Schoolwiki സംരംഭത്തിൽ നിന്ന്
ശുചിത്വം
നമ്മുടെ അനുദിന ജീവിതത്തിൽ നാം എന്നും ശീലമാക്കേണ്ട ഒന്നാണ് ശുചിത്വം. രോഗത്തെ പ്രതിരോധിക്കാനുള്ള ഒരു നല്ല മാർഗമാണ് ശുചിത്വം. ശുചിത്വമെന്നു പറയുമ്പോൾ വീടും പരിസരവും വൃത്തിയായി സൂക്ഷിക്കുക, എന്നും വൃത്തിയായ വസ്ത്രങ്ങൾ ധരിക്കുക, എന്നും കുളിക്കുക, കൈകൾ വൃത്തിയായി സൂക്ഷിക്കുക എന്നിങ്ങനെയുള്ള കാര്യങ്ങളാണ് അർത്ഥമാക്കുന്നത്. ശുചിത്വമില്ലാത്ത ഒരു വീട്ടിൽ രോഗങ്ങൾ വരാൻ ഏറെ സാധ്യതയുണ്ട്. എന്നാൽ ശുചിത്വമുള്ള വീടുകളിൽ അസുഖങ്ങൾ കുറവായിരിക്കും. അതുകൊണ്ടുതന്നെ ശുചിത്വത്തിനു നമ്മുടെ ജീവിതത്തിൽ വലിയൊരു സ്ഥാനമാണുള്ളത്. എന്നാൽ ഇന്നത് പലരും മറന്ന് പോകുന്നു. ഇക്കാരണത്താലാണ് രോഗങ്ങൾ കൂടുന്നതും.
നാം ഇന്ന് നേരിട്ടുകൊണ്ടിരിക്കുന്ന ഒരു മഹാമാരിയാണ് കോവിഡ് - 19. ഈ മഹാമാരിയെ എങ്ങനെയെങ്കിലും തോൽപ്പിക്കണം എന്നതാണ് എല്ലാവരുടെയും ആഗ്രഹം. പ്രളയത്തെ അതിജീവിച്ചവരാണ് നാം. അതുപോലെ ഈ മഹാമാരിയെയും നമ്മൾ അതിജീവിക്കും. അതിന് പേടിയല്ല, മറിച്ച് ജാഗ്രതയാണ് വേണ്ടത്. നിരന്തരം സോപ്പും ഹാൻഡ് വാഷും ഉപയോഗിച്ച് കൈ കഴുകുക, തുമ്മുമ്പോഴും ചുമയ്ക്കുമ്പോഴും തൂവാലകൊണ്ട് മുഖം മറയ്ക്കുക. അങ്ങനെ ശുചിത്വത്തിലൂടെ നമുക്കൊന്നിച്ച് കോവിഡ് - 19 എന്ന ഈ മഹാമാരിയെ അതിജീവിക്കാം.
|
