ഗവൺമെന്റ് ന്യൂ എൽ.പി.എസ്. വക്കം/അക്ഷരവൃക്ഷം/തിരിച്ചുവരവ്
തിരിച്ചുവരവ്
ഹൊ! എന്തൊരു ചൂട്! അയാൾ കടത്തിണ്ണയിലേക്ക് കയറി. അവിടെയും ചൂടു തന്നെ. ഒരു ഗ്ലാസ് വെള്ളവും വാങ്ങി കുടിച്ചയാൾ കുറച്ചു നേരം അവിടെയിരുന്നു ഈ രീതിയിൽ ഇങ്ങനെ പോയാൽ ഇതെവിടെ ചെന്നെത്തും? പെട്ടെന്നയാൾ തൻ്റെ ബാല്യകാലത്തേക്ക് തിരിച്ചു പോയി. മരങ്ങളാൽ നിറഞ്ഞ ഇടവഴികളായിരുന്നു ഇതെല്ലാം ആ തണുത്ത .വഴികളിൽ കൂടി ചെരുപ്പിടാതെയും നടക്കാമായിരുന്നു.മരങ്ങളോടും കിളികളോടും കിന്നാരവും പറഞ്ഞു നടന്ന ബാല്യകാലം. വഴിവക്കിൽ നിന്നിരുന്ന മൂവാണ്ടൻ മാവിൽ നിന്നും ഇഷ്ടം പോലെ മാങ്ങകൾ എറിഞ്ഞു വീഴ്ത്തിയിരുന്ന കാലം. താഴെ വീണിരുന്ന മാങ്ങകൾ രുചിയോടെ തിന്നിരുന്ന ആ നല്ല കാലം. തനിക്കുമില്ലേ പ്രകൃതിയുടെ ഈ മാറ്റത്തിൽ ഉത്തരവാദിത്തം. മരങ്ങൾ മുറിച്ചു മാറ്റാനും പാടം നികത്തി വീടുവയ്ക്കാനും തനിക്കുമുണ്ടായിരുന്നല്ലൊ ഉത്സാഹം. പ്രകൃതിയുടെ ഈ ദുരവസ്ഥയ്ക്കു കാരണം നമ്മൾ മനുഷ്യർ മാത്രമല്ലേ? ഇനിയൊരു പ്രാവശ്യം കൂടി ആ പഴയ കാലം വന്നിരുന്നുവെങ്കിൽ അയാൾ വെറുതെ ആഗ്രഹിച്ചു പോയി. ഓ നേരം പോയതറിഞ്ഞില്ല. അയാളെഴുന്നേറ്റു നടക്കാൻ തുടങ്ങി
|
