ഗവ..എച്ച്. എസ്.എസ്. വെള്ളമണൽ./എന്റെ ഗ്രാമം
എന്റെ ഗ്രാമം - മയ്യനാട്
കൊല്ലം ജില്ലയുടെ തെക്ക് പടിഞ്ഞാറൻ പ്രാന്ത പ്രദേശത്താണ് മയ്യനാട് സ്ഥിതിചെയ്യുന്നത്. കൊല്ലം നഗരമധ്യത്തിൽ നിന്ന് ഏകദേശം 10 കിലോമീറ്റർ തെക്കും പരവൂർ ടൗണിൽ നിന്ന് 6 കിലോമീറ്റർ വടക്കും. പരവൂർ കായലിന്റെ തീരത്താണ് മയ്യനാട്സ്ഥിതിചെയ്യുന്നത്. കൊല്ലം ജില്ലയിലെ പ്രധാന റെയിൽവേ സ്റ്റേഷനുകളിൽ ഒന്നാണ് മയ്യനാട് റെയിൽവേ സ്റ്റേഷൻ..
പ്രശസ്തരായ വ്യക്തികൾ
1950-1952 കാലത്ത് തിരുവിതാംകൂർ കൊച്ചി മുഖ്യമന്ത്രിയായിരുന്ന സി കേശവന്റെ ജന്മസ്ഥലമാണ് മയ്യനാട്.
സാമൂഹിക പരിഷ്കർത്താവും, പത്രപ്രവർത്തകനും, കേരളകൗമുദി ദിനപത്രത്തിന്റെ സ്ഥാപകനുമായ സി വി കുഞ്ഞിരാമന്റെ ജന്മസ്ഥലം കൂടിയാണ് മയ്യനാട്.
ടൂറിസം
പ്രകൃതിരമണീയമായ ബീച്ചുകൾ ഏറെ പ്രത്യേകിച്ച് താന്നി ബീച്ച്,പൊഴിക്കര ഇവ സഞ്ചാരികളെ മയ്യനാട്ടിലേക്ക് ആകർഷിക്കുന്നു. നീന്താൻ അനുയോജ്യമായ തടാകങ്ങളും, പരവൂർ കായലിന്റെയും അറബിക്കടലിന്റെയും സംഗമവും വിനോദസഞ്ചാരികളെ ഈ സ്ഥലത്തിലേക്ക് ആകർഷിക്കുന്നു.
പ്രസിദ്ധമായ ആരാധനാലയങ്ങൾ
ശ്രീ ബാലസുബ്രഹ്മണ്യസ്വാമി ക്ഷേത്രം, അമലോൽഭവ മാതാ പള്ളി ( പുല്ലിച്ചിറ പള്ളി ), എന്നിവ ഉൾപ്പെടെ നിരവധി ക്ഷേത്രങ്ങളും പള്ളികളും മുസ്ലിം പള്ളികളും മയ്യനാട്ടിൽ സ്ഥിതി ചെയ്യുന്നു. ജൻമം കുളം ക്ഷേത്രം മയ്യനാട് റെയിൽവേ സ്റ്റേഷന് സമീപത്തായി സ്ഥിതി ചെയ്യുന്നു .