എ. എം .എം. ഹയർസെക്കണ്ടറി സ്കൂൾ ഇടയാറന്മുള/മറ്റ്ക്ലബ്ബുകൾ

സ്കൂൾ ജാഗ്രത സമിതി

സ്കൂൾ ജാഗ്രത സമിതി

പോലീസ് ഡിപ്പാർട്ട്മെന്റ് വിദ്യാഭ്യാസ വകുപ്പുമായി സഹകരിച്ച് സ്കൂൾ കുട്ടികളുടെ സുരക്ഷയ്ക്കായി സ്കൂളിൽ ആരംഭിച്ച സമിതിയാണ് സ്കൂൾ പ്രൊട്ടക്ഷൻ ഗ്രൂപ്പ് (എസ് പി ജി).എസ് പി ജിയുടെ ആദ്യ യോഗം ജൂൺ 15 രാവിലെ 11 മണിക്ക് ശ്രീ. കെ മനോജ് സാറിന്റെ (ഇൻസ്പെക്ടർ ആറന്മുള പോലീസ് സ്റ്റേഷൻ) നേതൃത്വത്തിൽ നടത്തി.സ്കൂളിന് സമീപത്ത് കുട്ടികളുടെ ട്രാഫിക് സേഫ്റ്റി ഉറപ്പുവരുത്തുക, സ്കൂൾ പരിസരത്ത് മയക്കുമരുന്നുകൾ, പുകയില ഉൽപ്പന്നങ്ങൾ, ലഹരി മരുന്നുകൾ തുടങ്ങിയവയുടെ കച്ചവടം തടയുക, സ്കൂളിൽ കയറാതെ നടക്കുന്ന കുട്ടികളെ കണ്ടെത്തി നിരീക്ഷിക്കുക,സ്കൂൾ പരിസരങ്ങളിൽ പരിചയം നടിച്ച് കുട്ടികളെ ചൂഷണം ചെയ്യുന്ന ആളുകളെ നിരീക്ഷിക്കുക എന്നതാണ് ഈ സംവിധാനം കൊണ്ട് ഉദ്ദേശിക്കുന്നത്.ജാഗ്രത സമിതി കൺവീനറായി ശ്രീ ജെബി തോമസ് സാർ നേതൃത്വം വഹിക്കുന്നു.

സീനിയർ അസിസ്റ്റന്റ് അനീഷ് ബെഞ്ചമിൻ, സ്റ്റാഫ് സെക്രട്ടറി സുനു മേരി സാമുവേൽ, എൻ.സി.സി ഓഫീസർ എബി മാത്യു ജേക്കബ്, സ്കൂൾ ലീഡർ പാർത്ഥജിത്ത്,പി ടി എ പ്രസിഡന്റ് എൽദോസ് വർഗീസ്,മദർ ടി ടി എ അംഗങ്ങൾ,സ്കൂളിന്റെ സമീപത്തെ കച്ചവട സ്ഥാപനത്തിന്റെ ഉടമകൾ തുടങ്ങിയവർ യോഗത്തിൽ പങ്കെടുത്തു.

ഉത്തരവാദിത്വങ്ങൾ

• സ്കൂൾ ബസ്സിൽ വരുന്ന കുട്ടികളുടെ അച്ചടക്കം നിയന്ത്രിക്കൽ
• ഗതാഗത നിയമങ്ങൾ ബോധവൽക്കരണം
• സ്കൂളിൽ ഹാജരാകാത്തവരുടെ പേര് വാട്സ്ആപ്പ് ഗ്രൂപ്പുകളിൽ അറിയിക്കൽ
• സ്കൂളിലെ എല്ലാ വിദ്യാർത്ഥികളുടെയും അച്ചടക്കം നിയന്ത്രിക്കൽ

ലോക ബാലവേല വിരുദ്ധ ദിനാചരണം

ലോക ബാലവേല വിരുദ്ധ ദിനവുമായി ബന്ധപ്പെട്ട യോഗത്തിന്റെ ഉദ്ഘാടനം, പത്തനംതിട്ട അഡീഷണൽ എസ്പി പ്രദീപ്കുമാർ സാർ നിർവ്വഹിച്ചു. ആറന്മുള സി ഐ മനോജ് കുമാർ സാർ (ആറന്മുള ചൈൽഡ് ഫ്രണ്ട്‌ലി പോലീസ് സ്റ്റേഷൻ) ക്ലാസ് നയിച്ചു. ജന ജാഗ്രതാ സമിതിയുടെ കൺവീനറായ അനിലേഷ് നേതൃത്വം വഹിച്ചു. 8, 9, 10 ക്ലാസിലെ കുട്ടികൾ പങ്കെടുത്തു.

വിമുക്തി ക്ലബ്

സ്കൂൾ കുട്ടികളിലെ മദ്യവർജ്ജന ഊന്നൽ നൽകുകയും മയക്കുമരുന്നുകളുടെ ഉപയോഗം പൂർണമായി ഇല്ലാതാക്കുകയും ചെയ്യുക എന്ന ലക്ഷ്യത്തോടെയാണ് വിമുക്തി ക്ലബ് പ്രവർത്തിക്കുന്നത്.കൺവീനറായി ശ്രീ ജെബി തോമസ് സർ നേതൃത്വം വഹിക്കുന്നു.

ലഹരിവിമോചന പ്രവർത്തനങ്ങൾ

01/02/2019ഡയറക്ടർ റവ.ടിറ്റു തോമസ് നവദർശൻ ഡി അഡിക്ഷൻ സെന്റർ കിടങ്ങന്നൂർ ലഹരിവിമോചന പ്രവർത്തങ്ങളെകുറിച്ചുള്ള ബോധവൽക്കരണ പ്രവർത്തനങ്ങൾ നടത്തി.

പ്രവർത്തനങ്ങൾ2020-21

പ്രമാണം:37001 വിമുക്തി.pdf ഇടയാറന്മുള എഎംഎം ഹയർസെക്കൻഡറി സ്കൂൾ വിമുക്തി ക്ലബ്ബിന്റെ ആഭിമുഖ്യത്തിൽ ലോക്ക് ഡൌൺ കാലഘട്ടം പരിഗണിച്ച് സാമൂഹ്യമാധ്യമങ്ങളിലൂടെ കുട്ടികളിലും അവരിലൂടെ സമൂഹത്തിലും ലഹരിവിരുദ്ധ സന്ദേശം എത്തിക്കുവാൻ ഉള്ള വിവിധ പ്രവർത്തനങ്ങളിൽ ഏർപ്പെട്ടു. ഓരോ ക്ലാസിൽ നിന്നും തിരഞ്ഞെടുത്ത്‌ പരിശീലനം നൽകിയിട്ടുള്ള വിമുക്തി വോളണ്ടിയർമാർ, മാതാപിതാക്കൾ, പൂർവവിദ്യാർത്ഥികൾ, ജനപ്രതിനിധികൾ എന്നിവരുടെ സഹായത്തോടെയാണ് പ്രവർത്തനങ്ങൾ ഏകോപിപ്പിക്കുന്നത്. ഹെഡ്മിസ്ട്രസ് ശ്രീമതി അന്നമ്മ നൈനാൻ, കോ-ഓർഡിനേറ്റർ ശ്രീ. ജെബി തോമസ് എന്നിവർ പ്രവർത്തനങ്ങൾക്ക് നേതൃത്വം നൽകുന്നു.

• കുട്ടികളുടെ വാട്സാപ്പ് ഗ്രൂപ്പുകളിലൂടെ ലഹരിവിരുദ്ധ സന്ദേശങ്ങളും പോസ്റ്ററുകളും പ്രചരിപ്പിക്കുന്നു.
• ലഹരിവിരുദ്ധ പ്രതിജ്ഞ പോസ്റ്റർ രചനാമത്സരം,
• ബോധവൽക്കരണ ക്ലാസുകൾ തുടങ്ങിയവ സംഘടിപ്പിച്ചു.
• വിവിധ കാരണങ്ങളാൽ മാനസികസംഘർഷം അനുഭവിച്ച കുട്ടികൾക്ക് കൗൺസിലിംഗ് നൽകി.
• ലഹരി വിമുക്ത ബോധവൽക്കരണ ഓൺലൈൻ ക്ലാസ്സ്‌ 13/07/2020, തിങ്കളാഴ്ച വൈകിട്ട് 8 മണിക്ക് എക്സൈസ് ഓഫീസർ ശ്രി മുഹമ്മദ്‌ അലി ജിന്ന,ക്ലാസ്സ്‌ എടുത്തു.

പത്താം ക്ലാസ്സിലെ എല്ലാ കുട്ടികളും, ഒൻപതാം ക്ലാസ്സിലെ വിമുക്തി ക്ലബ്‌ അംഗങ്ങളും പങ്കെടുത്തു.

കുട്ടികളിൽ ഉളവാക്കിയ ആശയങ്ങൾ

• അറിവിലൂടെ നമ്മൾ പൂർണ്ണതയിൽ എത്തണം.
• മദ്യം മയക്കുമരുന്ന് ഇന്റർനെറ്റ് തുടങ്ങിയവയുടെ അമിതമായ ഉപയോഗം നിയന്ത്രിക്കണം അതിലൂടെ നമ്മൾക്ക് നല്ലൊരു സമൂഹത്തെ വാർത്തെടുക്കാൻ കഴിയണം.
• ഒരു ദുശീലത്തിനും നമ്മളെ കീഴ്പ്പെടുത്തുവാൻ കഴിയുകയില്ല എന്നുള്ള ജാഗ്രത കുട്ടികളിൽ ഉളവാക്കി.
• നമ്മുടെ വാക്കുകൾ നല്ലതായിരിക്കണം...അവ എങ്ങനെ ഉപയോഗിക്കണമെന്നുള്ള അറിവ് കുട്ടികളിൽ ഉളവാക്കി .
• മനസ്സിന് നല്ല പരിശീലനം കൊടുക്കണം.
• നാളെയുടെ പ്രഭാതം നമ്മുടെ കൈകളിൽ ആകണം എന്നുള്ള അറിവ് കുട്ടികൾക്ക് ലഭിച്ചു.
• നമ്മുടെ ലക്ഷ്യത്തിലെത്തിച്ചേരുവാൻ മനസ്സിനോട് ഒപ്പം യാത്ര ചെയ്യണം.
• മാനസികമായ പരിശീലനം കുട്ടികളിൽ ഉണ്ടാക്കണം.
• നമ്മുടെ ചിന്തകളെ നിയന്ത്രിക്കുന്നത് തലച്ചോറിലെ സെറിബ്രമാണ് അതിനെ നിയന്ത്രിക്കേണ്ടത് നാം തന്നെയാണ്...മറ്റ് ദുശ്ശീലങ്ങളിൽ നാം കീഴ് പെടരുത്...
• ജാഗ്രതയുള്ള തലമുറയായി വളരണം.
• തിരിച്ചറിവുള്ള തലമുറ ആയിരിക്കണം.
• കൂട്ടുകാരെ തെരഞ്ഞെടുക്കുമ്പോൾ ശ്രദ്ധിക്കണം.
• ജീവിതത്തിലേക്ക് കടന്നു വരാവുന്ന അപകടങ്ങളെ നാം ജാഗ്രതയോടെ നേരിടണം....

