സെന്റ് ജോസഫ്‌സ് യു പി സ്ക്കൂൾ മാനാശ്ശേരി/വിവിധ ദിനാചരണങ്ങൾ

കുട്ടികളുടെ സർവതോന്മുഖമായ പുരോഗതിക്കായി നിരവധി പാഠ്യേതര പ്രവർത്തനങ്ങളാണ് ഈ സ്കൂളിൽ നടത്തിവരുന്നത്. മത്സരങ്ങളും പരിപാടികളും ഓരോ ദിനാചരണവുമായി ബന്ധപ്പെട്ട സ്കൂളിൽ നടത്തിയിട്ടുണ്ട്  കൂടാതെ പാൻഡെമിക് സമയത്ത് ഓൺലൈനായി കുട്ടികൾക്ക് ഓരോ പ്രത്യേക ദിവസത്തെയും പ്രാധാന്യം മനസ്സിലാകുന്ന രീതിയിൽ ഉള്ള നിരവധി ഓൺലൈൻ പരിപാടികളും, മത്സരങ്ങളും സംഘടിപ്പിക്കുകയുണ്ടായി അതിനായി എല്ലാ ക്ലബ് അംഗങ്ങളുടെ പ്രവർത്തനവും പിന്തുണയും ലഭിക്കുകയും ഉണ്ടായിരുന്നു.

പ്രവേശനോത്സവം

കേവിഡ്-19 എന്ന മഹാമാരിക്കെതിരെ ലോകം പേർക്കളമാക്കളമാകുന്ന ഈ പരിസ്ഥിതിയിലും സെന്റ് ജോസഫ് എൽ.പി. ആന്റ് യു.പി. എസ് മാനാശ്ശേരിയിൽ വെർച്വൽ പ്രവേശനോത്സവം വളരെ കാരിക്ഷമമായി സംഘടിപ്പിക്കാൻ കഴിഞ്ഞു.

പ്രവേശനോത്സവം

ജൂൺ 1 പ്രവേശനത്സദിനം രാവിലെ തന്നെ കുട്ടികൾ ബാഡ്ജ് ധരിച്ച് അധ്യാപകരുടെ നിർദേശ പ്രകാരം 8.30 മുതൽ വിക്ടേഴ്സ് ചാനലിലെ പരിപാടിക്ക കണ്ടു. അതിന്റെ ഫോട്ടോസ് വിദ്യാർത്ഥിക്ക അധ്യാപകർക്കു നൽകി. ചിത്രം വരു ച്ചും ഫോട്ടോ വെട്ടി ഒട്ടിച്ചുമെക്കെ താന്താങ്ങളുടെ ബാഡ്ജ് കുട്ടികൾ മനോഹരമമാക്കി.

