നയനാന്ധകാരമണഞ്ഞു... മെയ്കളിൽ മരവിപ്പുണർന്നു... ഇന്നലകളിലുണർന്ന ഞാനി- ന്നണഞ്ഞു അന്ധകാരത്തിലേക്ക്... എൻ മനമെവിടെ... ഞാനെന്ന ഞാനെവിടെ... അന്ധകാരത്തിൻ ശൂന്യതയിൽ ഞാൻ അണഞ്ഞു ഇന്നലെകളിലേക്ക്... പ്രായഭേദമന്യേ ഞാൻ ചെയ്ത ക്രൂരതകളെൻ മുമ്പിലേക്ക്... ഇനിയൊരു ജന്മമില്ലെനിക്കീ പാപങ്ങളെ തിരുത്താൻ... എന്നുള്ളറകൾ മന്ദഹസിക്കുന്നു പൊട്ടിക്കരയുന്നു... ജീവൻ നിലച്ചു... പ്രാണനകന്നു... അറിഞ്ഞു ഞാനെന്തെന്ന് ജീവിതം, ചെയ്ത ക്രൂരതകൾക്കെല്ലാ- മിനിയൊരു ക്ഷമാർപ്പണം സാധ്യമല്ലെന്നെനിക്കറിയാമെങ്കിലും സർവ്വചരാചരങ്ങളോടും... മാപ്പ്... മാപ്പ്... മാപ്പ്...