പ്രവർത്തനങ്ങൾ2021-22

ഈ കാലയളവിൽ ഓൺലൈൻ പ്രവർത്തനങ്ങളും,ഓഫ്‌ലൈൻ പ്രവർത്തനങ്ങളും സ്കൂളിൽ നടന്നു.

ലഹരി വിരുദ്ധ വാരാചരണം  2021 ജൂൺ 25 - ജൂലൈ 1

ഇടയാറന്മുള എം എം ഹയർസെക്കൻഡറി സ്കൂൾ ലഹരിവിരുദ്ധ ക്ലബ്ബായ വിമുക്തിയുടെ ആഭിമുഖ്യത്തിൽ 2021 ജൂൺ 25 മുതൽ ജൂലൈ ഒന്നുവരെ ലഹരി വിരുദ്ധ വാരാചരണം വിവിധ ലഹരി വിരുദ്ധ പ്രവർത്തനങ്ങളോടെ ആചരിച്ചു.

ഉദ്‌ഘാടനം

ജൂൺ 25 ന് ആറന്മുള ഗ്രാമപഞ്ചായത്ത് പ്രസിഡണ്ട് ശ്രീമതി. ഷീജ റ്റി റ്റോജി ലഹരി വിരുദ്ധ വാരാചരണം ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ്സ് ശ്രീമതി. അന്നമ്മ നൈനാൻ യോഗത്തിന്റെ അധ്യക്ഷയായിരുന്നു. വിമുക്തി ക്ലബ് കോഓർഡിനേറ്റർ ശ്രീ. ജെബി തോമസ് സ്വാഗതം ആശംസിച്ചു. ആശ പി. മാത്യു, ലക്ഷ്‌മി പ്രകാശ് എന്നിവർ പ്രസംഗിച്ചു. എക്സൈസ് പ്രിവന്റീവ് ഓഫീസർ ബി. ഷാജിമോൻ വിദ്യാർഥികൾക്കുള്ള ലഹരി വിരുദ്ധ ബോധവത്കരണ ക്ലാസ്സിന് നേതൃത്വം നൽകി.

പ്രബന്ധ രചന

ലഹരി വസ്തുക്കൾ സമൂഹത്തിലുണ്ടാക്കുന്ന ദോഷങ്ങളെപ്പറ്റിയും പ്രതിവിധികളെപ്പറ്റിയും കുട്ടികൾ വിശദമായി പഠിക്കുകയും പ്രബന്ധരൂപത്തിൽ അവതരിപ്പിക്കുകയും ചെയ്തു. അദ്ധ്യാപകരായ ജെബി തോമസ്, സുനു മേരി സാമൂവേൽ, സന്ധ്യ ജി. നായർ എന്നിവർ നേതൃത്വം വഹിച്ചു.

രക്ഷിതാക്കൾക്ക് ബോധവത്കരണം

രക്ഷിതാക്കൾക്കുള്ള ബോധവത്കരണ ക്ലാസ്സുകളുടെ ഉദ്‌ഘാടനം പത്തനംതിട്ട ജില്ലാപഞ്ചായത്ത് അംഗം ശ്രീമതി. സാറാ തോമസ് നിർവ്വഹിച്ചു. ക്ലാസുകൾക്ക് നേതൃത്വം നൽകിയ, കേന്ദ്ര സർക്കാരിന്റെ ആന്റി നർക്കോട്ടിക്സ് ആക്ഷൻ കൗൺസിൽ അവാർഡ് ജേതാവ് ബി. ഷാജിമോനെ വിമുക്തി ക്ലബ്ബിന്റെ നേതൃത്വത്തിൽ ആദരിച്ചു. അദ്ധ്യാപകരായ ജെബി തോമസ്, സുനു മേരി സാമൂവേൽ എന്നിവർ പ്രവർത്തനങ്ങൾ ഏകോപിപ്പിച്ചു.

വെർച്വൽ റാലി

ലഹരി വസ്തുക്കൾക്കെതിരെ സാമൂഹ്യാവബോധം ഉണ്ടാക്കുന്നതിനായി കുട്ടികൾ വെർച്വൽ റാലി നടത്തി മുദ്രാവാക്യങ്ങൾ മുഴക്കി.

ലഹരി വിരുദ്ധ പ്രതിജ്ഞ

ലഹരി വസ്തുക്കൾ ഉപയോഗിക്കുകയില്ലെന്നും ലഹരി വസ്തുക്കൾക്കെതിരെ പ്രവർത്തിക്കുമെന്നും കുട്ടികൾ പ്രതിജ്ഞ ചെയ്തു.

ദീപം തെളിയിക്കൽ

ലഹരി വിരുദ്ധ വാരാചരണത്തിലൂടെ തങ്ങൾക്ക് ലഭിച്ച സന്ദേശം സമൂഹത്തിലേക്കു കൈമാറും എന്നതിന്റെ പ്രതീകമായി ദീപം തെളിയിച്ച് കുട്ടികൾ കൈമാറി.  കുട്ടികൾ ദീപം കൈമാറുന്ന ദൃശ്യങ്ങൾ കോർത്തിണക്കി ലിറ്റിൽ കൈറ്റ്സ് അംഗങ്ങളായ അഭിജിത്ത് അശോക്, ലിജിൻ ജോർജ് ജോൺ എന്നിവർ  വീഡിയോ ആൽബം തയ്യാറാക്കി അവതരിപ്പിച്ചു.

എഎംഎം ന്യൂസ്

എഎംഎം ന്യൂസ് എന്ന പേരിൽ സ്കൂൾ യൂട്യൂബ് ചാനലിലൂടെ ലഹരിവിരുദ്ധ വാരാചരണ പ്രവർത്തനങ്ങൾ വിമുക്തി ക്ലബ് അംഗങ്ങളായ ഹന്നാ മറിയം മത്തായി, കൃപ മറിയം മത്തായി എന്നിവർ വാർത്താ രൂപത്തിൽ അവതരിപ്പിച്ചു.

ലഹരി വിരുദ്ധ ക്യാമ്പയിൻ-ദേശീയ യുവദിനം

ലഹരി വിരുദ്ധ ബോധവൽക്കരണ പ്രവർത്തനങ്ങൾ

ലിറ്റിൽ കൈറ്റ്സിന്റെയും വിമുക്തി ക്ലബ്ബിന്റെയും ആഭിമുഖ്യത്തിൽ ദേശീയ യുവജന  ദിനമായ 2022 ജനുവരി 12ന് ലഹരി വിരുദ്ധ ബോധവൽക്കരണ പ്രവർത്തനങ്ങളും ലഹരി വിരുദ്ധ പ്രതിജ്ഞ ക്യാമ്പയിനും സംഘടിപ്പിച്ചു.ദേശീയ യുവദിനത്തിൽ,അദ്ധ്യാപകരും വിദ്യാർത്ഥികളും, പി.ടി.എ പ്രതിനിധികളും ലഹരി വിരുദ്ധസന്ദേശങ്ങൾ പ്രചരിപ്പിക്കുകയും,  ലഹരി വിരുദ്ധ പ്രതിജ്ഞ ചൊല്ലുകയും ചെയ്തു. കൂടാതെ ആഭ്യന്തര മന്ത്രാലയം നൽകിയ  ഇ-പ്രതിജ്ഞ ലിങ്ക്  വാട്സ്ആപ്പ് ഗ്രൂപ്പിലൂടെ പങ്കുവെക്കുകയും, കുട്ടികളും അധ്യാപകരും ലിറ്റിൽ കൈറ്റ്സ് കുട്ടികളുടെ സഹായത്താൽ ഡിജിറ്റൽ സർട്ടിഫിക്കറ്റ് കരസ്ഥമാക്കുകയും ചെയ്തു.

ലഹരിവിരുദ്ധ ഷോർട്ട് ഫിലിം നിർമ്മാണം

വിമുക്തി ക്ലബ്ബിന്റെയും ഫിലിം ക്ലബ്ബിന്റെയും  ആഭിമുഖ്യത്തിൽ തയ്യാറാക്കിയ ലഹരിവിരുദ്ധ ഷോർട്ട് ഫിലിം നവജീവൻ എക്സൈസ് ഓഫീസിലേക്ക് അയച്ചുകൊടുത്തു.

പ്രവർത്തനങ്ങൾ 2022-23

ബോധവൽക്കരണ ക്ലാസുകൾ 30 - 05-2022

2022-23 അധ്യയനവർഷം ആരംഭിക്കുന്നതിന് മുന്നോടിയായി ലഹരിവിരുദ്ധ പ്രവർത്തനങ്ങൾ ഏകോപിപ്പിക്കുന്നതിനായി വിമുക്ത ക്ലബ്ബിന്റെ മീറ്റിംഗ്  2022 ജൂൺ 30 തിങ്കളാഴ്ച രാവിലെ 11 30ന് ലാബിൽ കൂടി. ഹെഡ്മിസ്ട്രസ്, പി ടി എ പ്രസിഡന്റ്,  പിടിഎ അംഗങ്ങൾ എന്നിവർ ഈ മീറ്റിങ്ങിൽ സന്നിഹിതരായിരുന്നു. സ്കൂളും പരിസരവും ലഹരി വിമുക്തമായിരിക്കണം എന്നും, കുട്ടികളെ നിരീക്ഷിക്കണമെന്നും തീരുമാനിച്ചു. സ്കൂളിന്റെ ചുറ്റുപാടുമുള്ള സ്ഥലങ്ങളിൽ സംശയകരമായ രീതിയിൽ വരുന്നവരെ നിരീക്ഷിക്കുന്നതിനും സ്കൂൾ അധികൃതരെ അറിയിക്കുന്നതിനും പരിസരവാസികളെ ചുമതലപ്പെടുത്തി. പോലീസ് എക്സൈസ് ഉദ്യോഗസ്ഥരുടെ സഹായം തേടുന്നതിനും ആവശ്യമായ ബോധവൽക്കരണ ക്ലാസുകൾ നടത്തുന്നതിനും തീരുമാനിച്ചു.

ജാഗ്രത പുലർത്തുന്നതിനായി പോലീസ് പെട്രോളിംഗ് 15-06-2022

2022 ജൂൺ 15 ന് രാവിലെ 11 മണിക്ക് ക്ലബ്ബിന്റെ ഒരു മീറ്റിംഗ് നടന്നു. ഹെഡ്മിസ്ട്രസിന്റെ അധ്യക്ഷതയിൽ കൂടിയ യോഗത്തിൽ ആറന്മുള പോലീസ് സ്റ്റേഷൻ എസ്.എച്ച്.ഒ  ഡി. ടി മനോജ്‌, പിടിഎ പ്രസിഡന്റ്,  മദർ പി. ടി. എ പ്രസിഡന്റ്,  സമീപവാസികൾ,  കടയുടമകൾ,  ഓട്ടോറിക്ഷ ഡ്രൈവർമാർ  എന്നിവർ ഈ മീറ്റിങ്ങിൽ പങ്കെടുത്തു.

സ്കൂളിന്റെ പരിസരപ്രദേശങ്ങളിൽ ജാഗ്രത പുലർത്തുന്നതിനായി പോലീസ് പെട്രോളിംഗ് ഏർപ്പെടുത്തുമെന്ന് എസ്.എച്ച്.ഒ അറിയിച്ചു. സമീപവാസികളുടെയും കട ഉടമസ്ഥരുടെയും പിന്തുണ വിമുക്തിയുടെ പ്രവർത്തനങ്ങൾക്ക് വളരെയധികം സഹായകരമാണ്.. വിമുക്തി ക്ലബ്ബിന്റെ പ്രവർത്തനങ്ങൾക്ക് പോലീസ് എല്ലാവിധ പിന്തുണയും വാഗ്ദാനം ചെയ്തു.

