"ജി.എച്ച്. എസ്സ്.എസ്സ് കൊടുവള്ളി/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

=== '''ഉദ്ഘാടനം ഡോ. എം.കെ മുനീർ നിർവ്വഹിച്ചു(17/02/26)''' ===

ആധുനിക സാങ്കേതിക വിദ്യയുടെ പുതിയ പാഠങ്ങൾ പഠിക്കാൻ ഇനി കൊടുവള്ളി ഗവ. ഹയർ സെക്കൻഡറി സ്കൂളിലെ വിദ്യാർത്ഥികൾക്ക് എ.ഐ ലാബ്. കേരളത്തിലെ സർക്കാർ വിദ്യാലയങ്ങളിൽ തന്നെ ആദ്യമായി സ്ഥാപിച്ച ഈ നിർമ്മിത ബുദ്ധി (Artificial Intelligence) ലാബിന്റെ ഉദ്ഘാടനം ഡോ. എം.കെ മുനീർ എം.എൽ.എ നിർവ്വഹിച്ചു. ​എം.എൽ.എ ഫണ്ടിൽ നിന്നും 20 ലക്ഷം രൂപ വിനിയോഗിച്ചാണ് സ്കൂളിൽ ഈ അത്യാധുനിക ലാബ് സജ്ജീകരിച്ചിരിക്കുന്നത്. ഡിജിറ്റൽ യുഗത്തിൽ വിദ്യാർത്ഥികൾക്ക് ആഗോള നിലവാരത്തിലുള്ള സാങ്കേതിക വിദ്യാഭ്യാസം ഉറപ്പുവരുത്തുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്. സ്കൂളിൽ നടന്ന പ്രൗഢഗംഭീരമായ ചടങ്ങിൽ മുനിസിപ്പൽ ചെയർപേഴ്സൺ സഫീന ഷെമീർ അധ്യക്ഷത വഹിച്ചു. പ്രിൻസിപ്പൽ പി.കെ. രഞ്ജിത്ത് സ്വാഗതമാശംസിച്ചു.മുൻസിപ്പാലിറ്റി  വൈസ് ചെയർപേഴ്സൺ കെ കാദർ .വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ബിന്ദു അനിൽ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷബ്‌ന സുനീർ എന്നിവർ ആശംസകൾ നേർന്നു സംസാരിച്ചു. സ്കൂൾ ടീം എംഎൽഎയെ പൊന്നാട അണിയിച്ചു ആദരിച്ചു. എ ഐ ലാബ് വെൻഡർമാരായ റോട്ടക്ക് ടീമിൻറെ പ്രതിനിധി മുഹമ്മദ് സവാദ് എംഎൽഎയെ മൊമന്റോ നൽകി ആദരിച്ചു . പി.ടി.എ പ്രസിഡന്റ് ആർ.വി റഷീദ്, എസ്.എം.സി പ്രസിഡന്റ് മുഹമ്മദ് കുണ്ടുങ്ങര,ഐ പാസ് പ്രതിനിധി ലത്തീഫ് മുള്ളമ്പലം  എച്ച്.എം മുഹമ്മദ് മുസ്തഫ, സ്റ്റാഫ് സെക്രട്ടറിമാരായ മുഹമ്മദ് അഷ്റഫ് പി.വി, സുബൈദ, സീനിയർ അസിസ്റ്റന്റ് അഹമ്മദ് അഷ്റഫ് കെ എന്നിവരും പരിപാടിയിൽ പങ്കെടുത്തു. എ.ഐ ലാബ് കൺവീനർ ഫിർദൗസ് ബാനു നന്ദി രേഖപ്പെടുത്തി. ലിറ്റിൽ കൈറ്റ്സ് ഡോക്യുമെന്റേഷൻ ടീം അംഗങ്ങളുടെ നേതൃത്വത്തിൽ പരിപാടിയുടെ ഡോക്യുമെന്റേഷൻ നടത്തി.

== '''എ ഐ പരിശീലന പരിപാടി (18/02/26)''' ==