രാവിലത്തെ ചായ കഴിഞ്ഞ്
ടിവി കണ്ടു കൊണ്ടിരിക്കുമ്പോൾ
അച്ഛൻ ഉറക്കം തൂങ്ങാറുണ്ടെന്നും...
അപ്പോൾ അമ്മ വിളിച്ചുണർത്തി
ചൂടു ചായ കൊടുക്കുമെന്നും
ഉച്ചയൂണ് കഴിഞ്ഞ്
രണ്ട് പേരും ഒന്ന്
മയങ്ങുമെന്നും
പറമ്പിൽ തൊട്ടാവാടി പൂക്കളുണ്ടെന്നും
വൈകുന്നേരം മുറ്റത്തെ തണൽ
സിറ്റ് ഔട്ടിലെ കസേരയോട് ചേർത്ത്
കുശലം പറയാൻ വരുമെന്നും...
അഞ്ചു മണിയുടെ വെയിൽ
ഊണ് മേശ പുറത്ത് വിരിയുമെന്നും...
ഇന്നലെ വന്ന കൊറോണയാണ്
എനിക്ക് കാട്ടി തന്നത്.
