ഗവൺമെന്റ് വി. എച്ച്. എസ്. എസ്. വീരണകാവ്/പ്രവർത്തനങ്ങൾ/2021-2022
2022- മികവുകൾ
ശലഭോദ്യാനം - ജില്ലാതലഉദ്ഘാടനം രക്ഷ - പെൺകുട്ടികൾക്ക് സ്വയം പ്രതിരോധം ശാസ്ത്രകൗതുകം
അമ്മ മലയാളം
സ്നേഹസഞ്ജീവനി മെഡിക്കൽ ക്യാമ്പ് വെബിനാർ പ്രകൃതിയെ അറിയാം
പരിസ്ഥിതിയോടൊപ്പം പഠനവിടവും പരിഹാരവുംചിത്രശാല
മറ്റ് പ്രവർത്തനങ്ങൾ
പ്രവേശനോത്സവം
2021 ജൂൺ 1 ന് രാവിലെ പത്ത് മണിക്കായിരുന്നു പ്രവേശനോത്സവം.കൊവിഡിന്റെ കാലഘട്ടത്തിൽ നിന്നും അതിജീവനത്തിന്റെ പാതയിലേയ്ക്കുള്ള ചുവട് വയ്പ്പായിരുന്നു എല്ലാവർക്കും ഈ വർഷത്തെ പ്രവേശനോത്സവം.ഓൺലൈൻ പ്ലാറ്റ്ഫോമിലൂടെ ബഹുമാനപ്പെട്ട മുഖ്യമന്ത്രി കൊച്ചുകൂട്ടുകാരെ അറിവിന്റെ ലോകത്തേയ്ക്ക് ക്ഷണിച്ചു.അദ്ദേഹത്തിന്റെ ഊർജ്ജസ്വലമായ വാക്കുകളുടെ കരുത്തുൾക്കൊണ്ടുകൊണ്ട് സ്കൂളുകളിൽ തത്സമയം പ്രവേശനോത്സവം നടത്തി.യൂട്യൂബ് ലൈവിലൂടെ മുഖ്യമന്ത്രിയുടെ സന്ദേശവും തുടർന്ന് സ്കൂൾ തല സന്ദേശവും നൽകി.കലാപരിപാടികളും ആശംസകളും എല്ലാവരും അർപ്പിച്ചു.അന്നത്തെ എച്ച്.എം ശ്രീ.ദാമോദരൻ പള്ളത്ത് സാർ കുട്ടികൾക്ക് എല്ലാവിധമായ നന്മകളും നേരുകയും എത്രയും വേഗം ഓഫ്ലൈൻ ക്ലാസുകളിലൂടെ കാണാമെന്ന പ്രത്യാശ പകരുകയും ചെയ്തു.
മികവുത്സവം
കുട്ടികളിലെ മികവുകൾ കണ്ടെത്തി അത് പ്രകടിപ്പിക്കാനും ആത്മവിശ്വാസമുള്ളവരാക്കി അവരെ മാറ്റിയെടുക്കാനും ഗ്രാമീണമേഖലയിലെ സാധാരണക്കാരന്റെ മക്കളായ തങ്ങൾക്ക് സർക്കാർ വളരുവാനുള്ള അവസരം തന്നിരിക്കുന്നത് പ്രയോജനപ്പെടുത്താനും സാധിക്കുന്ന തരത്തിൽ മികവുത്സവം ബി.ആർ.സിയുടെ നിർദ്ദേശപ്രകാരം നടപ്പിലാക്കി.
സ്ഥലം -പട്ടകുളം ജംഗ്ഷൻ
തീയതി -
പരിപാടികൾ
പ്രീപ്രൈമറി,എൽ.പി,യു.പി,ഹൈസ്കൂൾ,വി.എച്ച്.എസ്.ഇ വിഭാഗം കുട്ടികളെ ഉൾപ്പെടുത്തിയാണ് പ്രോഗ്രാം തയ്യാറാക്കിയത്.കൺവീനർ സുരേഷ് സാറിന്റെ നേതൃത്വത്തിൽ എല്ലാ അധ്യാപകരും ചേർന്നാണ് പരിപാടി ആസൂത്രണം ചെയ്ത് നടപ്പിലാക്കിയത്.പ്രീപ്രൈമറി,എൽ.പി വിഭാഗത്തിലെ പങ്കാളിത്തം എടുത്തുപറയത്തക്കതാണ്.അന്നത്തെ പി.ടി.എ പ്രസിഡന്റ് ശ്രീ.ബാലകൃഷ്ണൻ പിരപാടികൾക്ക് നേതൃത്വം വഹിച്ചു.നൃത്തം,പാട്ട്,നാടകം,പ്രസംഗം മുതലായവ അവതരിപ്പിക്കപ്പെടുകയുണ്ടായി.
