സെന്റ്കാതറിൻസ് എച്ച്എസ് പയ്യമ്പള്ളി/പ്രവർത്തനങ്ങൾ/2024-25

പ്രവേശനോത്സവം 2024

ജൂൺ 3 പ്രവേശനോത്സവം നടത്തി .മുഖ്യ അഥിതി കോർപറേറ്റ് മാനേജർ ഫാ. സിജോ ഇളകുന്നപ്പുഴ ഉദ്ഘാടനം ചെയ്തു സംസാരിച്ചു അസിസ്റ്റന്റ് മാനേജർ ഫാ.ജൂഡ് വട്ടക്കുന്നേൽ ,സാജൻ സർ ശ്രീ. വിപിൻ വേണുഗോപാൽ( വാർഡുമെബർ) തുടങ്ങിയവർ പ്രധാന അഥിതികളായിരുന്നു. പുതിയതായി നിർമ്മിച്ച പാചകപ്പുര, ഓഡിറ്റോറിയം പൂർവ്വ വിദ്യാർത്ഥികൾ സംഭാവനയായി തന്ന വാട്ടർ പ്യൂരിഫയർ എന്നിവ ഉദ്ഘാടനവും ചെയ്തു. H.M പ്രമോഷൻ ലഭിച്ച സജിൻ സർ, O A പ്രമോഷൻ ലഭിച്ച അരുൺ,ട്രാൻസഫർ ലഭിച്ച ശശി സർ,ഷീനമോൾ ടീച്ചർ ,സോവിനോ സർ തുടങ്ങിയവർക്ക് യാത്രയപ്പ് നൽകി.പുതിയതായി സ്കൂളിൽ എത്തിയകുട്ടികൾക്ക് സ്വീകരണവും മധുരപലഹാരവിതരണവും നടത്തി.മുഴുവൻ കുട്ടികൾക്കും മിഠായി വിതരണം നടത്തി.

ജൂൺ 5 പരിസ്ഥിതിദിനം

പരിസ്ഥിതി ദിനാഘോഷം സമുചിതമായി നടത്തി.ശ്രീമതി മരിയ ടീച്ചർ നേത്രത്വം നൽകി .ശ്രീമതി സിന്ധു ടീച്ചർ പരിസ്ഥിതി ദിന സന്ദേശംകുകയും ,സ്കിറ്റ്, കവിതാലാപനം, പോസ്റ്റർ

രചന മത്സരം,ക്വിസ് മത്സരം തുടങ്ങിയവ സംഘടിപ്പിച്ചു NCC കുട്ടികൾ ശ്രീ.ഷെറിറ്റ് സാറിന്റെ നേത്രത്വത്തിൽ വ്യക്ഷ തൈകൾ നടുകയും .വിവിധ മത്സരങ്ങളിൽ വിജയികളായ കുട്ടികൾക്ക് ബഹുമാനപ്പെട്ട ഹെഡ് മാസ്റ്റർ ഫിലിപ്പ് സർ സമ്മാനങ്ങൾ നൽകുകയും ചെയ്തു.

ജൂൺ 19 വായനാദിനം

വായനാദിന സന്ദേശവുമായി ഹെഡ് മാസ്റ്റർ ഫിലിപ്പ് ജോസഫ് സർ

ഈ വർഷത്തെ വായനാദിനാഘോഷം ബഹുമാനപ്പെട്ട ഹെഡ് മാസ്റ്റർ ഫിലിപ്പ് ജോസഫ് സർ ഉദ്ഘാടനം ചെയ്തു. അസിസ്റ്റന്റ് മാനേജർ ഫാ.ജൂഡ് വട്ടക്കുന്നേൽ കുട്ടികൾക്ക് വായനാദിന സന്ദേശം നൽകി സംസാരിച്ചു. യു പി വിഭാഗം കുട്ടികൾ അക്ഷര വ്യക്ഷം ഒരുക്കി . സാഹിത്യ ക്വിസ്, പോസ്റ്റർ രചനാ പ്രസംഗം മത്സരം തുടങ്ങിയവ നടത്തുകയും വിജയികൾക്ക് സമ്മാനങ്ങൾ വിതരണം ചെയ്യുകയും ചെയ്യും.

