ഔവർ ലേഡീ ഓഫ് ഫാത്തിമ ഗേൾസ് എച്ച്.എസ്. കുമ്പളങ്ങി/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

എച്ച്.എസ്

എച്ച്.എസ്.എസ്.

ചരിത്രം

അംഗീകാരം

ചരിത്രം

കുമ്പളങ്ങിയുടെ മണ്ണിൽ ആത്മീയതയുടെ സൗരഭ്യം പരത്തി കൊണ്ട് പ്രശോഭിക്കുന്ന ഔവർ ലേഡി ഓഫ് ഫാത്തിമ കോൺവെന്റിന്റെ പ്രവർത്തനം ആരംഭിച്ചിട്ട് 75 വർഷം പിന്നിട്ടു കഴിഞ്ഞു.വീടിന്റെ അകത്തളങ്ങളിൽ ഒറ്റപ്പെട്ടുപോയ ഒരുപറ്റം സ്ത്രീകളുടെ ജീവിതത്തിൽ നിറദീപമായി കടന്നുവന്ന ഏലീശ്വാമ്മയുടെ ധീരോദാത്തവും  ആത്മീയവുമായ പ്രവർത്തനങ്ങളുടെ ഫലമായാണ് സി.ടി.സി. സഭ . ഇന്ന് ദൈവദാസിയായി ഉയർത്തപ്പെട്ട മദർ ഏലീശ്വയാണ്  കേരളത്തിലെ ആദ്യ സന്യാസിനി സമൂഹത്തിന് രൂപം കൊടുത്തത്.സെന്റ് പീറ്റേഴ്സ് ഇടവകാംഗം ഫാദർ.ജോർജ് ഹാർഡർ ചക്കാലയ്ക്കലിന്റെ  ഒരു വലിയ സ്വപ്നത്തിന്റെ സാക്ഷാത്കാരമാണ് കുമ്പളങ്ങിയിലെ ഈ കന്യകാമഠം. തന്റെ കുടുംബസ്വത്തിന്റെ ഒരു ഭാഗം അതിനായി നീക്കി വയ്ക്കാൻ അദ്ദേഹം തയ്യാറായി. വരാപ്പുഴ തെരേസ്യൻ കർമ്മലീത്ത സഭയുടെ അന്നത്തെ ജനറൽ മദർ മാർഗരറ്റിന്റെ സഹായത്തോടെ അതിനുള്ള പ്രവർത്തനങ്ങൾക്ക് തുടക്കം കുറിച്ചു.

  ഹാർഡറച്ചന്റെ  ആവശ്യപ്രകാരം കാരപ്പറമ്പിൽ സേവ്യർ തന്റെ  വീട് മഠത്തിനായി വിട്ടുകൊടുത്തു. 1945 മെയ് 18ന് സിസ്റ്റർ. ഇസബെൽ ,സിസ്റ്റർ. ജോസഫീന, സിസ്റ്റർ.റാൻസം എന്നീ സഹോദരിമാർ പ്രേക്ഷിത ദൗത്യവുമായി കുമ്പളങ്ങിയിൽ എത്തി. മേയ്19 ശനിയാഴ്ച കൊച്ചി രൂപതയുടെ പ്രഥമ ദൈവദാസൻ മോൺസി .ലോറൻസ് പുളിയനത്ത് മഠം ആശീർവദിച്ചു. ജോർജ് ഹാർഡറച്ചൻ, പെരുമ്പള്ളി സർക്കാർ സ്കൂളിന്റെ വടക്ക് പടിഞ്ഞാറ് രണ്ടേക്കർ സ്ഥലം വാങ്ങി നല്കി. ഈ സ്ഥലത്ത് പുതിയ കോൺവെന്റ് പണിയാൻ 1945 ആഗസ്റ്റ് 25 ന് അഭിവന്ദ്യ ജോസ് അൽവേർണ്ണസ് പിതാവ് കല്ലിടുകയും 1946 ജനുവരി 6 ന് ഫാദർ. ജോസഫ് കളത്തറ പുതിയ കോൺവെന്റ് ആശീർവദിക്കുകയും ചെയ്തു. അവിടന്നിങ്ങോട്ട് കുമ്പളങ്ങിയുടെ ആത്മീയ മേഖയിലും വിദ്യാഭ്യാസ മേഖലയിലും പുത്തനുണർവായി ഫാത്തിമ കോൺവെന്റ്.

            പെൺകുട്ടികളുടെ ഉന്നമനത്തിനും അനാഥരുടെ സംരക്ഷണത്തിനും പ്രത്യേക ശ്രദ്ധ ചെലുത്തിക്കൊണ്ട് മഠത്തിന്റെ പ്രവർത്തനങ്ങൾ വളർന്നു. 1952 ൽ അനാഥ മന്ദിരം,1957 ൽ നെയ്ത്ത്ത് ക്ലാസ്, തയ്യൽ ക്ലാസ് എന്നിവയ്ക്ക് തുടക്കം കുറിച്ചു. 1960 ൽ ഒരു നഴ്സറി സ്കൂളിലും തുടക്കമിട്ടു. ഇപ്പോളത് UPS ആയി വളർന്നു വന്നു. 1964 ൽ ഹൈസ്കൂളിനും തുടക്കമിട്ടു. ഇന്നത് HSS ആയി മാറി. പെൺകുട്ടികളുടെ ഉന്നമനത്തിനായിട്ടാണ് സ്കൂൾ ആരംഭിച്ചതെങ്കിലും കുമ്പളങ്ങിയുടെ സമീപ പ്രദേശങ്ങളായ എഴുപുന്ന,ചെല്ലാനം, കണ്ണമാലി, പെരുമ്പടപ്പ്, ഇടക്കൊച്ചി, പള്ളുരുത്തി തുടങ്ങിയ സ്ഥലങ്ങളിൽ നിന്നെല്ലാം ആൺകുട്ടികളും ഇന്നിവിടെ അധ്യയനം നടത്തുന്നു. ആൺകുട്ടികളും ഈ വിദ്യാലയത്തിന്റെ ഭാഗമായതോടെ കുമ്പളങ്ങിയുടെ വിദ്യാഭ്യാസ മേഖലയുടെ അഭിമാന സ്തംഭമായി ഒ.എൽ.എഫ് എച്ച്.എസ്.എസ് തലയുയർത്തി നിൽക്കുന്നു.