റഹ്മാനിയ എച്ച്.എസ്സ്. ആയഞ്ചേരി/പ്രവർത്തനങ്ങൾ/2024-25

പ്രവേശനോത്സവം.

2024 25 അധ്യായന വർഷത്തെ സ്കൂൾ പ്രവേശനോത്സവം അതിഗംഭീരമായി കൊണ്ടാടപ്പെട്ടു .പ്രവേശനോത്സവം ഉദ്ഘാടനം നടത്തിയത് ബഹുമാനപ്പെട്ട പ്രധാന അധ്യാപകൻ വി കെ കുഞ്ഞമ്മദ് മാസ്റ്റർ അവറുകളാണ്. അധ്യക്ഷൻ ലത്തീഫ് മനത്താനത്ത് അവറുകളാണ്. പ്രവേശനോത്സവത്തിൽ മുഖ്യപ്രഭാഷണം നടത്തിയത് സ്കൂൾ പ്രിൻസിപ്പാൾ കമറുദ്ദീൻ മാസ്റ്ററാണ് പ്രവേശനോത്സവ ചടങ്ങിൽ പിടിഎ ഭാരവാഹികളും നാട്ടുകാരും ഉണ്ടായിരുന്നു. .പ്രവേശനോത്സവത്തിന്റെ ഭാഗമായി സ്കൂളിൽ നൃത്തവും ഗാനമേളയും നടത്തി

ചിത്രശാല

പ്രവേശനോത്സവ കാഴ്ചകൾ

പ്രധാന അധ്യാപകൻ വികെ കുഞ്ഞമ്മദ് ‌മാസ്റ്റർ ഉദ്ഘാടനംചെയ്തു സംസാരിക്കുന്നു
പ്രവേശനോത്സവ കാഴ്ചകൾ
പ്രവേശനോത്സവത്തിന്റെ ഭാഗമായിനടന്ന ഗാനമേള
പുതുതായി ഒന്നാം ക്ലാസിലേക്ക് ചേർന്ന വിദ്യാർത്ഥികൾക്ക് ബാഗ് വിതരണം നടത്തുന്നു
പുതുതായി ഒന്നാം ക്ലാസിലേക്ക് ചേർന്ന വിദ്യാർത്ഥികൾക്ക് ബാഗ് വിതരണം നടത്തുന്നു

പരിസ്ഥിതിദിനാചരണം 2024

ഈ വർഷത്തെ പരിസ്ഥിതി ദിനം എൽ പി, യു പി ,ഹൈസ്കൂൾ തലങ്ങളിൽ വിപുലമായി നടന്നു

ലോക പരിസ്ഥിതി ദിനം (WED) എല്ലാ വർഷവും ജൂൺ 5 ന് ആഘോഷിക്കുന്നു. ഭൗമദിനം പോലെ, പരിസ്ഥിതിയെക്കുറിച്ച് പഠിക്കാനും സംരക്ഷണ പ്രവർത്തനങ്ങളിൽ പങ്കെടുക്കാനും ഭാവിയിൽ സഹായിക്കാനുള്ള വഴികളെക്കുറിച്ച് പഠിക്കാനുമുള്ള ഒരു ദിവസമാണിത്. സ്കൂളിൽ ആഘോഷിക്കാൻ, നിങ്ങൾക്ക് പ്രകൃതിയുമായി ആശയവിനിമയം നടത്താനും പുതിയ പാരിസ്ഥിതിക പരിപാടികൾ സൃഷ്ടിക്കാനും പ്രകൃതി കേന്ദ്രീകൃത പാഠ പദ്ധതികൾ ഉപയോഗിക്കാനും ഭൂമിയെ കേന്ദ്രീകരിച്ചുള്ള പ്രവർത്തനങ്ങളിൽ പ്രവർത്തിക്കാനും കഴിയും.