പ്രവേശനോത്സവം സംസ്ഥാനതല ഉദ്ഘാടനം തിരുവനന്തപുരം ജില്ലയിലെ കോട്ടൺഹിൽ സ്കൂളിൽ വച്ച് വെർച്വലായി നടന്നു. ബഹുമാന്യനായ മുഖ്യമന്ത്രി ശ്രീ. പിണറായി വിജയൻ ഡിജിറ്റലായി ഉദ്ഘാടനം ചെയ്ത പരിപാടികൾ വിക്‌ടേഴ്സ് ചാനൽ വഴി കുട്ടികൾ കണ്ടു. ചെറിയൊരു ഇടവേള നൽകിയതിനുശേഷം കൃത്യം 10 മണിക്ക് വിദ്യാലയ തലത്തിലെ പ്രവേശനോത്സവം ആരംഭിച്ചു. അധ്യാപകർ മുൻകൂട്ടി നൽകിയ യൂട്യുബ് ലിങ്ക് വഴിയാണ് ന്തല്ലാവരും തത്സമയ പരിപാടികളിൽ പങ്കക്കാരായത്. വിദ്യാർത്ഥി പ്രതിനിധി പ്രാർത്ഥനാ ഗീതം ആലപിച്ചുകൊണ്ട് പരിപാടികൾ ആരംഭിച്ചു. തുടർന്ന് അധ്യാപിക സിസ്റ്റർ ലിറ്റിൽ ഫ്ലവർ അവതരിപ്പിച്ചു. 2020 - 21 അക്കാദമിക വർഷത്തിലെ പ്രധാന പരിപാടികളുടെ വീഡിയോയും വിദ്യാലയത്തിന്റെ ക്യാമ്പസ്, ലാബ്, ലൈബ്രറി, ജൈവ വൈവിധ്യ പാർക്ക്, കംപ്യൂട്ടർ ലാബ് തുടങ്ങിയവ എല്ലാവർക്കും  പ്രദർശിപ്പിച്ചു. തുടർന്ന് വിദ്യാർത്ഥി പ്രതിനിധി അമലാ മേരി തന്റെ വിദ്യാലയനുഭവം എല്ലാവർക്കുമായി പങ്കുവച്ചു. തുടർന്ന് ഹെഡ്മിസ്ട്രസ്സ് സിസ്റ്റർ അന്ന ലിസി വിദ്യാർത്ഥികളെയും അധ്യാപകരെയും മാതാപിതാക്കളെയും അഭിസംബോധന ചെയ്തു. വിദ്യാലയ മുറ്റത്തെ സ്റ്റേജിൽ അലങ്കരിച്ചിരുന്ന നിലവിളക്കിൽ ദീപം തെളിച്ചപ്പോൾ  അധ്യാപകരും പുതുതായി വന്നു ചേർന്ന കുട്ടികളും വീടുകളിൽ ദീപം തെളിച്ചു. വിദ്യാലയതല ഉദ്ഘാടനം ഡിജിറ്റലായി നിർവ്വഹിച്ചത് ബഹുമാന്യനായ MLA ശ്രീ.കെ.ജെ. മാക്സിയാണ്. തുടർന്ന് MP ശ്രീ. ഹൈബി ഈഡൻ അധ്യാപകർക്കും കുട്ടികൾക്കും പ്രാർത്ഥനാശംസക്ക നേർന്നു.. മട്ടാഞ്ചേരി AEO വഹീത മാഡം ഏവർക്കും ഹൃദമായ ആശംസകൾ നേർന്നു. തുടർന്ന് സുപീരിയർ സിസ്റ്റർ ടെസ്റ്റി ദേവസ്സി, URC മട്ടാഞ്ചേരിയിലെ BPC സോളി വർഗീസ് , പി.ടി.എ പ്രസിഡന്റ് ജൂഡ്സൺ തൈക്കൂട്ടത്തിൽ , വാർഡ് മെംബർ ശ്രീമതി ഗ്രേസി ജെസ്റ്റിനും വിദ്യാർത്ഥികൾക്ക് ആശംസകൾ നേർന്നു. തുടർന്ന് 2021-21 ലെ മികച്ച പ്രവർത്തനങ്ങൾ ഡിജിയ പ്രദർശിപ്പിക്കുകയും ചെയ്തു.  അധ്യാപക പ്രതിനിധി വിക്ടോറിയ ഷെൽവി ടീച്ചർ ഏവർക്കും നന്ദി പ്രകാശിച്ചു. ദേശീയ ഗാനാലാപനത്തിനുശേഷം പ്രവേശനോത്സവ പരിപാടികൾക്കു പരിസമാപ്തി കുറിച്ചു.

വീഡിയോ കാണുന്നതിനായി ഇവിടെ ക്ലിക്ക് ചെയ്യുക

2021 - 22 ജൂൺ 5 ലോക പരിസ്ഥിതി ദിനം

കോവിഡ്-19 ഭീതിയിൽ കഴിയുമ്പോഴും നമ്മളെ കൊണ്ട് ആവുന്നത് ഈ ലോകത്തിനു വേണ്ടിയും പരിസ്ഥിതിക്കുവേണ്ടിയും എന്തക്കെ ചെയ്യാം എന്ന് സയൻസ് ക്ലബ്ബിൻറെ നേതൃത്വത്തിൽ ചർച്ച ചെയ്യുകയും വേണ്ട മുന്നരുക്ക പ്രവർത്തനങ്ങൾ നടത്തുകയും ചെയ്തു.

Ecosystem Restoration -  എന്നതായിരുന്നു ഈ വർഷത്തെ പരിസ്ഥിതി ദിന വിഷയം ഈ വിഷയവുമായി ബന്ധപ്പെട്ട പോസ്റ്റർ നിർമ്മാണം, എൽപി യുപി വിഭാഗത്തിന് കവിത രചനയും 5, 6, 7, ക്ലാസ്സുകളിലെ കുട്ടികൾക്ക് ആവാസവ്യവസ്ഥയെ എങ്ങനെ സംരക്ഷിക്കാം എന്ന വിഷയത്തിൽ ഉപന്യാസ രചനയും നടത്തി.