വിജയോത്സ് 2024

വിജയോത്സവം2024 വളരെ മനോഹരമായി കൊണ്ടാടി .2023 അധ്യയന വർഷത്തിൽ മികവാർന്ന പ്രകടനം കാഴ്ചവച്ച എല്ലാകുട്ടികളെയും അനുമോദിച്ചു. ഫുൾ A+, 9 + കിട്ടിയ കുട്ടികളെയും,LSS USS, SANSKRIT SCHOLARSHIP കരസ്ഥമാക്കിയ കുട്ടികളെ പ്രത്യേക ഉപഹാരങ്ങൾനല്കി അനുമോദിക്കുകയും ചെയ്തു. വിവിധ ക്ലബുകളുടെ ഉദ്ഘാടനവും നടത്തി. ഫാ.ജൂഢ് വട്ടകുന്നേൽ അസി.സ്കൂൾ മാനേജർ,ശ്രീ ജേക്കബ് സെബാസ്റ്റ്യൻ (വൈസ് ചെയർ പേഴസ്ൺ മാന്തവാടി) ശ്രീ.ലൈല സജി (വാർഡ് കൗൺസിലർ).ശ്രീ എം കെ മാത്യു,ശ്രീ .ഷിബു ജോർജ് (മുൻസിപ്പൽ ചെയർ പേഴ്സൺ )തുടങ്ങിയവർ പങ്കെടുക്കകകയും വിജയികളെ അനുമോദിച്ചു സംസാരിച്ചു.

ലഹരി വിരുദ്ധദിനം

"സ്പർശം" എന്നപേരിൽ ലഹരിവിരുദ്ധ ബോധവൽക്കരണ പരിപാടികൾ ആരംഭിച്ചു. വയനാട് DEO ആർ ശര്ത്ത്ചന്ദ്രൻ ഉദ്ഘാടനം നിർവഹിച്ചു . H M ഫിലിപ്പ് സർ അധ്യക്ഷത വഹിച്ചു എക്സ്സൈസ് വകുപ്പിന്റെ നേത്യത്വത്തിൽ നിക്കോളസ് ജോസ് (വിമുക്തി താലൂക്ക് കോ-ഓഡിനേറ്റർ) വിദ്യാർത്ഥികൾക്കൂം രക്ഷിതാകൾക്കും ബോധവത്ക്കരണ ക്ലാസ്സ് നടത്തി.ഡ്രീം വയനാട് പ്രോജക്ട് കോർ‍ഡിനേറ്റർ ഡെൽവീൻ ജോയിയു‍ടെ നേത്യത്വത്തിൽ ലഹരിക്കെതിരായ തീം ഡാൻസും അരങ്ങേറി കൊളാഷ്,പോസ്റ്റർ നിർമ്മാണം,പ്രസംഗം,കവിത രചന എന്നീ മത്സരങ്ങൾ.

ബഷീർ ദിനം

ബഷീർ ദിനത്തോടനുബന്ധിച്ച് ബിന്ദു ടീച്ചർ ബഷീർ അനുസ്മരണം നടത്തി,അൽജോ എം ലിജോ പാത്തുമ്മയുടെ ആട് എന്ന ക്യതിയുടെ ആസ്വാദനം അവതരിപ്പിച്ചു ക്ലാസ്സ് തലത്തിൽ ആസ്വാദന കുറിപ്പ് മത്സരം നടത്തി .മുസ്തഫ ദ്വാരക(കവി ,അധ്യാപകൻ) ബഷീർ അനുസ്മരണ പ്രഭാഷണം നടത്തി എസ് പി സി കുട്ടികൾ ബഷീർ ക്യതികളിലെ കഥാപാത്രങ്ങളുടെ ദ്യശ്യാവിഷ്കാരം നടത്തി.

സ്കൂൾ പാർലമെന്റ്

സ്കൂൾ പാർലമെന്റ് അംഗങ്ങൾ

സ്കൂൾതല പാർലമെന്റ് ഇലക്ഷൻ ഡിജിറ്റൽ വോട്ടിംഗ് മെഷീൻ ഉപഗയോഗിച്ചുകൊണ്ട് സ്കൂൾതല ഇലക്ഷൻ നടത്തപെട്ടു കുട്ടികൾക്ക് വേറിട്ടൊരു അനുഭവമായിരുന്നു . സ്കൂൾ ലീഡർ,ഹെൽത്ത് മിനിസ്ട്ർ,വിദ്യാഭ്യാസ മന്ത്രി ,ജോയിന്റ് സെക്രട്ടറി തുടങ്ങിയവരെ തിരഞെടുത്തു

കായികമേള 2024 -25

ഓഗസറ്റ് 13 ന് സ്പോടസ് 2024 -25 ഓഗസറ്റ് 13 ,14 ദിവസങ്ങളിൽ നടത്തപെട്ടു.ബഹുമാനപെട്ട ഹെഡ്മാസ്റ്റർ ഫിലിപ്പ് പതാക ഉയർത്തുകയും തുടർന്ന് ശ്രീമതി സിമി ടീച്ചർ സ്വാഗതം പറയുകയും ,ബഹുമാനപെട്ട സ്കൂൾ മാനേജർ ഫാ.സെബാസ്റ്റ്യൻ ഏലംകുന്നേൽ അദ്ധ്യക്ഷപ്രസംഗം നടത്തുകയും തുടർന്ന് ശ്രീ ജി കെ.വി (അസി.സബിൻസ്പെക്ടർ മാന്തവാടി) ഉദ്ഘാടനം ചെയ്തു സംസാരിച്ചു. തുടർന്നുനടന്ന കായികമേള കുട്ടികൾ വാശിയോടെ മത്സരിക്കുകയും വിജയിച്ച കുട്ടികൾക്ക് സമ്മാനങ്ങൾ വിതരണം ചെയ്തു.

സ്വാതന്ത്ര ദിനം

ഈ വർഷത്തെ സ്വാതന്ത്ര ദിനാഘോഷ പരിപാടികൾ ഹെഡ് മാസ്റ്റർ ശ്രീ.ഫിലിപ്പ് ജോസഫ് ഉദ്ഘാടനം ചെയ്യുകയും റവ.ഫാദർ സെബാസ്റ്റ്യൻ ഏലകുന്നേൽ പതാക ഉയർത്തുകയും സന്ദേശം നൽകുകയും ചെയ്തു . SPC,N CC, JRC തുടങ്ങി വിവിധ കേഡറ്റുകളുടെ സ്വാതന്ത്രദിന പരേഡും വിവിധ പ്രോഗ്രാമകളും സംഘടിപ്പിച്ചു.

സ്കൂൾ തല ശാസ്ത്രമേള

സ്കൂൾ തല ശാസ്ത്രമേള ആഗസ്റ്റ് 17 ന് ബഹുമാനപ്പെട്ട ഹെഡ് മാസ്റ്റർ ഫിലിപ്പ് ജോസഫ് സർ ഉദ്ഘാടനം ചെയ്യുകയും

കൺവീനർ ശ്രീ.ജെയിസൺ സാർ,മിനി ടീച്ചർ ,സിജ ടീച്ചർ എന്നിവരുടെ നേത്രുത്വത്തിൽ ശാസ്ത്രമേള നടത്തപ്പെടുകയും ചെയ്തു.

അധ്യാപക ദിനം

സ്കൂൾ പി.റ്റി.എ യുടെ നേത്യത്വത്തിൽ സ്കൂളിലെ മുഴുവൻ കുട്ടികളെയും ആദരിച്ചു. സ്കൂൾ മാനേജർ ഫാ.സെബാസ്റ്റ്യൻ ഏലം കുന്നേൽ അധ്യാപകദിന സന്ദേശം നൽകി. ചടങ്ങിൽ പി.റ്റി.എ പ്രസിഡന്റ് ശ്രീ.ജോബി ജോസഫ് അദ്ധ്യക്ഷത വഹിച്ചു. സ്കൂൾ ലീഡർ അധ്യാപക സന്ദേശം നൽകുകയും ചെയ്തു.

ശിശു ദിനം

ചാചാ നെഹറുവിന്റെ ഓർമ്മ പുതിക്കിക്കൊണ്ട് ശിശുദിനം ആഘോഷമാക്കി. മിഷേൽ കുട്ടികളുടെ പ്രധാനമന്തിയായി. വർണ്ണശബളമായ പരിപാടികൾകൊണ്ട് ശിശുദിനം ശ്രദ്ധേയമായി. വിഭവസമ്യദ്ധമായ രിചുകരമായ ഭക്ഷണം കുട്ടികൾക്ക് നൽകുകയുണ്ടായി.

ഭവന സന്ദർശനം

ക്ലാസ്ധ്യാപകർ കുട്ടികളുടെ ഭവനങ്ങൾ സന്ദർശിക്കുകയും കുട്ടികളുടെ ഭൗതിക സാഹര്യം മനസ്സിലാക്കുകയും കുട്ടികൾക്കാവശ്യമായ പഠന പിൻതുണ നൽകുകയും ചെയ്തു.

സ്കൂൾ കലാമേള

സബ്ജില്ല കലാമേള

നവംബർ നാല് മുതൽ എട്ട് വരെ തിയതികളിലായി നടന്ന സബ്ജില്ല കലാമേള സെന്റ് കാതറിൻസിന്റെ സംഘാടനമികവ് വിളിച്ചോതുന്നതിനായിരുന്നു പതിനഞ്ച് വേദികളിലായി രണ്ടായിരത്തിലധികം പ്രതിഭകൾ മാറ്റുരച്ച ഈ കലാമേള നാടിന് ആഘോഷമായി.

സംസ്ക്യതോത്സവം

സംസ്ക്യതോത്സവത്തിൽ 85 പോയന്റ് നേടി സബ്ജില്ല തലത്തിൽ ഓവറോൾ നേടുകയും സംസ്ക്യത ഗാനാലാപനത്തിൽ സംസ്ഥാനത്തിൽ A ഗ്രെഡ് കരസ്ഥമാക്കുകയും ചെയ്തു.

Y I P

ഒക്ടോബർ 30 ബുധനാഴ്ച Y I P ക്ലബ് രൂപീകരണവും ഉദ്ഘാടനവും നടത്തി. ‍ഡി പി ഒ എസ്.എസ്.കെ വയനാട് ശ്രീ വിൽസൺ തോമസ്ഉദ്ഘാടനം ചെയ്തു. പ്രിൻസിപ്പൽ ശ്രീ. എം. എ മാത്യു അദ്ധ്യക്ഷനായിരുന്നു

വിദ്യാരംഗം

കുട്ടികളിലെ കലാസാഹിത്യാഭിരുചി കണ്ടെത്തുന്നതിനും പ്രോത്സാഹിപ്പിക്കുന്നതിനുമായി വിദ്യാരംഗം പ്രവർത്തിക്കുന്നു.അധ്യാപകരായ സിന്ധു പി.എം. ബിന്ദു പി.എൽ എന്നിവർ നേത്യത്വം വഹിക്കുന്നു.

ഭിന്നശേഷി ദിനാചരണം

‍‍ഡിസംബർ മൂന്ന് ലോക ഭിന്നശേഷി ദിനത്തോട് അനുബന്ധിച്ച് മാനന്തവാടി B R C യുടെ നേത്രത്വത്തിൽ LP ,UP ,HS വീഭാഗം കുട്ടികൾക്കായി പോസ്റ്റർ നിർമ്മാണം ,കളറിംഗ്, ഉപന്യാനസ മത്സരങ്ങൾ നടത്തുകയും വിജയികൾക്ക് സമ്മാനങ്ങൾ നൽകുകയും ചെയ്തു.

J R C

സേവനം മുദ്രാവാക്യമായി പ്രവർത്തിക്കുന്ന ജൂനിയർ റെഡ്ക്രോസിൽ 87 കുട്ടികൾ പ്രവർത്തിച്ചുവരുന്നു. സിമി കെ സെബാസ്റ്റ്യൻ ജിഷ ജോസഫ് എന്നീ അധ്യാപകരുടെ നേത്യത്വത്തിൽ ശ്രദ്ധേയമായ പ്രവർത്തനങ്ങൾ നടത്തിവരുന്നു A ,B ,C എന്നീ മൂന്ന് ലെവലുകളായി നടത്തുന്ന പരീക്ഷകളിൽ ഉന്നതവിജയം കൈവരിച്ചുവരുന്നു.

ലിറ്റിൽ കൈറ്റ്സ്

സാങ്കേതികരംഗത്തെ വിവിധ മേഖലകളിലുള്ള അടി്സ്ഥാന നൈപുണികൾ പരിചയപ്പെടുന്നതിന് അവസരം നൽകുകയും തനിക്ക് യോജിച്ച മേഖലയോട് ആഭിമുഖ്യം ജനിപ്പിക്കുന്നതിനുള്ള അവസരംമൊരുക്കുന്നു .മികവു പുലർത്തുന്ന വിദ്യാർത്ഥികൾക്ക് സബ്ജില്ല,ജില്ല,സംസ്ഥാനതല ക്യാബുകളിലായി ഉയർന്നപഠനത്തിനുള്ള അവരമൊരുക്കുന്നു.

അധ്യാപകരായ സോളി കെ ജയിംസ്, സ്മിത ജോസ് എന്നിവർ നേത്രത്വം വഹിക്കുന്നു.

