"ജി.എച്ച്. എസ്സ്.എസ്സ് കൊടുവള്ളി/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''സർവ്വം എ ഐ മയം''' '''(25/02/26)''' ==

കൊടുവള്ളി ഗവൺമെന്റ് ഹയർ സെക്കൻഡറി സ്കൂളിൽ രക്ഷിതാക്കൾക്ക് എ ഐ പരിശീലന പരിപാടി സംഘടിപ്പിച്ചു. സ്കൂളിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ  രക്ഷിതാക്കൾക്ക് ആർട്ടിഫിഷ്യൽ ഇന്റലിജൻസ് മായി ബന്ധപ്പെട്ട ബോധവൽക്കരണ ക്ലാസാണ് നൽകിയത്. 2024 - 27 ബാച്ചിലെ രക്ഷിതാക്കൾക്കാണ് പരിപാടി സംഘടിപ്പിച്ചത്. സ്കൂൾ പ്രധാന അധ്യാപകൻ മുഹമ്മദ് മുസ്തഫ സർ പരിപാടി ഉദ്ഘാടനം ചെയ്തു. 2024 27 ബാച്ചിലെ നിതാ ഫാത്തിമ, ഫസ മെഹറിൻ, ദിയ തമന്ന എന്നീ വിദ്യാർത്ഥികൾ ആണ് ക്ലാസുകൾ കൈകാര്യം ചെയ്തത് . കൊടുവള്ളി സബ്ജില്ലാതലത്തിൽ കുട്ടികൾക്കായി നടത്തിയ എ ഐ പരിശീലന പരിപാടിയിൽ മൂന്ന് കുട്ടികളും നേരത്തെ പങ്കെടുത്തിരുന്നു. എ എയുടെ സാധ്യതകൾ, മൊബൈലിൽ ഉള്ള ആപ്പുകളുടെ പ്രവർത്തനങ്ങൾ, മെറ്റാ ഐഐ , ഗൂഗിൾ ലെൻസ്, എന്നിവ നമ്മുടെ നിത്യജീവിതത്തിൽ എങ്ങനെ ഉപയോഗപ്പെടുത്താം തുടങ്ങിയ പ്രവർത്തനങ്ങളാണ്  രക്ഷിതാക്കൾ മൊബൈലിലൂടെ പരിചയപ്പെട്ടത്. പരിപാടിയുടെ ഉദ്ഘാടനം ഹെഡ്മാസ്റ്റർ മുഹമ്മദ് മുസ്തഫ സാർ നിർവഹിച്ചു. സ്റ്റാഫ് സെക്രട്ടറി സുബൈദ,  ലിറ്റിൽ കൈറ്റ്സ് മിസ്ട്രസ് മാരായ ഫിർദൗസ് ബാനു, റീഷ, വിജിത എന്നിവർ പരിപാടിക്ക് നേതൃത്വം നൽകി. അതിനുശേഷം രക്ഷിതാക്കൾക്ക് സ്കൂളിലെ ആർട്ടിഫിഷ്യൽ ഇന്റലിജൻസ് ലാബിലെ പ്രവർത്തനങ്ങൾ കാണാനും ആസ്വദിക്കാനും അവസരം നൽകി.

== '''അക്ബർ കക്കട്ടിൽ പുരസ്കാരം''' (26/02/26) ==

വട്ടോളി നാഷണൽ ഹയർ സെക്കൻഡറി സ്കൂൾ അധ്യാപകനും പ്രശസ്ത സാഹിത്യകാരനും ആയ അക്ബർ കക്കാട്ടിലിന്റെ സ്മരണാർത്ഥം ഹൈസ്കൂൾ വിദ്യാർത്ഥികൾക്കായി സംഘടിപ്പിച്ച ചെറുകഥ മത്സരത്തിൽ സ്ഥാനം കരസ്ഥമാക്കിയ കൊടുവള്ളി ഗവൺമെന്റ് ഹയർ സെക്കൻഡറി സ്കൂളിലെ ലെജു എം ടി യെ അനുമോദിച്ചു. അനുമോദന ചടങ്ങിൽ സ്കൂൾ പ്രധാനാധ്യാപകൻ മുഹമ്മദ് മുസ്തഫ സാർ സീനിയർ അസിസ്റ്റന്റ് അഷ്റഫ് സ്റ്റാഫ്  സെക്രട്ടറി വി സുബൈദ അധ്യാപകരായ ഫിർദൗസ് ബാനു, ഹരിത, റീഷ,,സെലീന, ഡോക്ടർ സതീഷ്,ഷിജിന കെ എൻ ബഷീർ എന്നിവരും പങ്കെടുത്തു.