"എ.എൽ.പി.എസ്. തങ്കയം/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

===യോഗാപരിശീലനം===

കുട്ടികളിലെ ശാരീരിക മാനസിക ഉല്ലാസം ഉറപ്പു വരുത്താനും ഏകാഗ്രത വളർത്തിയെടുക്കാനും ഉതകുന്ന മട്ടിൽ യോഗപരിശീലനം കുട്ടികൾക്കു സൗജന്യമായി തന്നെ നൽകുന്നു.ശ്രിമതി അതുല്യ സുരേഷ് ആൺ കുട്ടികൾക്കു ഉള്ള പരിശീലനം നൽകുന്നത്. കുട്ടികളുടെ മൊത്തത്തിലുള്ള ഉന്നമനം പ്രതീക്ഷിച്ചാണ് മാനേജ്മെന്റ് ഇത്തരത്തിലുള്ള ആശയങ്ങൾ മുന്നോട്ട് വയ്ക്കുന്നത്.

വൺ ഫുട്ബോൾ അക്കാദമിയുടെ സഹകരണത്തോടെ കുട്ടികൾക്കു സൗജന്യമായി വിദഗ്ദ്ധ ഫുട്ബോൾ പരിശീലനം നൽകുന്നു. ഇന്ത്യൻ ഫുട്ബോൾ കളിക്കാരായ മുഹമ്മദ് റാഫിയിൽ നിന്നും എം സുരേഷിൽ നിന്നും പ്രചോദനം കൊണ്ട യുവജനങ്ങളാണ് തൃക്കരിപ്പൂരിൽ ഏറെയും. അതുകൊണ്ട് തന്നെ ഫുട്ബോൾ ഒരു ഹരവും സ്വപ്നവുമാണ് പല കുട്ടുകൾക്കും. ഈ പരിശീലനം വളരെ ഗൗരവത്തോടെ ആണ് നോക്കി കാണുന്നത്. പ്രത്യേക ജേഴ്‌സിയും ഡിസൈൻ ചെയ്തിട്ടുണ്ട്.

കുട്ടികളിൽ ഏകാഗ്രത വർധിപ്പിക്കാനുള്ള ഒരു കലാകായിക അഭ്യാസമാണ് ബോൾ ഡാൻസ്. സഈദ് മാഷിന്റെ നേതൃത്വത്തിൽ 40 ഓളം കുട്ടികളെ തിരഞ്ഞെടുത്തു പരിശീലനം നല്കിപ്പോരുന്നു. സ്കൂളിലെ പല പരിപാടികൾക്കും മറ്റുമായി അതിഥികളെ സ്വാഗതം ചെയ്യാനും അത് പോലെ സ്റ്റേജിലെ ഒരു കലാപരിപാടി ആയും ബോൾ ഡാൻസ് അവതരിപ്പിക്കുന്നു.

ഇംഗ്ലീഷ് ഭാഷ കൈകാര്യം ചെയ്യാൻ കുട്ടികൾക്കുള്ള കഴിവ് പരിപോഷിപ്പിക്കാനും അവർക്കു ഇംഗ്ലീഷ് ഭാഷയിൽ സംസാരിക്കാനുള്ള ആത്മവിശ്വാസം വളർത്തി എടുക്കാനും പോന്ന വിധത്തിലുള്ള സ്പോകെൻ ഇംഗ്ലീഷ് ക്ലാസുകൾ തികച്ചും സൗജന്യമായി സ്കൂളിൽ നിന്നും നൽകുന്നു. ഇന്നത്തെ സാമൂഹിക സാംസ്കാരിക സാഹചര്യങ്ങൾ ഇംഗ്ലീഷ് ഭാഷാ പരിജ്ഞാനം അനിവാര്യമായ ഒന്നായിരിക്കുന്നു. ഇംഗ്ലീഷ് അറബിക് ഭാഷ വിവർത്തകനായി 25 വർഷത്തോളം വിദേശത്തു സേവനം അനുഷ്ടിച്ച വ്യക്തിയാണ് സ്കൂൾ മാനേജർ ആയ കെ പി സി മുഹമ്മദ്‌കുഞ്ഞി.

