യു.പി.എസ് നാട്ടിക ഈസ്റ്റ്/അക്ഷരവൃക്ഷം/അതിജീവനം അനിവാര്യം

അതിജീവനം അനിവാര്യം 2018 ലേയും 2019 ലേയും പ്രളയത്തിലും നിപ്പ വൈറസിന്റെ ആക്രമണത്തിലും തളരാതിരുന്ന നമ്മുടെ മുൻപിലേക്ക് വീണ്ടും ഒരു മഹാമാരിയായ് കൊറോണ കോവിഡ് 19 എന്ന വൈറസ് എത്തിയിരിക്കുന്നു . 2020 ജനുവരി 30 ന് ഇന്ത്യയിൽ ആദ്യമായി ത്രിശൂർ ജില്ലയിലാണ് കോവിഡ് 19 റിപ്പോർട്ട് ചെയ്തത് കൊറോണ എന്ന അജ്ഞാത ശത്രുവിനെ നേരിടാൻ ലോകം മുഴുവൻ തയ്യാറെടുത്തപ്പോൾ നമ്മളും നമ്മുടെ കൊച്ചു കേരളവും ലോകത്തിനു തന്നെ മാതൃകയായി മാറിയ നിമിഷങ്ങൾ . എല്ലാവരിലും ഭയം നിറച്ച പ്രഖ്യാപനംആയിരുന്നു " ലോക് ഡൌൺ "എങ്കിലും വൈറസ് പ്രതിരോധത്തിന്റെ ഭാഗമായി വ്യക്തി ശുചിത്വം ,പരിസര ശുചിത്വം എന്നിവയെക്കുറിച്ചുള്ള നിർദേശങ്ങളായിരുന്നു നാടെങ്ങും കൂടാതെ ആരോഗ്യപ്രവർത്തകരുടെ ആശ്വാസം നിറഞ്ഞ വാക്കുകളും ക്‌ളാസുകളും . ബസ് സ്റ്റോപ്പുകളിലും ജംഗ്‌ഷനുകളിലും കടകളിലും എല്ലായിടത്തും ഹാൻഡ് വാഷും സാനിറ്ററൈസറും വാട്ടർടാങ്കും ബ്രേക്ക് ദ ചെയിൻ എന്ന ബോർഡും നിറ ഞ്ഞപ്പോൾ വീടുകളിലും അങ്ങനെ തന്നെ തുടർന്നു . ഇടയ്ക്കിടയ്ക്ക് 20 സെക്കൻറ് സോപ്പ് ഉപയോഗിച്ചു കൈകൾകഴുകുവാനും മാസ്ക് ധരിക്കുവാനും ഉള്ള നിർദേശങ്ങളും കർശനമായി പാലിക്കുകയും ഒരു മീറ്റർ സാമൂഹിക അകലം പാലിക്കുകയും വേണം . എന്നാലും പുറത്തിറങ്ങാതെ ഇരുന്ന നാളുകൾ നമുക്ക് സമ്മാനിക്കുന്നത് നാളെയുടെ പുത്തൻ പ്രതീക്ഷകളിലേക്കുള്ള ഉയർത്തെഴുന്നേല്പാണ് . കൂട്ടുകാരുമായി കളിക്കുവാനോ , ഉത്സവങ്ങളിലും ആഘോഷങ്ങളിലും വിനോദ യാത്രകളിലും ഒന്നും പങ്കെടുക്കാൻ കഴിയാത്ത ശാന്തമായ അവധിക്കാലം ഒത്തിരി സങ്കടം ഉണ്ടാകുമെങ്കിലും നമുക്ക് കാവലായി നിൽക്കുന്ന ഭരണാധികാരികളും രാപ്പകലുകളില്ലാതെ വീടും വീട്ടുകാരെയും മറന്ന് നാടിനും നാട്ടുകാർക്കും വേണ്ടി കഷ്ട്ടപ്പെടുന്ന ആരോഗ്യ പ്രവർത്തകർ , പൊരി വെയിലത്തു നിർദ്ദേശങ്ങളും നിയന്ത്രണങ്ങളുമായി നിൽക്കുന്ന പോലീസ് ഉദ്യോഗസ്ഥരും സന്നദ്ധ സേന നേതാക്കളും ............ ഇവരെയെല്ലാം കുറിച്ചോർക്കുമ്പോൾ .......... ചൈന ,ഇറ്റലി ,അമേരിക്ക പോലുള്ള സമ്പന്ന രാജ്യങ്ങൾക്ക് സാധിക്കാത്തത് നമ്മുടെ ഈ കൊച്ചുകേരളത്തിന് സാധ്യമാകുന്നു എങ്കിൽ എന്റെ ഈ കൊച്ചു ആഗ്രഹങ്ങളെ വീടിന്റെ നാല് ചുവരുകൾക്കുള്ളിൽ ഒതുക്കി വീടിന്റെയും നാടിന്റെയും ഈ ലോകത്തിന്റെ തന്നെ നന്മക്കായി കോവിഡ് 19 എന്ന വൈറസ് രോഗത്തിന്റെ പ്രതിരോധ പ്രവർത്തനത്തിൽ കൈകോർക്കാൻ ഞാനും ............ നിവേദ് കൃഷ്ണ ടി .എസ് 4 B നാട്ടിക ഈസ്റ്റ് യു പി സ്കൂൾ വലപ്പാട് ഉപജില്ല തൃശൂർ അക്ഷരവൃക്ഷം പദ്ധതി, 2020 ലേഖനം