എൽ.എഫ്.ജി.എച്ച്.എസ്. പാനായിക്കുളം/പ്രവർത്തനങ്ങൾ
ലിറ്റിൽ കൈറ്റ്സ്
2018 – ൽ ആരംഭിച്ച ഈ ഐ. ടി കൂട്ടായ്മ, വിജയകരമായ മൂന്നാം വർഷപ്രവർത്തനങ്ങളിലാണ്. 30 കുട്ടികളുടെ ബാച്ചാണ് നമ്മുടെ സ്കൂളിന് അനുവദിച്ചിരിക്കുന്നത്. പ്രവേശനപരീക്ഷയുടെ അടിസ്ഥാനത്തിൽ ക്ളാസ്സ്-8-ലെ കുട്ടികൾക്കാണ് അംഗങ്ങളാകുവാൻ അർഹത ലഭിക്കുന്നത്. സ്കൂൾതല ക്യാമ്പിൽ മികവു കാണിക്കുന്നവരെ ഉപജില്ലാതലത്തിൽ പങ്കെടുപ്പിക്കുന്നു. തുടർന്ന് ജില്ലാതലത്തിലും സംസ്ഥാനതലത്തിലും പങ്കെടുക്കാൻ സാധ്യത ലഭിക്കുന്നു. ഓരോ തലത്തിലും ലഭിക്കുന്ന പ്രത്യേകസ്കോറുകളും സ്കൂൾതലപ്രവർത്തനങ്ങളുടെ സ്കോറുകളും പരിഗണിച്ച് ലഭിക്കുന്ന ഗ്രേസ് മാർക്ക് പ്ളസ് വൺ പ്രവേശനത്തിൽ മുൻതൂക്കം ലഭിക്കാൻ കുട്ടികളെ സഹായിക്കുന്നു.
2018 -20 ബാച്ചിലെ മുഴുവൻ കുട്ടികളും ഗ്രേസ് മാർക്കിന് അർഹത നേടുകയും ആബിദ് ചേറ്റുതറ എന്ന വിദ്യാർത്ഥി സംസ്ഥാനതലത്തിൽ മികച്ച പ്രകടനത്തോടെ മത്സരിക്കുകയുമുണ്ടായി. 2019 – 21 ബാച്ചിലെ എല്ലാ കുട്ടികളും ഗ്രേസ് മാർക്കിന് അർഹത നേടുകയുണ്ടായി. 2020 – 22 ബാച്ചിലെ കുട്ടികൾ അവരുടെ
പ്രവർത്തന ങ്ങൾ പൂർണതയിലെത്തിക്കാൻ ശ്രമിച്ചുകൊണ്ടിരിക്കുന്നു.2021 – 23 ബാച്ചിലെ കുട്ടികളുടെ സ്കൂൾതല ക്യാമ്പിൽ നിന്നും അർഹരായവരെ തിരഞ്ഞെടുക്കുകയുണ്ടായി.
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |
സ്കൂൾ ലൈബ്രറി
കുട്ടികളുടെ വിജ്ഞാന വിനോദ ചിന്താ മേഖലകളെ സമ്പുഷ്ടമാകുന്ന ഒരു വലിയ പുസ്തകശേഖരം നമ്മുടെ വിദ്യാലയത്തിനുണ്ട് .ഏകദേശം രണ്ടായിരത്തി അഞ്ഞൂറിനടുത്തു ഗ്രന്തങ്ങൾ നമുക്ക് സ്വന്തമായുണ്ട് . ഈ പുസ്തകങ്ങൾ വിദ്യാർഥികളിലെത്തിക്കാനും അവരുടെ വായനാശീലത്തെ പരിപോഷിപ്പിയ്ക്കാനും അദ്ധ്യാപകർ വളരെയേറെ ശ്രദ്ധ ചെലുത്തുന്നു .
വിദ്യാരംഗം കലാസാഹിത്യവേദി
കുട്ടികളിലെ കല സാഹിത്യ അഭിരുചികളെ വികസിപ്പിക്കാനും പ്രോത്സാഹിപ്പിയ്ക്കാനും ഉതകുന്ന ഒരു വേദിയാണ് വിദ്യാരംഗം . സ്കൂൾ തലത്തിൽ കുട്ടികളിലെ സർഗ്ഗശേഷിയെ തൊട്ടുണർത്തുന്ന പ്രവർത്തനങ്ങൾ നൽകുന്നു . മികവ് പ്രകടിപ്പിക്കുന്നവരെ ഉപ ജില്ലാ - ജില്ലാ തലങ്ങളിൽ പങ്കെടുപ്പിയ്ക്കാനും ധാരാളം നേട്ടങ്ങൾ ആർജിക്കുവാനും അവസരങ്ങൾ ലഭ്യമാക്കുന്നു .
സയൻസ് ക്ലബ്
ശാസ്ത്രാധ്യാപകരുടെ നേതൃത്വത്തിൽ വളരെ മികച്ച രീതിയിൽ ക്ലബ് പ്രവർത്തനങ്ങൾ നടന്നു വരുന്നു. ഓരോ വർഷവും സ്കൂൾ തലത്തിൽനിന്നും തിരഞ്ഞെടുക്കപ്പെടുന്ന കുട്ടികൾ പ്രൊജക്റ്റ് , വർക്കിംഗ് മോഡൽ, സ്റ്റിൽ മോഡൽ , മാഗസിൻ , സി.വി.രാമൻ പ്രബന്ധ രചന, ക്വിസ്സ് മത്സരങ്ങൾ തുടങ്ങിയവയിൽ ഉപ ജില്ലാ - ജില്ലാ തലങ്ങളിൽ മത്സരങ്ങളിൽ മികച്ച പ്രകടനം കാഴ്ച വയ്ക്കുകയും ട്രോഫികളും സർട്ടിഫിക്കറ്റുകളും കരസ്ഥമാക്കുന്നു.