ജി. എച്ച്. എസ്സ്. എസ്സ്. കൊടുങ്ങല്ലൂർ/ചരിത്രം

ചരിത്ര നഗരിയായ കൊടുങ്ങല്ലൂരിന്റെ മഹനീയ പാരമ്പര്യം ഉയർത്തിപ്പിടിച്ച് ശ്രൃംഗപുരത്ത് സ്ഥിതിചെയ്യുന്ന പ്രശസ്ത വിദ്യാലയമാണ് പിബിഎംജിഎച്ച്എസ്എസ് കൊടുങ്ങല്ലൂർ. എല്ലാവരും വിദ്യ അഭ്യസിക്കുക എന്ന ലക്ഷ്യവുമായി കൊടുങ്ങല്ലൂർ കളരിയുടെ പിൻതുടർച്ചയായിട്ടാണ് കോവിലകം തമ്പുരാക്കൻമാർ ഈ വിദ്യാലയം സ്ഥാപിച്ചത്. കൊല്ലവർഷം 1605 മിഥുനം ഇരുപത്തിയൊന്നാം തീയതി, അതായത് 1890 ജൂലൈ 10 ന് ഒന്നും രണ്ടും ക്ലാസ്സുകളോടെ പ്രവർത്തനമാരംഭിച്ച സ്കൂൾ ആണ് ഇത്.കൊല്ലവർഷം 1083 ൽ ഹൈസ്കൂളായി. 1085 ൽ കൊച്ചി സർക്കാർ എന്ന പേരിൽ പൂർണ്ണനിലയിലെത്തി. ക്രിസ്തുവർഷം 1945 വരെ പെൺകുട്ടികൾക്കും പ്രവേശനം ഉണ്ടായിരുന്നു. 1990 ൽ ഹയർ സെക്കണ്ടറി സ്കൂൾ ആയി ഉയർത്തിയതോടെ പെൺകുട്ടികൾക്ക് വീണ്ടും പ്രവേശനം നൽകി. 1992 മുതൽ അഞ്ചാം ക്ലാസ് മുതൽ പത്താം ക്ലാസ് വരെയുള്ള ക്ലാസ്സുകളിലേക്ക് പെൺകുട്ടികൾക്ക് പ്രവേശനം നൽകി തുടങ്ങി.17/10/2020 ൽ പി ഭാസ്കരൻ മെമ്മോറിയൽ ഗവൺമെന്റ് ഹയർ സെക്കണ്ടറി സ്കൂൾ എന്ന് പുനർനാമകരണം ചെയ്തു.