എന്റെ ഗ്രാമഭംഗി
തെളിനീരൊഴുകും അരുവികളും
ഉറവതുറകും നീർച്ചാലുകളും
ചോലവനങ്ങൾ കാട്ടാറുകളും
കാവുകളും കാനന നിരയും .
നാടിൻ നന്മ ഈ മണ്ണിൽ പൂക്കും
മണ്ണൊരു നിധിയായ് കാകേണം
മാമല നാടിൻ മനോഹരമെന്നും
മാലോകർക്കൊരു മാഹാത്മ്യം
പൂത്ത് വിളഞ്ഞൊരു നെൽ വയലിൽ
മാരുതനേകും മന്ദാരം
കതിരുകളിളകി സ്വാഗതമേകും
കണ്ണുകൾക്കെന്നും കേദാരം
കോടയിറങ്ങും മലനിരയും
കാന്തിപൊഴിയും ഹിമകണവും
ഇടവപ്പാതി സമൃദ്ധമാക്കി
നാടിൻ ഭദ്രത കാത്തിടും
പ്ലാസ്റ്റിക്കെല്ലാം അകറ്റി നിറുത്തി പ്രകൃതിയിലേക്ക് മടങ്ങുക നാം
വലിച്ചെറിയുന്നൊരു സംസ്കാരം
പാടെ കളയാൻ സമയമായി.....
