"എ. എം .എം. ഹയർസെക്കണ്ടറി സ്കൂൾ ഇടയാറന്മുള/ലിറ്റിൽകൈറ്റ്സ്/2022-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഇടയാറൻമുള  എ.എം.എം ഹയർ സെക്കൻഡറി സ്കൂളിൽ 'ജിഫ് ഉത്സവം' എന്ന പേരിൽ ക്യാമ്പോണം വിപുലമായി സെപ്റ്റംബർ ഒന്നിന് നടത്തി. താളമേളങ്ങളോട് തുടങ്ങിയ  ഓണാഘോഷത്തിൽ ഡിജിറ്റൽ സാങ്കേതികവിദ്യയുടെ നൂതന ആശയങ്ങൾ കുട്ടികളെ പരിചയപ്പെടുത്തി. ഓണം എന്ന ആശയത്തെ അടിസ്ഥാനമാക്കിയാണ് ഈ വർഷത്തെ ക്യാമ്പ് സംഘടിപ്പിച്ചത്.

സ്ക്രാച്ച് 3 ഉപയോഗിച്ച് ഓണവുമായി ബന്ധപ്പെട്ട അത്തപ്പൂക്കളം കുട്ടികൾ തയ്യാറാക്കി. ഈ വ്യത്യസ്തമായ പൂവേ പൊലി പൂവേ എന്ന ഗെയിം കുട്ടികളിൽ പുത്തൻ ഉണർവ് ഉണ്ടാക്കി. സ്ക്രാച്ച് 3  ഉപയോഗിച്ചുള്ള വ്യത്യസ്ത പ്രവർത്തനങ്ങൾ തയ്യാറാക്കി വരുന്നു.

, സ്വതന്ത്ര ദ്വിമാന അനിമേഷൻ സോഫ്റ്റ്‌വെയർ ആയ ഓപ്പൺ ടൂൺസ് ഉപയോഗിച്ചുള്ള പ്രമോഷൻ വീഡിയോകൾ, ജിഫ് അനിമേഷൻ വീഡിയോകൾ, പശ്ചാത്തല സംഗീതം ഒരുക്കൽ, ജിഫ് ചിത്രങ്ങൾ തുടങ്ങിയവ  ഇന്നത്തെ തലമുറയ്ക്ക് പുതിയ ആശയങ്ങൾ പകർന്നു നൽകി. പൂവേപൊലി പൂവേ എന്ന പേരിൽ സ്ക്രാച്ച് പ്രോഗ്രാമിംഗ് ഉപയോഗിച്ച് ചുരുങ്ങിയ സമയം കൊണ്ട്  നിർമ്മിച്ച   ഡിജിറ്റൽ  അത്തപ്പൂക്കളം വിദ്യാർഥികളിൽ പുത്തൻ ഉണർവ് ഉളവാക്കി. തുടർന്ന് നടക്കുന്ന സബ്ജില്ലാ ക്യാമ്പിലേക്ക് അസൈൻമെന്റ് പൂർത്തിയാക്കുന്ന തിരക്കിലാണ് കൈറ്റ് മാസ്റ്റേഴ്സും ലിറ്റിൽ കൈറ്റ്സ് വിദ്യാർത്ഥികളും.

 

അദ്ധ്യാപകരുടെ സഹായത്തോട് വിദ്യാർത്ഥികൾ സ്വയം പൂർത്തീകരിക്കുന്ന പ്രവർത്തനങ്ങളായിരുന്നു ക്യാമ്പിൽ ഉടനീളം നടന്നത്. പത്തനംതിട്ട കൈറ്റിന്റെ നേതൃത്വത്തിലുള്ള മാസ്റ്റർ ട്രെയിനർ സുപ്രിയ പി സി  ക്യാമ്പിന്റെ പ്രവർത്തനങ്ങൾ വിലയിരുത്തി. ഹെഡ്മിസ്ട്രസ് അനില സാമൂവേലിന്റെ അധ്യക്ഷതയിൽ നടന്ന ക്യാമ്പിന് കിടങ്ങന്നൂർ എസ്.വി.ജി.വി എച്ച് എസ് എസിലെ കൈറ്റ് മാസ്റ്റർ പ്രിയ ആർ നായരും, ജെബി തോമസും  നേതൃത്വം വഹിച്ചു.