ഗുണങ്ങൾ
മികവുത്സവം നാട്ടുകാരിൽ സ്കൂളിനെ കുറിച്ച് മതിപ്പുളവാക്കാൻ സഹായിച്ചു.
അഡ്മിഷൻ വർധിക്കാൻ ഇത് ഉപകരിച്ചു.
കുട്ടികളിൽ ആത്മവിശ്വാസം വളർന്നു.
താലോലം
പ്രീപ്രൈമറി കുഞ്ഞുങ്ങൾക്കായി സ്കൂളുകളിൽ നടപ്പിലാക്കിയ പദ്ധതിയാണ് താലോലം.കൂടുതലറിയാനായി ക്ലിക്ക് ചെയ്യുക.
വീടൊരു വിദ്യാലയം
സ്കൂളുകളിൽ ലഭിക്കുന്ന പഠനപ്രക്രിയകളും നേടേണ്ട പഠനനേട്ടങ്ങളും കൈവരിക്കാൻ ഓൺലൈൻ പഠനത്തിന്റെ കേന്ദ്രമായ വീടുകൾ മറ്റൊരു വിദ്യാലയമായി ഗൃഹാന്തരീക്ഷം പഠനനേട്ടങ്ങൾ കൈവരിക്കാനുതകുന്ന തരത്തിൽ മാറ്റാനും കൊവിഡ് പ്രതിസന്ധിക്കിടയിലും കുഞ്ഞുങ്ങളുടെ ഓൺലൈൻപഠനമികവുകൾ കണ്ടെത്തി പ്രോത്സാഹിപ്പിക്കാനും അവരെ അതിജീവനത്തിന്റെ പുതിയ പാഠങ്ങൾ അഭ്യസിപ്പിക്കാനും നഷ്ടപ്പെട്ടുപ്പോയ സ്കൂളന്തരീക്ഷം വീടുകളിൽ പുനഃസ്ഥാപിക്കാനും വീടുകളെ രക്ഷകർത്താക്കളുടെ സഹായത്തോടെ സൗഹൃദപൂർണമായ ഒരു സ്കൂളന്തരീക്ഷമാക്കി മാറ്റാനും പൊതുവിദ്യാഭ്യാസവകുപ്പിന്റെ നേതൃത്വത്തിൽ സമഗ്രശിക്ഷാകേരളം നടപ്പിലാക്കിയ വീടൊരു വിദ്യാലയം പ്രോജക്ട് വീരണകാവ് സ്കൂളിലും നടപ്പിലാക്കി.
വാർഡ്തല ഉദ്ഘാടനം 27/08/2021
യു.പി.വിഭാഗം- സ്നേഹ,വീരണകാവ്
വീടൊരു വിദ്യാലയം പദ്ധതിയുടെ വാർഡ്തല ഉദ്ഘാടനം ആനാകോട് വാർഡ് മെമ്പർ ശ്രീ.ജിജിത്ത്.ആർ.നായർ അധ്യാപകരുടെ സാന്നിധ്യത്തിൽ സ്കൂളിലെ അഞ്ചാം ക്ലാസ് വിദ്യാർത്ഥിനിയായ സ്നേഹയുടെ വീട്ടിൽ വച്ച് ഉദ്ഘാടനം ചെയ്തു.പൂവച്ചൽ പഞ്ചായത്തിലാണ് ഈ വീട്.ശ്രീ.സുരേേഷ്കുമാർ സാർ സന്ദേശം നൽകി.വീട് അതിമനോഹരമായി വിദ്യാലയാന്തരീക്ഷം പോലെ കാത്തുസൂക്ഷിക്കുന്നതിനും കുട്ടികൾക്ക് പഠനാന്തരീക്ഷം ഒരുക്കിനൽകിയിരിക്കുന്നതിനും അധ്യാപകർ സ്നേഹയേയും കുടുംബത്തെയും അഭിനന്ദിച്ചു.
