സെന്റ് ജോസഫ് എച്ച് എസ്സ് എസ്സ് വായാട്ടുപറമ്പ്

ഇംഗ്ലീഷ് വിലാസം

https://schoolwiki.in/ST._JOSEPH_H_S_S_VAYATTUPARAMBA

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

.

കണ്ണൂർ റവന്യൂ ജില്ലയിൽ,തളിപ്പറമ്പ വിദ്യാഭ്യാസ ജില്ലയിലെ ഏറ്റവും പ്രമുഖമായ വിദ്യാലയങ്ങളിലൊന്നാണ് വായാട്ടുപറമ്പ് സെന്റ് ജോസഫ് ഹയർ സെക്കൻഡറി സ്കൂൾ.കണ്ണൂർ ലോക്സഭാ മണ്ഡലത്തിൽ പെട്ട, ഇരിക്കൂർ നിയോജക മണ്ഡലത്തിലെ,

നടുവിൽ ഗ്രാമപഞ്ചായത്തിലെ,19 ആം വാർഡിൽ, മലയോര ഹൈവേയുടെ ഓരത്ത്, വായാട്ടുപറമ്പിലാണ് വിദ്യാലയം സ്ഥിതി ചെയ്യുന്നത്.1982 ൽ ഹൈസ്കൂൾ ആയി മാറിയ ഈ വിദ്യാലയത്തിന്റെ സ്ഥാപക മാനേജർ ബഹുമാനപ്പെട്ട ഫാ. മാത്യു മണിമലത്തറപ്പേൽ ആണ്.ഇപ്പോൾ തലശ്ശേരി അതിരൂപത കോർപ്പറേറ്റ് എഡ്യൂക്കേഷണൽ ഏജൻസിയുടെ കീഴിലാണ് വിദ്യാലയം പ്രവർത്തിക്കുന്നത്.

ഫാ.മാത്യു ശാസ്താം പടവിൽ(കോർപ്പറേറ്റ് മാനേജർ), ഫാദർ കുര്യാക്കോസ് കളരിക്കൽ(മാനേജർ),ശ്രീമതി സോഫിയ ചെറിയാൻ കെ( ഹെഡ്മിസ്ട്രസ്),ശ്രീപ്രകാശ് പുത്തേട്ട് (പ്രസിഡണ്ട്,പിടിഎ) ,ശ്രീമതി ബിന്ദു സജയ് (പ്രസിഡണ്ട്,എം പിടിഎ) തുടങ്ങിയവർ ഈ വിദ്യാലയത്തെ നയിക്കുന്നു . മുപ്പത് അധ്യാപകരും 4 അനദ്ധ്യാപകരും ഈ വർഷം സേവനം ചെയ്യുന്നു.

688 കുട്ടികൾ പഠിക്കുന്നു. 8, 9,10 ക്ലാസ്സുകളിലായി.നാളിതുവരെ

ഇരുപതിനായിരത്തോളം കുട്ടികൾ ഇവിടെനിന്നും പഠിച്ചിറങ്ങി.

ചരിത്രം

1954 ൽ ഉടുംമ്പുംചീത്ത എന്ന സ്ഥലത്ത് വ്യ ക്തിഗത മാനേജ്മെന്റിൽ സെന്റ് ജോസഫ് എലിമെന്ററി സ്കൂൾ ആയി പ്രവർത്തനം ആരംഭിച്ചു. ശ്രീ. വി.സൈമൺ തോമസ് ഏക അദ്ധ്യാപകനായിരുന്നു. 1958 യു.പി. സ്കൂൾ ആയി ഉയർത്തപ്പെട്ടു.