പരിസ്ഥിതി ദിന ക്വിസ് 2024

ഹൈസ്കൂൾ തലത്തിൽ പരിസ്ഥിതി ദിനത്തിനെ കുറിച്ച് ബോധവാന്മാരാകുന്നതിന് വേണ്ടി പരിസ്ഥിതി ദിന ക്വിസ് സംഘടിപ്പിച്ചു.പരിസ്ഥിതി ദിന ക്വിസ്സിൽ ഉയർന്ന സ്ഥാനം കിട്ടിയവർക്ക് സമ്മാനം നൽകി ആദരിച്ചു.

പരിസ്ഥിതിദിന ക്വിസ്സിൽ ഒന്നാം സ്ഥാനം ലഭിച്ച റിഫ മെഹറിന് ഉപഹാരം നൽകുന്നു
പരിസ്ഥിതി ദിന ക്വിസ്സിൽ രണ്ടാം സ്ഥാനം നേടിയ ഫാത്തിമ TM ന് ഉപഹാരം നൽകുന്നു
പരിസ്ഥിതി ദിന ക്വിസ് വിജയികൾക്ക് സമ്മാനം നൽകുന്നു

വായന ദിനം

1996 മുതൽ കേരള സർക്കാർ ജൂൺ 19 വായന ദിനമായി ആചരിക്കുന്നു. ജൂൺ 19 മുതൽ 25 വരെയുള്ള ഒരാഴ്ച വായനവാരമായും കേരളാ വിദ്യാഭ്യാസ വകുപ്പ് ആചരിക്കുന്നു. കേരള ഗ്രന്ഥശാലാ സംഘത്തിന്റെ ഉപജ്ഞാതാവും പ്രചാരകനുമായിരുന്ന പി.എൻ. പണിക്കരുടെ ചരമദിനമാണ് ജൂൺ 19. കേരള സർക്കാർ 1996 മുതൽ അദ്ദേഹത്തിന്റെ ചരമദിനം വായനദിനമായി ആചരിക്കുന്നു. സ്കൂളുകളിൽ ഇ-റീഡിങ് പ്രചരിപ്പിയ്ക്കുവാനായി റീഡിങ് ക്ലബ്ബുകളും ഐ.ടി. ക്ലബ്ബുകളും ഇലക്ട്രോണിക് ക്ലബ്ബുകളും ആരംഭിയ്ക്കാൻ ഈ സമയം വിനിയോഗിയ്ക്കുന്നു. 2017 മുതൽ ഈ ദിനം ദേശീയ വായനദിനമായി ആചരിക്കുന്നു.

വായനദിന ഉദ്ഘാടനം- മുൻ മലയാളം അധ്യാപകൻ സതീഷ് കുമാർ കെ ചേരാപുരം
വായനദിനത്തോടനുബന്ധിച്ചുള്ള യു പി വിഭാഗം ക്ലാസ്തല കയ്യെഴുത്ത് മാഗസിന്റെ സൃഷ്ടികൾ ഹെഡ്മാസ്റ്റർ ഏറ്റുവാങ്ങുന്നു
യു പി വിഭാഗം റീഡിങ് കോർണർ ഹെഡ്മാസ്റ്റർ വി കെ കുഞ്ഞമ്മദ്മാസ്റ്റർ ഉദ്ഘാടനം ചെയ്യുന്നു.

അന്താരാഷ്ട്ര യോഗ ദിനം

ജൂൺ 21 അന്താരാഷ്ട്ര യോഗാദിനമായി ആചരിക്കുന്നു. 2014 ഡിസംബർ 11 ന് ഐക്യരാഷ്ട്രസഭയുടെ സമ്മേളന പ്രകാരം ഈ പ്രഖ്യാപനം നടന്നു. ജൂൺ 21 അന്താരാഷ്‌ട്ര യോഗാദിനമായി ഐക്യരാഷ്ട്രസംഘടനയുടെ പൊതുസമ്മേളനത്തിൽ നിർദ്ദേശിച്ചത് ഇന്ത്യൻ പ്രധാനമന്ത്രി നരേന്ദ്ര മോദിയാണ്. ഭാരതത്തിൽ ഉത്ഭവം കൊണ്ട യോഗ, ശാരീരികവും മാനസികവും ആത്മീയവുമായ തലങ്ങളെ സ്പർശിച്ച്‌ ശരീരത്തിന്റേയും മനസ്സിന്റേയും മാറ്റം ലക്ഷ്യമിടുന്നു. ഉത്തരായനാന്ത ദിവസമായ ജൂൺ 21 അന്താരാഷ്ട്ര യോഗാ ദിനത്തിനായി നിർദ്ദേശിക്കുമ്പോൾ അദ്ദേഹം പറഞ്ഞു - ഉത്തരാർദ്ധഗോളത്തിലെ എറ്റവും നീണ്ട ദിനമായ ഇതിന് ലോകത്തിന്റെ പല ഭാഗത്തും പ്രത്യേക പ്രാധാന്യമുണ്ട്.

