ടി.എച്ച്.എസ്.തച്ചിങ്ങനാടം/ലിറ്റിൽകൈറ്റ്സ്

Google Translation

LK Main Home LK Portal LK Help

Home

2023 - 26

2024 - 27

2025 - 28

ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 -- Help

-ലിറ്റിൽകൈറ്റ്സ്
റവന്യൂ ജില്ല	മലപ്പുറം
അവസാനം തിരുത്തിയത്
28-06-2025	Thachinganadamhs

ഡിജിറ്റൽ മാഗസിൻ 2019

വർണ്ണചിറകുകൾ

ലിറ്റിൽ കൈറ്റ്സ്

ഇത് കേരളത്തിലെ ഹൈസ്കൂൾ വിദ്യാർത്ഥികളുടെ ഒരു ഐടി കൂട്ടായ്മയാണ്. ഹൈടെക് സ്കൂൾ പദ്ധതിയുടെ ഭാഗമായി വിവരസാങ്കേതികവിദ്യയിൽ കുട്ടികൾക്ക് പരിശീലനം നൽകുന്നതിനായി രൂപീകരിച്ചതാണ് ഈ കൂട്ടായ്മ. "ലിറ്റിൽ കൈറ്റ്സ് ഐ.ടി. ക്ലബ്ബുകൾ" എന്നാണ് ഇത് അറിയപ്പെടുന്നത്.

"ലിറ്റിൽ കൈറ്റ്സ്" എന്നത് കേരള സർക്കാരിന്റെ പൊതുവിദ്യാഭ്യാസ പുനരുജ്ജീവന മിഷന്റെ ഭാഗമായ ഒരു സംരംഭമാണ്. കുട്ടിക്കൂട്ടം എന്ന പേരിൽ നേരത്തെ അറിയപ്പെട്ടിരുന്നത്, പിന്നീട് ലിറ്റിൽ കൈറ്റ്സ് എന്ന് പുനർനാമകരണം ചെയ്യുകയായിരുന്നു. ഈ കൂട്ടായ്മയിൽ, ആനിമേഷൻ, സൈബർ സുരക്ഷ, മലയാളം കമ്പ്യൂട്ടിംഗ്, ഹാർഡ്‌വെയർ, ഇലക്ട്രോണിക്സ് തുടങ്ങിയ വിഷയങ്ങളിൽ കുട്ടികൾക്ക് പരിശീലനം നൽകുന്നു.

കേരളത്തിലെ സ്ക്കൂളുകളിൽ ലിറ്റിൽകൈറ്റ്സ് യൂണിറ്റുകളുടെ പ്രവർത്തനങ്ങൾ തുടങ്ങിയപ്പോൾ തന്നെ തച്ചിങ്ങനാടം ഹയർ സെക്കണ്ടറി സ്കൂളിലും പ്രവർത്തനങ്ങൾ ആരംഭിച്ചു. 91 അംഗ‍ങ്ങളാണ് ഇപ്പോൾ ഉള്ളത്. വിദ്യാർഥികളിൽ കാണുന്ന സാങ്കേതിക വിദ്യാ പ്രയോഗക്ഷമതയെ ഹൈടെക് പദ്ധതിയുടെ മികവ് വർദ്ധിപ്പിക്കാനുള്ള പ്രവർത്തനങ്ങൾക്കുള്ള ചാലകശക്തി ആക്കുന്നതിനായി സ്കൂളുകളിൽ നടപ്പിലാക്കിയ പദ്ധതിയാണ് ലിറ്റിൽ കൈറ്റ്സ്. ക്ലാസ് മുറികളും വിദ്യാലയവും ഹൈടെക് ആയി മാറിയ പശ്ചാത്തലത്തിൽ കുട്ടികളുടെ ഐസിടി അധിക പഠനത്തിനുള്ള സാധ്യതകളും അതിനനുസൃതമായി വികസിപ്പിക്കേണ്ടതുണ്ട്. ഐസിടി മേഖലയിലെ സാധ്യതകൾ തിരിച്ചറിയാനും പുതിയ സ്കൂൾ സാഹചര്യത്തിൽ ഫലപ്രദമായി ഇടപെടാൻ ഉള്ള കുട്ടികളുടെ ശേഷി വർദ്ധിപ്പിക്കാനും ലക്ഷ്യം വെച്ചുകൊണ്ടാണ് നൂതന സാങ്കേതികവിദ്യയിൽ അടക്കമുള്ള പരിശീലന പരിപാടികൾ ലിറ്റിൽ കൈറ്റ്സ് പദ്ധതിയിലൂടെ വിദ്യാർത്ഥികൾക്ക് നൽകുന്നത്. സാങ്കേതികവിദ്യയിൽ അഭിരുചിയും താൽപര്യവും ഉള്ള വിദ്യാർത്ഥികളുടെ കൂട്ടായ്മ എന്ന നിലയിൽ വളരെയധികം താല്പര്യത്തോടെ ആകാംക്ഷയോടെയാണ് വിദ്യാർത്ഥികൾ ഓരോരുത്തരായി പ്രവർത്തനങ്ങളെയും സമീപിക്കുന്നത്.

