ഗവൺമെന്റ് യു പി എസ്സ് മഞ്ചവിളാകം/ക്ലബ്ബുകൾ

ക്ളബുകൾ

സയൻസ് ക്ളബ്

കുഞ്ഞുങ്ങളിൽ ശാസ്ത്രാഭിരുചി വളർത്തുന്നതിനും ശാസ്ത്ര കൗതുകം വളർത്തുന്നതിനും സഹായകമായ രീതിയിൽ പ്രവർത്തിക്കുന്ന ക്ളബ്ബാണ് ശാസ്ത്ര ക്ളബ്ബ് . സയൻസ് ക്ളബിനായി എല്ലാ ക്ളാസ്സിൽ നിന്നും നിശ്ചിത എണ്ണം കുട്ടികളെ തെരഞ്ഞെടുക്കുന്നു . Whatsapp ഗ്രൂപ്പുകൾ ക്രമീകരിച്ചാണ് ഈ വർഷം പ്രവർത്തനങ്ങൾ നല്കിയത് . എല്ലാ ദിവസവും ശാസ്ത്രക്വിസ്സ് , ശാസ്ത്രഞ്ജമാരെ കുറിച്ചുള്ള വിവരണങ്ങൾ , എന്നിവ നല്കുന്നു . പരീക്ഷണങ്ങൾ , ദിനാചരണ പ്രവർത്തനങ്ങൾ എന്നിവയും നല്കുന്നു . പ്രധാനമായും ഒക്ടോബർ മാസം സയൻസ് ക്ളബാണ് പ്രവർത്തനങ്ങൾക്ക് നേതൃത്വം വഹിച്ചത് . ഒക്ടോബർ മാസത്തെ ദിനാചരണങ്ങൾ സയൻസ് ക്ളബ് നേതൃത്വം നല്കി . Burning Stars എന്ന പേരിൽ മെഗാ ശാസ്ത്രക്വിസ്സ് നടത്തി . കൃത്രിമ ഉപഗ്രഹ മോഡൽ നിർമ്മാണം , ISRO യിലെ ശാസ്ത്രഞ്ജൻ നല്കിയ വിജ്ഞാന പ്രദമായ ക്ളാസ്സ് , ലൂണാർ കാഴ്ചകളുമായി ബന്ധപ്പെട്ട പതിപ്പ് , ആഹാരവും ആരോഗ്യവും എന്നിവയുമായി ബന്ധപ്പെട്ട ക്ളാസ്സ് , രക്ഷിതാക്കൾക്കുള്ള പാചക മത്സരം എന്നിവ നടത്തി . നവംബർ അഞ്ചാം തിയതി മികവുകളുടെ അവതരണ വേദിയായ മെരിറ്റ് ഡേയും നടത്തി . ണ സ്കിറ്റുകൾ , കോറിയോഗഗ്രാഫി ,ആക്ഷൻ സോങ് , ശാസ്ത്രകഥകൾ , പാചകം , മൈം ഷോ എന്നിവ നടത്തി .

സയൻസ് ക്ളബ്ബ് മെരിറ്റ് ഡേ

ഗണിത ക്ളബ്

ഗണിത പഠനം എളുപ്പമാക്കുക എന്ന ലക്ഷ്യത്തോടെ സ്ക്കൂളിൽ നടത്തുന്ന ക്ളബ്ബാണ് ഗണിത ക്ലബ്ബ് . ഗണിതാശയങ്ങൾ എളുപ്പമായും ഫലപ്രദമായും രസകരമായും അവതരിപ്പിക്കാൻ ഗണിത ക്ളബ്ബിലൂടെ സാധിക്കുന്നു . ഗണിതക്ളബിനായി എല്ലാ ക്ളാസ്സിൽ നിന്നും നിശ്ചിത എണ്ണം കുട്ടികളെ തെരഞ്ഞെടുക്കുന്നു . Whatsapp ഗ്രൂപ്പുകൾ ക്രമീകരിച്ചാണ് ഈ വർഷം പ്രവർത്തനങ്ങൾ നല്കിയത് . ഡിസംബർ മാസത്തെ പ്രവർത്തനങ്ങളാണ് ഗണിത ക്ളബ്ബിൻറെ നേതൃത്വത്തിൽ നടന്നത് . ഊർജ്ജസംരക്ഷണ ദിനവുമായി ബന്ധപ്പെട്ട് ഡിസംബർ മാസം ഒന്നാം തിയതി മുതൽ മുപ്പത്തി ഒന്നാം തിയതി വരെ നീണ്ടു നിന്ന കരുതാം നാളേക്കായ് എന്ന പേരിൽ ഒരു പ്രാജക്ട് നല്കി . ഇതിലൂടെ വൈദ്യുതി പാഴാക്കാതെ ഉപയോഗിക്കുന്നതിനുള്ള ചിന്താഗതി വളർത്തിയെടുക്കാനൻ സാധിച്ചു .

