(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
സ്നേഹത്തിന്റെ കരുതൽ
ലോകമെങ്ങും പടർന്നു പിടിച്ചു
കൊറോണയെന്നൊരു മഹാമാരി.
മനുഷ്യരെയെല്ലാം ഭീതിയിലാക്കി
അവന്റെ പ്രയാണം തുടരുന്നു....
ജാതിമതഭേദമന്യേ മാനവർ
ജീവനായ് കേഴുന്നു.
എന്നാൽ ഈ മഹാമാരി മാനവനെ
പലതും പഠിപ്പിച്ചു.
അവൻ മനുഷ്യരെയെല്ലാം വീട്ടിലാക്കി
ശുചിത്വം എന്തെന്ന് ചൊല്ലിത്തന്നു.
വീടുകളിൽ സ്നേഹത്തിൻ വിത്ത് വിതച്ചു.
ആതുരസേവകർ രാപകലില്ലാതെ
നമുക്ക് കാവലായി നിൽക്കുമ്പോൾ
അവരോടൊപ്പം ചേർന്നിടാം
ഈ മഹാമാരിയെ തുരത്തീടാം.
ലോകമെങ്ങും മാതൃകയാക്കിയ
കേരളം നമുക്കൊപ്പം നിൽക്കുമ്പോൾ
ഭയക്കേണ്ട ഈ മഹാമാരിയെ
ജാഗ്രതയോടെ നമുക്ക് നേരിടാം.