എൽ പി വിഭാഗം - പ്രണയ പ്രദീപ്,ചെരിഞ്ഞാംകോണം,മൈലക്കര,മൈലക്കര.പി.ഒ.
എൽ.പി വിഭാഗത്തിന്റെ വീടൊരു വിദ്യാലയം ഉദ്ഘാടനം നടന്നത് കള്ളിക്കാട് പഞ്ചായത്തിലെ മൈലക്കരവാർഡിലെ പ്രദീപിന്റെ വീട്ടിലാണ് .പ്രദീപിന്റെ രണ്ടു മക്കളും വീരണകാവ് സ്കൂളിലെ മിടുക്കരായ വിദ്യാർത്ഥികളാണ്.ഇളയ കുട്ടി പ്രണയ പ്രദീപാണ് എൽ പി വിഭാഗത്തെ പ്രതിനിധാനം ചെയ്തത്.ശ്രീമതി.സന്ധ്യ ടീച്ചറും ശ്രീ.ജോർജ്ജും ശ്രീമതി.ശ്രീജയും ശ്രീമതി ദീപയും മറ്റ് അധ്യാപകരും വിളക്ക് തിരിതെളിച്ച് പദ്ധതി ഉദ്ഘാടനം ചെയ്തു.വീടും പരിസരവും അധ്യാപകർ നോക്കികണ്ടു.വിദ്യാലയത്തിലെ ക്ലാസ് മുറിയ്ക്ക് സമാനമായ പഠനമുറിയും പരിസരത്തെ ജൈവകൃഷിയും പൂകൃഷിയും എല്ലാവരെയും ഹഠാദാകർച്ചു.
-
സ്കൂൾതല ഉദ്ഘാടനം - യു.പി -സ്നേഹയുടെ വീട്ടിൽ
-
സ്കൂൾതല ഉദ്ഘാടനം -എൽ.പി - പ്രണയപ്രദീപിന്റെ വീട്ടിൽ
സുരീലി ഹിന്ദി
- സുരീലി ഹിന്ദിയുടെ പഞ്ചായത്ത്തല ഉദ്ഘാടനം നടന്നത് ഈ സ്കൂളിൽ വച്ചാണ്.
- 18/12/2021 ശനിയാഴ്ച രാവിലെ 11 മണിയ്ക്കായിരുന്നു ഉദ്ഘാടനം
- ബഹുമാനപ്പെട്ട ഹെഡ്മിസ്ട്രസ് സന്ധ്യ ടീച്ചറിന്റെ സ്വാഗതത്തോടെ ആരംഭിച്ച കാര്യപരിപാടികളിൽ അധ്യക്ഷസ്ഥാനം വഹിച്ചത് ബഹു.പി.ടി.എ പ്രസിഡന്റ് അഡ്വ.ശിവകുമാറും ഉദ്ഘാടനം നടത്തിയത് ജില്ലാ പഞ്ചായത്ത് അംഗം ശ്രീമതി.രാധിക ടീച്ചറുമാണ്.
- രാധികടീച്ചർ ലളിതവും മനോഹരവും രസകരവുമായി ഹിന്ദിയിൽ കുട്ടികളുമായി സംവദിച്ചത് കൗതുകകരമായി.
- വിഷയാവതരണം നടത്തി പ്രസാദ് സാർ കാര്യപരിപാടികളിലേയ്ക്ക് കടന്നു.ഹൈസ്കൂൾ ഹിന്ദി അധ്യാപിക രേഖടീച്ചർ പരിപാടി നയിച്ചു.
- പ്രൈമറി മുതൽ വി.എച്ച്.എസ്.സി വരെയുള്ള കുട്ടികളുടെ പങ്കാളിത്തം കൊണ്ട് പരിപാടി ശ്രദ്ധേയമായി.
ഹലോ ഇംഗ്ലീഷ്
- 06/01/2022 ന് 10 മണിയ്ക്കാണ് ഹലോ ഇംഗ്ലീഷ് പ്രോഗ്രാം ആരംഭിച്ചത്.