പ്രവർത്തനങ്ങൾ 2023-24

ജാഗ്രതയിലൂടെ അദ്ധ്യയനം

സ്കൂൾ പ്രൊട്ടക്ഷൻ ഗ്രൂപ്പ്, റോഡ് സേഫ്റ്റി ഗ്രൂപ്പ്, യോദ്ധാവ്  എന്നീ സംഘടനകളുടെ സഹകരണത്താൽ വിമുക്തി ക്ലബ്ബിന്റെ ഒരു മീറ്റിംഗ് 31-05-2023  രാവിലെ 11 മണിക്ക്  പി.ടി.എ പ്രസിഡന്റിന്റെ അധ്യക്ഷതയിൽ കൂടി. സ്കൂൾ പ്രിൻസിപ്പൽ ശ്രീമതി ലാലി ജോൺ സ്വാഗതം ആശംസിച്ചു. ആറന്മുള പോലീസ് സ്റ്റേഷനിലെ സബ് ഇൻസ്‌പെക്ടർ ശ്രീ. ഹരികുമാർ മീറ്റിംഗിൽ മുഖ്യ സന്ദേശം നൽകി. ആറന്മുള പഞ്ചായത്ത് വൈസ് പ്രസിഡന്റ് ശ്രീ. എൻ.എസ് കുമാർ ആശംസകൾ അറിയിച്ചു. സ്കൂൾ ഹെഡ്മിസ്ട്രെസ് ശ്രീമതി അനില സാമുവലിന്റെ കൃതജ്ഞതയോടു കൂടി മീറ്റിംഗ് അവസാനിച്ചു.

ലഹരിവിരുദ്ധ പ്രവർത്തനങ്ങൾ

മദ്യം, മയക്കുമരുന്ന് ഇവ സമൂഹത്തെ കാർന്നു തിന്നുകൊണ്ടിരിക്കുന്നതായ ഒരു പശ്ചാത്തലത്തിൽ കൂടെയാണ് വിദ്യാർത്ഥികൾ കടന്നുപോയിക്കൊണ്ടിരിക്കുന്നത്. ലഹരിയുടെ കരാളഹസ്തങ്ങളിൽ പെടാതെ വിദ്യാഭ്യാസ കാലഘട്ടം പൂർത്തീകരിക്കുവാൻ വിദ്യാർത്ഥികളെ പ്രാപ്തരാക്കുവാനായി വിവിധങ്ങളായ പരിപാടികളാണ് വിമുക്തി ക്ലബ്ബ് ആവിഷ്കരിച്ച് നടപ്പിലാക്കിയത്.

കൗൺസിലിംഗ്

കുട്ടികളുടെ വിവിധങ്ങളായ മാനസിക സംഘർഷങ്ങൾ സുരക്ഷിതമായി പങ്കുവയ്ക്കുന്നതിനായി വിവിധ  കൗൺസിലിംഗ് സെഷനുകൾ നടന്നുവരുന്നു.

വ്യക്തിഗത കൗൺസിലിംഗ്

ഡോ. മേഴ്സി മാത്യു എല്ലാ ആഴ്ചയും സ്കൂളിൽ എത്തി ആവശ്യമുള്ള കുട്ടികൾക്ക് കൗൺസിലിംഗ് നൽകുന്നു. കുട്ടികളുടെ വിവിധ പ്രശ്നങ്ങൾ മനസ്സിലാക്കുന്നതിനും അതിനാവശ്യമായ പരിഹാരങ്ങൾ നിർദ്ദേശിക്കുന്നതിനും ഈ കൗൺസിലിംഗ് സെഷനിലൂടെ സാധിക്കുന്നു.

കൗൺസിലിംഗ് ക്ലാസുകൾ

കിടങ്ങന്നൂർ നവദർശൻ, മലയാലപ്പുഴ നവജീവ കേന്ദ്രം എന്നീ ലഹരി വിമോചന കേന്ദ്രങ്ങളിൽ നിന്നുള്ള കൗൺസിലർമാർ ഓരോ ക്ലാസിലെയും  വിദ്യാർഥികകളുമായി സംവദിച്ചു. മദ്യം ലഹരിവസ്തുക്കൾ ഇവയുടെ ദോഷങ്ങൾ എന്തൊക്കെയെന്ന് കുട്ടികൾക്ക് വളരെ വിശദമായി വിദഗ്ധർ പറഞ്ഞു കൊടുത്തു. കുട്ടികളുടെ വിവിധ സംശയങ്ങൾക്കും ഇവർ നിവാരണം വരുത്തി.

പോസ്റ്റർ പ്രദർശനം

കിടങ്ങന്നൂർ നവദർശൻ, തിരുവല്ല അനാംസ് എന്നീ ലഹരി വിമോചന സ്ഥാപനങ്ങളുമായി സഹകരിച്ച് വിപുലമായ പ്രദർശനം സംഘടിപ്പിച്ചു. മദ്യത്തിന്റെയും ലഹരിയുടെയും ദോഷങ്ങൾ ചിത്രീകരിക്കുന്നതായ വിവിധ ചിത്രങ്ങളും ലഹരി ആസക്തിയുടെ വിവിധ ഘട്ടങ്ങൾ കാണിക്കുന്ന ചാർട്ടുകളും ലഹരി വിമോചനം എങ്ങനെ സാധ്യമാക്കാം എന്നതിന്റെ പോസ്റ്ററുകളും ഈ പ്രദർശനത്തിന്റെ പ്രത്യേകതയായിരുന്നു. കുട്ടികൾ വരച്ച ലഹരിവിരുദ്ധ സന്ദേശം നൽകുന്ന പോസ്റ്ററുകൾ പ്രദർശനത്തിന് മാറ്റുകൂട്ടി.

തെരുവ് നാടകം

ലഹരി വിമോചനത്തിനായി പ്രവർത്തിക്കുന്ന മലയാലപ്പുഴ നവജീവ കേന്ദ്രത്തിന്റെ ആഭിമുഖ്യത്തിൽ, സമൂഹത്തിൽ രാസലഹരിയുടെയും മദ്യത്തിന്റെയും ദോഷങ്ങൾ ചിത്രീകരിക്കുന്ന തെരുവുനാടകം അവതരിപ്പിക്കപ്പെട്ടു. മദ്യവും മയക്കുമരുന്നും കുടുംബങ്ങളെ എങ്ങനെയാണ് തകർക്കുന്നത് എന്ന് വളരെ മനോഹരമായി കലാകാരന്മാർ ഈ തെരുവ് നാടകത്തിലൂടെ അവതരിപ്പിച്ചു.

ലഹരിവിരുദ്ധ പ്രതിജ്ഞ

ലോക ലഹരി വിരുദ്ധ ദിനത്തോടനുബന്ധിച്ച് ഇടയാറന്മുള എ.എം.എം ഹയർ സെക്കൻഡറി സ്കൂളിൽ വിമുക്തി ക്ലബ്ബിന്റെ നേതൃത്വത്തിൽ എല്ലാ വിദ്യാർത്ഥികളും ലഹരി വിരുദ്ധ പ്രതിജ്ഞ എടുത്തു.

"മയക്കുമരുന്നുകൾ ഉൾപ്പെടെയുള്ള നിയമ വിരുദ്ധ ലഹരി പദാർത്ഥങ്ങൾ സമൂഹത്തെ തകർക്കുന്ന മാരക വിപത്താണ് എന്ന് ഞാൻ തിരിച്ചറിയുന്നു. ലഹരിയോടുള്ള ആസക്തി അത് ഉപയോഗിക്കുന്ന വ്യക്തിയോടൊപ്പം കുടുംബത്തേയും സമൂഹത്തേയും പൂർണ്ണമായും നശിപ്പിക്കുമെന്ന് ഞാൻ മനസ്സിലാക്കുന്നു. നാളത്തെ പൗരൻമാരാവേണ്ട വിദ്യാർത്ഥികളും യുവജനങ്ങളും ലഹരിയുടെ കരാള ഹസ്തങ്ങളിൽ അകപ്പെടാതെ അവരെ സംരക്ഷിക്കുമെന്ന് ഞാൻ പ്രതിജ്ഞയെടുക്കുന്നു. നിയമവിരുദ്ധ ലഹരി പദാർത്ഥങ്ങൾ സൂക്ഷിക്കുകയോ, ഉപയോഗിക്കുകയോ, വിൽക്കുകയോ ഉപയോഗിക്കാൻ മറ്റുള്ളവരെ പ്രേരിപ്പിക്കുകയോ ചെയ്യുകയില്ലെന്നും ലഹരി വിരുദ്ധ പ്രവർത്തനങ്ങളിൽ പങ്കാളിയായി നാടിനോടും ജനങ്ങളോടുമുള്ള എന്റെ കടമ നിറവേറ്റുമെന്നും ഞാൻ  പ്രതിജ്ഞ ചെയ്യുന്നു. ജീവിതമാണ് ലഹരി എന്ന ആശയം ജീവിതത്തിൽ പകർത്തി ലഹരി മുക്ത നവകേരളം പടുത്തുയർത്താൻ എന്റെ എല്ലാ കഴിവുകളും വിനിയോഗിച്ച് പ്രവർത്തിക്കുമെന്ന് ഇടയാറന്മുള എ.എം.എം ഹയർ സെക്കൻഡറി സ്കൂളിലെ വിദ്യാർത്ഥി എന്ന നിലയിൽ ഞാൻ ഞാൻ പ്രതിജ്ഞ ചെയ്യുന്നു."

വിവിധ മത്സരങ്ങൾ

വിവിധ സ്കൂളുകളിലെ കുട്ടികളെ ഉൾപ്പെടുത്തി എൽപി, യുപി, ഹൈസ്കൂൾ വിഭാഗങ്ങളിലായി പ്രസംഗം, ഉപന്യാസം, ചിത്രരചന, പോസ്റ്റർ നിർമ്മാണം എന്നീ മത്സരങ്ങൾ നടത്തപ്പെട്ടു.

ലഘുലേഖ വിതരണം

മദ്യത്തിന്റെയും മയക്കുമരുന്നിന്റെയും ദോഷങ്ങൾ വിവരിക്കുന്നതായ ലഘുലേഖകൾ സ്കൂൾ വിദ്യാർത്ഥികൾക്കും പൊതുജനങ്ങൾക്കും വിതരണം ചെയ്തു.

ബോധവൽക്കരണ സമ്മേളനം

ഇടയാറന്മുള എ.എം.എം. ഹയർ സെക്കൻഡറി സ്കൂളിലെ വിമുക്തി ക്ലബ്ബിന്റെ ആഭിമുഖ്യത്തിലുള്ള ലഹരി വിരുദ്ധ ബോധവൽക്കരണ സമ്മേളനം മലങ്കര മാർത്തോമാ സുറിയാനി സഭ ചെങ്ങന്നൂർ മാവേലിക്കര ഭദ്രാസന അധ്യക്ഷൻ അഭിവന്ദ്യ തോമസ് മാർ തീമത്തിയോസ് എപ്പിസ്കോപ്പ ഉദ്ഘാടനം ചെയ്തു. ലഹരി വിരുദ്ധ സമിതി കൺവീനർ റവ. ഡോ. റ്റി. റ്റി. സക്കറിയ  ക്ലാസുകൾക്ക് നേതൃത്വം നൽകി. വിവിധ മത്സരങ്ങളിലെ വിജയികൾക്ക് സമ്മാനം വിതരണം ചെയ്തു.

