സെന്റ്. റീത്താസ് യു.പി.എസ്. അരുവിയോട്/പ്രവർത്തനങ്ങൾ/2024-25
അരുവിയോട് സെന്റ് റീത്താസ് യു .പി സ്കൂൾ പ്രവേശനോത്സവം കരകുളം ഗ്രാമ പഞ്ചായത്ത് പ്രസിഡന്റ് ശ്രീമതി .യു ലേഖറാണി ഉദ്ഘാടനം ചെയ്തു. പിടിഎ പ്രസിഡണ്ട് സന്തോഷ് .വി അധ്യക്ഷത വഹിച്ചു .മരുതൂർ വാർഡ് മെമ്പർ അഡ്വ ആശ പ്രദീപ് സ്കൂൾ ഡെവലപ്മെന്റ് കമ്മിറ്റീ ചെയർമാൻ ശ്രീ .ഹഫീസ് എന്നിവർ സംസാരിച്ചു. വർണ്ണശബളമായ ഉദ്ഘാടനത്തിനുശേഷം കുട്ടികൾക്ക് മധുരം നൽകുകയും സ്കൂൾ മാഗസിൻ വിതരണം ചെയ്യുകയും ചെയ്തു . അതിനുശേഷം രക്ഷകർത്താക്കൾക്ക് ബോധവൽക്കരണ ക്ലാസും സംഘടിപ്പിച്ചു.
പേപ്പട്ടി വിഷ പ്രതിരോധബോധവൽക്കരണം
പേപ്പട്ടി വിഷ പ്രതിരോധത്തിന്റെ ഭാഗമായി നമ്മുടെ സ്കൂളിൽ Gov. ആശുപത്രിയിലെ ആരോഗ്യപ്രവർത്തകൻ ,മെഡിക്കൽ വിദഗ്ധർ എന്നിവർ അടങ്ങിയ സംഘം സ്കൂളിലെത്തുകയും പ്രത്യേക അസംബ്ലി വിളിച്ചുകൂട്ടി കുട്ടികളെ ബോധവൽക്കരിക്കുകയും ഇതുമായി ബന്ധപ്പെട്ട പ്രതിജ്ഞ കുട്ടികൾക്ക് ചൊല്ലിക്കൊടുക്കുകയും ചെയ്തു.
സ്വാതന്ത്ര്യ ദിനം ആഘോഷിച്ചു
അരുവിയോട് സെന്റ് റീത്താസ് യു .പി സ്കൂളിൽ 78മത് സ്വാതന്ത്ര്യ ദിനം വിപുലമായ പരിപാടികളോടെ ആഘോഷിച്ചു .ഹെഡ്മാസ്റ്റർ ശ്രീ .ജോസഫ് ഈപ്പൻ പതാക ഉയർത്തി സ്വാതന്ത്ര്യദിനാഘോഷങ്ങൾക്കു തുടക്കം കുറിച്ചു.,പി ടി എ പ്രസിഡൻറ് ശ്രീ .സന്തോഷ് .വി , വൈസ് പ്രസിഡന്റുമാരായ ശ്രീ .ബിജു ,ശ്രീമതി .സരിത , ശ്രീമതി നീനാ വർഗീസ് എന്നിവർ സ്വാതന്ത്ര്യദിനാശംസകൾ നേർന്നു . ദേശഭക്തി ഗാനം കുട്ടികൾ ആലപിക്കുകയും ,സ്വാതന്ത്ര്യ സമര സേനാനികളുടെ വേഷം ധരിച്ചു വരികയും ചെയ്തു .
ഒന്നിച്ചോണം-2024
അരുവിയോട് സെന്റ് റീത്താസ് യു .പി സ്കൂളിൽ ഓണാഘോഷ പരിപാടികൾ - ഒന്നിച്ചോണം - 2024 വർണ്ണാഭമായ നിരവധി പരിപാടികളോടുകൂടി സമുചിതമായി ആഘോഷിച്ചു. ഓണാഘോഷ പരിപാടികളുടെ ഉദ്ഘാടനം ഹെഡ്മാസ്റ്റർ ശ്രീമതി അഡ്വ .ആശ പ്രദീപ് നിർവഹിച്ചു. പി.റ്റി.എ പ്രസിഡന്റ് ശ്രീ സന്തോഷ് വി അധ്യക്ഷനായ ചടങ്ങിൽ ഹെഡ്മാസ്റ്റർ ശ്രീ ജോസഫ് ഈപ്പൻ സ്വാഗതം ആശംസിച്ചു. അധ്യാപക പ്രധിനിധി ഓണാശംസകൾ നേർന്നു. മഹാബലിയും വാമനനും ഉൾപ്പെടെയുള്ള വിവിധ പരിവേഷങ്ങൾ ഓണാഘോഷ പരിപാടികൾക്ക് ദൃശ്യശോഭ പകർന്നു. കുട്ടികളുടെ വിവിധ കലാപരിപാടികൾ, കായിക മത്സരങ്ങൾ എന്നിവയും നടന്നു. തുടർന്ന് എല്ലാവർക്കും വിഭവസമൃദ്ധമായ ഓണസദ്യയും നൽകി.
ഗാന്ധിജയന്തി 2024
അരുവിയോട് സെന്റ് റീത്താസ് സ്കൂളിൽ ഗാന്ധിജയന്തി വിപുലമായ പരിപാടികളോടെ ആഘോഷിച്ചു ശുചീകരണ പ്രവർത്തനങ്ങൾ സ്കൗട്ട് &ഗൈഡ് എന്നിവയുടെ വിവിധ പരിപാടികളും ഉണ്ടായിരുന്നു. ഗാന്ധിജയന്തി ദിനത്തോടനുബന്ധിച്ചുള്ള പരിപാടികളുടെ ഉദ്ഘാടനം ബഹുമാനപ്പെട്ട പി ടി എ പ്രസിഡൻറ് നിർവഹിച്ചു.
സർവ്വമത പ്രാർത്ഥന ,ദേശഭക്തിഗാനാലാപനം ,ദീപം തെളിയിക്കൽ , ആഭിമുഖ്യത്തിൽ ഗാന്ധിജിയുടെ ഫോട്ടോ പ്രദർശനം എന്നിവയും നടന്നു.
പരിസ്ഥിതി ദിനം -2024
ജൂൺ 5 അന്താരാഷ്ട്ര പരിസ്ഥിതി ദിനാഘോഷത്തോടനുബന്ധിച്ച് വിപുലമായ പ്രവർത്തനങ്ങളാണ് അരുവിയോട് സെന്റ് റീത്താസ് യു .പി സ്കൂളിൽ സംഘടിക്കപ്പെട്ടത്.സ്കൂളിന്റെ മുറ്റത്ത് മാവിൻതൈ നട്ടു. പലവിദ്യാർത്ഥികളും വീട്ടിൽനിന്നും കൃഷി തൈകളും,ഫല വൃക്ഷ തൈകളും കൊണ്ടുവന്നു. അതോടൊപ്പം പ്രകൃതി സംരക്ഷണത്തിന്റെ അനിവാര്യത ബോധ്യപ്പെടുത്തുന്ന ഡോക്യുമെൻററി പ്രദർശനം, ബോധവൽക്കരണം, പവർപോയിന്റ് പ്രദർശനം,പോസ്റ്റർ നിർമ്മാണം,ഗാനനടനം തുടങ്ങിയ വൈവിധ്യമായ പ്രവർത്തനങ്ങൾ നടക്കുകയുണ്ടായി