സെന്റ്.സെബാസ്റ്റ്യൻസ് എച്ച്.എസ്സ്. ആനിക്കാട്/അംഗീകാരങ്ങൾ
ആവോലി, മഞ്ഞള്ളൂർ, ആരക്കുഴ എന്നീ പഞ്ചായത്തുകളിൽ നിന്നും, മൂവാറ്റുപുഴ മുനിസിപ്പൽ ഏരിയയിൽ നിന്നുമുള്ള കുട്ടികൾ ജാതിമതഭേദമന്യേ ഇവിടെ വിദ്യ അഭ്യസിക്കുന്നു. അദ്ധ്യാപകരും അനദ്ധ്യാപകരും ഉൾപ്പെടെ 41 പേർ ഇവിടെ സേവനമനുഷ്‌ഠിക്കുന്നു. 2002-ൽ ഈ സ്‌കൂളിൽ അൺ എയ്ഡഡ് +2 ലഭിച്ചു.2015-ൽ +2 എയ്ഡഡ് ആയി ഉയർത്തപ്പെടുകയും ചെയ്തു. 5 മുതൽ 12 വരെയുള്ള ക്ലാസ്സുകളിലായി 1257 കുട്ടികൾ പഠിക്കുന്നു. ആരാധനാസഭയുടെ മാനേജ്‌മെന്റിലുള്ള ഈ എയ്ഡഡ് സ്‌കൂളിന്‌ എസ്.എസ്.എൽ.സി. പരീക്ഷയിൽ 100% വിജയം നേടിയതിനുള്ള ഖ്യാതിയും ലഭിച്ചിട്ടുണ്ട്‌. 2003-04 അധ്യയനവർഷത്തിൽ മെബിൻ മാത്യു എന്ന വിദ്യാർത്ഥി എസ്.എസ്.എൽ.സി. പരീക്ഷയ്‌ക്ക്‌ 16-ാം റാങ്ക്‌ കരസ്ഥമാക്കി. 2004-2005-ൽ ഇംഗ്ലീഷ്‌ പരിജ്ഞാനം കുട്ടികളിൽ വളർത്തുക എന്ന ലക്ഷ്യത്തോടെ അഞ്ചാം ക്ലാസ്സിൽ ഒരു ഡിവിഷൻ ഇംഗ്ലീഷ്‌ മീഡിയമാക്കി. കല്ലൂർക്കാട്‌ സബ്‌ജില്ലയിൽ തലയുയർത്തി നിൽക്കുന്ന ഈ കലാക്ഷേത്രം കലാ, കായിക ശാസ്‌ത്ര, സാഹിത്യരംഗങ്ങളിൽ തിളങ്ങി നിൽക്കുന്നു. കൂടാതെ ബെസ്റ്റ്‌ സ്‌കൂളിനുള്ള പ്രശസ്‌തിയും ലഭിച്ചിട്ടുണ്ട്‌. 1993 മുതൽ 98 വരെ ഈ സ്‌കൂളിലെ വിദ്യാർത്ഥിയായിരുന്ന സിനി ജോസ്‌ കായികരംഗത്ത്‌ അന്തർദ്ദേശീയതലം വരെ എത്തി നിരവധി സ്വർണ്ണം നേടി. പരേതനായ മുൻ ആവോലി പഞ്ചായത്ത്‌ പ്രസിഡന്റ്‌ ശ്രീ. ജോർഡി പൈലിയും ഈ സ്‌കൂളിന്റെ സന്തതിയാണ്‌. കമ്പ്യൂട്ടർ പഠനം വിജ്ഞാനപ്രദവും ആകർഷകവുമാക്കുവാൻ വേണ്ടി 15 കമ്പ്യൂട്ടറുകൾ ഈ സ്‌കൂളിൽ വാങ്ങുകയും കുട്ടികൾക്ക് പരിശീലനം നൽകുകയും ചെയ്യുന്നു. പെൺകുട്ടികളുടെ വ്യക്തിത്വ വികസനത്തിനും സ്വഭാവ സംസ്‌കരണത്തിനും ഉതകുന്ന ഗൈഡിംഗ്‌ പരിശീലനവും ഈ വിദ്യാപീഠത്തിൽ നൽകിവരുന്നു. ആനുകാലിക വിദ്യാഭ്യാസത്തിനാവശ്യമായ എഡ്യൂസാറ്റ്‌, സി.ഡി. ലൈബ്രറി തുടങ്ങിയ സൗകര്യങ്ങളും പ്രയോജനപ്പെടുത്തിവരുന്നു. കാലഘട്ടത്തിന്റെ ആവശ്യം മനസ്സിലാക്കി കുട്ടികളെ പക്വതയാർന്ന വ്യക്തിത്വത്തിന്റെ ഉടമകളാക്കി നാടിനുതകുന്ന, ഈശ്വരവിശ്വാസമുള്ള നല്ല പൗരന്മാരെ സൃഷ്‌ടിക്കുവാനുള്ള പാവനവേദിയായി ഈ വിദ്യാലയം നിലകൊള്ളുന്നു.
2010-2011 അധ്യയ്നവ്ര്ഷം കുട്ടികൾ മികച്ച നേട്ടങ്ങൾ കൈവരിച്ചു.
1. ഹരിതവിദ്യാലയം റിയാലിട്ടി ഷൊയ്ക്ക് ആദ്യ സെലക്ഷൻ കിട്ടി.
2. Asian games winner,the old student of the school visited our school
3. 80 കുട്ടികൾക്ക് SSITC training
4. 2010-2011 sslc result -100% with 7 full (A+)
5. 2010-2011 plus two result - 100%
6. Selected as the best SEED School from ernakulam District
എല്ലാ വിഷയങ്ങൾക്കും A+ ലഭിച്ച കുട്ടികൾ 1) മീനു ബാബു 2) ആശാ വിൻസന്റ്
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |