നടുവണ്ണൂർ സൗത്ത് എ എം എൽ പി എസ്/ചരിത്രം
നടുവണ്ണൂർ പ്രദേശത്ത് അക്ഷരത്തിൻെറ കെെത്തിരി വെട്ടവുമായി 90 വർഷ‍ങ്ങൾക്കു മുമ്പ് കടന്നു വന്ന സ്ഥാപനമാണ് നടുവണ്ണൂർ സൗത്ത് എ എം യു പി സ്കൂൾ.നടുവണ്ണൂർ പ്രദേശത്തെ വിദ്യാഭ്യാസ പിന്നോക്കാവസ്ഥക്കു പരിഹാരമായി ഒരു പ്രാഥമിക വിദ്യലയം സ്ഥാപിക്കുന്നതിന് നേതൃത്വം നൽകിയ ശ്രീ. പത്തായത്തിന്കൽ സാഹിബിനെ ആദരവോടെ സ്മരിക്കുന്നു.1928 ൽ ഇസ്ലാം മദ്രസ ആയിട്ടാണ് ഇത് ആരംഭിച്ചത്.തുടക്കത്തിൽ 73 കുട്ടികളും അദ്ധ്യാപക പരിശീലനം ലഭിക്കാത്ത 3 അദ്ധ്യാപകരുമായിട്ടാണ് ഈ സ്ഥാപനം തുട‍‍ങ്ങിയത്.1937 ൽ ഈ വിദ്യാലയത്തിന് സർക്കാറിൻെറ അംഗീകാരം ലഭിച്ചു.ഈ സ്ഥാപനത്തിൽ ആദ്യമായി നിയമിക്കപ്പെട്ട അദ്ധ്യാപകർ കുഞ്ഞാമിന ടീച്ചറും ദേവി ടീച്ചറും ആണ്.
ഇതൊടുന്കൂടി ഇ സ്ഥാപനം നടുവണ്ണൂർ സൗത്ത് എലിമെന്ററി സ്കൂൾ എന്ന പേരിൽ ഒരു പരിപൂർണ്ണ ലോവർ പ്രൈമറി സ്കൂൾ ആയി മാറി .സ്കൂളിന്റെ പ്രവർത്തനം 1947 വരെ ഇതേ നിലയിൽ തുടർന്നു പോന്നു .അപ്പോൾ ഈ സ്ഥാപനം ഓല മേഞ്ഞ ഒരു ഷെഡ് ആയിരുന്നു .
1947 ൽ സ്കൂളിന്റെ സ്ഥാപകൻ ജനാബ് കുഞ്ഞായി സാഹിബ് ഹൃദയസ്തംഭനം മൂലം മാരണമടഞ്ഞു .തുടർന്ന് ഹെഡ്‌മാസ്റ്ററും മാനേജരുടെ മകനുമായ ജനാബ് എ കോയക്കുട്ടി മാസ്റ്റർ മാനേജർ സ്ഥാനം ഏറ്റെടുത്തു .1977 ൽ കൊയക്കുട്ടി മാസ്റ്ററുടെ ഭാര്യ ശ്രീമതി പി കെ പാത്തുമ്മക്കുട്ടി മാനേജർ ആയി ചുമതലയേറ്റു .പിൽകാലത് 2 അധ്യാപകരെ കൂട്ടിച്ചേർത്തു കൊണ്ട് വിദ്യാലയത്തിന്റെ പ്രവർത്തനം 11 വർഷം തുടർന്നു .1961 കേരള വിദ്യാഭ്യാസ ചട്ടം ഏകീകരിച്ചപ്പോൾ അഞ്ചാം തരം നിർത്തലാക്കുകയും ഈ സ്ഥാപനം ലോവർ പ്രൈമറി സ്കൂൾ ആയി മാറുകയും ചെയ്തു .അഞ്ചു വർഷത്തോളം 8 ക്ലാസുകളും 10 അധ്യാപകരുമായി സ്കൂളിന്റെ പ്രവർത്തനം സുഗമമായി നടന്നു .തുടർന്നുള്ള വർഷങ്ങളിൽ ഈ വിദ്യാലയത്തിൽ 700 ൽ പരം വിദ്യാർത്ഥികളും 25 അധ്യാപകരും ഉണ്ടായിരുന്നു.എന്നാൽ പിന്നീട് കുട്ടികളുടെ കുറവ് ഉണ്ടാകുകയും ഡിവിഷൻ കുറയുകയും കുറെ അധ്യാപകർ പുറത്തു പോവുകയും ചെയ്തു .
ഈ സ്കൂളിന്റെ വികസനത്തിനും കുട്ടികളുടെ പഠനത്തിനും മാത്രം ശ്രദ്ധ ചെലുത്തിയ ശ്രീ ചെങ്‌ഹോട്ടിൽ ഗോപാലൻ മാസ്റ്റർ ഈ സ്ഥാപനത്തിന്റെ സർവ്വസ്വവുമായിരുന്നു .കാർഗിൽ യുദ്ധത്തിൽ വീരമൃതിയു വരിച്ച ഷൈജു ഈ സ്ഥാപനത്തിലെ പൂർവ്വ വിദ്യാർത്ഥി ആയിരുന്നു .ധീര ജവാൻ ഷൈജു വിനെ ഇത്തരുണത്തിൽ ഞങ്ങൾ അഭിമാനപൂർവ്വം സ്മരിക്കുന്നു .
2003 ,2004 വർഷത്തിൽ 4 അധ്യാപകർ പിരിഞ്ഞു പോവുകയും പകരം 4 പേരേ നിയമിക്കുകയും ചെയ്തു .ഈ വർഷം മുതൽ ഹെഡ്മിസ്ട്രസ് ആയി ശ്രീമതി കെ വി രത്‌നമ്മ ടീച്ചർ ചാർജി ഏറ്റെടുത്ത പ്രവർത്തനം ആരംഭിച്ചു .ഇപ്പോൾ ഈ വിദ്യാലയത്തിൽ 475 കുട്ടികളും 22 അധ്യാപകരും 1 അധ്യാപകേതര ജീവനക്കാരനും ഉണ്ട് .ആദരണീയനായ കോയക്കുട്ടി മാസ്റ്ററുടെ മകൻ ശ്രീ പി കെ ഇസ്മയിൽ ആണ് ഇപ്പോഴത്തെ സ്കൂൾ മാനേജർ .