ഗ്രേസി മെമ്മോറിയൽ എച്ച്.എസ്. പാറത്തോട്/എന്റെ ഗ്രാമം
അതിിപുരാതന കാലം തൊട്ട് ജനവാസം ഉണ്ടായിരുന്ന പ്രദേശമാണ് പാറത്തോട്.ഗോത്രവര്‍ഗക്കാരായ അരയര്‍,മറവര്‍,മന്നന്‍, കുറവര്‍ തുടങ്ങിയവരായിരുന്നു ഈ നാട്ടിലെ ആദിവാസികള്‍.ഇവര്‍ക്കു പുറമെ ബുദ്ധമതവിശ്വാസികളും ഉണ്ടായിരുന്നു പഞ്ചായത്തിലെ ചിറ്റടി,ചോറ്റി,പാലപ്ര തുടങ്ങിയ സ്ഥലങ്ങളിലാണ് ഇവര്‍താമസിച്ചിരുന്നത്. പാറത്തോട് .
സ്ഥലനാമചരിത്രം
ചോറ്റിയില്‍ നിന്ന് വരുന്ന കമ്പിത്തോടും പഴുവത്തടം ഭാഗത്തു നിന്നും വരുന്ന പഴുവത്തടം തോടും മലനാട് ജംഗ്ഷനില്‍ വെച്ച് ഒന്നായി ചേര്‍ന്നാണ് പാറത്തോട് ആകുന്നത്.പാറയിടുക്കിലൂടെ മാത്രം. ഒഴുകുന്നതു കൊണ്ടാണ് പാറത്തോടായി മാറിയത്.ഈ തോടിന്റെ പേരില്‍ നിന്നാണ് പഞ്പായത്തിന് ഇന്നത്തെ പേര് കൈവന്നത്.
കൃഷി
കുന്നുകളും സമതലങ്ങളും മലകളും ഇടകലര്‍ന്നു കിടക്കുന്ന പ്രദേശമാണ് പാറത്തോട്. ഏകദേശം 2 നൂറ്റാണ്ടിനു മുന്‍പ് പാറത്തോട് പഞ്ചായത്തിലെ ഭൂരിപക്ഷം പ്രദേശങ്ങളും നിത്യഹരിതവനങ്ങളായിരുന്നു1905 മുതല്‍ ഈ പഞ്ചായത്തിലേക്ക് കര്‍ഷകരുടെ കുടിയേറ്റമായിരുന്നു.
.പ്രാദേശിക കുടിയേറ്റങ്ങളെ തുടര്‍ന്ന് വനങ്ങളൊക്കെ വെട്ടിുത്തെളിച്ച് കൃഷിയിറക്കി.ഭക്ഷ്യവിളകളിടെ കൃഷിയായിരുന്നു ആദ്യകാലങ്ങളിലെങ്കില്‍ പിന്നീട് നാണ്യവിളകൃഷിയായി മാറി.പിന്നീട് 95 ശതമാനം റബര്‍ കൃഷിയായി.
70 ശതമാനം പേരും കര്‍ഷകരാണ്.പഞ്ചായത്തിലെ പ്രധാന കൃഷി റബറാണ്. ഇതിനു പുറമെ തെങ്ങ്,കുരുമുളക്, കൊക്കോ, കാപ്പി,ജാതി,ഗ്രാമ്പൂ തുടങ്ങിയ ദീര്‍ഘകാലവിളകളും മരച്ചീനി,ഇഞ്ചി,മഞ്ഞള്‍,കിഴങ്ങുവര്‍ഗങ്ങള്,പച്ചക്കറികള്‍ മുതലായ കാര്‍ഷികവിളകളും കൃഷി ചെയ്യുന്നു. നല്ല വളക്കൂറുള്ള മണ്ണാണ് ഇവിടെയുള്ളത്.
ജലസ്രോതസ്സുുുകള്‍
മഴയെ ആശ്രയിച്ചാണ് ഇവിടുത്തെ കൃഷികള്‍ നിലനില്ക്കുന്നത്. നരിവേലി അരുവി,പാറത്തോട് തോട്,വെളിച്ചിയാനി തോട്,26 -തോട്,പാലമ്പ്ര മക്കാലി തോട്തുടങ്ങിയവ പ്രധാന ജലസ്രോതസുകളാണ്.