പരിസ്ഥിതി ദിനത്തിൽ അണിയാൻ ബാഡ്ജ്ന്റെ മാതൃകയും തയ്യാറാക്കി ക്ലാസ് ഗ്രൂപ്പുകളിൽ അയച്ചുകൊടുക്കുകയും ഉണ്ടായി. ജൂൺ അഞ്ചിന് അവ ധരിക്കുവാനും  ഒരു ചെടി നട്ടു വളർത്തുവാനും ഇവയുടെ ഫോട്ടോസ് അധ്യാപകർക്ക് അയച്ചുതരുവാൻ മുൻകൂട്ടി തന്നെ നിർദ്ദേശം നൽകിയിരുന്നു.

ജൂൺ 5 പരിസ്ഥിതി ദിനത്തിൽ വിദ്യാർഥി പ്രതിനിധിയുടെ പ്രകൃതിയെ വണങ്ങുന്ന നിർത്ത ചുവടുകളടെ പരിപാടികൾ ആരംഭിച്ചു. വിദ്യാഭ്യാസ മന്ത്രി ശ്രീ വി ശിവൻകുട്ടിയുടടെ പരിസ്ഥിതിദിന സന്ദേശം നൽകി.തുടർന്ന് പ്രധാനധ്യാപിക. Sr. Ann കുട്ടികൾക്ക് പരിസ്ഥിതി ദിന സന്ദേശം നൽകി. തുടർന്ന് റൂണ ടീച്ചർ കുട്ടികൾക്ക് ചെയ്യാൻ സാധിക്കുന്ന പരസ്ഥിതി ദിന പ്രോജക്ട് കുട്ടികളെ പരിചയപ്പെടുത്തി. മട്ടാഞ്ചേരി AEO വഹീദ മാഡം ആശംസകൾ    അർപ്പിച്ചു.കൊച്ചു

കൂട്ടുകാർ പരിസ്ഥിതി സംരക്ഷണവുമായി ബന്ധപ്പെട്ട സ്കിറ്റ് അവതരിപ്പിച്ചു.വിദ്യാർത്ഥി പ്രതിനിധി അമലാ മേരി സുഗതകുമാരി എഴുതിയ കവിത ആലപിച്ചു വിദ്യാർത്ഥികൾ ചെയ്ത  പ്രവർത്തനങ്ങളെല്ലാം ചേർത്ത് വീഡിയോ തയ്യാറാക്കി അന്നേദിവസം ക്ലാസ് ഗ്രൂപ്പുകളിൽ പ്രദർശിപ്പിച്ചു.

വായനാദിനം : ജൂൺ- 19 -2021

"വായിച്ചാലും വളരും

വായിച്ചില്ലെങ്കിലും വളരും

വായിച്ചു വളർന്നാൽ വിളയും

വായിക്കാതെ വളർന്നാൽ വളയും"

വായനാദിനത്തോടനുബന്ധിച്ച് അതിനു മുന്നോടിയായി തന്നെ വിദ്യാരംഗം കലാസാഹിത്യവേദി വ്യത്യസ്തങ്ങളായ പ്രവർത്തനങ്ങൾ വിദ്യാർത്ഥികൾക്ക് നൽകുകയുണ്ടായി എൽപി യുപി വിഭാഗങ്ങൾക്കായി പോസ്റ്റർ മത്സരം, ഒന്ന് രണ്ട് ക്ലാസുകളിൽ വായനാ മുത്തുകൾ അവതരിപ്പിക്കൽ, Up വിഭാഗത്തിനായി വാർത്താ അവതരണം മത്സരവും സംഘടിപ്പിച്ചു മുൻകൂട്ടി തന്നെ ഓരോ ക്ലാസിലെയും മികച്ച പ്രവർത്തനങ്ങൾ ജഡ്ജസിനെ അയച്ചുകൊടുത്തു തെരഞ്ഞെടുക്കുകയും ചെയ്തു.

