സെന്റ് ജോൺസ് യു.പി.എസ് തൊണ്ടിയിൽ/ക്ലബ്ബുകൾ

സയൻസ് ക്ലുബ്

കുട്ടികളിൽ ശാസ്ത്ര അവബോധവും ശാസ്ത്ര താൽപര്യവും വളർത്തുന്നതിനായി സയൻസ് ക്ലബ്ബ് പ്രവർത്തിക്കുന്നു. ഇതിൻറെ നേതൃത്വത്തിൽ പച്ചക്കറിത്തോട്ട നിർമ്മാണം ഔഷധത്തോട്ട നിർമ്മാണം, സയൻസ് ക്വിസ് , പ്രഭാഷണ മത്സരങ്ങൾ , പ്രകൃതി പഠന ക്യാമ്പുകൾ മുതലായവ നടത്തി വരുന്നു.

ഗണിത ക്ലബ്

കുട്ടികളിൽ ഗണിത ശാസ്ത്രത്തിനുള്ള താല്പര്യം വളർത്തുകയാണ് ഗണിത ക്ലബ്ബിൻറെ പ്രധാന ലക്ഷ്യങ്ങളിലൊന്ന്. കുട്ടികളിൽ ഗണിതത്തിനുള്ള അഭി രുചി വർദ്ധിപ്പിക്കുന്നതിന് സഹായകമായി വിവിധ പ്രവർത്തനങ്ങൾ സംഘടിപ്പിക്കുന്നു. ഗണിതശാസ്ത്ര ക്വിസ്, ഗണിത ശാസ്ത്രജ്ഞരെ പരിചയപ്പെടുത്തൽ, വിവിധ ചാർട്ടുകൾ നിർമ്മാണം, ജാമിതീയ രൂപങ്ങളുടെ നിർമാണം തുടങ്ങി നിരവധി പ്രവർത്തനങ്ങൾ ചെയ്തുവരുന്നു

ഇംഗ്ലീഷ് ക്ലബ്

ഒരു വിദ്യാർത്ഥിയെ സംബന്ധിച്ചിടത്തോളംഏതൊരു ഭാഷയിലും നൈപുണ്യം നേടുക എന്നത്, ശോഭനമായ ഒരു ഭാവിയിലേക്കുള്ള മുന്നൊരുക്കമാണ് ...

ഇംഗ്ലീഷ് ക്ലബിലൂടെ ഇംഗ്ലീഷ് എന്ന ആഗോള ഭാഷയെ സ്നേഹിക്കുവാനും മനസ്സിലാക്കുവാനും കുട്ടികൾക്ക് സാധിക്കുന്നു....

കുട്ടികളിൽ ഉറങ്ങിക്കിടക്കുന്ന കലാപരമായ, സാഹിത്യപരമായ കഴിവുകൾ, ആംഗ്ലേയ ഭാഷയിലൂടെ ചിറകു വിടർത്തുമ്പോൾ, ഭാഷയിൽ നേടുന്ന മികവിനൊപ്പം കലാപരമായ കഴിവുകൾ കണ്ടെത്തുവാനും നല്ലൊരു വ്യക്തിത്വം രൂപപ്പെടുത്തുവാനും ഓരോ കുട്ടിക്കും സാധിക്കുന്നു..

സോഷ്യൽ സയൻസ് ക്ലബ്

വിദ്യാർത്ഥികളിൽ സാമൂഹിക ശാസ്ത്രാവബോധം വളർത്തുവാൻ വേണ്ടി സാമൂഹ്യശാസ്ത്ര അധ്യാപകരുടെ നേതൃത്വത്തിൽ സജീവമായി പ്രവർത്തിച്ചുകൊണ്ടിരിക്കുന്ന ക്ലബ്ബാണ് സോഷ്യൽ സയൻസ് ക്ലബ്. ക്ലബ്ബിൻറെ പ്രവർത്തനം വളരെ കാര്യക്ഷമമായി നടന്നുവരുന്നു. വിജ്ഞാന വർദ്ധനവിന് ഒപ്പം അന്വേഷണത്വരയും ഗവേഷണ ബുദ്ധിയും വളർത്തിയെടുക്കുക, പഠനത്തിലൂടെ ആർജിച്ച അറിവുകൾ തനിക്കും താൻ ഉൾക്കൊള്ളുന്ന സമൂഹത്തിനും ഉതകുന്ന രീതിയിൽ നിത്യജീവിതത്തിൽ പ്രായോഗികം ആക്കുക, മനുഷ്യനും തൻറെ ചുറ്റുപാടും തമ്മിലുള്ള ബന്ധത്തെക്കുറിച്ച് അറിവ് നേടുകയും ഈ അറിവ് നേടാനുള്ള നീതി ശാസ്ത്രത്തെക്കുറിച്ച് മനസ്സിലാക്കുകയും ചെയ്യുക എന്നിവയൊക്കെയാണ് സോഷ്യൽ സയൻസ് ക്ലബ്ബിൻറെ ലക്ഷ്യം..