ഓരോ പുലരിയും സുന്ദരമാക്കുവാൻ
മൂന്നക്ഷരങ്ങളെ കൂടെനിർത്താം
ശുചിത്വം പാലിച്ചിടാമെന്നും ഇന്നിനി
ആരോഗ്യവാന്മാരായി മുന്നേറിടാം
ഇമ്പമായ് തീരേണ്ട നാളേക്കുവേണ്ടി
യിന്നിത്തിരി അകൽച്ച പാലിച്ചിടാം
സൗഹൃദസന്ദർശനങ്ങളും പിന്നീടാക്കാം
ഇന്ന് ലോകത്തെ മുഴവനും രക്ഷിച്ചീടാം
നന്നായ് കൈകൾ കഴുകീടാം ഇന്നിനി
ലോകദുരന്തത്തെ കീഴടക്കാം
ഹസ്തദാനങ്ങളെ മാറ്റിനിർത്താം
ഇനി രോഗത്തെ ദൂരേയ്ക്ക് മാറ്റി നിർത്താം
പ്രകൃതിതൻ സൗന്ദര്യം ആസ്വദിക്കാനായി
ഇനിയും ദിനങ്ങൾ ഏറെ ബാക്കി
ഒറ്റ മനസ്സായി ഓടിച്ചാടാം ഇനി
ലോകത്തെ ഭക്ഷിക്കും കൊറോണയെ
അച്ഛനും അമ്മയ്ക്കും ഒപ്പമായിന്നിനി
സന്തോഷമായി വീട്ടിൽ ചേർന്നിരിക്കാം
തിരക്കിട്ട ജീവിതശൈലിക്കിടയിലും
കുറച്ചു ദിവസങ്ങൾ വിശ്രമിക്കാം