- ഇംഗ്ലീഷ് ക്ലബ് സെക്രട്ടറി അനുഷ പി വൈ യുടെ സ്വാഗതത്തോടെ ആരംഭിച്ച പരിപാടിയിൽ അഡ്വ.ശിവകുമാർ അധ്യക്ഷനും ശ്രീ.ജിജിത്ത.ആർ.നായർ ഉദ്ഘാടകനുമായിരുന്നു.
- സ്പോക്കൺ ഇംഗ്ലീഷ് ട്രെയിനർ ആയ ശ്രീ.ഗോപിനാഥൻ പ്രധാന അതിഥിയായിരുന്നു.
- സന്ധ്യടീച്ചർ,സൂസൻ വിൽഫ്രഡ് ടീച്ചർ തുടങ്ങിയവർ ആശംസകളർപ്പിച്ചു.
- ക്ലബ് പ്രസിഡന്റ് ദയാനന്ദ് നന്ദി പറഞ്ഞു.
- എല്ലാ വിഭാഗം കുട്ടികളുടെയും പങ്കാളിത്തം ഹലോ ഇംഗ്ലീഷ് പ്രോഗ്രാമിന് പൊൻതൂവലായി.
ആസാദീ കാ അമൃത്മഹോത്സവ്
- സ്വാതന്ത്ര്യത്തിന്റെ അമൃതമഹോത്സവവുമായി ബന്ധപ്പെട്ടുള്ള പരിപാടികൾ സ്കൂളിൽ ബഹു.സന്ധ്യടീച്ചറിന്റെ നേതൃത്വത്തിൽ ചെയ്തു വരുന്നു.
- ആദ്യമായി കുട്ടികളെല്ലാം സ്വാതന്ത്ര്യത്തിന്റെ അമൃതദീപം തെളിച്ചു.സ്കൂൾ യൂട്യൂബ് ചാനലിൽ അതിന്റെ വീഡിയോ ലഭ്യമാണ്.
- പ്രാദേശികചരിത്രരചന കുട്ടികൾ പൂർത്തിയാക്കി.അതിൽ തിരഞ്ഞെടുക്കപ്പെട്ടവർ സംഗീത(ഹൈസ്കൂൾ വിഭാഗം),സനിക(യു പി വിഭാഗം)
- ഇവർക്ക് ബി.ആർ.സി തലത്തിലും ഉപജില്ലാതലത്തിലും ജില്ലാതലത്തിലും സെലക്ഷൻ ലഭിക്കുകയുണ്ടായി.
- പരിശീലനം നൽകിയത് സോഷ്യൽ സയൻസ് ക്ലബ് ആണ്.വേണ്ട സഹായങ്ങൾ നൽകിയത് ബഹു.ഹെഡ്മിസ്ട്രസ് ശ്രീമതി.സന്ധ്യടീച്ചറാണ്.
- ശ്രീനാരായണഗുരുവിന്റെ അരുവിപ്പുറം പ്രതിഷ്ഠയുമായി ബന്ധപ്പെട്ട് ജില്ലാതലക്വിസിൽ എല്ലാ കുട്ടികളും പങ്കെടുത്തു.
- സൂക്തങ്ങളുടെ ആലാപനത്തിൽ അനുഷ പി വൈയും ക്വിസിൽ ഗോപികയും ദേവികയും പ്രസംഗത്തിൽ ശബരിനാഥും വിജയിച്ചു.
സ്കോളർഷിപ്പുകൾ
അനുഷ.പി.വൈ - എൻ.എം.എംഎസ് സ്കോളർഷിപ്പ്
- എൽ.പി വിഭാഗത്തിൽ ദിനാചരണങ്ങളുടെ ഭാഗമായി ഓൺലൈൻ ക്വിസ് മത്സരങ്ങൾ നടത്തി ഇ-സർട്ടിഫിക്കറ്റ് നൽകുന്നത് സ്കോളർഷിപ്പുകളുടെ കൂടെ ഒരുക്കത്തിന്റെ ഭാഗമായാണ്.
