പയസ് ഗേൾസ് എച്ച്.എസ്. ഇടപ്പള്ളി/പ്രവർത്തനങ്ങൾ/2024-25

"2024-25 വർഷത്തെ പ്രവർത്തനങ്ങൾ"

പ്രവേശനോത്സവം - ജൂൺ 3

മധ്യ വേനൽ അവധിക്കുശേഷം 2024-25 അധ്യയന വർഷത്തിന്റെ പ്രവേശനോത്സവം പെരിയ ബഹുമാനപ്പെട്ട ഫാ ബാജിയോ കല്ലൂക്കാടൻ ഉത്ഘാടനം ചെയ്തു. 10 മണിക്കരംഭിച്ച പ്രവേശനോത്സവത്തിൽ ഹെ‍ഡ്മിസ്ട്രസ് ശ്രീമതി ജെയിൻ തോമസ് സ്വാഗതം പറഞ്ഞു. മാനേജ്മെന്റ് ട്രസ്റ്റി ശ്രീ ജോയി കളമ്പാടൻ, പിറ്റിഎ പ്രസിഡന്റ് ബിജു പി ആർ , കൊച്ചി കോർപ്പറേഷൻ 37-ാം വാർഡ് കൗൺസിലർ ശ്രീമതി ശാന്താ വിജയൻ തുടങ്ങിയവർ ആശംസകൾ അർപ്പിച്ചു. സ്റ്റാഫ് സെക്രട്ടറി ശ്രീമതി മേരി നിലീന ജോസ് നന്ദി അർപ്പിച്ചു. തുടർന്ന് അധ്യാപക പ്രതിനിധി ശ്രീമതി രമ്യ ജോസഫ് രക്ഷാകർത്താക്കൾക്കുള്ള ബോധവത്ക്കരണ ക്ലാസ് എടുത്തു.മധുര പലഹാര വിതരണവും നടന്നു.

പരിസ്ഥിതി ദിനം- ജൂൺ 5

സ്ക്കൂൾ അങ്കണത്തിൽ വച്ച് നടന്ന ചടങ്ങിൽ ഹെഡ്മിസ്ട്രസ് ശ്രീമതി ജയിൻ തോമസ് സ്വാഗതം പറഞ്ഞു. ബാവജനസഖ്യം രക്ഷാധികാരി ശ്രീ ജലീൽ തീനത്തിന്റെ സാനിധ്യത്തിൽ നടന്ന പരിപാടിയുടെ ഉദ്ഘാടനം ശ്രീ വിനോദ് എം നമ്പ്യാർ നിർവഹിച്ചു.

കുട്ടികൾ പ്ലക്കാർ‍ഡും പോസ്റ്ററും ഉണ്ടാക്കി. അതുമായി റാലി ഉണ്ടായിരുന്നു. കുട്ടികൾക്കായി വൃക്ഷതൈ വിതരണം നടത്തി. സ്ക്കൂളിൽ ഹെഡ്മിസ്ട്രസിന്റെ നേതൃത്വത്തിൽ വൂക്ഷതൈ നട്ടു.അധ്യാപക പ്രതിനിധി സി. നിമ്മി നന്ദി അർപ്പിച്ചു.

സ്ക്കൂൾ വെഞ്ചിരിപ്പ്- ജൂൺ14

തലേദിവസം വെഞ്ചിരിപ്പിനുവേണ്ടി സ്ക്കൂളും പരിസരവും അധ്യാപകരും വിദ്യാർത്ഥികളും ചേർന്ന് ഒരുക്കിയിരുന്നു. അന്നേ ദിവസം രാവിലെ മാനേജർ അച്ചനും സഹായക അച്ചന്മാരും ചേർന്ന് പ്രാർത്ഥന നടത്തകയും , എല്ലാ ക്ലസ് മുറികളും സ്ക്കൂൾ പരിസരവും ആനാം വെള്ളം തളിച്ച് വെഞ്ചിരിക്കുകയും ചെയ്തു.

