ഇമ്മാനുവൽസ് എച്ച്.എസ്സ്.എസ്സ്.കോതനല്ലുർ/അക്ഷരവൃക്ഷം/ആരോഗ്യം, ശുചിത്വം - വൈറസ് ബാധ
ആരോഗ്യം,ശുചിത്വം - വൈറസ് ബാധ
ലോകമെമ്പാടും covid-19 ബാധിച്ച്, മനുഷ്യജീവന് യാതൊരു ഉറപ്പുമില്ലാതിരിക്കുന്ന, ഏതാണ്ട് ഒന്നേകാൽ ലക്ഷത്തോളം ആളുകൾ അകാലത്തിൽ മരണമടഞ്ഞ സമയത്ത്, നമ്മൾ നമ്മളെ കുറിച്ച് തന്നെ ചിന്തിക്കേണ്ട സമയം അതിക്രമിച്ചിരിക്കുകയാണ്. ഇപ്പോൾ ലോകമെമ്പാടും ഉയർന്നു കേൾക്കുന്ന ഒരു വാക്കാണ് 'ലോക് ഡൗൺ’-തന്നെ തന്നെ ഒരു തടവറയിലിടുന്ന അവസ്ഥ! സാധാരണ തടവറ, കുറ്റങ്ങൾ ചെയ്യുന്ന ഒരു കുറ്റവാളിയെ പൊതുജന സമ്പർക്കമില്ലാതെ മറ്റുള്ളവരിൽനിന്ന് അകറ്റി പാർപ്പിക്കുന്നതാണ്. എന്നാൽ ഈ കാലഘട്ടത്തിൽ തടവറ നാം നമുക്ക് തന്നെ സ്വയമായി നേടിത്തന്ന ഒരു അവസ്ഥയാണല്ലോ. Home quarantine അഥവാ തടവറ ജീവിതം- പൊതുജന സമ്പർക്കമില്ലായ്മ. രോഗമുണ്ടെങ്കിലും, ഇല്ലെങ്കിലും വീടിനു പുറത്തിറങ്ങാൻ കഴിയാതെ കുട്ടികളായ നമ്മൾ കഴിയുന്നു. ആർത്തുല്ലസിച്ചു, കളിച്ചു, തിമിർത്തു കഴിയേണ്ട നമുക്ക് അതിനൊന്നും സാധിക്കാതെ, സ്വന്തം വീടിനു തൊട്ടടുത്തുള്ള കൂട്ടുകാരനോട് പോലും ഒരുമിച്ചു കൂടിച്ചേരാൻ പറ്റാത്ത ഒരു അവസ്ഥ. ഈ ഒരു സാഹചര്യം നമ്മുടെ മാതാപിതാക്കളുടെയോ അവരുടെ മാതാപിതാക്കളുടെയോ ഓർമയിലുണ്ടാവില്ല. എന്തിനു പറയുന്നു, സൃഷ്ടാവായ ദൈവം മനുഷ്യരെ സൃഷ്ടിച്ചതിനുശേഷം, പറുദീസയിൽ ദൈവത്തെ ധിക്കരിച്ച് പാമ്പ് കൊടുത്ത പഴം ഹവ്വാ കഴിക്കുകയും ആദത്തെകൊണ്ട് കഴിപ്പിക്കുകയും ചെയ്തപ്പോൾ തങ്ങൾ നാഗ്നരാണെന്ന ബോധ്യം ഉണ്ടായ അവർ ദൈവത്തിൽ നിന്നുപോലും ഓടി ഒളിക്കുന്ന ഒരു സാഹചര്യം ഉണ്ടായി. അതായത്, അന്നാണ് ആദ്യമായി മറ്റാരാലും ബന്ധപ്പെടാനാവാതെ തന്നിലേക്ക് തന്നെ ഉൾച്ചേർന്ന് ഒറ്റക്ക് ഇരിക്കേണ്ട കാലഘട്ടം ഉണ്ടായത്.