ചിത്രങ്ങൾ

• 
• 
• 
• 
• 
• 
• 
• 
• 
• 
• 
• 
• 
• 

ഹെൽത്ത് ക്ലബ്ബ്

രോഗങ്ങളില്ലാത്ത അവസ്ഥയെയാണ്‌ സാമാന്യേന ആരോഗ്യം,എന്നതു കൊണ്ടുദ്ദേശിച്ചിരുന്നത്.എന്നാൽ 1948-ലെ ലോക ഹെൽത്ത് അസംബ്ലിയുടെ നിർവചനപ്രകാരം രോഗ,വൈകല്യരാഹിത്യമുള്ള അവസ്ഥ മാത്രമല്ല, സമ്പൂർണ്ണ ശാരീരിക, മാനസിക, സാമൂഹ്യ സുസ്ഥിതി കൂടി ആണു ആരോഗ്യം.ഞങ്ങളുടെ സ്കൂളിൽ ഹെൽത്ത് ക്ലബ്ബിന്റെ ചുമതല ശ്രീമതി മേരി ശാമുവേൽ നിർവഹിക്കുന്നു.ക്ലബ്ബിൽ എല്ലാ വർഷവും30കുട്ടികൾ അംഗങ്ങളായി പ്രവർത്തിക്കുന്നു.

ലക്ഷ്യങ്ങൾ

• സമ്പൂർണ്ണ ശാരീരിക, മാനസിക, സാമൂഹ്യ സുസ്ഥിതിയുള്ള തലമുറയെ വാർത്തെടുക്കുക.
• പകർച്ചവ്യധികളെ കുറിച്ച് ബോധവാന്മാരാക്കുക.
• പൊതുജനാരോഗ്യം ലക്ഷ്യം വച്ചുള്ള പ്രവവർത്തനങ്ങളിൽ കുട്ടികളെ ഭാരവാഹികൾ ആക്കുക.
• സ്കൂളിൽ രൂപീകരിച്ച ഗ്രീൻ ക്ലബ്ബിലൂടെ പരിസരശുചീകരണത്തിന്റെ ആവശ്യത്തെ കുറിച്ച് വരും തമുറയെ ബോധവാന്മാറക്കുക.

ഹെൽത്ത് ക്ലബ്ബ് പ്രവർത്തനങ്ങൾ 2019-20

ലോക പ്രമേഹ ദിനത്തോടെ അനുബന്ധിച്ചുള്ള സന്ദേശ റാലിയും ബോധവത്കരണ ക്ലാസും

ലോക പ്രമേഹദിനാഘോഷം

ലോക പ്രമേഹ ദിനത്തോടെ അനുബന്ധിച്ചുള്ള സന്ദേശ റാലിയും ബോധവത്കരണ ക്ലാസും വല്ലന ഹെൽത്ത് സെന്ററിന്റെ അഭിമുഘ്യത്തിൽ പത്തനംതിട്ട ജില്ലയിലെ ഇടയാറന്മുള എ എം എം ഹയർ സെക്കൻഡറി സ്കൂളിൽ നടന്നു. ക്ലാസുകൾ നയിച്ചത് വല്ലന ഹെൽത്ത് സെന്ററിലെ ഹെൽത്ത് ഇൻസ്പക്ടറായ അജിത ഒ ആണ്.ഉത്‌ഘാടനം എസ്. ഐ .ടി .സി ശ്രീമതി.ആശ പി മാത്യു നിർവഹിച്ചു. പ്രമേഹം എന്താണെന്നും അത് കുട്ടികളിൽ ഉണ്ടാകുന്നതു എങ്ങനെയെന്നും,അതിന്റെ ലക്ഷണങ്ങൾ പ്രതിരോധ മാർഗങ്ങൾ എന്നിവയും അജിത ഓ വിശദമാക്കി. പാൻക്രിയാസ് ഗ്രന്ഥി പുറപ്പെടുവിക്കുന്ന ഇൻസുലിൻ ഹോർമോണിന്റെ പ്രവർത്തനവും കുട്ടികളിൽ സ്ലൈഡ് ഷോയിലൂടെ വിശദമാക്കി.എൻ സി സി കുട്ടികൾ,, ഹെൽത്ത് ക്ലബ്ബിലെ കുട്ടികൾ സ്റ്റുഡന്റസ് ഡോക്ടഴ്സ് തുടങ്ങിയവർ ക്ലാസ്സുകളിൽ പങ്കെടുത്തു. സ്കൂൾ ചെയർമാൻ സഹദ് മോൻ പി. എസ്‌ ക്ലാസ്സുകളെക്കുറിച്ചുള്ള ഫീഡ് ബാക്കുകൾ നടത്തി.

നേത്ര പരിശോധന

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പ് നടത്തി.

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

ആരോഗ്യ വകുപ്പിന്റെ ആഭിമുഖ്യത്തിൽ 10 /01 /2019 യിൽ സ്കൂളിലെ മുഴുവൻ കുട്ടികൾക്കും നടന്ന നേത്ര പരിശോധന ക്യാമ്പിന്റെ വിവിധ രംഗങ്ങൾ

അയൺ ടാബ്ലറ്റ് നൽകൽ

എല്ലാ ആഴ്ചയിലും കുട്ടികൾക്ക് അയൺ ഗുളികകൽ നൽകിവരുന്നു . സർക്കാറിന്റെ നിർദ്ദേശപ്രകാരം വിരഗുളികകൾ വിതരണം ചെയ്തുവരുന്നു. സ്കൂളിന്റെ ആരോഗ്യ ശുചിത്വ കാര്യങ്ങളിൽ ഹെൽത്ത് ക്ലബ്ബിന്റെ പ്രവർത്തനം പ്രശംസനീയമാണ്.

ഹെൽത്ത് ക്ലബ്ബ് പ്രവർത്തനങ്ങൾ 2020-21

ജൂൺ 5 പരിസ്ഥിതി ദിനം

എല്ലാ വർഷവും ജൂൺ 5 പരിസ്ഥിതി ദിനാഘോഷത്തിന്റെ ഭാഗമായി സ്കൂളിൽ വൃക്ഷത്തൈകൾ നടുകയും വനം വകുപ്പിൽ നിന്ന് ലഭിക്കുന്ന വൃക്ഷത്തൈകൾ വീടുകളിൽ കൊണ്ടുപോയി നടുകയും ചെയ്യുന്ന ഒരു ശീലമായിരുന്നല്ലോ നമുക്ക് ഉണ്ടായിരുന്നത്. എന്നാൽ എല്ലാ ദിനാചരണങ്ങൾക്കും മേലെ ഒരു തിരിശ്ശീല എന്ന പോലെ കോവിഡ് മഹാമാരി എത്തുന്നു.ഈ അവസരത്തിൽ എന്തു ചെയ്യും എന്ന ചിന്തയാണ് ,കുട്ടികൾ വീട്ടിൽ തന്നെ ഇരുന്ന് വൃക്ഷത്തൈകൾ നടുന്നതിന്റെ ചിത്രം വാട്ടസ്ആപ് ഗ്രൂപ്പിൽ ഇടുക എന്ന ഒരാശയം ഉദിച്ചത്. ഈ വിവരം കുട്ടികളോടും രക്ഷകർത്താക്കളോടും പങ്കുവച്ചപ്പേൾ അവരുടെ ഭാഗത്തുനിന്ന് മികച്ച പ്രതികരണമാണ് ഉണ്ടായത്. ലോക്ക് ഡൌൺ സമയം കൂടി ആയതിനാൽ എല്ലാവരും വീടുകളിൽ വൃക്ഷ തൈകളും പച്ചക്കറികളും ചെടികളും നട്ടു, പരിസ്ഥിതി ദിനം ആലോഷിച്ചു.തുടർന്ന് വൃക്ഷങ്ങൾ നടുന്ന ഫോട്ടോ സ്കൂൾ ഗ്രൂപ്പിൽ ഇടുകയും ചെയ്തു. അവസരത്തിനനുസരിച്ച് എങ്ങനെ കാര്യങ്ങൾ തീരുമാനിക്കണം എന്നൊരു പാഠവും ഉൾക്കൊള്ളാൻ ഇതിൽ നിന്നും അവർക്ക് സാധിച്ചു.

പേവിഷ ബാധ ബോധവൽക്കരണം

പേവിഷ ബാധ തലച്ചോറിനെ ബാധിക്കുന്ന വൈറസ് രോഗമാണ് പേവിഷബാധ എന്നും, ലക്ഷണം പ്രകടമായാൽ മരണം ഉറപ്പാകുമെന്നും കുട്ടികളെ ബോധവൽക്കരിച്ചു.ഇതു പകരുന്നതെങ്ങനെ എന്നും. ഏതൊക്കെ മൃഗങ്ങളാണ് രോഗവാഹകർ എന്നും കുട്ടികളെ ബോധവാന്മാരാക്കി.ഈ രോഗത്തിനുള്ള ചികിത്സ എന്താണെന്ന് പ്രസന്റേഷനിലൂടെ കുട്ടികളെ ബോധവാന്മാരാക്കി.

ആഗോള കൈകഴുകൽ ദിനം

ഒക്ടോബർ 15 ആണ് ആഗോള കൈകഴുകൽ ദിനം ആയി ആചരിക്കുന്നത് എന്ന് കുട്ടികളെ ബോധവാന്മാരാക്കി.ഇതിന് സഹായിക്കുന്ന പ്രസന്റേഷനുകൾ വാട്സാപ്പ് ഗ്രൂപ്പുകളിൽ പ്രദർശിപ്പിച്ചു.കൈ കഴുകുന്നത് എങ്ങനെ എന്ന് ഗൂഗിൾ മീറ്റിലൂടെ ജെ.ആർ.സി കുട്ടികളെയുംകൊണ്ട് അദ്ധ്യാപകർ കാണിച്ചു.