വായനാദിനം

ജൂൺ 19ന് വിദ്യാരംഗം കലാ സാഹിത്യ വേദിയുടെ നേതൃത്വത്തിൽ വർണ്ണശബളമായ പരിപാടികൾ സംഘടിപ്പിക്കുകയുണ്ടായി വിദ്യാർത്ഥി പ്രതിനിധികളുടെ ഈശ്വര പ്രാർത്ഥനയോടെ പരിപാടികൾ തുടക്കം കുറിച്ചു തുടർന്ന് മേരി ടീച്ചർ ആമുഖം പറയുകയും വായന മുത്തുകളെ പരിചയപ്പെടുത്തുകയും ചെയ്തു തുടർന്ന് AEO വഹീദ മാഡം എല്ലാവർക്കും ആശംസകൾ അർപ്പിക്കുന്ന വീഡിയോ പ്രദർശിപ്പിച്ചു. H.M Sr Anna ഏവർക്കും ആശംസകൾ നേർന്നു തുടർന്ന് ഏഴാം ക്ലാസിലെ അമല മേരിയുടെ പുസ്തക ആസ്വാദനവും ഏഴാം ക്ലാസ്സ് വിദ്യാർത്ഥിനി കേറ്റ്ലിൽ മേബിളിന്റെ വായനാസന്ദേശവും , മത്സരങ്ങളിൽ വിജയികളായ കുട്ടികളുടെ പ്രവർത്തനങ്ങളും അവതരിപ്പിച്ചു നാലാം ക്ലാസ് അധ്യാപിക ശെൽവി ടീച്ചറിന്റെ കൃതജ്ഞതയോടെ വായനാദിന പരിപാടികളുടെ തിരശീലവീണു.

വീഡിയോ കാണുന്നതിനായി ഇവിടെ ക്ലിക്ക് ചെയ്യുക

അന്താരാഷ്ട്ര യോഗ ദിനം : ജൂൺ 21

ആരോഗ്യത്തിനും  ജീവിത സൗഖ്യത്തിനും ആയി പൗരാണിക ഭാരതം പകർന്നുനൽകിയ അറിവാണ് യോഗ. 'യോഗ' എന്ന വാക്കിനർത്ഥം ചേർച്ച എന്നാണ് Yoga For Well Being എന്നതാണ് 2021ലെ യോഗ ദിനത്തിന്റെ തീം. യോഗ ദിനത്തിൽ യോഗയെ കുറിച്ച് കൂടുതൽ അറിയുന്നതിനായി അധ്യാപക പ്രതിനിധി റൂണ് ടീച്ചർ വിശദീകരിച്ച് നൽകി. തുടർന്ന് വിദ്യാർത്ഥി പ്രതിനിധികൾ യോഗ അഭ്യസിക്കുന്ന വീഡിയോ ക്ലാസ് ഗ്രൂപ്പുകളിൽ കുട്ടികൾക്ക് പങ്കുവഹിക്കുന്നതായി നൽകുകയും ചെയ്തു. യോഗപരിശീലനത്തിനു വേണ്ട നിർദ്ദേശങ്ങൾ നൽകുകയും ചെയ്തു ഈ കൊറോണക്കാലത്ത് മനസ്സും ശരീരവും ആരോഗ്യപൂർണ്ണമായി വയ്ക്കുവാനും ആശംസിച്ചുകൊണ്ട് ഈ പരിപാടിക്ക് വിരാമം നൽകി.

ലോക സംഗീത ദിനം ജൂൺ 21 ഒന്ന്

മനുഷ്യ ജീവിതത്തിൻറെ താളക്രമം ചിട്ടപ്പെടുത്തുന്നതിൽ സംഗീതത്തിനുള്ള സ്ഥാനം ഓർമ്മപ്പെടുത്തുകയാണ് ഈ ദിനം. മനസ്സിൽ സംഗീതം സൂക്ഷിക്കുന്ന ഓരോരുത്തരിലും ഈ ദിനം സംഗീതമഴ മഴ പെയ്യിച്ചുകൊണ്ടിരിക്കും. ഈ കറോണക്കാലത്ത് പുറത്തുപോകാതെ കൂട്ടുകാരുമൊത്ത് കളിക്കുവാനോ തന്റെ  കഴിവുകൾ അവതരിപ്പിക്കുവാനോ പറ്റാതെ വിഷമിക്കുന്ന ഈ സാഹചര്യത്തിൽ വാട്സാപ്പിലൂടെ ഈ ദിനം ആഘോഷിച്ചു. സ്കൂളിലെ ഗായിക കൂടിയായ ഹെയ്സൽ ടീച്ചർ കുട്ടികൾക്ക് വേണ്ടി ഒരു മനോഹര ഗാനം ആലപിച്ചു കുട്ടികൾക്ക് അയച്ചുകൊടുക്കുകയും ചെയ്തു. മട്ടാഞ്ചേരി ഉപജില്ലാ വിദ്യാഭ്യാസ ഓഫീസർ വഹീദ മാഡം കുട്ടികൾക്ക് ആശംസകളർപ്പിച്ചു. ക്ലാസ് ഗ്രൂപ്പുകളിൽ  കുട്ടികൾക് അവരുടെ സംഗീതത്തോടുള്ള കഴിവുകൾ പ്രകടിപ്പിക്കുവാനുള്ള അവസരവും നൽകി.