ജൂൺ19- വായനാദിനം

അന്നേ ദിവസം വിവിധ പരിപാടികളോടുകൂടി ആഘോഷിച്ചു. രാവിലെ 10:30 ആരംഭിച്ചു. പരിപാടികൾക്ക് ഹെഡ് മിസ്ട്രസ് ശ്രീമതി ജെയിൻ തോമസ് സ്വാഗതം പറഞ്ഞു. പ്രശസ്ത എഴുത്തുകാരനും പ്രഭാഷകനുമായ ഡോ. ജോർജ് മരങ്ങോലി ഉദ്ഘാടനം ചെയ്തു. അന്നേ ദിവസം തന്നെ ആ ചടങ്ങിൽ വിദ്യാരംഗംകലാസാഹിത്യവേദിയുടെയും വിവിധ ക്ലബുകളുടെ ഉദ്ഘാടനം പ്രശസ്ത പിന്നണി ഗായികയും സംഗീത സംവിധായകയുമായ കുമാരി ശ്രേയ എസ് അജിത്ത് നിർവഹിച്ചു. കുട്ടികളുടെ വിവിധ കലാപരിപാടികൾ ഉണ്ടായിരുന്നു. മലയാള അധ്യാപികയായ നിമ്മി ടി എസ് ചടങ്ങിന് നന്ദി അർപ്പിച്ചു.

യോഗ ദിനം- ജൂൺ 21

ഞങ്ങളുടെ സ്ക്കൂളിൽ യോഗ ദിനം വളരെ ഭംഗിയായി ആഘോഷിച്ചു. അന്നേ ദിവസം രാവിലെ 10.30ന് ആരംഭിച്ച ചടങ്ങിന് ഹെഡ് മിസ്ട്രസ് ശ്രീമതി ജെയിൻ തോമസ് സ്വാഗതം പറഞ്ഞു. പ്രശസ്ത യോഗ ട്രെയിനറായ ശ്രീമതി ജയശ്രീ സോമരാജൻ യോഗ ദിനത്തിന്റെ ഉദ്ഘാടനം നടത്തി. യോഗ ദിനത്തിന്റെ പ്രാധാന്യത്തെ കുറിച്ചുള്ള ക്ലാസും ട്രെയിനർ കുട്ടികൾക്ക് നൽകി. അതിനുശേഷം മനോഹരമായ യോഗ ഡാൻസും വിദ്യാർത്ഥിനികൾ നടത്തി. അധ്യാപികയായ ബിന്റ ആന്റണി ചടങ്ങിന് നന്ദി പറ‍ഞ്ഞു.

ലോക സംഗീത ദിനം- ജൂൺ 21

ലോക സംഗീത ദിനം ഞങ്ങളുടെ സ്ക്കൂളിൽ വളരെ ഭംഗിയായി ആഘോഷിച്ചു. ഹെഡ് മിസ്ട്രസിന്റെ സ്വാഗത പ്രസംഗത്തോടുക്കൂടി സംഗീത ദിന ആഘോഷങ്ങൾ ആരംഭിച്ചു. പ്രശസ്ത പിന്നണി ഗായകനായ ശ്രീ മജീബ് റഹ്മാനും സംഗീത സംവിധായകനായ ശ്രീ അജിത്ത് സുകുമാരനും ചേർന്ന് സംഗീത ദിനം ഉദ്ഘാടനം ചെയ്തു. തുട‍ർന്ന് കുട്ടികളുടെ മനോഹരമായ സംഗീത അവതരണവുമുണ്ടായിരുന്നു. സംഗീത അധ്യാപികയായ ബിജിത ടീച്ചറും വളരെ മനോഹരമായ ഗാനം ആലപിച്ചു. ഇംഗ്ലീഷ് അധ്യാപികയായ ബിന്റ ടീച്ചർ ചടങ്ങിന് നന്ദി പറഞ്ഞു.