ആർ.കെ.എസ്.കെ. (രാഷ്ട്രീയ.കിഷോർ. സ്വസ്ഥ്യ കാര്യക്രം)

സ്റ്റുഡന്റ്.ഡോക്ടർ.കേഡറ്റ്

രാഷ്ട്രീയ കിഷോർ സ്വസ്ത്യ കാര്യാക്രം (ആർ‌കെ‌എസ്‌കെ) ആരോഗ്യ-കുടുംബക്ഷേമ മന്ത്രാലയം 10-19 വയസ്സിനിടയിൽ പ്രായമുള്ള കൗമാരക്കാർക്കായി ഒരു ആരോഗ്യ പരിപാടി ആരംഭിച്ചു, ഇത് അവരുടെ പോഷകാഹാരം, പ്രത്യുൽപാദന ആരോഗ്യം, ലഹരിവസ്തുക്കളുടെ ദുരുപയോഗം എന്നിവ ലക്ഷ്യമിടുന്നു. ഈ പദ്ധതിയുടെ പ്രധാന ലക്ഷ്യം, കൗമാരക്കാർക്കിടയിലുള്ള ലഹരി മരുന്നിന്റെ ഉപയോഗം ഇല്ലാതാക്കുക എന്നതാണ് . ഈ ലക്ഷ്യം കൈവരിക്കാൻ എല്ലാ സ്കൂളുകളിൽനിന്നും പഠനത്തിലും മറ്റു കാര്യങ്ങളിലും പ്രഗൽഭരായ 4 യു പി വിദ്യാർത്ഥികളെയും 4 ഹൈ സ്കൂൾ വിദ്യാർത്ഥികളെയും അതാത് സ്കൂളുകളിലെ സയൻസ് ടീച്ചർമാർ തിരഞ്ഞെടുത്തു . സ്റ്റുഡന്റ് ഡോക്ടർ കേഡറ്റ് ആയി തിരഞ്ഞെടുക്കപ്പെടുന്ന വിദ്യാർത്ഥികൾക്ക് 4 ദിവസത്തെ ട്രെയിനിങ് ക്യാമ്പ് നൽകി ഈ ട്രെയിനിങ് ക്യാമ്പ് കഴിഞ്ഞപ്പോൾ അവർക്കു ഒരു സർട്ടിഫിക്കറ്റും അവരുടെ ഭാഗത്തുനിന്നുള്ള ഒരു സമ്മാനവും ഉണ്ടണ്ടായിരുന്നു അതിനു ശേഷം 1 ദിവസം എല്ലാ കുട്ടികളെയും വിളിച്ചു വരുത്തി അവരുടെ പ്രവർത്തനത്തെ വിലയിരുത്തുകയുണ്ടായി . അതിനുശേഷം സ്റ്റുഡന്റ് ഡോക്ടർ കേഡറ്റ്മാർക്ക് ഡോക്ടർസ് കോട്ടുകൾ നൽകുകയുണ്ടായി .സ്റ്റുഡന്റ് ഡോക്ടർ കേഡറ്റുമാർ നല്ല ഒരു തലമുറയെ വാർത്തെടുക്കാൻ പ്രയത്നിച്ചുകൊണ്ടിരിക്കുന്നു .

ഹെൽത്ത് ക്ലബ്ബ് പ്രവർത്തനങ്ങൾ 2021-22

ജീവിതശൈലീ രോഗങ്ങൾ... ബോധവൽക്കരണ ക്ലാസ്സ്

എ എം എം ഹയർ സെക്കണ്ടറി സ്കൂളിൽ ജൂൺ 13 ഞായറാഴ്ച 7.30ന് കുട്ടികൾക്കും രക്ഷിതാക്കൾക്കും ഗൂഗിൾ മീറ്റിലൂടെ ജീവിത ശൈലി രോഗങ്ങൾ എന്ന വിഷയത്തെ കുറിച്ച് ശ്രീമതി ഡാനി തോമസ് (ഇൻസർവീസ് എഡ്യൂക്കേറ്റർ പി എച്ച് ഡി സ്കോളർ, എ ഐ എം എസ് ന്യൂ ഡെൽഹി) ക്ലാസ്സുകൾ ഗൂഗിൾ മീറ്റിലൂടെ നടത്തി., ഹെഡ്‌മിസ്ട്രെസ് അന്നമ്മ നൈനാൻ ടീച്ചർ അദ്ധ്യക്ഷ ആയിരുന്ന യോഗത്തിൽ സ്വാഗതം നിർവഹിച്ചത് ശ്രീമതി റിൻസി സന്തോഷ് ടീച്ചർ ആണ്. ഇന്നത്തെ തലമുറയിൽ ഉണ്ടാകുന്ന രോഗങ്ങൾക്ക് കാരണം അവരുടെ  ജീവിത ശൈലി മൂലമാണെന്നും, എങ്ങനെ  ഇവയെ ക്രമീകരിച്ച് രോഗങ്ങൾ ഒഴിവാക്കി ജീവിക്കാമെന്ന് വീഡിയോ പ്രസെന്റേഷനിലൂടെ വ്യക്തമാക്കി. കട്ടികളുടെയും രക്ഷിതാക്കളുടെയും സംശയത്തിന് ഉചിതമായി നിവാരണം നടത്തി. സ്കൂൾ യൂട്യൂബ് ചാനലിലൂടെ ലൈവ് സ്ട്രീം നടത്തിയതിലൂടെ മറ്റ് കുട്ടികൾക്കും ക്ലാസ്സ്‌ കാണാൻ കഴിഞ്ഞു എന്നത് പ്രശംസനാർഹമാണ്. ശ്രീമതി അനില ശാമുവേൽ ടീച്ചർ ആണ് ഈ വെർച്വൽ മീറ്റിംഗിന് കൃതഞ്ജത അനുഷ്ഠിച്ചത്.

ആരോഗ്യ ബോധവൽക്കരണ ക്ലാസ്സ്

ഹെൽത്ത്‌ ക്ലബ്ബിന്റെ അഭിമുഖ്യത്തിൽ , ഡൈറ്റ് , ന്യൂട്രിഷൻ, ഇമ്മ്യൂണിറ്റി, വ്യായാമത്തിന്റെ ആവശ്യകത,കൊറോണ പോലുള്ള മഹാമാരിയെ നേരിടൽ എന്നീ വിഷയത്തെ സംബന്ധിച്ച് ഒരു ക്ലാസ്സ് 8, 9 ക്ലാസ്സുകളിലെ സ്റ്റുഡന്റ് ഡോക്ടർസ് കേഡറ്റ് സീനും,തെരഞ്ഞെടുക്കപ്പെട്ട ക്ലാസ്സ്പ്രതിനിധികൾ ,കായിക താരങ്ങൾക്കും ഗൂഗിൾ മീറ്റ് ഉപയോഗിച്ച് ഓൺലൈനായി മെഡിക്കൽ വിദ്യാർത്ഥി അഖിൽ ജിത്തിന്റെ നേതൃത്വത്തിൽ 17/08/2020 തിങ്കളാഴ്ച നൽകി.

മാനസികാരോഗ്യ ക്ലാസ്സ്

30.9.2021 വ്യാഴാഴ്ച രാത്രി 8 പി എം ന് മാനസികാരോഗ്യ ക്ലാസ്സ് ഗൂഗിൾ മീറ്റിലൂടെ ഒൻപതാം ക്ലാസ്സിലെ ആൺകുട്ടികൾക്ക് ക്ലനിക്കൽ സൈക്കോളജിസ്റ്റും സ്കൂളിലെ പൂർവ്വ വിദ്യാർത്ഥിയുമായ ശ്രീ ജെറി പി മാത്യു  എടുത്തു.കൗമാരക്കാരായ ആൺകുട്ടികളും അവരുടെ മാതാപിതാക്കളും നേരിടുന്ന മാനസിക ആരോഗ്യ വൈകാരിക പ്രശ്നങ്ങളും അവയ്ക്കുള്ള പരിഹാരമാർഗങ്ങളും വിശദീകരിച്ച ക്ലാസ്സ് പങ്കെടുത്തവർക്കെല്ലാം ഏറെ പ്രയോജനപ്രദമായിരുന്നു. ബിന്ദു കെ ഫിലിപ്പ് സ്വാഗതവും, അനീഷ് ബഞ്ചമിൻ അദ്ധ്യക്ഷതയും  ,എബി മാത്യു ജേക്കബ് നന്ദിയും പ്രകാശിപ്പിച്ച യോഗത്തിൽ മാസ്റ്റർ ലിജിൻ ജോർജ് ജോൺ അവതാരകനായിരുന്നു.

ഹെൽത്ത് ക്ലബ്ബ് പ്രവർത്തനങ്ങൾ 2022-23

ആരോഗ്യ ബോധവൽക്കരണ സെമിനാർ

ആരോഗ്യ ബോധവൽക്കരണ സെമിനാർ

പത്തനംതിട്ട ജില്ലയിലെ ഇടയാറൻമുള   എ എം എം ഹയർ സെക്കൻഡറി സ്കൂളിൽ വൈദ്യരത്നം ഔഷധശാല, ഹെൽത്ത് ക്ലബ്ബ്  , സൗഹൃദ ക്ലബ്ബ്    എന്നിവയുടെ  ആഭിമുഖ്യത്തിൽ അംഗന സ്ത്രീശക്തികരണ പദ്ധതിയോട് അനുബന്ധിച്ചുള്ള ആരോഗ്യ ബോധവൽക്കരണ സെമിനാർ 2022 ജൂലൈ 22 ആം തീയതി സ്കൂൾ ഓഡിറ്റോറിയത്തിൽ നടത്തി.ആയുർവേദത്തിലൂടെ കൗമാര പ്രായത്തിലുള്ള പെൺകുട്ടികളുടെ കരുതൽ, സ്ത്രീ ശാക്തീകരണം, സ്ത്രീകളുടെ ആരോഗ്യം തുടങ്ങിയ ലക്ഷ്യത്തോടെ സ്കൂളിലെ വിദ്യാർഥികളിൽ ആവിഷ്കരിച്ച പദ്ധതിയാണ് വൈദ്യ രത്നത്തിന്റെ അംഗന പദ്ധതി.ബോധവൽക്കരണ ക്ലാസിന് അധ്യക്ഷപദം അലങ്കരിച്ചത് സ്കൂൾ പ്രിൻസിപ്പൽ ശ്രീമതി ലാലി ജോൺ ആണ്.സ്വാഗതം ഹ്യൂമാനിറ്റീസ് വിഭാഗം അധ്യാപിക ശ്രീമതി ആൻസി രാജ് നിർവഹിച്ചു. സെമിനാറിന് നേതൃത്വം നൽകിയത് ഡോക്ടർ. ഗായത്രി എസ് വൈദ്യരത്നം ചെങ്ങന്നൂർ ആണ്.

ആയുർവേദത്തിലൂടെ കുട്ടികളുടെ മാനസിക ശാരീരിക പ്രശ്നങ്ങൾക്ക് പരിഹാരം കണ്ടെത്താം എന്നും, സ്ത്രീകളിൽ കാണുന്ന ആരോഗ്യ പ്രശ്നങ്ങളും, അവയുടെ പരിഹാരമാർഗ്ഗങ്ങളും സെമിനാറിൽ ഐസിടിയുടെ സഹായത്താൽ വിദ്യാർത്ഥികളെ ബോധവൽക്കരിച്ചു.സ്കൂൾ, ഹയർസെക്കൻഡറി തലത്തിലുള്ള പെൺകുട്ടികൾക്കാണ് സെമിനാർ നടത്തിയത്.ക്ലാസുകൾക്ക് ആശംസ അറിയിച്ചത് ശ്രീമതി ആശ പി മാത്യു, ശ്രീമതി രമ്യ വർഗീസ് തുടങ്ങിയ അധ്യാപകരാണ്.വൈദ്യരത്നത്തിന്റെ ഫീൽഡ് ഓഫീസറായ ശ്രീ ടി എസ് ദിലീപ് നന്ദി ആശംസിച്ചു. ഡോക്കുമെന്റേഷൻ നിർവഹിച്ചത് ലിറ്റിൽ കൈറ്റ്സ് കുട്ടികളാണ്.