കുട്ടികളിലെ സർഗാത്മക ശേഷി വർധിപ്പിക്കുന്ന രീതിയിൽപ്രവൃത്തിപരിചയ ക്ലാസുകൾ സംഘടിപ്പിക്കാറുണ്ട്. കടലാസ് ഉപയോഗിച്ചും പാഴ്‌വസ്തുക്കൾ ഉപയോഗിച്ചും ചെയ്യാവുന്ന പലതരം കരകൗശലവസ്തുക്കൾ നിർമിക്കാൻ കുട്ടികളെ പഠിപ്പിക്കുന്നു. അത്തരം കാര്യങ്ങളിൽ നൈപുണ്യം കാണിക്കുകയും  താല്പര്യം പ്രകടിപ്പിക്കുകയും ചെയ്യുന്ന കുട്ടികൾക്കു പ്രത്യേക ശ്രദ്ധ നൽകി വരുന്നു. നമ്മുടെ കുട്ടികൾ ഉപജില്ലാ തലത്തിലും ജില്ലാ തലത്തിലും നിരവധി തവണ മികവു തെളിയിച്ചിട്ടുണ്ട്.

==ദിനാഘോഷങ്ങൾ==

ഇത്തവണ വെർച്ച്വൽ രീതിയിലുള്ള പ്രവേശനോത്സവമാണ് ജൂണിൽ നടന്നത്. ഗൂഗിൾ മീറ്റ് വഴിയും യൂട്യൂബ് വഴിയുമാണ് പരിപാടികൾ സംഘടിപ്പിച്ചത്.

പരിസ്ഥിതി ക്ലബ്ബിന്റെ മേൽനോട്ടത്തിൽ പരിസ്ഥിതി ദിനം ആഘോഷിച്ചു. കുട്ടികളെല്ലാം വീടുകളിൽ വൃക്ഷത്തൈകൾ നാട്ടു നനച്ചു. സ്കൂളിൽ നിന്നും വിത്ത് വണ്ടി കുട്ടികളുടെ വീടുകളിലേക്ക് പച്ചക്കറി വിത്തുകൾ എത്തിച്ചു കൊടുത്തു. പ്രധാനാധ്യാപിക മീന ടീച്ചർ പരിസ്ഥിയെ കുറിച്ചും അത് സംരക്ഷിക്കേണ്ടതിന്റെ പ്രാധാന്യത്തെ കുറിച്ചും കുട്ടികളുമായി സംവദിച്ചു.

വായന ദിനത്തിൽ പി എൻ പണിക്കരുടെ സാമൂഹിക പ്രവർത്തനങ്ങളെ കുറിച് കുട്ടികളിൽ അവബോധം ഉണ്ടാക്കുകയും വായനയുടെ പ്രാധാന്യം അവർക്ക് മനസിലാക്കി കൊടുക്കുകയും ചെയ്തു. ഭാഷാ ക്ലബ്ബും ഇംഗ്ലീഷ് ക്ലബ്ബും അറബിക് ക്ലബ്ബും സംയുക്തമായിട്ടാണ് വിവിധ വായനാ പ്രവർത്തനങ്ങൾ നടത്തിയത്. പരമാവധി കുട്ടികൾ ഇതിൽ പങ്കെടുത്തു എന്ന് അധ്യാപകർ ഉറപ്പ് വരുത്തി.

ബഷീറിന്റെ വിവിധ കൃതികളും കഥാപാത്രങ്ങളും കുട്ടികൾ അവതരിപ്പിച്ചു.

സയൻസ് ക്ലബ്ബിന്റെ ആസൂത്രണത്തിൽ വിവിധ രീതിയിലുള്ള പ്രവർത്തനങ്ങൾ നടത്തി. ചന്ദ്രന്റെ വിവിധ രൂപങ്ങളെ കുറിച്ചും അതിനെ കുറിച്ചുള്ള ശാസ്ത്ര സാമൂഹിക വശങ്ങളെ കുറിച്ചും കുട്ടികൾക്ക് മനസിലാക്കി കൊടുത്തു. കുട്ടികളുടെ പലതരത്തിലുള്ള അവതരണങ്ങൾ ഉണ്ടായി.

ആഗസ്റ്റ് 15 ഇന് എല്ലാ കുട്ടികളെയും പങ്കെടുപ്പിച്ചു വിവിധ പരിപാടികൾ നടത്തി. ദേശഭക്തി തുളുമ്പുന്ന പാട്ടുകളും പ്രച്ഛന്നവേഷങ്ങളും ചിത്രരചനകളുമായി ആഘോഷം നന്നായി നടന്നു. പതാക നിർമാണം കുട്ടികൾക്കും ദേശഭക്തി ഗാന മത്സരം രക്ഷിതാക്കൾക്കുമായി സംഘടിപ്പിച്ചു.

