നമ്മളിന്നൊരു അടച്ചിട്ട മുറിയിൽ
പുറം ലോകത്തിന്റെ സ്വാതന്ത്ര്യത്തിൽ നിന്നും
കൗതുകങ്ങൾ നിറയും സ്നേഹവീട്ടിൽ
സംഹാരതാണ്ഡവമാടും കൊറോണയെ
സഹനതയോടെ നേരിടും നമ്മൾ
ലോകചരിത്രത്തിൻ താളുകളിൽ
കേരളമേ നിൻ നാമം തങ്കലിപികളി -
ലാലേഖനം ചെയ്യാൻ ഈ ബാലഹൃദയങ്ങൾ കൂടെയുണ്ട്
കാക്കിക്കുള്ളിലെ കരുത്തുള്ള ദേഹവും
മാലാഖമാരുടെ കനിവുള്ള സ്പർശവും
വീണ്ടും നമുക്കേകും ഒരു പുതു വസന്തം
പുത്തനുടുപ്പും വർണകുടയും
നറുമണം ചൂടും പാഠപുസ്തകവും
തോളിലേന്തി പൂമ്പാറ്റയായി പറക്കാൻ
വീണ്ടുമൊരു പഠന കാലം വന്നണയും.