ഹെപ്പറ്റൈറ്റിസ് ബോധവൽക്കരണ ക്ലാസ്

പത്തനംതിട്ട ജില്ലയിലെ ഇടയാറൻമുള  എ.എം.എം ഹയർ സെക്കൻഡറി സ്കൂളിൽ ഹെപ്പറ്റൈറ്റിസ് ബോധവൽക്കരണ ക്ലാസ് 2022 ജൂലൈ 27ന് നടത്തി. പൊതുജനാരോഗ്യത്തിന് ഭീഷണിയായ വൈറൽ ഹെപ്പറ്റൈറ്റിസ് 2030 ഓടുകൂടി നിർമാർജനം ചെയ്യുക എന്ന ലക്ഷ്യത്തോടെയാണ് ഈ ദിനം കൊണ്ടാടുന്നത്.വൈദ്യരത്നം ടീം മെമ്പറായ ഡോക്ടർ പാർവതി  ബോധവൽക്കരണ ക്ലാസിന് നേതൃത്വം നൽകി.വിവിധതരത്തിലുള്ള ഹെപ്പറ്റൈറ്റിസുകൾ,അവ പകരുന്ന വഴികൾ, ആരോഗ്യപ്രശ്നങ്ങൾ, പ്രതിരോധമാർഗങ്ങൾ തുടങ്ങിയവയെപ്പറ്റി ഡോക്ടർ കൃത്യമായി വിദ്യാർഥികളിൽ അവബോധം ഉളവാക്കി.യോഗത്തിന് സ്വാഗതം അനുഷ്ഠിച്ചത് എസ് ഐ ടി സി ആശാ പി മാത്യു ആണ്.ഹെഡ്മിസ്ട്രസ് അനില സാമുവേൽ   ടീച്ചറായിരുന്നു ബോധവൽക്കരണ ക്ലാസിന്  അധ്യക്ഷപദം അലങ്കരിച്ചത്.സൂസൻ ബേബി ടീച്ചർ നന്ദി പ്രകാശനം നടത്തി.ഡോക്കുമെന്റേഷൻ നിർവഹിച്ചത് ലിറ്റിൽസ് കുട്ടികളാണ്.

ഹെൽത്ത് ക്ലബ്ബ് പ്രവർത്തനങ്ങൾ 2023-24

വിവാ ക്യാമ്പയിൻ

വിവ ക്യാമ്പയിന്റെ ഭാഗമായി 15 വയസ്സുള്ള പെൺകുട്ടികളുടെ ഹീമോഗ്ലോബിൻ പരിശോധന 9/6/2023 ന് നടത്തി. 31 പെൺകുട്ടികൾ പങ്കെടുത്തു. വിളർച്ചയുള്ള രണ്ട് പെൺകുട്ടികളെ കണ്ടെത്തുകയും, വല്ലന സാമൂഹിക കേന്ദ്രത്തിലേക്ക് അയക്കുകയും ചെയ്തു. ക്യാമ്പയിന്റെ ഭാഗമായി കുട്ടികൾക്ക് അനീമിയെ കുറിച്ച് ബോധവൽക്കരണ ക്ലാസ് നൽകി. ആർ.ബി.എസ്.കെ യുടെ നേഴ്സുമാരായ മഞ്ജു പി ടി, ഷിജി കെ മാത്യു, സൂര്യ എസ് തുടങ്ങിയവർ നേതൃത്വം നൽകി.

ഭക്ഷ്യസുരക്ഷാ ദിനം

ഹെൽത്ത് ക്ലബ്ബിന്റെ ആഭിമുഖ്യത്തിൽ ഭക്ഷ്യസുരക്ഷാ ദിനം 12/6/2023ന് ആചരിച്ചു.  സ്കൂളിലെ പാചകക്കാരിയായ  രാധാമണിയെ ഹെൽത്ത് ക്ലബ്ബ് അംഗങ്ങൾ ആദരിച്ചു. ഭക്ഷ്യ സുരക്ഷയുടെ പ്രാധാന്യം യോഗത്തിൽ ചർച്ച ചെയ്തു. സ്കൂൾ ഹെഡ്മിസ്‌ട്രെസ് അനില സാമുവേൽ അദ്ധ്യക്ഷയായിരുന്നു. ഹെൽത്ത് ക്ലബ് കൺവീനർ സൂസൻ ബേബി, സ്റ്റാഫ് സെക്രട്ടറി സുനു മേരി സാമുവേൽ  തുടങ്ങിയവർ ആശംസകൾ അറിയിച്ചു.  എല്ലാ പ്രവർത്തനങ്ങളും ലിറ്റിൽ കൈറ്റ്സ് കുട്ടികൾ ഡോക്യുമെന്റ് ചെയ്തു.

ഡ്രൈ ഡേ ആചരണം

ഹെൽത്ത് ക്ലബ്ബിന്റെ ആഭിമുഖ്യത്തിൽ  23.6.2023 ന് പൊതു വിദ്യാഭ്യാസ വകുപ്പിന്റെ നിർദ്ദേശം അനുസരിച്ച് അടിയന്തര അസംബ്ലി കൂടി.  പകർച്ചവ്യാധികൾ തടയുന്നതിന് ആവശ്യമായ നിർദ്ദേശങ്ങൾ ഹെൽത്ത് ക്ലബ് മുൻ കൺവീനർ ആയിരുന്ന ആശാ പി മാത്യു ടീച്ചറിന്റെ നേതൃത്വത്തിൽ വിദ്യാർത്ഥികൾക്ക് നൽകി. വിദ്യാലയത്തിൽ ആരോഗ്യ ജാഗ്രത സമിതി കൂടി, വിദ്യാലയ  ശുചീകരണ പ്രവർത്തനങ്ങൾക്ക് ആവശ്യമായ മുൻകരുതലുകൾ സ്വീകരിച്ചു. എല്ലാ ആഴ്ചയും വെള്ളിയാഴ്ച  ഉച്ചകഴിഞ്ഞ് ഡ്രൈ ഡേ ആചരിക്കണമെന്ന് തീരുമാനിച്ചു.

യോഗാദിനം

ജൂൺ 21 യോഗ ദിനത്തോടനുബന്ധിച്ച് ക്വിസ് കോമ്പറ്റീഷനും,ബോധവൽക്കരണവും ഹെൽത്ത് ക്ലബ്ബിന്റെ നേതൃത്വത്തിൽ നടത്തി.

അനുശ്രീ അനിൽ	6	എ
ആർച്ച എസ്	5	ബി
ജസ്ന തോമസ്	9	ബി
ക്രിസ്റ്റിന സൂസൻ ജേക്കബ്	9	ബി

ഹെപ്പറ്റൈറ്റിസ് ദിനം

ലോക ഹെപ്പറ്റൈറ്റിസ് ദിനത്തോട് അനുബന്ധിച്ച് 28.7.23 വെള്ളിയാഴ്ച വല്ലന ഹെൽത്ത് സെന്ററിലെ ഹെൽത്ത് ഇൻസ്പെക്ടർ സ്മിത മാഡത്തിന്റെ നേതൃത്വത്തിൽ കുട്ടികൾക്ക് ബോധവൽക്കരണം നടത്തി. ഹെപ്പറ്റൈറ്റിസ് ബാധിക്കുന്ന അവയവം, കാരണങ്ങൾ, പ്രതിരോധ മാർഗ്ഗങ്ങൾ ഇവയെ പറ്റിയും പ്രഥമ ശുശ്രൂഷയെ കുറിച്ചുമുള്ള ക്ലാസും വിദ്യാർത്ഥികൾക്ക് നൽകി. പുത്തൻ തലമുറയ്ക്ക് അവബോധം നൽകുന്ന ക്ലാസ്സ് ആയിരുന്നു. കുട്ടികളുടെ പ്രതിനിധിയായ ആദിയ ആയിരുന്നു നന്ദി നിർവഹിച്ചത്. സ്വാഗതം ആശ പി മാത്യുവും, അധ്യക്ഷപദം ഹെഡ്മിനിസ്ട്രസ് അനില സാമവേലും അലങ്കരിച്ചു. ഹെപ്പറ്റൈറ്റിസ് ദിനത്തോട് അനുബന്ധിച്ച് ക്വിസ് കോമ്പറ്റീഷൻ നടത്തി.

പേര്	സ്ഥാനം	ക്ലാസ്	ഡിവിഷൻ
എച്ച് .എസ്
കൃപ മറിയം മത്തായി	1	10	എ
നവീൻ എസ് അലക്സ്	2	10	ബി
ആർദ്ര അനിൽ	3	10	ബി
യു.പി
അനുശ്രീ അനിൽ	1	6	എ
അദീന എൽസ റോയ്	2	6	എ
കെവിൻ സി റോയ്	3	5	എ

പിർ എഡ്യൂക്കേറ്റർ ട്രെയിനിങ് പ്രോഗ്രാം

ആർ.കെ.എസ്.കെയുടെ കീഴിൽ വരുന്ന പീർ എഡ്യൂക്കേറ്റർ ട്രെയിനിങ് പ്രോഗ്രാം വല്ലന സാമൂഹ്യ കേന്ദ്രത്തിന്റെ നേതൃത്വത്തിൽ ഒക്ടോബർ 16 മുതൽ 20 വരെ കുളനട ബ്ലോക്ക് പഞ്ചായത്ത് ഓഡിറ്റോറിയത്തിൽ വച്ച് നടന്നു. ഈ ട്രെയിനിങ് പ്രോഗ്രാമിൽ സ്കൂളിലെ 10 വിദ്യാർത്ഥികൾ പങ്കെടുത്തു.

വാക്സിനേഷൻ

സ്കൂളിലെ 10,15 വയസ്സ് പൂർത്തിയായ അഞ്ചാം ക്ലാസിലും, പത്താം ക്ലാസിലും പഠിക്കുന്ന വിദ്യാർത്ഥികൾക്ക് വല്ലന ഹെൽത്ത് സെന്ററിന്റെ നേതൃത്വത്തിൽ നവംബർ ഒമ്പതാം തീയതി വ്യാഴാഴ്ച വാക്സിനേഷൻ നൽകി. 10, 15 വയസ്സ് പൂർത്തിയായ 50 ഓളം വിദ്യാർത്ഥികൾ വാക്സിനേഷൻ സ്വീകരിച്ചു.

കൗമാരക്കാരും അമിതവണ്ണവും

പത്തനംതിട്ട ജില്ലയിലെ ഇടയാറന്മുള എ.എം.എം ഹയർസെക്കൻഡറി സ്കൂളിൽ കൗമാരക്കാരിൽ വർദ്ധിച്ചു വരുന്ന അമിതവണ്ണവും തന്മൂലം കരൾ രോഗങ്ങൾ ഉണ്ടാകാനുള്ള സാധ്യതകളും എന്ന വിഷയത്തെ ആസ്പദമാക്കി 2023 ഡിസംബർ 11  തിങ്കളാഴ്ച സെന്റ് തോമസ് ഹോസ്പിറ്റൽ,  മാലക്കര ഗ്യാസ്ട്രോ എൻട്രോളജി വിഭാഗം മേധാവി ഡോക്ടർ ഹരികുമാർ ആർ നായർ കുട്ടികൾക്ക്‌ ക്ലാസ്സ്‌ എടുത്തു. മദ്യപാനത്തിലൂടെ അല്ലാതെ ഉണ്ടാകുന്ന  കരൾ രോഗങ്ങൾ എങ്ങനെ നേരത്തെ കണ്ടെത്താം എന്ന് ഈ ക്ലാസ്സിലൂടെ കുട്ടികൾക്ക് വിശദമാക്കി കൊടുത്തു.

