എന്തിനു വന്നു നീ എവിടുന്ന് വന്നു നീ,
നല്ല നാടിനെ കൊല്ലുവാനായ്?
എന്തു നേടി നീ എന്തിനു നേടി നീ,
ലോക നന്മ തകർക്കുവാനോ?
ഒത്തിരി ജീവൻ കവർന്നെടുത്തങ്ങു നീ,
ഒരുപാടു രോഗികളുമേറി മണ്ണിൽ.
ഓർമ്മകൾ മാത്രമായ് ഒത്തുചേരൽ,
ഒന്നായ് തുരത്തിടും നിന്നെ നമ്മൾ.
കൂട്ടമായ് പൊരുതുന്നു ആരോഗ്യസേവകർ,
നിയമപാലകർ നന്മമനസ്സുകൾ.
ആഗ്രഹിയ്ക്കുന്നിതാ ശാന്തമാം ജീവിതം,
നാമേവരും ഏകമനസ്സുമായി.