ലഹരി വിരുദ്ധ ദിനം(ജൂൺ 26)

2024-25 വർഷത്തെ സ്കൂൾ തല ജാഗ്രതാ സമിതി ഹെഡ് മിസ്ട്രസ് ശ്രീമതി ജെയിൻ തോമസിന്റെ നേതൃത്വത്തിൽ രൂപീകരിച്ചു. സ്കൂൾ തല ലഹരി വിരുദ്ധ പ്രവർത്തനങ്ങളുടെ ഭാഗമായി 5 മുതൽ 10 വരെയുള്ള ഓരോ ക്ലാസ്സിൽ നിന്നും 2 കുട്ടികളെ വീതം ഉൾപ്പെടുത്തി ജാഗ്രത കൂട്ടം രൂപീകരിച്ചു. Fourth wave Foundation Org നടത്തുന്ന Project VENDA യുടെ നേതൃത്വത്തിൽ കുട്ടികൾക്കായി ബോധവൽക്കരണ ക്ലാസ്സ് നടത്തി. ജൂൺ 26 ന് അന്താരാഷ്ട്ര ലഹരി വിരുദ്ധദിനാചരണത്തിന്റെ ഭാഗമായി ലഹരിയുടെ വിപത്തിനെക്കുറിച്ച് രാജഗിരി കോളേജിലെ BSW വിദ്യാർത്ഥികൾ ഫ്ലാഷ് മോബ് നടത്തി. എളമക്കര സ്റ്റേഷനിലെ CI ഹരികൃഷ്ണൻ സാർ PTA അംഗങ്ങൾക്ക് ബോധവൽക്കരണ ക്ലാസ്സ് നടത്തി.

ബഷീ‍ർ ദിനം- ജൂലൈ 5

പ്രശസ്ത എഴുത്തുകാരനും കഥാകാരനുമായ ശ്രീ വൈക്കം മുഹമ്മദ് ബഷീറിന്റെ ജന്മദിനം വിവിധ പരിപാടികളോടെ ആഘോഷിച്ചു. മലയാളം വിഭാഗം അധ്യാപകർ ചേർന്നു കുട്ടികളെ മുഹമ്മദ് ബഷീറിന്റെ കഥാപാത്രങ്ങളുടെ വേഷം അണിയിച്ചു. ഓരോ കഥാപാത്രങ്ങൾ വരുമ്പോഴും അധ്യാപകർ അതിനെ പറ്റി വിശദീകരിച്ചു.

അധ്യാപക രക്ഷാകർത്തൃ യോഗം-ജൂലൈ 23

അധ്യാപക രക്ഷാകർത്തൃ സമിതിയുടെ 2024-25 അധ്യയന വർഷത്തെ ആദ്യ പൊതുയോഗം നടന്നു. ഊ അധ്യായന വർഷത്തെ ഭാരവാഹികളുടെ തെരെഞ്ഞടുപ്പും ക്ലാസ് പി.റ്റി യെയും അന്നേ ദിവസം നടന്നു. കൂടാതെ പത്താം ക്ലാസ്സിൽ മുഴുവൻ എ പ്ലസ് നേടിയ വിദ്യാർത്ഥികൾക്കായി അധ്യാപകർ മാനേജമെന്റ് ,പി.റ്റി.എ, പൂർവ്വവിദ്യാർത്ഥി സംഘടനയായ പോസ തുടങ്ങിയവർ നൽകി വരുന്ന പുരസ്ക്കാരദാനവും അതേ വേദിയിൽ വെച്ച് നടക്കുകയുണ്ടായി. യോഗത്തിൽ പ്രധാന അധ്യാപിക ശ്രീമതി ജെയിൻ തോമസിനെ സ്വാഗതം പറഞ്ഞും അധ്യക്ഷ പ്രസംഗം മാനേജർ വെരി.റവ.ഫാ. ആന്റണി മടത്തുംപടി പറഞ്ഞു.സ്റ്റാഫ് സെക്രട്ടറി ശ്രീമതി ബെസ്സി തോമസ് പി.റ്റി.എ വാർഷികറിപ്പോർട്ട് അവതരിപ്പിച്ചു. പി.റ്റി.എ പ്രസിഡന്റ് ശ്രീ ബിജു പി.ആർ , പോസാ പ്രസിഡന്റ് അൽഫോൺസ സന്തോഷ് ആശംസകൾ അർപ്പിച്ച് സംസാരിച്ചു തുടർന്നു. എസ്.എസ്.എൽ.സി ഫുൾ എ.പ്ലസ് കിട്ടിയ കുട്ടികൾക്ക് ഉപഹാരങ്ങൾ നൽകി ആദരിച്ചു. തുടർന്ന് ട്രഷറർ ശ്രീ ബിജിത് മാണി പി.റ്റി.എ വാർഷികകണക്ക് അവതരിപ്പിച്ചുു.തുടർന്ന് വിദ്യാർത്ഥി പ്രതിനിധി കുമാരി ജോത്സന.സി.ജോസഫ് നന്ദി പറ‍ഞ്ഞു. 2024-25 അധ്യയന വർഷത്തെ പുതിയ പി.റ്റി.എ ഭാരവാഹികളെ തെരഞ്ഞെടുത്തു.പ്രസിഡന്റായി ശ്രീ ജമാൽ റ്റി.എച്ച്, വൈസ് പ്രസിഡന്റായി ശ്രീ സിജു കുമാർ