കുട്ടികളുടെ ബി.എം.ഐ കണ്ടെത്താനും അമിത വണ്ണമുള്ള കുട്ടികളെ കണ്ടെത്താനുമുള്ള പരിശീലനം നൽകി. സ്കൂൾ ഹെൽത്ത് ക്ലബ്ബിന്റെ ആഭിമുഖ്യത്തിൽ നടന്ന ഈ പരിപാടിയിൽ സൂസൻ ബേബി പങ്കെടുത്ത എല്ലാവരെയും സ്വാഗതം ചെയ്തു. സുനു മേരി സാമൂവേൽ കൃതജ്ഞത  അറിയിച്ചു. സെന്റ് തോമസ് ഹോസ്പിറ്റൽ  സ്റ്റാഫ്‌, പത്താം ക്ലാസ് കുട്ടികൾ എന്നിവർ ഈ മീറ്റിംഗിൽ പങ്കെടുത്തു.

ഹെൽത്ത് ക്ലബ്ബ് പ്രവർത്തനങ്ങൾ 2024-25

ആരോഗ്യം കാക്കാൻ വാക്സിൻ

ഇടയാറന്മുള എ എം എം ഹയർ സെക്കൻഡറി സ്‌കൂളിൽ ഓഗസ്റ്റ് 22-ാം തീയതി രാവിലെ 10 മണി മുതൽ വല്ലന കമ്മ്യൂണിറ്റി ഹെൽത്ത് സെന്ററിന്റെ ആഭിമുഖ്യത്തിൽ 10,15 വയസ്സ് തികഞ്ഞ കുട്ടികൾക്കായി വാക്സിനേഷൻ ക്യാമ്പ് സംഘടിപ്പിച്ചു. ഡോക്ടർ അമിത് കൃഷ്ണൻ ഈ ക്യാമ്പിന് നേതൃത്വം നൽകി. ഹെൽത്ത് ഇൻസ്പെക്ടർ ഐഡ വാക്സിനേഷന്റെ പ്രാധാന്യത്തെക്കുറിച്ച് വിദ്യാർത്ഥികൾക്ക് ക്ലാസ് എടുത്തു. കുട്ടികൾക്ക് വാക്സിൻ നൽകുന്നതിനൊപ്പം അവരുടെ ഉയരവും ഭാരവും പരിശോധിച്ച് ആവശ്യമായ നിർദ്ദേശങ്ങൾ നൽകി. പ്രഥമധ്യാപിക അനില സാമുവൽ, ഹെൽത്ത് ക്ലബ്ബ് കൺവീനർ സൂസൻ ബേബി എന്നിവർ ഈ ചടങ്ങിൽ പ്രസംഗിച്ചു. വാക്സിനേഷൻ കുട്ടികളുടെ ആരോഗ്യത്തിനും സുരക്ഷയ്ക്കും അനിവാര്യമായ ഒരു ഇടപെടലാണ്. ഇത് കുട്ടികളെ രോഗങ്ങളിൽ നിന്ന് സംരക്ഷിക്കുകയും അവരുടെ സമഗ്രമായ വളർച്ചയ്ക്ക് സഹായിക്കുകയും ചെയ്യുന്നു.

ഹൃദയം പറയുന്ന കഥകൾ

2024 സെപ്റ്റംബർ 29 ലോക ഹൃദയ ദിനാചരണത്തിന്റെ ഭാഗമായി, വിദ്യാർത്ഥികൾ ഹൃദ്രോഗത്തെക്കുറിച്ച് അവബോധം സൃഷ്ടിക്കുന്നതിനായി ചിത്ര പ്രദർശനം സംഘടിപ്പിച്ചു. തങ്ങളുടെ സർഗ്ഗാത്മക ചിത്രങ്ങളിലൂടെ ഹൃദ്രോഗത്തിന്റെ കാരണങ്ങളും പ്രതിരോധ മാർഗങ്ങളും വിശദീകരിച്ചു. ആരോഗ്യകരമായ ഭക്ഷണം, വ്യായാമം, മാനസികാരോഗ്യം എന്നിവയുടെ പ്രാധാന്യം വിദ്യാർത്ഥികൾ തങ്ങളുടെ ചിത്രങ്ങളിലൂടെ കാണിച്ചുതന്നു. ഹൃദ്രോഗം ബാധിക്കുന്നവരുടെ ജീവിതശൈലിയിലെ മാറ്റങ്ങളെക്കുറിച്ച് വിദ്യാർത്ഥികൾ ചിത്രങ്ങളിലൂടെ അവതരിപ്പിച്ചു.

എനെർജി ക്ലബ്

ഊർജ സംരക്ഷണ ബോധം കുട്ടികളിൽ രൂപപ്പെടുത്തുന്നതിനായി എനെർജി ക്ലബ് ജൂലൈ 30ാം തീയതി എ എം എം എച്ച എസ് എസ് ഇടയാറന്മുള ആരംഭിച്ചു .കാർബൺ ന്യൂട്രറൽ സ്കൂൾ എന്ന ലക്ഷ്യ ബോധത്തോടെ കർമ്മ പരിപാടികൾക്ക് തുടക്കം കുറിച്ചു .ഇതിന്റ ഭാഗമായി യു .പി , എച്ച് .എസ് തലത്തിൽ നിന്നെ 40 കുട്ടികളുമായി പ്രവർത്തനം തുടങ്ങി.എനെർജി ചാബ്യൻ എന്ന ഒരു മത്സരം സ്കൂളിൽ നടത്താൻ വേണ്ട നിർദ്ദേശങ്ങൾ കുട്ടികൾക്ക് നൽകി .കാർബൺ ന്യൂട്രറൽ പദ്ധതിയുടെ ഭാഗമായി സ്കൂൾ പരിസരത്തു ചെടികൾ നടുന്നതിനു തീരുമാനിച്ചു .ഊർജ്ജസംരക്ഷം എന്ന ലക്ഷ്യത്തിലേക്കു കുട്ടികളെ എത്തിച്ചേർക്കുന്ന പ്രവർത്തനങ്ങൾ ഓരോ മാസവും സ്കൂളിൽ നടത്താൻ ക്രമീകരണം ചെയ്തു .സ്റ്റാഫ് പ്രതിനിധിയായി സൂസൻ ബേബിയും റിൻസു സൂസൻ ജോർജും നേതൃത്വം നൽകി വരുന്നു

ഫോറെസ്റ്ററി ക്ലബ്

എ.എം.എം ഹയർസെക്കൻഡറി സ്കൂൾ ഫോറസ്ട്രി ക്ലബ്ബിന്റെ ആഭിമുഖ്യത്തിൽ കുടുക്കത്തുപാറ,പാലരുവി എന്നിവിടങ്ങളിലേക്ക് കുട്ടികളെ കൊണ്ട് വനയാത്ര പോയി.

2021-22 അദ്ധ്യയന വർഷത്തിൽ  ഫോറസ്ട്രി ക്ലബിന്റെ ആഭിമുഖ്യത്തിൽ ജൂലൈ മാസം 8 ന് നമുക്ക് ചുറ്റുമുള്ള പക്ഷികൾ എന്ന വിഷയത്തെ ക്കുറിച്ച് ഗൂഗിൾ മീറ്റിലൂടെ കൊല്ലം ഫോറസ്ട്രി ക്ലബ്ബിന്റെ അസിസ്റ്റന്റ് ഫോറസ്റ്റ് കൺസർവേറ്റർ വിനോദ് സർ ആണ് ക്ലാസ് നയിച്ചത്.

എല്ലാ ക്ലാസ്സിലെയും നിശ്ചിത കട്ടകൾ ഗൂഗിൾ മീറ്റിൽ പങ്കെടുത്തു. വളരെ മനോഹരമായ ക്ലാസ്സ് ആണ് വിനോദ് സർ കട്ടികൾക്ക്  നൽകിയത്. കുട്ടികളോട് പ്രകൃതിയിലേക്ക് ഇറങ്ങാനും, സഹജീവികളെ മനസ്സിലാക്കുക, പ്രകൃതി സ്നേഹം ഉള്ളവർ ആ കുക,  മരങ്ങൾ വച്ചു പിടിപ്പിക്കുക തുടങ്ങിയ ആശയങ്ങൾ നൽകി. യൂ ട്യൂബ് ലൈവ് സ്ട്രീം നടത്തിയതിലൂടെ എല്ലാ ക്ലാസ്സുകളിലേയും കട്ടികൾക്ക് പ്രോഗ്രാം കാണാനും, റിപ്പോർട്ട് തയ്യാറാക്കാനുമുള്ള അവസരം കിട്ടി.

കൃഷിത്തോട്ടത്തിന്റെ പരിപാലനം

എ എം എം ഹയർസെക്കൻഡറി സ്കൂളിലെ ഫോറെസ്ട്രി ക്ലബ്ബിന്റെ നേതൃത്വത്തിൽ കൃഷി വകുപ്പും ആറന്മുള വികസന സമിതിയും ചേർന്ന്  നൽകിയ വിവിധ പച്ചക്കറിയുടെ തൈകൾ ഫോറെസ്ട്രി ക്ലബ്ബിലെ കുട്ടികളുടെ സഹായത്താൽ ഗ്രോബാഗിൽ  വളർത്തുന്നുണ്ട് . ഇതിന്റെ ഉദ്ഘാടനം ബഹുമാനപ്പെട്ട പഞ്ചായത്ത് പ്രസിഡന്റ് ശ്രീമതി ഷീജ ടി ടോജി നിർവഹിച്ചു. ഹെഡ്മിസ്ട്രസ് അന്നമ്മ നൈനാൻ, സീനിയർ അസിസ്റ്റന്റ് അനീഷ് ബെഞ്ചമിൻ, ഫോറെസ്ട്രി ക്ലബ്‌ കൺവീനവർ സന്ധ്യ ജി നായർ,വാർഡ് മെമ്പർ, ആറന്മുള വികസനസമിതി ചെയർമാൻ രാധാകൃഷ്ണൻ മറ്റ് അംഗങ്ങൾ തുടങ്ങിയവർ സന്നിഹിതരായിരുന്നു. ഈ കൃഷിത്തോട്ടത്തിന്റെ പരിപാലനം  നടത്തുന്നത് ഫോറെസ്ട്രി ക്ലബ് അംഗങ്ങളാണ്.

പ്രവർത്തനങ്ങൾ 2022-23

ലോക പരിസ്ഥിതി ദിനത്തോടനുബന്ധിച്ച് ജൂൺ 6ന് ഫോറസ്റ്റ് ക്ലബ്ബ് ഉദ്ഘാടനം ചെയ്തു. ആറന്മുള വികസന സമിതിയുടെ നേതൃത്വത്തിൽ നടത്തിയ' കാവിനെ അറിയാൻ'  എന്ന് പരിസ്ഥിതി ദിന പരിപാടിയിൽ കുട്ടികൾ പങ്കെടുത്തു. വനം വകുപ്പിൽ നിന്നുള്ള  വൃക്ഷ തൈകൾ കാവിന്റെ പരിസരത്ത് നടുകയും കാവിലെ വൃക്ഷങ്ങളെ അറിയുകയും ചെയ്തു. പത്തനംതിട്ട  ഫോറസ്റ്റ് വകുപ്പിന്റെ നേതൃത്വത്തിൽ സ്കൂളിന്റെ വിവിധ ഭാഗങ്ങളിൽ നടുന്നതിനായി ഫലവൃക്ഷങ്ങളും വനവൃക്ഷങ്ങളും നൽകി.