വെർച്ച്വൽ  ഓണാഘോഷമാണ് നടന്നതെങ്കിലും സദ്യയുടെയും പൂക്കളങ്ങളുടെയും ഓണക്കോടികളുടെയും ചിത്രങ്ങൾ പങ്കുവച്ചും ആശംസകൾ കൈമാറിയും കുട്ടികൾ അധ്യാപകരോടും കൂട്ടുകാരോടും ഒത്ത് ഓണം ആഘോഷിച്ചു.

അദ്ധ്യാപകരോട് കുട്ടികളിൽ ഉണ്ടാകേണ്ട ബഹുമാനത്തിന്റെയും ആദരവിന്റെയും ഓർമപ്പെടുത്തലിലൂടെ ഈ വർഷത്തെ അദ്ധ്യാപകദിനം കടന്നു പോയി. ചിത്രരചനകളും പാട്ടുകളും പ്രസംഗങ്ങളും അദ്ധ്യാപകർക്കുള്ള ആശംസകൾ നിറഞ്ഞു നിന്നു. കുട്ടി അദ്ധ്യാപകർ അവരുടെ അവതരണത്തിലൂടെ തങ്ങളുടെ ടീച്ചേഴ്‌സിനെ എങ്ങിനെ നോക്കിക്കാണുന്നു വ്യക്തമാക്കി.

രാഷ്ട്ര പിതാവായ ഗാന്ധിജിയുടെ ജീവിതം നമ്മൾ ഓരോ ഭാരതീയനിലും ഉണ്ടാക്കേണ്ട പ്രഭാവമാണ് ഈ വര്ഷം ഗാന്ധി ജയന്തിക്ക് പ്രധാനമായും ഊന്നൽ നൽകിയത്. വിവിധ പരിപാടികളിലൂടെ അത് അവതരിപ്പിക്കപ്പെട്ടു.

കേരളം പിറന്ന ദിനത്തിൽ കുട്ടികൾ തിരികെ സ്കൂളിലേക്കു എത്തി എന്ന ഒരു പ്രത്യേകത ഈ  വര്ഷം ഉണ്ടായി. കേരളത്തിന്റെ വിഭവസമ്പത്ത് വിളിച്ചോതുന്ന ചാർട്ടുകളും ചിത്രങ്ങളും സ്കൂളിൽ അലങ്കരിച്ചു. കുട്ടികൾക്കു സമ്മാനങ്ങൾ നൽകി.

ചാച്ചാജിയുടെ ഓർമകളിൽ കുട്ടികൾ അദ്ധ്യാപകരോടൊത്ത് വിവിധ കലാപരിപാടികളോടെ ശിശുദിനം ആഘോഷിച്ചു.

അന്താരാഷ്ട്ര അര്ബിക് ഭാഷാ ദിനം ആഘോഷിച്ചത് അറബിക് സ്പെഷ്യൽ ഓഫീസർ ആയ ഹാരിസ് മാഷിനെ ആദരിച്ചു കൊണ്ടാണ്. എം എൽ എ ആയ രാജഗോപാലൻ ഉൽഘാടനം ചെയ്ത പരിപാടിയിൽ വാർഡ് മെമ്പർ അധ്യക്ഷത വഹിച്ചു. വിവിധ മത്സര പരിപാടികളും നടത്തി കുട്ടികൾക്കു സമ്മാനങ്ങൾ നൽകി.

പുൽക്കൂട് ഒരുക്കിയും കരോൾ ഗാനങ്ങൾ പാടിയും കേക്കുകൾ മുറിച്ചും ക്രിസ്‌തുമസ്‌ ആഘോഷിച്ചു. ക്രിസ്തുദേവന്റെ സഹനകഥകൾ കുട്ടികൾക്കു അദ്ധ്യാപകർ പറഞ്ചു കൊടുത്തു.

സി വി രാമന്റെ വിഖ്യാത കണ്ടുപിടിത്തത്തെ ബഹുമാനിച്ചു കൊണ്ട് ആചരിക്കുന്ന ശാസ്ത്ര ദിനത്തിൽ  പ്രമുഖ സയൻസ് പ്രചാരകൻ ശ്രീ ദിനേശ് കുമാർ കുട്ടികളുടെ മുന്നിൽ പലതരം പരീക്ഷണങ്ങൾ അവതരിപ്പിച്ചു. കുട്ടികൾക്കും അവരുടെ കുഞ്ഞു പരീക്ഷണങ്ങൾ അവതരിപ്പിക്കാൻ ഓരോ ക്ലാസ് യിലും അവസരം ഒരുക്കി.