പ്രകൃതി തന്നൊരു പാഠമായി മാറിയിതു മനുജനെ തിരിച്ചറിവുള്ളവനാക്കാൻ
ഒരിക്കൽ കൂടി നാം അതിജീവനത്തിന്റെ പാഠം പഠിക്കുന്നു
അകലം പാലിച്ചും കൈകൾ കഴുകിയും
ശുചിത്വത്തിലൂടെ പ്രതിരോധിക്കണം നാം കോറോണയെ...
സമയമില്ല എന്ന് പറഞ്ഞു ഒഴിഞ്ഞുമാറിയവരുടെ പ്രശ്നം ഇന്ന് സമയക്കൂടുതലായ് മാറുന്നു
സ്വന്തം മാതാപിതാക്കളെ ഒന്ന് നോക്കുവാൻ കൂടി സമായില്ലാത്തവർ
ഇന്ന് അവരുടെ വിശേഷങ്ങൾ ചോദിച്ചറിയുന്നു അവരുമായി സമയം ചിലവഴിച്ചീടുന്നു
നീണ്ട നാളുകൾക്കുശേഷം, മാലിന്യം നിറഞ്ഞു കവിഞ്ഞൊഴുകിയ പുഴയെല്ലാം തന്റെ നേരായ ഭംഗി പരിചയപ്പെടുത്തുന്നു
ഒരു മാറ്റമുണ്ടാകുവാൻ പ്രകൃതി തന്ന പാഠമാണിത് മനുഷ്യനെ.....
നിങ്ങളുടെ പീഡകൾ മടുത്തു വീണ്ടും ജീവിക്കാൻ കൊതിക്കുന്ന പ്രകൃതി
പ്രകൃതിയുടെ ചുടുക്കണ്ണുനീർ നിന്റെ മേൽ പേമാരിയായി വീണിരിക്കുന്നു അത് നിന്നെയും കരയിപ്പിക്കുന്നു
നിനക്ക് വീണ്ടും സന്തോഷിക്കണമെങ്കിൽ നീ പ്രകൃതിയെ സന്തോഷിപ്പിക്കുക
അവൾ നിന്നെയും തന്റെ സ്നേഹകരങ്ങൾ കൊണ്ട് പുണർന്നിരിക്കും, തീർച്ച....
