കൊറോണ നാടുവാണീടുംകാലം
മാനുഷരെല്ലാരും ഒന്നുപോലെ
തിക്കും തിരക്കും ബഹളമില്ല
വാഹനാപകടങ്ങൾ തീരെ ഇല്ല
വട്ടം കൂടാനും കുടിച്ചിടാനും
നാട്ടിൻപുറങ്ങളിൽ ആരുമില്ല
കല്ലെറിയാൻ നാട്ടിൽ ജാഥ ഇല്ല
കല്യാണത്തിൽപോലും ജാഡ ഇല്ല
നേരമില്ലന്നുള്ള പരാതിയില്ല
ആരുമില്ലന്നുള്ള തോന്നലില്ല
എല്ലാരും വീട്ടിൽ ഒതുങ്ങിനിന്നാൽ
കള്ളൻ കൊറോണ തളർന്നുവീഴും
എല്ലാരും ഒന്നായി ചേർന്നുനിന്നാൽ
നന്നായി നമ്മൾ ജയം വരിക്കും