ആഘോഷങ്ങള്‍
ആനക്കല്ല് പൊടിമറ്റം,വെളിച്ചിയാനി എന്നിവിടങ്ങളിലെ പള്ളികളില്‍ ആണ്ടുതോറും പെരുന്നാളുകളുണ്ട്.ഹിന്ദുക്കളും മുസല്‍മാനും ഇതില്‍ പങ്കെടുക്കുന്നു. അതുപോലെ ഇടക്കുന്നത്തെ ചെറുവള്ളിക്കാവ് ദേവീക്ഷേത്രത്തില്‍ നടന്നവരുന്ന കുഭപൂരവുംഇടക്കന്നമ പള്ളിമുക്കിലെ കര്യപ്പാറ പള്ളിയില്‍ നടത്തി വരുന്ന ചന്ദനക്കടം മഹോത്സവവും എല്ലാവരും കൊണ്ടാടുന്നു.
പ്രധാന സ്ഥാപനങ്ങള്‍
വില്ലേജ് ഓഫിസുകള്‍ 2 ഇടക്കുന്നം,കൂവപ്പള്ളി പോസ്റ്റോഫീസ് 7 പാറത്തോട്,ചിറ്റടി,വേങ്ങത്താനം,ഇടക്കുന്നം,കൂവപ്പള്ളി,പാലമ്പ്ര,ആനക്കല്ല് കോളേജ് 2 സ്ക്കൂളുുകള്‍ 9 ആശുപത്രികള്‍ 5 കോ ഓപ്പറേറ്റീവ് ബാങ്ക് 3 ഹെല്‍ത്ത് സെന്റര്‍ 1 മൃഗാശുപത്രി 1 ഗതാഗതം അന്നം തേടി അലഞ്ഞിരുന്ന പുരാതന മനുഷ്യര്‍ കല്ലും മുള്ളും ചവിട്ടു മെത്തയാക്കി മാറ്റിയിരുന്നെങ്കില്‍ ആധുനിക മനുഷ്യന്റെ സാമുഹ്യ സാസ്ക്കാരിക സാമ്പത്തിക വളര്‍ച്ചക്ക് ഗതാഗതം ഒരു പ്രധാന ഘടകമാണ്. ഈ പഞ്ചായത്തിലെ ആദ്യത്തെ ഗതാഗത സൗകര്യം ഉള്ള ഏക റോഡ് കെ കെ റോഡ് ആയിരുന്നു. ഈ പഞ്ചായത്തിലെ വിവിധ പ്രദേശങ്ങളില്‍ നിന്നുള്ല ജനങ്ങള്‍ അവരുടെ ഉല്പന്നങ്ങള്‍ ശിരസിലേറ്റി കമ്പോളം തേടി കാതോളം യാത്ര ചെയ്തിരുന്നു. കാലാനുസൃതമായ വളര്‍ച്ചയില്‍ റോഡുകളുടെ കാര്യത്തില്‍ ഈ പ്രദേശത്തെ ജനങ്ങള്‍ നേട്ടങ്ങള്‍ കൈവരിച്ചു. നിലവില്‍ 64 കി മീ ടാര്‍ റോഡുകളും 110കി മീ മണ്‍ റോഡുകളുമാണുള്ളത്. പ്രശസ്തരായ വ്യക്തികള്‍ പാറത്തോടിന്റെ അഭിമാനം എന്നറിയപ്പെടുന്ന അക്കാമ്മ ചെറിയാന്‍ ജനിച്ചു വളര്‍ന്ന സ്ഥലമാണിത്. സ്വാതന്ത്ര്യ സമരത്തില്‍ പങ്കെടുത്ത ധീരവനിത.ഡി സി ബുക്ക്സിന്റെ ശാഖ ആദ്യമായി പ്രചാരത്തിലിറക്കിയ ശ്രീ ഡി സി കിഴക്കെമുറി പാറത്തോടില്‍ ഉണ്ടായിരുന്നു.