ലിറ്റിൽ ഫ്ലവർ എൽ പി എസ് പൈക/അക്ഷരവൃക്ഷം/രോഗപ്രതിരോധം

രോഗപ്രതിരോധം നമ്മൾ എപ്പോഴും കേട്ടുകൊണ്ടിരിക്കുന്ന വാക്കാണ് രോഗപ്രതിരോധം. പക്ഷെ രോഗപ്രതിരോധ ശേഷി വളരെ കുറഞ്ഞ ഒരു തലമുറയായി നമ്മൾ മാറികൊണ്ടിരിക്കുകയാണ്.മരുന്നുകളില്ലാതെ ജീവിക്കാൻ സാധിക്കാത്ത ഒരു കാലഘട്ടത്തിലാണ് നമ്മൾ ജീവിക്കുന്നത്.അതിന് പ്രധാനകാരണം നമ്മുടെ ഭക്ഷണരീതിയും ശുചിത്വമില്ലായ്മയുമാണ്.അതുകൊണ്ട് നമ്മൾ എപ്പോഴും ശുചിത്വമുള്ളവരായിരിക്കണം.വെള്ളം,വായു എന്നിവ മലിനമാക്കാതെ സൂക്ഷിക്കുക.ശുദ്ധജലം സംരക്ഷിക്കുക.ഭക്ഷണവസ്തുക്കൾ വിഷരഹിതമായി ഉൽപാദിപ്പിക്കുക.വിഷം കലരാത്ത ചുറ്റുപാടുകൾ സൃഷ്ടിക്കുക.രോഗപ്രതിരോധത്തിനായി ചെയ്യേണ്ട ആദ്യ പടികളാണിവ. ഈ കാലഘട്ടത്തിൽ ജീവിത ശൈലികളുടെ ഫലമായി ചെറുപ്പത്തിൽ തന്നെ രോഗത്തിന് അടിമയായി തീരുന്നു.ആരോഗ്യം നിലനിർത്താനും രോഗ‍ങ്ങളെ ചെറുത്തു തോൽപിക്കാനും ശരീരത്തിനുള്ള രോഗപ്രതിരോധശേഷിയെ ജീവിതശൈലിയിൽ വന്ന മാറ്റം നശിപ്പിക്കുന്നു. ഇങ്ങനെ ശരീരം പലതരത്തിലുള്ള രോഗങ്ങൾക്ക് അടിമപ്പെടുകയാണ്.ജീവിതശൈലി രോഗ‍ങ്ങളുടെ പ്രധാനകാരണം നമ്മുടെ ഭക്ഷണരീതിയാണ്.ആഹാര രീതിയാൽ വന്ന മാറ്റം നമ്മുടെ രോഗപ്രതിരോധശേഷി ഇല്ലാതാക്കുന്നു.ഫാസ്റ്റ് ഫുഡ്,എണ്ണയിൽ പൊരിച്ചതുമായ ഭക്ഷണവസ്തുക്കളുടെ അമിത ഉപയോഗം,ബേക്കറി പലഹാരങ്ങളുടെ അമിത ഉപയോഗം എന്നിവ മൂലമാണ് അസുഖങ്ങൾ ഉണ്ടാവുന്നത്.രോഗപ്രതിരോധത്തിനായി നല്ല ഭക്ഷണ ശീലത്തിലൂടെ,നല്ല വ്യായാമത്തിലൂടെ വൃത്തിയുള്ള പരിസരത്തിലൂടെ ഓരോരുത്തർക്കും രോഗപ്രതിരോധശേഷി ആർജ്ജിക്കാം.അതിനായി നമ്മൾ എല്ലാവരും കൈകോർക്കാം. ജൂവൽ ചാൾസ് 3 ലിറ്റിൽ ഫ്ലവർ എൽ പി എസ് പൈക പാലാ ഉപജില്ല കോട്ടയം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - jayasankarkb തീയ്യതി: 24/ 04/ 2020 >> രചനാവിഭാഗം - ലേഖനം