- എൽ.എസ്.എസ് സ്കോളർഷിപ്പുകൾക്കായി പ്രൈമറി അധ്യാപകരുടെ നേതൃത്വത്തിൽ പരിമിതമായ സമയത്തിനുള്ളിൽ നിന്നുകൊണ്ട് പരിശീലനം നൽകി വരുന്നു.
- യു.പി തലത്തിലും യു.എസ്.എസ് സ്കോളർഷിപ്പിനുള്ള പരിശീലനം ക്വിസിലൂടെയും മറ്റും നൽകിവരുന്നു.ദേവനന്ദ എ പി 2018-2019 ൽ സ്കോളർഷിപ്പിന് അർഹയായി.അഭിനന്ദനങ്ങൾ.
- ഹൈസ്കൂൾ തലത്തിൽ എൻ.എം.എം എസ് സ്കോളർഷിപ്പിനുള്ള പരിശീലനവും എൻ.ടി.എസ്.ഇ സ്കോളർഷിപ്പിനുള്ള പരിശീലനവും നൽകി വരുന്നു.സമയപരിമിതി കാരണം പലപ്പോഴും ഇത് പൂർത്തിയാക്കാൻ സാധിക്കാറില്ല.
- 2020-2021 ൽ അനുഷ പി വൈയ്ക്ക് എൻ.എം.എം എസ് സ്കോളർഷിപ്പ് ലഭിച്ചു.അഭിനന്ദനങ്ങൾ.
സർഗവേദി
- കുഞ്ഞുങ്ങളിൽ അന്തർലീനമായ സർഗവാസനകൾ പരിപോഷിപ്പിക്കാനായി തുടങ്ങിയ പ്രവർത്തനമാണിത്.
- ഇപ്പോൾ ഈ പ്രവർത്തനം കൊവിഡ്കാല അതിജീവനത്തിന്റെ ഉത്തമോദാഹരണമായി നിലനിൽക്കുന്നു.
- കുട്ടികളിലും കുടുംബങ്ങളിലുമുണ്ടായ മാനസികപിരിമുറുക്കം ഇല്ലാതാക്കാൻ ഒരു പരിധിവരെ സാധിച്ചു.
സർഗവേദി പ്രവർത്തനങ്ങൾ കാണാനായി ക്ലിക്ക് ചെയ്യുക
വീടൊരു ലൈബ്രറി
സ്വകാര്യമായി പുസ്തകങ്ങൾ ശേഖരിച്ചു വച്ചിരിക്കുന്ന വായനശാലകളാണ് ഗൃഹഗ്രന്ഥശാല. മരണശേഷം പല പ്രമുഖരുടേയും ഗൃഹഗ്രന്ഥശാല പ്രത്യേക ഗ്രന്ഥശാലകളാവുകയോ മറ്റു ഗ്രന്ഥശാലകളിലേയ്ക്കു ചേർക്കുകയോ ചെയ്തേക്കാം. വളരെ വിലപ്പെട്ട അപൂർവ ഗ്രന്ഥങ്ങൾ ഇത്തരം വായന ശാലയിൽ നിന്നും ലഭിച്ചിട്ടുണ്ട്. കേരളത്തിൽ പ്രത്യേകിച്ചും സാധാരണക്കാർക്കിടയിൽ അനേകം ഇത്തരം ഗ്രന്ഥശാലകൾ നിലവിലുണ്ട്. പല പ്രസാധകരും ഗൃഹഗ്രന്ഥശാലകളെ പ്രോത്സാഹിപ്പിക്കാനായി പല പദ്ധതികളും ആവിഷ്കരിച്ചിട്ടുണ്ട്.
കൂടുതൽ വിവരങ്ങൾക്കായി ക്ലിക്ക് ചെയ്യുക
പോഷൻ അസംബ്ലി
നാഷണൽ ന്യൂട്രീഷ്യൻ മിഷന്റെ ഭാഗമായി ഓൺലൈൻ പോഷൻ അസംബ്ലി 2021 സെപ്റ്റംബറിൽ നടത്തി.സ്വാഗതഗാനത്തോടെ ആരംഭിച്ച അസംബ്ലിയിൽ സ്വാഗതത്തിനു ശേഷം പ്രതിജ്ഞ ചൊല്ലി.ബഹു.എച്ച്.എം.ശ്രീമതി.സന്ധ്യ സിയും പി.ടി.എ പ്രസിഡന്റ് ശ്രീ.ജോർജ്ജും ആശംസകളർപ്പിച്ചു.വീരണകാവ് ഹെൽത്ത് സെന്ററിലെ സിസ്റ്റർ ന്യൂട്രീഷ്യനുമായി ബന്ധപ്പെട്ട ആശയങ്ങൾ കുട്ടികളിലെത്തിക്കുകയും സംശയനിവാരണം നടത്തുകയും ചെയ്തു.