പിന്നെ ഇപ്പോളാണ് ഇങ്ങനെ ഒരു കാലഘട്ടം. ഇതിന്റെ എല്ലാം മൂലകാരണം മനുഷ്യൻ അവന്റെ ശുചിത്വ ശീലത്തിന്റെ കുറവ്കൊണ്ട് വന്നു ഭവിച്ച ആരോഗ്യകുറവാണ്. അതുവഴി ഏതൊരു രോഗവും വളരെ പെട്ടെന്ന് അവനെ ആക്രമിക്കുന്ന സാഹചര്യവും ഉണ്ടായി. ഇതാണ് ഇപ്പോൾ ലോകമെമ്പാടും ബാധിച്ചിരിക്കുന്ന കോവിഡ്-19 ന്റെ സാഹചര്യം. ചൈനയിലെ വുഹാനിലെ വൃത്തിഹീനമായ മത്സ്യ-മാംസ മാർക്കറ്റിൽ ആരംഭിച്ച് ഇന്ന് യാതൊരു നിയന്ത്രണവുമില്ലാതെ ലോകമെമ്പാടും കോവിഡ്-19 പടർന്നു പിടിക്കാനുണ്ടായ സാഹചര്യവും ശുചിതമില്ലായ്മ ആണെന്ന് നമുക്കറിയാമല്ലോ. ശുചിത്വമുളള ഒരു അവസ്ഥയിലെ ആരോഗ്യമുള്ള ഒരു ശരീരം ഉണ്ടാവുകയുള്ളൂ. ആരോഗ്യം സമ്പൂർണ ദൈനംദിന ജീവിതത്തിനുള്ള ഒരുപാധിയാണ്. രോഗരഹിതമായ ഒരു അവസ്ഥ മാത്രമല്ല, സമ്പൂർണ ശാരീരിക, മാനസിക, സാമുഹ്യസുസ്ഥിതികകൂടിയാണ് ആരോഗ്യം. ഇന്ന് 'ഹോട്സ്പോട്' ആയി മാറിയിരിക്കുന്ന എല്ലാ സ്ഥലങ്ങളിലും ശുചിത്വമില്ലായ്മ വലിയ ഒരു കാരണമാണ്. അതുകൊണ്ട് നാം വ്യക്തിശുചിത്വം, പരിസര ശുചിത്വം, സാമുഹ്യ ശുചിത്വം, ഗൃഹ ശുചിത്വം, പൊതു ശുചിത്വം ഇവ പാലിച്ച് നമ്മുടെ ആരോഗ്യം പരിരക്ഷികുകയും കൊറോണ വൈറസിൽ നിന്നും നമ്മെ തന്നെയും നമ്മുടെ നാടിനെയും രക്ഷിക്കാനും ശ്രമിക്കണം.
|
- അക്ഷരവൃക്ഷം പദ്ധതിയിലെ സൃഷ്ടികൾ
- കോട്ടയം ജില്ലയിലെ അക്ഷരവൃക്ഷം-2020 സൃഷ്ടികൾ
- കുറവിലങ്ങാട് ഉപജില്ലയിലെ അക്ഷരവൃക്ഷം-2020 സൃഷ്ടികൾ
- അക്ഷരവൃക്ഷം പദ്ധതിയിലെ ലേഖനംകൾ
- കോട്ടയം ജില്ലയിലെ അക്ഷരവൃക്ഷം ലേഖനംകൾ
- കോട്ടയം ജില്ലയിലെ അക്ഷരവൃക്ഷം സൃഷ്ടികൾ
- കുറവിലങ്ങാട് ഉപജില്ലയിലെ അക്ഷരവൃക്ഷം-2020 ലേഖനംകൾ
- കോട്ടയം ജില്ലയിൽ 24/ 04/ 2020ന് ചേർത്ത അക്ഷരവൃക്ഷം സൃഷ്ടികൾ
- അക്ഷരവൃക്ഷം 2020 പദ്ധതിയിൽ മൂന്നാം ഘട്ടത്തിൽ പരിശോധിച്ച സൃഷ്ടികൾ
- അക്ഷരവൃക്ഷം 2020 പദ്ധതിയിൽ മൂന്നാംഘട്ടത്തിൽ പരിശോധിച്ച ലേഖനം