ലിറ്റിൽ കൈറ്റ്സ് രൂപീകരണത്തിന് പശ്ചാത്തലം ലക്ഷ്യം സാധ്യതകൾ എന്നിവയാണ്.

1.പൊതു വിദ്യാഭ്യാസ സംരക്ഷണ യജ്ഞം അതിൻറെ ഹൈടെക് പദ്ധതിയുടെ ഭാഗമാണ് ലിറ്റിൽ കൈറ്റ്സ്

2. ലിറ്റിൽകൈറ്റ്സ് ഇന്ത്യയിലെ കുട്ടികളുടെ ഏറ്റവും വലിയ ഐടി കൂട്ടായ്മയാണ്.

3. ലിറ്റിൽകൈറ്റ്സ് 2018 ആരംഭിച്ചു മുഖ്യമന്ത്രി പ്രവർത്തന പദ്ധതി ഉദ്ഘാടനം ചെയ്തു.

4. ഹൈടെക് സംവിധാനങ്ങൾ പരിപാലിക്കുക, വിദ്യാർത്ഥികളുടെ സാങ്കേതികപരിജ്ഞാനം വികസിപ്പിക്കുക, എന്നിവയ്ക്കായ് കുട്ടികളുടെ കൂട്ടായ്മയാണ് ലിറ്റിൽ കൈറ്റ്സ് ഐടി ക്ലബ്ബ്.

5. പ്രവേശന പരീക്ഷയിലൂടെയാണ് അംഗങ്ങളെ തിരഞ്ഞെടുക്കുന്നത്.

6. അനിമേഷൻ,പ്രോഗ്രാമിംഗ് ,മൊബൈൽ ആപ്പ് നിർമാണം, ഗ്രാഫിക് ഡിസൈനിങ്, മലയാളം കമ്പ്യൂട്ടിംഗ്, ഹാർഡ് വെയർ, ഇലക്ട്രോണിക്സ് ,റോബോട്ടിക്സ് ,സൈബർ സുരക്ഷ എന്നിവയിൽ സംഘങ്ങൾക്ക് പ്രായോഗിക പരിശീലനം ലഭിക്കുന്നതായിരിക്കും.

7. വിദഗ്ധരുടെ ക്ലാസുകൾ ഫീൽഡ് വിസിറ്റുകൾ ക്യാമ്പുകൾ എന്നിവയ്ക്കും ലിറ്റിൽ കൈറ്റ്സ് അംഗങ്ങൾക്ക് അവസരം ഉണ്ടായിരിക്കും.

8. ലിറ്റിൽ കൈറ്റ്സ് അംഗങ്ങൾ ഡിജിറ്റൽ മാഗസിൻ തയ്യാറാക്കി സ്കൂൾ വിക്കിയിൽ അപ്‌ലോഡ് ചെയ്യും.

9. വാർത്തകൾ വിക്ടേഴ്‌സ് ചാനലിനായി തയ്യാറാക്കാൻ കുട്ടികൾക്ക് പരിശീലനം ലഭിക്കും.

10. മികച്ച രീതിയിൽ പ്രവർത്തനങ്ങൾ ചെയ്യുന്ന കുട്ടികൾക്ക് പത്താം തരത്തിൽ ഗ്രേസ്മാർക്ക് അല്ലെങ്കിൽ പ്ലസ് വൺ പ്രവേശനത്തിന് ബോണസ് മാർക്ക് എന്നിവ ലഭിക്കും.

11. മികച്ച ലിറ്റിൽ കൈറ്റ്സ് യൂണിറ്റുകൾക്ക് അവാർഡുകൾ ഉണ്ട്.

12. വിവരവിനിമയ സാങ്കേതിക വിദ്യയിൽ കഴിവും അഭിരുചിയുമുള്ള വിദ്യാർത്ഥികളുടെ കൂട്ടായ്മയാണ് ലിറ്റിൽ കൈറ്റ്സ്.