അതിജീവനം
- കൊവിഡ്കാലം കുട്ടികൾക്കും കുടുംബങ്ങൾക്കും നൽകിയ ജീവിതവെല്ലുവിളികളെ തിരിച്ചറിഞ്ഞുകൊണ്ട് വിദ്യാഭ്യാസവകുപ്പ് നടപ്പിലാക്കിയ അതിജീവനം പദ്ധതിയുടെ സ്കൂൾതല പരിശീലനം നടന്നത് ജനുവരി 2022 നാണ്.
- 13/12/2022 ൽ പൂവച്ചൽ സ്കൂളിൽ വച്ച് ലഭിച്ച പരിശീലനത്തിലെ മൊഡ്യൂൾ ഉപയോഗിച്ചാണ് ക്ലാസുകൾ കൈകാര്യം ചെയ്തത്.
- ഹെഡ്മിസ്ട്രസ് ശ്രീമതി.സന്ധ്യടീച്ചർ അധ്യക്ഷയായിരുന്ന മീറ്റിംഗിന്റെ ഉദ്ഘാടനം പി.ടി.എ പ്രസിഡന്റ് അഡ്വ.ശിവകുമാർ നിർവഹിച്ചു.
- ക്ലാസുകൾ കൈകാര്യം ചെയ്തത് ശ്രീ.സുരേഷ്കുമാർ സാറും ശ്രീ.ജോർജ്ജ് വിൽസൻ സാറുമായിരുന്നു.
- പഞ്ചായത്ത് പ്രസിഡന്റ് അതിജീവനത്തിന്റെ സന്ദേശം പങ്കുവച്ചു.
സത്യമേവ ജയതേ
- ഇന്നിന്റെ മാറ്റങ്ങൾ തിരിച്ചറിഞ്ഞുകൊണ്ട് വിദ്യാഭ്യാസവകുപ്പ് തയ്യാറാക്കിയ പദ്ധതിയാണ് സത്യമേവ ജയതേ.
- ഇന്റർനെറ്റിന്റെ ലോകത്ത് കുട്ടികൾക്കുണ്ടാകാവുന്ന തെറ്റിധാരണകൾ തിരിച്ചറിയാനും ശരി തിരിച്ചറിഞ്ഞുകൊണ്ട് അതിനെ സംരക്ഷിക്കാനും കുട്ടികളെ പ്രാപ്തരാക്കുകയെന്നതാണ് ലക്ഷ്യം.
- ഫിൽറ്റർ ബബിളുകളെ കുറിച്ചും വിവരസാക്ഷരതയെ കുറിച്ചും കുട്ടികളെ ക്ലാസ് ടീച്ചേഴ്സിന്റെ നേതൃത്വത്തിൽ പരിചയപ്പെടുത്തി.
- അധ്യാപകർക്ക് പരിശീലനം നൽകിയത് എസ്.ഐ.റ്റി.സി യായ ലിസിടീച്ചറും ഹൈടെൿസംവിധാനങ്ങൾ തയ്യാറാക്കി അധ്യാപകരെ സഹായിച്ചത് ലിറ്റിൽ കൈറ്റ്സ് അംഗങ്ങളുമാണ്.
- 5/01/2022 ൽ സ്കൂൾതല അധ്യാപകപരിശീലനവും 10/01/2022 മുതൽ 13/01/2022 വരെ ക്ലാസ് തല പരിശീലനവും നടന്നു.
-
ദീപാകരുണ ടീച്ചർ സത്യമേവ ക്ലാസ് നയിക്കുന്നു.