അന്താരാഷ്ട്ര യോഗ ദിനത്തോടനുബന്ധിച്ച് സ്കൂളിലെ ഗൈഡ്സ് വിഭാഗം യോഗാസനങ്ങൾ പരിശീലിച്ചു

അനുമോദനം

എസ്എസ്എൽസി ,എൻ എം എം എസ്, എൽ എസ് എസ് ഉന്നത വിജയികളെ സ്കൂൾ അനുമോദിച്ചു.

ഉന്നത വിജയിക്ക് മൊമെന്റോ നൽകുന്നു
ഉന്നത വിജയിക്ക് മൊമെന്റോ നൽകുന്നു
ഉന്നത വിജയിക്ക് മൊമെന്റോ നൽകുന്നു
ഉന്നത വിജയിക്ക് മൊമെന്റോ നൽകുന്നു

ലോക ലഹരി വിരുദ്ധ ദിനം 2024

മയക്കുമരുന്നിന്റെ ഉപയോഗത്തിനും അനധികൃത കടത്തിനും എതിരായ സന്ദേശം പ്രചരിപ്പിക്കുന്നതിനായാണ് എല്ലാ വർഷവും ജൂൺ 26ന് ലോകമെമ്പാടും ലഹരി വിരുദ്ധ ദിനം ആചരിക്കുന്നത്. 1987 ഡിസംബറിലാണ് ഐക്യരാഷ്ട്ര സഭ ലഹരി വിരുദ്ധ ദിനത്തിന് അംഗീകാരം നൽകുന്നത്.
റഹ്മാനിയ ഹയർ സെക്കൻഡറി സ്കൂൾ ആയഞ്ചേരിയിലും ലോകാ ലഹരി വിരുദ്ധ ദിനം വിപുലമായി കൊണ്ടാ‍‍ടി. ലഹരി വിരുദ്ധ പ്രതിജ്ഞ, ലഹരി വിരുദ്ധ പാർലമെന്റ് ,ഫ്ലാഷ് മോബ് ,ചിത്രരചന മത്സരം, പ്രബന്ധരചന മത്സരം എന്നിവ സ്കൂളിൽ കുട്ടികൾക്കായി നടത്തി .
ലോക ലഹരി വിരുദ്ധ ദിനം സ്കൂൾ തല ഉദ്ഘാടനം നടത്തിയത് വടകര അസിസ്റ്റന്റ് എക്സൈസ് ഇൻസ്പെക്ടർ ശൈലേഷ് കുമാർ അവറുകളാണ്.

ലഹരി വിരുദ്ധ പ്രതിജ്ഞ

ഫ്ലാഷ് മോബ്

ലഹരി വിരുദ്ധ പാർലമെന്റ്

ലഹരി വിരുദ്ധ ദിനം ഉദ്ഘാടനം ചെയ്യുന്നത് വടകര എക്സൈസ് ഇൻസ്പെക്ടർ ശൈലേഷ് കുമാർ അവറുകൾ

ബഷീർ ദിനം

മലയാളനോവലിസ്റ്റും കഥാകൃത്തും സ്വാതന്ത്ര്യസമരപ്പോരാളിയുമാണ് ബേപ്പൂർ സുൽത്താൻ എന്ന അപരനാമത്തിൽ അറിയപ്പെട്ടിരുന്ന വൈക്കം മുഹമ്മദ് ബഷീർ. 1908 ജനുവരി 21 ന് കോട്ടയം ജില്ലയിലെ വൈക്കത്ത് തലയോലപ്പറമ്പിലാണ് ബഷീർ ജനിച്ചത്. 1994 ജൂലൈ അഞ്ചിന് കോഴിക്കോട് ബേപ്പൂരിലാണ് മരണം..!

