"സെന്റ് സെബാസ്റ്റ്യൻസ് എച്ച്.എസ് അയർക്കുന്നം/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ദൈവത്തിന്റെ സ്വന്തം നാടായ കേരളത്തിൽ നിരവധി കുന്നുകളും താഴ്വരകളും പാടശേഖരങ്ങളും ഉൾക്കൊള്ളുന്ന പ്രകാശ സുന്ദരമായ ഒരു കാർഷികഗ്രാമമാണ് അയർക്കുന്നം. ഗ്രാമത്തിന്റെ അതിർത്തിലൂടെ മീനച്ചിൽ ആറ് ഒഴുകുന്നു. 3070 ഹെക്ടർ വിസ്തീർണ്ണമുള്ള ഗ്രാമപ്രദേശത്ത് 818 ഹെക്ടർ പാടപ്രദേശമാണ്. റബ്ബറാണ് പ്രധാന കൃഷി. നെൽകൃഷി, കരിമ്പ്കൃഷി തുടങ്ങിയ പാരമ്പര്യ കൃഷികൾ വളരെ കുറവാണ്. കൂടാതെ വാഴ, തെങ്ങ്, ജാതി, പച്ചക്കറികൾ എന്നിവയും കൃഷിചെയ്യുന്നു വികസനത്തിന്റ വെള്ളി വെളിച്ചം പുതിയ റോഡുകളുടെയും ബഹുനിലകെട്ടിടങ്ങളുടെയും മുന്തിയ വാഹനങ്ങളുടെയും രൂപത്തിൽ പ്രത്യക്ഷപ്പെട്ടു തുടങ്ങിയിരിക്കുന്നു. കട്ടക്കളങ്ങൾ സമതലപ്രദേശത്ത് ധാരാളമായി കാണാം. ചുടുകട്ടയ്ക്കുവേണ്ടി മണ്ണെടുത്ത പ്രദേശങ്ങൾ കുഴിയും വെള്ളക്കെട്ടുകളും പാഴ് സസ്യങ്ങൾ വളർന്നു ഉപയോഗശൂന്യമായി. കുന്നിൻചരുവുകളിലും മണ്ണെടുപ്പ് വലിയ ഭീഷണിയായി മാറിയിട്ടുണ്ട്. അവശേഷിക്കുന്ന പാടങ്ങൾ തരിശായി കിടക്കുന്നു. കൃഷി വളരെയേറെ കുറഞ്ഞിരിക്കുന്നു. റബ്ബർ ഉല്പാദനം കുറവായതിനാൽ ജനങ്ങൾ സാമ്പത്തിക പ്രതിസന്ധിയിലാണ്. ഈ സാഹചര്യങ്ങളെല്ലാം ഞങ്ങളുടെ സ്കൂൾ പരിസരത്ത് നിത്യ കാഴ്ചകളാണ്. അതുകൊണ്ടാണ് ഈ പ്രദേശത്തെ മനുഷ്യപ്രവർത്തനങ്ങളും അതുമൂലം പ്രകൃതിയിലും കാർഷിക മേഖലയിലും ജനജീവിതത്തിലും വന്ന പ്രത്യാഘാതങ്ങൾ ഞങ്ങളുടെ പഠന വിഷയമായി തെരഞ്ഞെടുത്തത്.

നിരീക്ഷണം, പരീക്ഷണം, അഭിമുഖം എന്നീ മാർഗങ്ങളിലൂടെയാണ് ഈ പ്രോജക്ട് ഞങ്ങൾ ചെയ്തത്. സമയം- 1/2 മാസം

=(a)നിരീക്ഷണം=പഠനപ്രദേശത്തെ പാടങ്ങൾ, കട്ടക്കളങ്ങൾ‍, മണ്ണെടുത്തപ്രദേശം വയൽ നികത്തിയ പ്രദേശങ്ങൾ‍ പന്നഗംതോടിന്റെ പ്രദേശങ്ങൾ എന്നിവിടങ്ങളിൽ പല പ്രാവശ്യം സന്ദർശിച്ചു. പഠനത്തിനായി മണ്ണ് ശേഖരിച്ചുു. നല്ല പാടപ്രദേശത്തെ മണ്ണ്, മണ്ണെടുത്ത പ്രദേശത്തെ അടിമ​ണ്ണ്, തെങ്ങ് കൃഷിയിടത്തിലെ മ​ണ്ണ്, മണ്ണെടുത്തപ്രദേശത്തെ അടിമ​ണ്ണ് എന്നീ 4 സാമ്പിളുകൾശേഖരിച്ച്, താരതമ്യ പഠനം നടത്തി.

=മണ്ണ് ശേഖരിച്ച രീതി=തെരഞ്ഞടുത്ത പ്രദേശത്ത് 15 cm ആഴമുള്ള'V'ആകൃതിയിലുള്ള കുഴികളിൽ നിന്ന് മണ്ണ് ശേഖരിച്ചു. ഓരോ സ്ഥലത്തു നിന്നും 6 സാമ്പിളുകൾ ശേഖരിച്ച് തണലത്തിട്ട് ഉണക്കിയെടുത്തു. ഈ സാമ്പിളുകൾ ഉപയോഗിച്ചാണ് പരീക്ഷണം നടത്തിയത്.  

=(b)പരീക്ഷണം=1. മണ്ണിന്റെ നിറം 2.മണ്ണിന്റെ അമ്ളത 3. മണ്ണിന്റെ ജലവഹകശേഷി