ഹെൽത്ത് ക്ളബ്

ഹരിത ക്ളബ്

ഗാന്ധി ദർശൻ ക്ളബ്ബ്

ഗാന്ധിയൻ ആദർശങ്ങൾ കുഞ്ഞുങ്ങളിൽ വളർത്തുന്നതിന് സഹായകമായ രീതിയിൽ സ്കൂളിൽ പ്രവർത്തിക്കുന്ന ക്ലബ്ബാണ് ഗാന്ധിദർശൻ ക്ലബ് . ഈ ക്ലബിലൂടെ സ്വദേശി ഉത്പന്നങ്ങളുടെ നിർമ്മാണവും അവയുടെ പരിശീലനവും നൽകിവരുന്നു . സത്യം , ധർമ്മം , നീതി , അഹിംസാ എന്നിവയിൽ ആകൃഷ്ടമായി ധർമത്തിൻറെ പാത പിന്തുടരുന്നതിന് കുഞ്ഞുങ്ങളെ പ്രബോധിപ്പിക്കുന്ന ഒരു ക്ലബ്ബ് ആണ് ഗാന്ധിദർശൻ ക്ലബ്ബ് . പ്രത്യേകിച്ച് ജനുവരി മാസം ഗാന്ധിദർശൻ പ്രവർത്തനങ്ങൾക്കായി നീക്കിവെക്കുകയും ഗാന്ധിജിയുടെ ജീവിതവുമായി ബന്ധപ്പെട്ട ധാരാളം പ്രവർത്തനങ്ങൾ കുഞ്ഞുങ്ങൾക്ക് നൽകി വരികയും ചെയ്യുന്നു .

വിദ്യാരംഗം കലാ സാഹിത്യ വേദി

കുഞ്ഞങ്ങളിൽ അന്തർലീനമായിരിക്കുന്ന സർഗ്ഗാത്മ കഴിവുകൾ പരിപോഷിപ്പിക്കുന്നതിനും അവരുടെ കഴിവുകൾ പ്രദർശിപ്പിക്കുന്നതിനും സഹായകരമായ രീതിയിൽവിദ്യാലയത്തിൽ പ്രവർത്തിക്കുന്ന ക്ളബ്ബ് ആണ് വിദ്യാരംഗം കലാ സാഹിത്യ വേദി . ഒരു മാസക്കാലം നീണ്ടു നിൽക്കുന്ന ക്ളബ്ബ് പ്രവർത്തനങ്ങൾ കുട്ടികൾക്ക് സാഹിത്യാഭിരുചി പകർന്നു നല്കുന്നവയാണ് . ഒരു മാസക്കാലം നീണ്ടു നില്ക്കുന്ന വിദ്യാരംഗം ക്ളബ്ബ് പ്രവർത്തനങ്ങളുടെ സമാപ്തി മെരിറ്റ് ഡേയിലൂടെ കാണികളുടെ മുന്നിൽ അവതരിപ്പിക്കുന്നതിന് സാധിക്കുന്നു .

വിദ്യാരംഗം മെരിറ്റ് ഡേ

വിദ്യാരംഗം കലാ സാഹിത്യ വേദി ഉത്ഘാടനം

വിദ്യാരംഗം മെരിറ്റ് ഡേ ദ്യശ്യാവിഷ്ക്കാരം

പുസ്തക തീവണ്ടി

മുൻ വർഷത്തിലെ പുസ്തകപ്പുര പ്രവർത്തനങ്ങളുടെ തുടർച്ചയെന്നോണം നടത്തപ്പെട്ട പ്രവർത്തമാണ് പുസ്തക തീവണ്ടി . വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ നടത്തപ്പെട്ട സെമിനാറുകളുടെ തുടർച്ചയായി കുട്ടികളുടെ സൃഷ്ടികൾ ഉൾപ്പെടുത്തി അവർ തയ്യാറാക്കുന്ന കുട്ടി പുസ്തകമാണ് തീവണ്ടിയിൽ ഉൾക്കൊള്ളിക്കുന്നത്

പുസ്തക തീവണ്ടി വിവരണം

പുസ്തക തീവണ്ടി പ്രകാശനം