ബഷീർ ദിനത്തോട് അനുബന്ധിച്ച് സ്കൂളിൽ വിവിധ പരിപാടികൾ നടന്നു

ഈ വർഷത്തെ ബഷീർ ദിന പരിപാടികൾ
ബഷീർ ഓർമ്മദിനത്തോടനുബന്ധിച്ച് കയ്യെഴുത്ത് മാഗസിനുകൾ പുറത്തിറക്കി
ബഷീദിന കയ്യെഴുത്ത് മാഗസിനുകൾ
കയ്യെഴുത്ത് മാഗസിൻറെ കവർ ചിത്രം മനോഹരമായി തയ്യാറാക്കിയ ദാന അഷറഫ് & ആയിഷ അഫ്രീൻ
ബഷീർ ഓർമ്മദിനത്തിൽ അധ്യാപകർ ക്ലാസ് ലൈബ്രറിയിലേക്ക് ബഷീറിന്റെ കൃതികൾ കൈമാറി
ബഷീർ കഥാപാത്രങ്ങൾ

അലിഫ് ടാലന്റ് ടെസ്റ്റ് 2024 ജൂലൈ 13

പൊതു വിദ്യാലയങ്ങളിലെ അറബിക് അക്കാദമിക രംഗത്ത് വിദ്യാർത്ഥികളുടെ അറബി ഭാഷാ നൈപുണി വർധിപ്പിക്കുക മികവ് പുലർത്തുന്ന വിദ്യാർഥികൾക്ക് അംഗീകാരം നൽകി പ്രോൽസാഹിപ്പിക്കുക എന്ന ലക്ഷ്യത്തോടെ പൊതുവിദ്യാഭ്യാസ ഡയറക്ടറുടെ പ്രത്യേക ഉത്തരവിന്റെ അടിസ്ഥാനത്തിലാണ് അലിഫ് അറബിക് ടാലന്റ് ടെസ്റ്റ് നടത്തിവരുന്നത്.

നമ്മുടെ സ്കൂളിലെ വിദ്യാർഥികൾക്കും അലിഫ് ടാലന്റ് ടെസ്റ്റിൽ മികച്ച വിജയം നേടാനായി

സബ്ജില്ലാതല അലിഫ് അറബിക് ടാലൻ്റ് ടെസ്റ്റിൽ നമ്മുടെ മുഹമ്മദ് നാജിഹ് ( 8 A)3rd കരസ്ഥമാക്കിയിരിക്കുന്നു.
സബ്ജില്ലാതല അലിഫ് അറബിക് ടാലൻ്റ് ടെസ്റ്റിൽ നമ്മുടെ മുഹമ്മദ് നാജിഹ് ( 8 A)3rd കരസ്ഥമാക്കിയിരിക്കുന്നു.
അലിഫ് ടാലന്റ് ടെസ്റ്റ് എൽ പി വിഭാഗം

ശോഭീന്ദ്രം മഴയാത്ര 2024 ജൂലൈ 13

വാളാന്തോട്നിന്നാരംഭിച്ച യാത്ര കാനനപാതകളും വെള്ളച്ചാട്ടങ്ങളും പിന്നിട്ട് ഹിൽബറക്ക് സമീപം സമാപിച്ചു. മുൻവർഷങ്ങളിൽനിന്ന്‌ വ്യത്യസ്തമായി ആദ്യവസാനം മഴയിൽ കുതിർന്നായിരുന്നു യാത്ര. വിവിധ സ്കൂളിൽ നിന്നുമായി ആയിരക്കണക്കിന് വിദ്യാർത്ഥികളും പരിസ്ഥിതി പ്രവർത്തകരും ഈ യാത്രയിൽ ഉണ്ടായിരുന്നു.

നമ്മുടെ സ്കൂളിൽ നിന്നും നിരവധി കുട്ടികൾ ഈ യാത്രയിൽ പങ്കെടുത്തു.