സ്വാതന്ത്ര്യ ദിനം -ആഗസ്റ്റ് 15

ദേശീയ പതാക ഉയർത്തൽ

ആഗസ്റ്റ് 15 - സ്വാതന്ത്ര്യ ദിനംരാവിലെ 8.55 മണിയോടു കൂടി ബാന്റ് മേളത്തിന്റേയും ഗൈഡ്സ് അംഗങ്ങളുടേയും അകമ്പടിയോടെ മാനേജർ - വെരി. റവ. ഫാദർ. ആന്റണി മടത്തുംപടി അച്ഛനേയും എച്ച്.എം ശ്രീമതി ജയിൻ തോമസിനേയും പി.ടി.എ പ്രസി‍‍ഡന്റ് ശ്രീ. ജമാൽ ടി എച്ചിനേയും സ്വാഗതം ചെയ്തു. തുടർന്ന് സ്കൂൾ മാനേജർ ദേശീയ പതാക ഉയർത്തി. ദേശീയോദ്‍ഗ്രത്ഥന പ്രഭാഷണം നടത്തി. എച്ച്. എം, പി. ടി. എ പ്രസിഡന്റ്, അധ്യാപക പ്രതിനിധി ശ്രീമതി. സുമ എൻ. ഡി ടീച്ചർ തുചങ്ങിയവർ സ്വാതന്ത്ര്യദിന സന്ദേശം നൽകി. സ്ക്കൂൾതല മത്സരത്തിൽ പ്രസംഗത്തിനും ദേശഭക്തി ഗാനത്തിനും ഒന്നാം സ്ഥാനം ലഭിച്ച വിദ്യത്ഥികൾ പരിപാടികൾ അവതരിപ്പിച്ചു. വിവധകലാപരിപാടികൾ നടത്തി. പ്രച്ഛന്നവേഷ മത്സരവും നടത്തി. റെഡ്ക്രോസിലെ കുട്ടികൾ സ്വതന്ത്ര്യസമര നേതാക്കളെ പരിചയപ്പടുത്തി.

കാനറാ ബാങ്ക് എസ് സി വിഭാഗത്തിലെ മിടുക്കരായ വിദ്യാർത്ഥിനികൾക്ക് നൽകി വരുന്ന വിദ്യാജ്യോതി സ്ക്കോളർഷിപ്പ് ചടങ്ങിൽ ബാങ്കിലെ ഓഫീസർമാർ വിതരണം ചെയ്യുകയുണ്ടായി. കുട്ികൾക്ക് എല്ലാവർക്കും ലഡു വിതരണം നടത്തി.