-
ലിസി ടീച്ചർ അധ്യാപകർക്ക് സത്യമേവ ജയതേ പ്രോഗ്രാം പരിചയപ്പെടുത്തുന്നു.
ടാലന്റ് ലാബ്
കൊവിഡ് കാലത്തിലെ കുഞ്ഞുങ്ങളുടെയും അവരുടെ കുടുംബങ്ങളുടെയും വരസതയകറ്റാനും ജീവിതത്തിൽ ആത്മവിശ്വാസം പകർന്ന് അവരെ ക്രയാത്മകമായ ജീവിതത്തിലേയ്ക്ക് കൊണ്ടുവരാനുമായി ബി.ആർ.സി തലത്തിൽ ആരംഭിച്ച പദ്ധതിയാണിത്.ഇതിനു മുന്നോടിയായി 2019 ൽ തന്നെ ലോക്ഡൗണിൽ വീരണകാവ് സ്കൂളിൽ ടാലന്റ് ഹണ്ട് നടത്തിയിരുന്നു.ഇതിന്റെ വിശദാംശങ്ങൾക്കായി ക്ലിക്ക് ചെയ്യുക
ജൈവകൃഷി
- കുഞ്ഞുങ്ങളിൽ കൃഷിയോടുള്ള ആഭിമുഖ്യം വർധിപ്പിക്കുക എന്ന ലക്ഷ്യത്തോടെ ആരംഭിച്ച പദ്ധതി.
- നേരത്തെ സ്കൂളിന്റെ പരിസരങ്ങളിലും വീടുകളിലും കൃഷി നടത്തി വിഭവങ്ങൾ പാചകപ്പുരയിലേയ്ക്ക് എടുത്തിരുന്നു.കുട്ടികളുടെ പച്ചക്കറികളുടെ വിപണവും നടത്തി.
- ഓൺലൈൻ കാലത്ത് കുട്ടികളെ കൃഷിയ്ക്കായി പ്രോത്സാഹിപ്പിച്ചു.
- 2021 ഡിസംബർ 14 ന്കാർഷികവിഭവങ്ങളുടെ പ്രദർശനവും വിപണനവും നടത്തി.പരിപാടി വൻവിജയമായിരുന്നു.
ആസാദീ കാ അമൃത്മഹോത്സവ് 2021-2022
പഠനപ്രവർത്തനമാണെങ്കിലും ഇതിന്റ ഭാഗമായി പഠനേതരപ്രവർത്തനങ്ങളും നടന്നു.അമൃതദീപം തെളിച്ചുകൊണ്ട് എല്ലാ അധ്യാപകരും കുട്ടികളും പങ്കെടുത്തു.അരുവിപ്പുറം പ്രതിഷ്ഠയുമായി ബന്ധപ്പെട്ട വീഡിയോ നിർമാണം ലിറ്റിൽ കൈറ്റ്സ് നടത്തി.സൂക്തങ്ങളുടെ ആലാപനം സോഷ്യൽ സയൻസ് ക്ലബ് സംഘടിപ്പിച്ചു.
മാതൃഭൂമി സീഡ്
- മാതൃഭൂമി സീഡിന്റെ പ്രവർത്തനങ്ങൾക്ക് ചുക്കാൻ പിടിക്കുന്നത് ഡോ.പ്രയങ്ക പി.യു ആണ്.
- കുട്ടികളിൽ പ്രകൃതി സ്നേഹവും പരിസ്ഥിതി സംരക്ഷണവുമെന്ന ആശയം പകർന്നു നൽകാൻ ടീച്ചറിന് സാധിച്ചിട്ടുണ്ട്.
- സീഡിന്റെ നിരവധി അവാർഡുകൾ ടീച്ചറിന്റെ ശ്രമഫലമായി സ്കൂളിനും കുട്ടികൾക്കും ലഭിച്ചിട്ടുണ്ട്.2019-2020 ൽ നെയ്യാറ്റിൻകര വിദ്യാഭ്യാസജില്ലയിലെ ബെസ്റ്റ് ടീച്ചർ കോർഡിനേറ്റർ അവാർഡ്,ഹരിതവിദ്യാലയം അവാർഡ്,സീസൺ വാച്ച് എക്സലൻസി അവാർഡ് എന്നിവ ലഭിച്ചു.