സൺ സീനത്ത് തട്ടാഞ്ചേരി മുഖ്യാതിഥിയായി. മാനേജർ ഫാ. ബിബിൻ ജോസ് മുഖ്യപ്രഭാഷണം ചെയ്തു. പ്രിൻസിപ്പൽ ഫാ. സിബി പൊൻപാറ, പി.ടി.എ. പ്രസിഡണ്ട് മുജീബ്. കെ.കെ ,ബി.ആർ.സി. ഓമശ്ശേരി പഞ്ചായത്ത് തല കോ-ഓഡിനേറ്റർ നൗഷാദ് എന്നിവർ ആശംസകളർപ്പിച്ചു. സഞ്ജു കൃഷ്ണൻ്റെ വയലിൻ വാദനവും, വേദ ലക്ഷ്മിയുടെ ഗാനാലാപനവും ഉണ്ടായി. ഹെഡ്മാസ്റ്റർ തോമസ് അഗസ്റ്റിൻ സ്വാഗതവും, സ്റ്റാഫ് സെക്രട്ടറി സോജി തോമസ് നന്ദിയും പറഞ്ഞു. നവാഗത വിദ്യാർത്ഥികൾക്ക് പി. ടി.എ കമ്മറ്റി സമ്മാനങ്ങൾ നൽകി. സ്കൂളിലെ എല്ലാ കുട്ടികൾക്കും മധുരം നൽകി. വിദ്യാർത്ഥികളും, അദ്ധ്യാപകരും ചേർന്ന് വിവിധ കലാപരിപാടികൾ അവതരിപ്പിച്ചു.
പരിസ്ഥിതി ദിനാചരണം
കൂടത്തായി: കൂടത്തായി സെൻ്റ് മേരീസ് ഹയർ സെക്കണ്ടറി സ്കൂളിൽ പരിസ്ഥിതി ദിനം ഓമശ്ശേരി കൃഷി ഭവൻ്റെ സഹകരണത്തോടെ വിവിധ പരിപാടികളോടെ ആചരിച്ചു. ഓമശ്ശേരി ഗ്രാമപഞ്ചായത്ത് പ്രസിഡണ്ട് കെ. കരുണാകരൻ മാസ്റ്റർ കുട്ടികൾക്ക് വൃക്ഷത്തൈ വിതരണം ചെയ്തു കൊണ്ട് ഉദ്ഘാടനം നിർവ്വഹിച്ചു.ലിറ്റിൽകൈറ്റ്സ് കുട്ടികൾ സ്കൂളിൽ വൃക്ഷത്തൈനട്ടു.