സ്ക്കൂൾ പാർലമെന്റ് ഇലക്ഷൻ- ആഗസ്റ്റ് 16

ആഗസ്റ്റ് 16-ാം തിയതി സ്ക്കൂൾ പാർലമെന്റ് ഇലക്ഷൻ നടത്തി. പാർലമെന്റ് ഇലക്ഷനോട് കിടപിടിക്കുന്ന രീതിയിലാണ് ഇലക്ഷൻ നടത്തിയത്. അന്നേ ദിവസം രാവിലെ കുട്ടകൾ അവരുടെ വിലയേറിയ വോട്ടവകാശം കംമ്പ്യൂട്ടറൈസ്ഡ് വോട്ടകളായി രേഖപ്പടുത്തി. അതിൽ നിന്ന് സ്ക്കൂൾ ലീഡറായി എയ്ഞ്ചല ആന്റണിയെ തിരഞ്ഞെടുത്തു.‍ ജോയിന്റ് സെക്രട്ടറിയായി അഞ്ചന ഷൈജുവിനേയും തിരഞ്ഞെടുത്തു. വൈസ് ചെയർപേഴ്‍സൺ ഫാത്തിമ ഫർസാന വി എം ആണ്.

ആഗസ്റ്റ് 22 - പയസ് ഡേ

21-ാം തിയതി പയസ് ഡേയുടെ ഭാഗമായി കുർബാന നടത്തി. പയസ് ഡേ ആഘോഷിച്ചു. ഉച്ചയ്ക്ക് ശേഷം ഈശ്വര പ്രാ‍ർത്ഥനയോടെ തുടങ്ങിയ പരിപാടിയിൽ എച്ച്.എം ശ്രീമതി ജെയിൻ തോമസ് സ്വാഗതം പറ‍‍ഞ്ഞു. സ്കൂൾ മാനേജർ റവ.ഫാ ആന്റണി മടത്തുംപടി അധ്യക്ഷത വഹിച്ചു. മുഖ്യ പ്രഭാഷണം ഫാദർ സനുപുതുശേരി നടത്തി. കെ.സി.എസ്.എൽ ഇടപ്പള്ളി മേഖല

സെപ്റ്റംബർ 5 - അധ്യാപക ദിനം

എസ്.ബി.ഐ ഇടപ്പള്ളി, എസ്.ബി.ഐ ദേവൻകുളങ്ങര, കാനറാ ബാങ്ക്, തനിഷ്ക് ജ്വലറി, സൗത്ത് ഇന്ത്യൻ ബാങ്ക് എന്നീവിടങ്ങളിൽ നിന്ന് മാനേജറും ഓഫിസേഴ്സും സ്കൂളിലെത്തി എല്ലാ അധ്യാപകർക്കും അധ്യാപകദിന ആശംസകൾ നൽകി.

നവംബർ 1 - കേരളപ്പിറവി

കേരള സംസ്ഥാന രൂപീകൃതമായതിന്റെ 68-ാമത്തെ കേരളപ്പിറവി ദിനം സ്കൂളിൽ സമുചിതമായി ആഘോഷിച്ചു. അന്നേ ദിവസം സ്പെഷ്യൽ അസംബ്ലി കൂടുകയുണ്ടായി. പ്രധാനധ്യാപക എല്ലാവർക്കും കേരളപ്പിറവിയുടെ ആശംസകൾ നേർന്നു. വിദ്യാർത്ഥി പ്രതിനിധി 8-ാം ക്ലാസ്സിലെ ആമിന റെയ്ഹാൻ പി. ആർ കേരളപ്പിറവി സന്ദേശം നൽകി. ദേവനന്ദയുടെയും സംഗത്തിന്റെയും നേതൃത്വത്തിൽ വടക്കൻ മലബാറിൽ പ്രചാരത്തിലുള്ള നാടൻ പാട്ട് അവതരിപ്പിച്ചു. കേരള ക്വിസ് നടത്തി അതിൽ 8-ാം ക്ലാസ്സിലെ ആഷ്ന ഫാത്തിമ സി.എസ് ആർദ്ര പ്രദീപ്, 10-ാം ക്ലാസ്സിലെ മുസ്ബിറ ജെ, ആന്മരിയ ജോർജ് 9-ാം ക്ലാസ്സിലെ അഞ്ജന ഷൈജു, ഫാത്തിമ നൗറീൻ എന്നിവർ യഥാക്രമം ഒന്നും രണ്ടും മൂന്നും സ്ഥാനം കരസ്ഥമാക്കി.