ജി.എച്ച്.എസ്.എസ് പാളയംകുന്ന്/അക്ഷരവൃക്ഷം/ആത്മഗതം

ആത്മഗതം    ആത്മഗതം ആളൊഴിഞ്ഞുള്ളൊരാ സായന്തനങ്ങളും   മൂകയായി ചമയുന്ന പകൽ ദീപ്തിയും   സർവ്വവും അന്യമായ് തീരുന്ന വേളയിൽ   ശൂന്യമാണെൻ മനം ശൂന്യമാണ്...   പുലരിയിൽ ഘടികാരഒച്ച ഉണരുമ്പോൾ   ആഹ്ലാദം കൊണ്ടൊരാ പോയ കാലം   നീന്തിത്തുടിച്ചുo ആടിപ്പാടിയും   മാധുര്യമേറിയ നല്ല കാലം..   കാലത്ത് മുറ്റത്ത് കൂട്ടി കളിച്ചൊരു   കഞ്ഞിയും കൂട്ടാനും വെന്തകന്നു   കോലുമിഠായിയും മാങ്ങാ പെറുക്കലും   കല്ല് കളിയും പോയ് മറഞ്ഞു...   താഴെ വയലിലെ ചേറിൽ കുളിച്ചതും   കാവിലെ താമര താരിനായി പോയതും   എല്ലാം ഒരോർമ്മയായി   ഉണരാതെ ഉറങ്ങുന്നു...   മേടമാസത്തിലെ കാർമുകിലെന്തിനോ   ഒത്തിരി ഏറെ കരഞ്ഞു   സ്വപ്നസങ്കല്പങ്ങൾ തൻ കടലാസു   വഞ്ചികൾ   കാറ്റിൽ പറന്നങ്ങകന്നു...   സ്നേഹ. എസ്. ബി 9D [[|പാളയംകുന്ന്]] വർക്കല ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത