ഗവ ഡി വി എച്ച് എസ് എസ് , ചാരമംഗലം/പ്രമുഖരുടെ ഓർമ്മക്കുറിപ്പുകൾ

ഞാൻ ഗവൺമെൻറ് ഡി വി എച്ച് എസ് എസ് ചാരമംഗലം സ്കൂളിൽ ഒന്നാം ക്ലാസ് മുതൽ പത്താം ക്ലാസ് വരെ പഠിച്ചിരുന്നു . ഞാനൊരു കായിക താരം ആയിരുന്നു . കായിക അധ്യാപകരും ഗ്രൗണ്ടും ഇല്ലാതിരുന്ന കാലത്താണ് ഞാൻ അവിടെ പഠിച്ചിരുന്നത് . ഹർഡിൽസ് ,ഓട്ടം , 100, 200, 400 റിലേ തുടങ്ങിയവയൊക്കെയാണ് ഞാൻ ചെയ്തിരുന്നത്. ഗ്രൗണ്ട് ഇല്ലാതിരുന്നതിനാൽ സ്കൂളിന് മുന്നിലെ പൂഴിയിട്ട റോഡിലൂടെ ആണ് ഞങ്ങൾ ഓടിയിരുന്നത് . കായിക അധ്യാപകരും ഗ്രൗണ്ടും ഇല്ലാതിരുന്നിട്ടും ഞങ്ങളുടെ സ്കൂൾ എല്ലാ കായിക മത്സരങ്ങളിലും ഉന്നത വിജയം കരസ്ഥമാക്കുകയും എല്ലാ കായിക ഇനങ്ങളിലും ഒന്നാം സ്ഥാനം നിലനിർത്തുകയും ചെയ്തിരുന്നു. പത്താം ക്ലാസ് പാസായതിനുശേഷം മൈക്കിൾസ് കോളേജിൽ ആയിരുന്നു തുടർപഠനം. ശേഷം എനിക്ക് സിആർപിഎഫിൽ ജോലി കിട്ടി . ചാരമംഗലം സ്കൂളിൽ ചെയ്ത സ്പോർട്സിന്റെ ഫലമായാണ് എനിക്ക് ആ ജോലി ലഭിച്ചത്.ഇപ്പോൾ തിരിഞ്ഞുനോക്കുമ്പോൾ ഞാൻ വളരെ സന്തോഷവതിയാണ്.