ആദരവ് 2024 July 17

ഹൈസ്കൂളിലും ഹയർസെക്കൻഡറിയിലും മികച്ച വിജയം കൈവരിച്ച സ്കൂളുകൾക്കുള്ള ജില്ലാ പഞ്ചായത്തിന്റെ ഉപഹാരങ്ങൾ സ്കൂളിനു വേണ്ടി ഫൈസൽ മാസ്റ്റർ ഏറ്റുവാങ്ങുന്നു
കുറ്റ്യാടി നിയോജകമണ്ഡലം വിദ്യാഭ്യാസ പദ്ധതിയായ സ്മാർട്ട് കുറ്റിയാടിയുടെ വക എസ്എസ്എൽസി പരീക്ഷയിൽ സമ്പൂർണ്ണ വിജയം നേടിയ വിദ്യാലയത്തിനുള്ള ഉപഹാരം അനീസ ടീച്ചർ ഏറ്റുവാങ്ങുന്നു

സാഹിത്യ ക്വിസ് 2024 July 23

വായനവാരത്തോട് അനുബന്ധിച്ച് സ്കൂളിൽ വിവിധ തലങ്ങളിൽ സാഹിത്യ ക്വിസ് സംഘടിപ്പിച്ചു.

രക്ഷിതാക്കൾക്കുള്ള സാഹിത്യ ക്വിസ്
സാഹിത്യ ക്വിസ് എൽ പി തലം
സാഹിത്യ ക്വിസ് യൂ പി തലം
സാഹിത്യ ക്വിസ് ഹൈസ്കൂൾ തലം

ചാന്ദ്രദിനം 2024 July 23

മനുഷ്യൻ ആദ്യമായി ചന്ദ്രനിൽ കാലുകുത്തിയ ജൂലൈ 21 ചാന്ദ്രദിനവുമായി ആഘോഷിക്കുന്നു.ചാന്ദ്രദിനവുമായി ബന്ധപ്പെട്ട് സ്കൂളിൽ വിവിധ പരിപാടികൾ ഈ വർഷം നടത്തപ്പെട്ടു.

ചാന്ദ്രദിന ക്വിസ് മത്സരത്തിൽ ഒന്നാം സ്ഥാനം നേടിയ മിൻഹാ ഫാത്തിമക്ക് (8D)ഉപഹാരം നൽകുന്നു
ചാന്ദ്രദിന ക്വിസ് മത്സരത്തിൽ രണ്ടാം സ്ഥാനം നേടിയ ആഷ്മികക്ക് (8B) ഉപഹാരം നൽകുന്നു
ചാന്ദ്രദിന കൊളാഷ് മത്സരത്തിൽ ഒന്നാം സ്ഥാനം നേടിയ 8B
ചാന്ദ്രദിന കൊളാഷ് മത്സരത്തിൽ രണ്ടാം സ്ഥാനം നേടിയ 8D
ചാന്ദ്രദിന കൊളാഷ് മത്സരത്തിൽ രണ്ടാം സ്ഥാനം നേടിയ 8E
ചാന്ദ്രദിനവുമായി ബന്ധപ്പെട്ട് റോക്കറ്റ് മോഡൽ നിർമ്മിച്ച റിതൽ അശോകന് (8G) ഉപഹാരം നൽകുന്നു
ചാന്ദ്രദിനവുമായി ബന്ധപ്പെട്ട് റോക്കറ്റ് മോഡൽ നിർമ്മിച്ച വിദുദേവിന് (8G) ഉപഹാരം നൽകുന്നു
യൂപി വിഭാഗം
യൂപി വിഭാഗം

അനുമോദനം July 23

അമേരിക്കയിലെ പ്രശസ്തമായ ഒഹായോ സ്റ്റേറ്റ് യൂണിവേഴ്സിറ്റിയിലേക്ക് ഒന്നരക്കോടി രൂപയുടെ സമ്പൂർണ്ണ സ്കോളർഷിപ്പോടെ ഇന്റർഡിസിപ്ലിനറി ബയോ ഫിസിക്സ് പി എച്ച് ഡി പ്രോഗ്രാമിലേക്ക് തെരഞ്ഞെടുക്കപ്പെട്ട ആയഞ്ചേരി റഹ്മാനിയ ഹയർ സെക്കൻഡറി സ്കൂൾ പൂർവ്വ വിദ്യാർത്ഥിനി ശഹാന ശിറിനെ അനുമോദിച്ചു