N C C

2019 മുതൽ യൂണിറ്റ് വിദ്യാലയത്തിൽ പ്രവർത്തിച്ചുവരുന്നു മഹാരാഷ്ട്രയിലെ ഓഫീസേഴസ് ട്രെയിനിംഗ് അക്കാധമിയിൽ നിന്നും പരിശീനലം ലഭിച്ച ഷെറിറ്റ് കെ. എ ഓഫീസറായി പ്രവർത്തിക്കുന്നു. അൻപതു കുട്ടികൾ എൻ സി സി യിൽ പ്രവർത്തിക്കുന്നു.ജവഹർ നവോദയ ലക്കിടി ,സെന്റ്മേരീസ് സുൽത്താൻബത്തേരി, എന്നിവിടങ്ങളിൽ നടന്ന ട്രെയിനിംഗ് ക്യാബിൽ ഇരുപത്തിനാല് കുട്ടികൾ പങ്കെടുക്കുകയും ചെയ്തു.കാസർകോഡ് നടന്ന ഏക് ഭാരത് ശ്രേഷ്ഠ ഭാരത് എന്ന നാഷ്ണൽ ക്യാബിൽ അലൻ മത്തായി പങ്കെടുത്ത് അഭിമാനകരമായ നേട്ടമായി മാറി.

നല്ല പാഠം

മണ്ണറിഞ്, മഴനനഞ് മനമറിഞ് സെന്റ് കാതറിൻസിന്റെ തിരുമുറ്റത്ത് കുഞുങ്ങൾ നന്മയുടെ നല്ലപാഠം രചിക്കുന്നു.

സാമൂഹിക പ്രതിബന്ധതയുള്ള കുട്ടികളെ വാർത്തെടുക്കുക എന്ന ലക്ഷ്യത്തോടെ നല്ല പാഠം പ്രവർത്തനങ്ങൾ സജീവമായി നടന്നു വരുന്നു.വിഷ രഹിത പച്ചക്കറികൾ ഉദ്പാദിപ്പിച്ച് സ്വയം പര്യാപ്തതനേടുന്നു.

ATL ലാബ്

വിവര സാങ്കേതിക വിദ്യയിൽ നൂതനആശയങ്ങളും സങ്കേത്യ വിദ്യകളും ഉൾപ്പെടുത്തി പ്രോഗ്രാമിംഗ്, റോബോട്ടികസ്,ആർട്ടിഫിഷ്യൽ ഇന്റലിജൻസ് തുടങ്ങിയ മേഖലകളിൽ ഏഴ് മുതൽ പന്ത്രണ്ടു വരെയുള്ള കുട്ടികൾക്ക് പരിശീനലനം നൽകുന്നു.

SPC

ഈ വർഷത്തെ സൂപ്പർ സീനിയർ കേഡറ്റുുകളുടെ പാസ്സിംഗ് ഔട്ട് പരേഡ് മാനന്തവാടി

ഗവ.ഹൈസ്കൂളിൽ വെച്ച് സംയുക്തമായി നടന്നു മാളവിക സതീഷ് പരേഡ് കമാൻഡറായി

തെരഞെടുക്കപെട്ടത് അഭിമാനമായി മാറി.

കബ്ബ്, ബുൾ ബുൾ

കുട്ടികളിൽ നേത്യത്വപാടവും സാമൂഹ്യ പാടവും ഉറപ്പിക്കുക എന്ന ലക്ഷ്യത്തോടെ സെന്റ് കാതറിൻസ് LP വിഭാഗത്തിൽ ഷൈനി തോമസ്,സിനി പി ടി എന്നീ അധ്യാപകരുടെ നേത്യത്വത്തിൽ നടത്തപെടുന്നു.

മികവുകൾ

LSS ,USS

2023-24 അധ്യയന വർഷത്തെ LSS ,USS ന് വയനാട് ജില്ലയിൽ തന്നെ മികച്ച റിസൾട്ട് കരസ്ഥമാക്കാൻ കഴിഞ്ഞു. LSS വിഭാഗത്തിൽ എട്ട് കുട്ടികൾക്കും USS വിഭാഗത്ത നാല് കുട്ടികൾക്കും ലഭിച്ചു. USS ന് വയനാട് ജില്ലയിൽ വൈഗനന്ദ കെ.ആർ ഒന്നാം സ്ഥാനം കരസ്ഥമാക്കുകയും ചെയ്തു.

VAIGANANDA K.RUSS DISTRICT LEVEL TOP SCORER

Y I P

ഈ വർഷത്തെ YOUNG INNOVATIVE PROGRAMM ൽ നമ്മുടെ സ്കൂളിൽനിന്നും മാനവ് ഷാജി,ശ്രീഹരി എസ്.നായർ, സ്വാതിക് രാജീവ് എന്നിവർ സംസ്ഥാന തലത്തിൽ പങ്കെടുക്കുകയും CASH AWARD കരസ്ഥമാക്കുകയും ചെയ്തു.