1960 മാനേജ്മെന്റിൽ നിന്നും പള്ളി സ്കൂൾ ഏറ്റെടുത്തു. 1965ൽ ഉടുംമ്പുംചീത്തയിൽ നിന്നും വായാട്ടുപറമ്പിലേക്ക് മാറ്റി സ്ഥാപിക്കപ്പെട്ടു. പിന്നീട് തലശ്ശേരി രൂപതാ കോർപ്പറേറ്റ് വിദ്യാഭ്യാസ ഏ‍ജൻസിക്ക് സ്കൂൾ കൈമാറി. 1982 റവ.ഫാ. ജോസ് മണിമലത്തറപ്പേൽ അച്ചൻ പള്ളി വികാരിയായിരുന്ന സമയത്ത് ഹൈസ്ക്കുൾ അനുവദിച്ചു കിട്ടി. 3.6.82ൽ ക്ലാസ്സുകൾ ആരംഭിച്ചു. ശ്രീ. മാത്യു കെ.ജെ. കോക്കാട്ട് ആയിരുന്നു പ്രഥമ ഹെഡ് മാസ്റ്റർ.കൂടുതൽ അറിയാം

ഭൗതികസൗകര്യങ്ങൾ

മൂന്ന് ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. 220 അടി നീളമുള്ള രണ്ടു നിലക്കെട്ടിടത്തിലാണ് ഹൈസ്ക്കൂൾ പ്രവർത്തിക്കുന്നത് . 200 അടി നീളമുള്ള 3 നിലക്കെട്ടിടമാണ് ഹയർസെക്കണ്ടറി സ്ക്കൂളിനുള്ളത്.വിശാലമായ കളിസ്ഥലം പ്രൈമറി, അപ്പർപ്രൈമറി, ഹൈസ്ക്കൂൾ, ഹയർസെക്കണ്ടറി വിഭാഗത്തിലെ കുട്ടികൾക്ക് സൗകര്യ പ്രദമായി ഉപയോഗിക്കുവാൻ കഴിയുന്നു. മലയോര ഹൈവേ സ്ക്കൂളിന് സമീപത്തുകൂടി കടന്നുപോകൂന്നതു കൊണ്ട് യാത്രസൗകര്യവും മെച്ചപ്പെട്ടു. ഹൈസ്ക്കൂളിനും ഹയർസെക്കണ്ടറിക്കും പ്രത്യേ കം കംപ്യൂട്ടർ ലാബുകളുണ്ട്. രണ്ടു ലാബുകളിലുമായി 40 കംപ്യൂട്ടറുകളുമുണ്ട്. ബ്രോഡ്ബാന്റ് ഇൻറർ നെറ്റ് സൗകര്യവും LCD പ്രൊജക്ടർ ഉൾപ്പടെ Smart Class room സൗകര്യവും ഇപ്പോഴുണ്ട്.

മാനേജ്മെന്റ്

തലശ്ശേരി അതിരൂപത കോർപ്പറേറ്റ് മാനേജ്മെൻറിൻറെ കീഴിൽ പ്രവർത്തിക്കുന്ന വിദ്യാഭ്യാസ സ്ഥാപനമാണിത്. റവ. ഫാ. മാത്യു ശാസ്താംപടവിൽ ആണ് ഇപ്പോഴത്തെ കോർപറേറ്റ് മാനേജർ . ഫാ. കുര്യാക്കോസ് കളരിക്കൽ മാനേജരായി സേവനം ചെയ്യുന്നു.ഇപ്പോഴത്തെ ഹെഡ്മിസ്ട്രസ് ശ്രീമതി സോഫിയ ചെറിയാൻ കെ .

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ

SI NO	NAME	YEAR
1	ശ്രീ. മാത്യു കെ.ജെ	1982	1994
2	ശ്രീ. ജോർജ്ജ് പി.കെ	1994	1995
3	ശ്രീ. ജോസഫ് കെ.എഫ്	1995	1996
4	ശ്രീ. ജോയി പി.വി	1996	1999
5	ശ്രീ. സെബാസ്റ്റ്യ ൻ കെ.ജെ.	1999	2002
6	ശ്രീ. പൈലി എൻ.റ്റി	2002	2005
7	ശ്രീ. ജോസഫ് പി.ജെ	2005	2007
8	ശ്രീ. പയസ് പി.വി	2007	2008
9	ശ്രീ. ദേവസ്യ പി.ജെ	2008	2009
10	ശ്രീ. ബേബി പി.എ	2009	2011
11	ശ്രീ. ജോസ് വി.വി	2011	2013
12	ശ്രീ. പോൾ ജോർജ്ജ് മേച്ചേരിൽ	2013	2015
13	ശ്രീ സോയി ജോസഫ്	2015	2016
14	ശ്രീ രാജു ജോസഫ്	2016	2018
15	ശ്രീ മാത്യു ജെ പുളിക്കൽ	2018	2021

