ജി.ഡബ്ല്യു.എൽ.പി. എസ് പുറത്തൂർ/എന്റെ ഗ്രാമം
പുറത്തൂർ
മലപ്പുറം ജില്ലയിലെ തിരൂർ താലൂക്കിലെ ഒരു മണൽ നിറഞ്ഞ തീരദേശഗ്രാമവും ഒരു ഗ്രാമപഞ്ചായത്തുമാണ് പുറത്തൂർ . ഇവിടെ ഉള്ളവർ കുടുതലും മൽസ്യ തൊഴിലാളികൾ ആണ്.
ഭൂമിശാസ്‌ത്രം
പുറത്തൂർ ഗ്രാമപഞ്ചായത്ത് ജലാശയങ്ങളാൽ ചുറ്റപ്പെട്ടതാണ്. പടിഞ്ഞാറ് അറബിക്കടലും തെക്ക് കിഴക്കും തെക്കും ഭാരതപ്പുഴയുമാണ് ഇതിൻ്റെ അതിരുകൾ . വടക്ക് മംഗലം ഗ്രാമപഞ്ചായത്തും കിഴക്ക് തൃപ്രങ്ങോട് ഗ്രാമപഞ്ചായത്തും അതിരുകളുള്ളതാണ് .
പ്രധാന പൊതു സ്ഥാപനങ്ങൾ
- കമ്മ്യുണിറ്റി ഹെൽത്ത് സെന്റർ, പുറത്തൂർ
- വില്ലേജ് ഓഫീസ്,പുറത്തൂർ
ആരാധനാലയങ്ങൾ
ഈ ഗ്രാമത്തിലെ പ്രധാന ഹൈന്ദവ ആരാധനാലയമാണ് പുറത്തൂർ ഭയങ്കാവ് ക്ഷേത്രം.എഴുന്നൂറ് വർഷങ്ങൾക്കു മുമ്പ് വെട്ടത്തു രാജാക്കൻമാർ നിർമ്മിച്ചതാണ് ഈ ക്ഷേത്രം. ഈ ക്ഷേത്രത്തിൽ എല്ലാ വർഷവും മൂന്ന് ഉത്സവങ്ങൾ നടക്കാറുണ്ട്. ജാതി-മതഭേദമന്യേ എല്ലാ ഗ്രാമവാസികളും ഈ ഉത്സവങ്ങളിൽ പങ്കെടുക്കുന്നു. ക്ഷേത്രത്തിനടുത്തായി ചില മുസ്ലീം പള്ളികളുമുണ്ട്. ഈ പ്രദേശത്തെ മതസൗഹാർദ്ദമാണ് ഇതു സൂചിപ്പിക്കുന്നത്.
ശ്രദ്ധേയരായ വ്യക്തികൾ
'ആധുനിക മലയാള ഭാഷയുടെ പിതാവ്' എന്നറിയപ്പെടുന്ന തുഞ്ചത്തെഴുത്തച്ഛന്റെ ജന്മനാടായ തിരൂരിൽ നിന്ന് 12 കിലോമീറ്റർ അകലെയാണ് പുറത്തൂർ ഗ്രാമം. മഹാകവി വള്ളത്തോളിന്റെയും കുറ്റിപ്പുറത്ത് കേശവൻ നായരുടെയും ജന്മസ്ഥലമായ ചേന്നര എന്ന ഗ്രാമവും പുറത്തൂരിനു സമീപമാണ് സ്ഥിതിചെയ്യുന്നത്.
- GHSS Purathur
- GUPS Purathur
- GWLPS Purathur