എൽഇഡി ബൾബ് നിർമ്മാണ ശില്പശാല 2024 ആഗസ്റ്റ് 5

ആയഞ്ചേരി: ആയഞ്ചേരി റഹ്മാനിയ ഹയർസെക്കൻഡറി സ്കൂളിലെ സയൻസ് ക്ളബിന്റെ ആഭിമുഖ്യത്തിൽ എൽ.ഇ.ഡി ബൾബ് നിർമ്മാണം, റിപ്പയറിംഗ് എന്നിവയിൽ ശില്പശാല നടത്തി. എലൈറ്റ് ഇൻഡസ്ട്രീസ് മലപ്പുറം അംഗവും എൽഇഡി ട്രെയിനറുമായ സാബിർ പി ചടങ്ങിന് നേതൃത്വം നൽകി.എൽഇഡി ബൾബുകൾ കൂട്ടിച്ചേർക്കുന്നതിലും നന്നാക്കുന്നതിലും വിദ്യാർത്ഥികളെ പരിശീലിപ്പിക്കുകയും അതുവഴി ഊർജ്ജ കാര്യക്ഷമതയിൽ സ്വയം പര്യാപ്തരാകാൻ അവരെ സഹായിക്കുകയും ചെയ്യുക എന്നതായിരുന്നു പരിശീലനത്തിന്റെ ലക്ഷ്യം.

വിദ്യാർത്ഥികൾ ഇത് പരിശീലിച്ച് പഠിക്കുന്നതോടെ ഊർജ്ജ സംരക്ഷണത്തിലും സ്വയംതൊഴിലിലും പ്രാപ്തമാകും . പത്താംക്ലാസിലെ ഫിസിക്സ് പാഠപുസ്തകത്തിലെ ഒന്നാമത്തെ പാഠഭാഗത്തിലാണ് എൽ.ഇ.ഡി ബൾബ് നിർമ്മാണമുള്ളത്. ചടങ്ങിന് സ്കൂൾ പ്രധാനധ്യാപകൻ വി കെ കുഞ്ഞമ്മദ് മാസ്റ്റർ അധ്യക്ഷത വഹിച്ചു. ചടങ്ങിന് ആശംസകൾ അർപ്പിച്ചു കൊണ്ട് സലീന എം എം, ഫെബിൻ, ലസിന പി കെ, മുർഷിത എന്നിവർ സംസാരിച്ചു.

ലിറ്റിൽ കൈറ്റ്സ് പ്രിലിമിനറി ക്യാമ്പ് August 13

2024 - 2027 ബാച്ചിലെ ലിറ്റിൽ കൈറ്റ്സ് വിദ്യാർത്ഥികൾക്കുള്ള പ്രിലിമിനറി ക്യാമ്പ് ആഗസ്റ്റ് 13 ആം തീയതി ചൊവ്വാഴ്ച തോടന്നൂർ സബ്ജില്ല ലിറ്റിൽ കൈറ്റ്സ് കോഡിനേറ്റർ പ്രജീഷ് മാസ്റ്ററിന്റെ നേതൃത്വത്തിൽ നടത്തി.

ക്യാമ്പ് കുട്ടികൾക്ക് ഏറ്റവും ഉപകാരപ്രദമായിരുന്നു.ക്യാമ്പിനോട് അനുബന്ധിച്ച് രക്ഷിതാക്കൾക്കുള്ള പിടിഎ മീറ്റിങ്ങും നടത്തി.