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

കണ്ണൂർ ബസ് സ്റ്റാൻഡിൽ നിന്നും 42 കിലോമീറ്റർ
കണ്ണൂർ റയിൽവേ സ്റ്റേഷനിൽ നിന്ന് 42 കിലോമീറ്റർ
കണ്ണൂർ അന്താരാഷ്ട്ര വിമാനത്താവളത്തിൽ നിന്നും 40 കിലോമീറ്റർ
കണ്ണൂർ കാസർഗോഡ് ദേശീയ പാതയിൽ 20 കിലോ മീറ്റർ സഞ്ചരിച്ച ശേഷം തളിപ്പറമ്പിൽ എത്തുന്നു .അവിടെ നിന്നും തളിപ്പറമ്പ -ആലക്കോട് -കൂർഗ് ബോർഡർ ഹൈവേയിലൂടെ 21 കിലോമീറ്റർ സഞ്ചരിക്കുമ്പോൾ കരുവഞ്ചാൽ എത്തുന്നു .അവിടെ നിന്നും 1 കിലോമീറ്റർ ചെറുപുഴ ഇരിട്ടി മലയോര ഹൈവേയിലൂടെ സഞ്ചരിച്ചാൽ സ്കൂളിൽ എത്തിച്ചേരാം

GOOGLE MAP LINK

https://www.google.com/maps/dir/Kannur,+Kerala/St.+Joseph's+Higher+Secondary+School,+Vayattuparamba,+New+Naduvil,+Kerala/@12.0102841,75.4021196,11.52z/data=!4m13!4m12!1m5!1m1!1s0x3ba422b9b2aca753:0x380605a11ce24f6c!2m2!1d75.3703662!2d11.8744775!1m5!1m1!1s0x3ba4443b0d911961:0xf8228d3c1684cbe4!2m2!1d75.4646931!2d12.1546545

OPEN STREET MAP LINK

https://www.openstreetmap.org/#map=19/12.15456/75.46417

പ്രശസ്തരായ പൂർവ്വ വിദ്യാർത്ഥികൾ

2021 -22 പ്രവർത്തനങ്ങൾ

ജൂൺ 5 പരിസ്ഥിതി ദിനം “പച്ചപ്പ്”

സ്കൂളുകൾ തുറക്കാത്ത സാഹചര്യത്തിലും, ലോക പരിസ്ഥിതി ദിനത്തിന്റെ സന്ദേശം കുട്ടികളിൽ എത്തിക്കുന്നതിനായി “പച്ചപ്പ്” എന്ന പദ്ധതി സ്കൂൾതലത്തിൽ ആവിഷ്കരിച്ച് നടപ്പാക്കി. അന്നേ ദിവസ#ം ഒാൺലൈനായി സ്കൂൾ ഹെഡ്മിസ്ട്രസ്സ് പരിസ്ഥിതി സംരക്ഷിക്കേണ്ട ആവശ്യകതയെക്കുറിച്ച് കുട്ടികൾക്ക് സന്ദേശം നൽകി. എല്ലാ കുട്ടികളും അവരവരുടെ പരിസരങ്ങളിൽ വൃക്ഷതൈ്തകൾ നട്ട് അതിന്റെ ഫോട്ടോ എടുത്ത് ക്ലാസ്സ് ഗ്രൂപ്പുകളിലേക്ക് അയയ്ക്കുകയും ചെയ്തു. ഇപ്പോഴും ആ വൃക്ഷത്തെകളെ പരിപാലിച്ചു പോരുന്നു.

2021 ലെ കൂടുതൽ പ്രവർത്തനങ്ങൾ അറിയാൻ ഇവിടെ ക്ലിക്ക് ചെയ്യുക