ഗവ.എച്ച്.എസ്. എസ്.മാരൂർ/അക്ഷരവൃക്ഷം/നമ്മുക്ക് ചുറ്റുമുള്ള ആവാസവ്യവസ്ഥകൾ

നമ്മുക്ക് ചുറ്റുമുള്ള ആവാസവ്യവസ്ഥകൾ പ്രകൃതി ഒരു പാഠപുസ്തകമാണ് ചെറുതും വലുതുമായ നിരവധി ആവാസവ്യവസ്ഥകൾ നമ്മുക്ക് ചുറ്റുമുണ്ട്. ഒരു ജീവി വസിക്കുന്ന പ്രകൃതിയാൽ ഉള്ള അതിന്റെ ചുറ്റുപാടാണ് ആവാസം. നമ്മുക്ക് ചുറ്റും ചെറുതും വലുതുമായ നിരവധി ജീവജാലങ്ങളുണ്ട്. ഈ ജീവജാലങ്ങളെല്ലാം അധിവസിക്കുന്നത് അവരുടേതായ ആവാസവ്യവസ്ഥയിലാണ്. ജീവീയ ഘടകങ്ങളും അജീവിയ ഘടകങ്ങളും ഉൾപ്പെടുന്നതും അവയുടെ പരസ്പര ബന്ധത്തിലൂടെ നിലനിൽക്കുന്നതുമായ സംവിധാനമാണ് ആവാസവ്യവസ്ഥ. കാവ്, വനം, വയൽ, കുളം, കുന്ന്, പൂന്തോട്ടം, പുൽമേട, പുഴ എന്നിവയെല്ലാം ആവാസവ്യവസ്ഥകൾക്ക് ഉദാഹരണങ്ങളാണ് എന്നാൽ നമ്മളാരും ശ്രദ്ധിക്കാതെ പോകുന്ന ചില സൂക്ഷ്മ ആവാസവ്യവസ്ഥകളും നമ്മുക്കു ചുറ്റുമുണ്ട്. അങ്ങനെയുള്ള ആവാസ വ്യവസ്ഥകളാണ്. മരത്തിന്റെ ഇലയിൽ കൂടുണ്ടാക്കുന്ന പുളിയുറുമ്പുകൾ, മണ്ണിൽ കൂടുണ്ടാകുന്ന ഉറുമ്പുകൾ, ചിതൽപ്പുറ്റുകൾ, പൂഴി മണ്ണിൽ കൂടുണ്ടാക്കുന്ന കുഴിയാനകൾ, തേനീച്ചക്കൂടുകൾ, ഈർപ്പവും ജൈവാംശവുമുള്ള മണ്ണിൽ വസിക്കുന്ന മണ്ണിരകൾ, അട്ടകൾ, സൂക്ഷ്മങ്ങളായ നിരവധി പ്രാണികൾ എന്നിവ. പശുവിന്റെ ചാണകം പോലും ഒരു ആവാസവ്യവസ്ഥയാണ്. സൂക്ഷ്മ ജീവികളായ ഫംഗസുകൾ, ബാക്ടീരിയകൾ എന്നിവ ചാണകത്തിൽ വസിച്ച് പോഷണം നടത്തുകയും വിഘടിപിച്ച് മണ്ണിൽ ചേർക്കുകയും ചെയുന്നു. കൊമ്പൻച്ചെല്ലിയുടെ ലാർവയായ കുണ്ടളപ്പുഴുവിന്റെ ആവാസവും ചാണകമാണ്. നമ്മുക്കുചുറ്റുമുള്ള ശലങ്ങൾക്കെല്ലാം ആഹാര സസ്യങ്ങളും തേൻച്ചെടികളും വ്യത്യസ്തമാണ്. ഓരോ ശലഭവും മുട്ടയിടുന്നത് അതിന്റെ ശലഭപ്പുഴുവിന്റെ ആഹാര സസ്യത്തിലാണ്. ഇങ്ങനെ വിവിധങ്ങളായ സൂക്ഷ്മ ആവാസവ്യവസ്ഥകളുടെ പ്രവർത്തനം മൂലമാണ് പ്രകൃതിയുടെ സംതുലനാവസ്ഥ നിലനിൽക്കുന്നത്. അതിനാൽ ഇവയെയെല്ലാം നമുക്ക് സംരക്ഷിക്കാം. മാനവ് ദർശൻ മിത്ര 6 GHSS മാരൂർ അടൂർ ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 ലേഖനം