ലിറ്റിൽ കൈറ്റ്സ് ക്യാമ്പുമായി ബന്ധപ്പെട്ട പാരൻസ് മീറ്റിംഗ് സ്കൂൾ പ്രധാനധ്യാപകൻ വി കെ കുഞ്ഞമ്മദ് മാസ്റ്റർ അഭിസംബോധന ചെയ്യുന്നു
പാരൻസ് മീറ്റിംഗ് പ്രതീഷ് മാസ്റ്റർ കൈകാര്യം ചെയ്യുന്നു

സ്വാതന്ത്ര്യ ദിനം 2024 ആഗസ്റ്റ് 15

ഈ വർഷത്തെ സ്വാതന്ത്രദിനം വിപുലമായി കൊണ്ടാടി. രാവിലെ 9 മണിക്ക് പതാക ഉയർത്തൽ സ്കൂൾ പ്രിൻസിപ്പൽ ഖമറുദ്ദീൻ മാസ്റ്റർ നടത്തി. ശേഷം സ്കൂൾ പ്രധാന അധ്യാപകൻ വി കെ കുഞ്ഞമ്മദ് മാസ്റ്റർ സ്വാതന്ത്ര്യ ദിന സന്ദേശം നൽകി. വിപുലമായ കലാപരിപാടികളുടെ സ്വാതന്ത്ര്യ ദിനം കൊണ്ടാടി.

പതാക ഉയർത്തൽ ചടങ്ങ് സ്കൂൾ പ്രിൻസിപ്പൽ കമറുദ്ദീൻ മാസ്റ്റർ നിർവഹിക്കുന്നു
കുട്ടികൾ ദേശഭക്തിഗാനം ആലപിക്കുന്നു
സ്വാതന്ത്ര്യദിന സന്ദേശം സ്കൂൾ പ്രധാന അധ്യാപകൻ വി കെ കുഞ്ഞമ്മദ് മാസ്റ്റർ നിർവഹിക്കുന്നു

തോടന്നൂർ സബ് ജില്ലാ ചെസ്റ്റ് ചാമ്പ്യൻഷിപ്പ് 2024 August 16

രാമായണ ക്വിസ് 2024 ആഗസ്റ്റ് 17

ഏകദിന ധനസമാഹരണം 2024 ആഗസ്റ്റ് 18

റഹ്മാനിയ ഹയർസെക്കൻഡറി സ്കൂൾ ആയഞ്ചേരിയിലെ സ്കൗട്ട് , ഗൈഡ് നേതൃത്വത്തിൽ വയനാട് ഉരുൾപൊട്ടൽ ദുരിതബാധിതരുടെ കണ്ണീരൊപ്പാൻ ധനസമാഹരണം നടത്തി

തോടന്നൂർ സബ്ജില്ലാ ടേബിൾ ടെന്നീസ് ചാമ്പ്യൻഷിപ്പ് 2024 ആഗസ്റ്റ് 19

തോടന്നൂർ സബ്ജില്ലാ സയൻസ് സെമിനാർ 2024 ആഗസ്റ്റ് 21

ശാസ്ത്രമേളയുടെ ഭാഗമായി തോടന്നൂർ സബ്ജില്ലാ സയൻസ് സെമിനാറിൽ ആർട്ടിഫിഷ്യൽ ഇന്റലിജൻസ് സാധ്യതകളും ആശങ്കകളും എന്ന വിഷയത്തിൽ ദിയാലക്ഷ്മിക്ക് സബ്ജില്ലാതലത്തിൽ ഒന്നാം സ്ഥാനം A ഗ്രേഡോട് കൂടി വിജയിക്കാനും ജില്ലാതലത്തിലേക്ക് മത്സരിക്കാനും യോഗ്യത കിട്ടി

ശാസ്ത്രമേളയുടെ ഭാഗമായി തോടന്നൂർ സബ്ജില്ലാ സയൻസ് സെമിനാറിൽ ആർട്ടിഫിഷ്യൽ ഇന്റലിജൻസ് സാധ്യതകളും ആശങ്കകളും എന്ന വിഷയത്തിൽ ദിയാലക്ഷ്മിക്ക് സബ്ജില്ലാതലത്തിൽ ഒന്നാം സ്ഥാനം A ഗ്രേഡോട് കൂടി വിജയിക്കാനും ജില്ലാതലത്തിലേക്ക് മത്സരിക്കാനും യോഗ്യത കിട്ടി