പ്രവർത്തനങ്ങൾ 2023-24

പരിസ്ഥിതി ബോധവൽകരണ ക്ലാസ്സ്‌

പരിസ്ഥിതി ബോധവൽകരണ ക്ലാസ്സ്‌

2023 ജൂൺ 3ന് സ്കൂൾ ഐ റ്റി ലാബിൽ വെച്ച് ഫോറെസ്റ്റ് ക്ലബ്ബിന്റെ ആഭിമുഖ്യത്തിൽ പരിസ്ഥിതി ബോധവൽക്കരണ ക്ലാസ്സ്‌ നടത്തി. ഈ ക്ലാസിന് സ്വാഗതം സന്ധ്യ ജി നായർ, ഉദ്ഘാടനം ഹെഡ്മിസ്ട്രസ് അനില സാമുവൽ, ആശംസ സെക്ഷൻ ഫോറസ്റ്റ് ഓഫീസർ ബാബു എ,ക്ലാസ്സ്‌ ബി ഫോറസ്റ്റ് ഓഫീസർ നന്ദി എട്ടാം ക്ലാസ് വിദ്യാർത്ഥി ഹരിനാരായണൻ എന്നിവർ നടത്തി. ഫോറസ്റ്റ്, നേച്ചർ,എക്കോ ക്ലബ്ബിലെ കുട്ടികൾ പങ്കാളികളാവുകയും ലിറ്റിൽ കൈട്സ് കുട്ടികൾ തത്സമയം ഛായാഗ്രഹണം നടത്തുകയും ചെയ്തു. കുട്ടികൾക്ക് തികച്ചും വ്യത്യസ്തമായ അനുഭവങ്ങളും അറിവും നേടാൻ ഈ ക്ലാസിലൂടെ സാധിച്ചു. "ബീറ്റ് പ്ലാസ്റ്റിക് പൊലൂഷൻ"  എന്ന 2023 ലെ മുദ്രാവാക്യം കുട്ടികളിലേക്ക് എത്തിക്കാൻ ഈ ക്ലാസ്സിലൂടെ സാധിച്ചു

ഹിന്ദി ക്ലബ്

ഗാന്ധി ജയന്തി

ഇടയാറന്മുള എ.എം.എം ഹയർ സെക്കന്ററി സ്കൂളിൽ ഹിന്ദി ക്ലബ്ബിന്റെ ആഭിമുഖ്യത്തിൽ ഗാന്ധി ജയന്തി ആഘോഷിച്ചു . കുട്ടികൾ തങ്ങളുടെ വീടുകളിൽ ഇരുന്നു പോസ്റ്റർ വരച്ചും ലേഖനം എഴുതിയും വെറുച്വൽ ആയി അവതരിപ്പിച്ചു.

ഹിന്ദി ദിവസ്

ഹിന്ദി ക്ലബ്ബിന്റെ ആഭിമുഖ്യത്തിൽ സെപ്റ്റംബർ 14 ന് ഹിന്ദി ദിവസ് ആചരിച്ചു. ഭാഷൺ കവിതലാപനം, പോസ്റ്റർ രചന എന്നിവയിൽ 100 ൽ പരം കുട്ടികൾ പങ്കെടുത്തു.

ഹിന്ദി ദിനം 14.9.2021

ഇടയാറന്മുള എ എം എം ഹയർ സെക്കണ്ടറി സ്കൂളിൽ ഹിന്ദി ദിവസ് ആഘോഷങ്ങൾ  2021 സെപ്റ്റംബർ 14 ന് നടത്തി.ശ്രീമതി അനില ടീച്ചറിന്റെ ഉദ്ഘാടന പ്രസംഗത്തോടു കൂടി ഹിന്ദി ദിവസ് ഓൺലൈൻ ആഘോഷങ്ങൾക്ക് തുടക്കം കുറിച്ചു. കുട്ടികൾ ഹിന്ദി ഭാഷയിലുളള പ്രാവണ്യം തെളിയിച്ചു കൊണ്ട് വിവിധ കലാപരിപാടികൾ അവതരിപ്പിച്ചു. ഹിന്ദി പദ്യം ചൊല്ലൽ , കഥ, പ്രസംഗം, ദേശഭക്തിഗാനം, പോസ്റ്റർ നിർമ്മാണം എന്നിവയിൽ കുട്ടികൾ സജീവമായി പങ്കെടുത്തു. ശ്രീമതി. ജാൻസി ടീച്ചർ കൃതജ്ഞ നിർവഹിച്ചു.ദേശീയഗാനത്തോട് ഹിന്ദി ദിവസ് ആഘോഷങ്ങൾ സമാപിച്ചു.

വയോജനദിനം

സ്കൂൾ ലൈബ്രറിയുടെ ആഭിമുഖ്യത്തിൽ വയോജനദിനം ആചരിച്ചു. കുട്ടികൾ തങ്ങളുടെ ഗ്രാൻഡ് രക്ഷിതാക്കളുടെ കൂടെ നിൽക്കുന്ന ചിത്രം അയച്ചു തന്നത് നല്ലൊരു അനുഭവം ആയിരുന്നു.

ലോക മ്യഗക്ഷേമ ദിനം

ലോക മ്യഗക്ഷേമ ദിനത്തോട് അനുബന്ധിച് കുട്ടികൾ തങ്ങളുടെ പെറ്റ്സ് നൊപ്പം ഉള്ള ചിത്രം അയച്ചു തന്നത് വേറിട്ട അനുഭവം ആയിരുന്നു.

പ്രവർത്തനങ്ങൾ2022-23

  वाचन दिवस (19 जून)

19 जून को हिंदी क्लब के नेतृत्व में वाचन दिवस मनाया गया। बच्चो ने पोस्टर बनाया गया।

हिंदी दिवस (14 सितंबर)

14 सितंबर को स्कूल पुस्तकालय मे हिंदी दिवस मनाया गया। कविता पारायण, भाषण प्रतियोगिता, हस्तलेखन प्रतियोगिता,पोस्टर प्रतियोगिता आदि मनाया गया।

सुरीली हिंदी

सुरीली हिंदी

हिंदी भाषा में छात्रों की रुचि पैदा करने के लिए

स्कूल में सुरीली हिन्दी कार्यक्रम का आयोजन किया गया।

സൗഹൃദ ക്ലബ്ബ്

സൗഹൃദ ക്ലബ്ബിന്റെ പ്രധാനലക്ഷ്യം കൗമാരക്കാരുടെ പ്രശ്നങ്ങളും, ശാരീരികവും മാനസികവുമായ ആരോഗ്യം മുൻനിർത്തി , കൗൺസിലിങ്ങും, ഹെൽത്ത് കെയർ പ്രോഗ്രാമും ഹയർസെക്കൻഡറി തലത്തിലുള്ള കുട്ടികളിലേക്ക് വ്യാപിപ്പിക്കുക എന്നതാണ്.

ഇംഗ്ലീഷ് ക്ലബ്ബ് പ്രവർത്തനങ്ങൾ 2020-21

എ എം എച്ച് എസ് എസ് ഇടയാറന്മുള സ്കൂളിൽ ഹലോ ഇംഗ്ലീഷ് പ്രോഗ്രാമിന്റെ ഭാഗമായി 14- 11 -2020 ന് വൈകിട്ട് 7-30 ന് കുട്ടികൾക്കായി ഗൂഗിൾ മീറ്റ് ലൂടെ ഒരു ക്ലാസ് നൽകാൻ സാധിച്ചു. സ്കൂൾ ഹെഡ്മിസ്ട്രസ് ശ്രീമതി അന്നമ്മ നൈനാൻ ടീച്ചർ പ്രോഗ്രാം ഉദ്ഘാടനം ചെയ്തു. ഇംഗ്ലീഷിൽ ബിരുദാനന്തര ബിരുദം എടുത്ത മിസ്സ് ഗിഫ്റ്റി മറിയം അലക്സി ആയിരുന്നു ക്ലാസ് എടുത്തത്. 35 മിനിറ്റ് ദൈർഘ്യമുള്ള ക്ലാസ് ആയിരുന്നു കുട്ടികൾക്ക് ലഭിച്ചത്. അഞ്ചാം ക്ലാസിലെ കുട്ടികൾക്ക് ഹലോ ഇംഗ്ലീഷ് പ്രോഗ്രാമിനെ കുറിച്ച് വ്യക്തത കിട്ടുവാൻ ഇ ക്ലാസ്സ്‌ വളരെ അധികം പ്രയോജനപ്പെട്ടു , കൂടാതെ ഇംഗ്ലീഷ് ഭാഷ ഉച്ചാരണം , ഇംഗ്ലീഷ് ഭാഷയിൽ സംഭാഷണം നടത്തുമ്പോൾ ശ്രദ്ധിക്കേണ്ട കാര്യങ്ങൾ, കുട്ടികൾ ദൈനംദിനജീവിതത്തിൽ ഇംഗ്ലീഷ് ഭാഷ കൂടുതൽ ഉപയോഗിക്കേണ്ട ആവശ്യകത എന്നീ കാര്യങ്ങൾ ഉൾപ്പെട്ട പ്രയോജനപ്രദമായ ഒരു ക്ലാസ് ആയിരുന്നു ഇത്. കുട്ടികൾ വളരെയധികം സന്തോഷത്തോടെ ആയിരുന്നു ഈ ക്ലാസിൽ പങ്കെടുത്തത്. തുടർന്നും ഇങ്ങനെയുള്ള ക്ലാസ്സുകൾ സംഘടിപ്പിക്കണമെന്ന് മാതാപിതാക്കൾ ആവശ്യപ്പെടുകയും ചെയ്തു.

പ്രവർത്തനങ്ങൾ2021-22

ഡോ. എ പി ജെ  അബ്ദുൽ കലാം ചരമവാർഷിക ദിനം

ഇടയാറൻമുള എ എം എം ഹയർ സെക്കണ്ടറി സ്കൂളിൽ ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ  ബഹുമാനപ്പെട്ട ഡോക്ടർ എ പി ജെ അബ്ദുൽ കലാമിന്റെ ചരമ വാർഷിക ദിനമായ ജൂലൈ 27 ന് ഇംഗ്ലീഷ് ക്ലബ്ബിലെ കുട്ടികൾ അദ്ധ്യാപകരുടെ നേതൃത്വത്തിൽ വിവിധ പരിപാടികൾ അവതരിപ്പിച്ചു. ഡോക്ടർ എ പി ജെ അബ്ദുൽ കലാമിന്റെ ഡോക്യുമെൻ്ററി 9 എ യിലെ ലിജിൻ ജോർജ് ജോൺ തയ്യാറാക്കി. അദ്ദേഹത്തിന്റെ മോട്ടിവേഷണൽ തോട്ട്സ് കുട്ടികൾ അവതരിപ്പിച്ചു. ഡോക്ടർ എ പി ജെ അബ്ദുൽ കലാമിന്റെ ചിത്രങ്ങൾ കുട്ടികൾ വരയ്ക്കുകയും പോസ്റ്റർ തയ്യാറാക്കി നൽകുകയും ചെയ്തു. ഇംഗ്ലീഷ് അദ്ധ്യാപകരായ ഡോളി തോമസ്, ലക്ഷമി പ്രകാശ് ,സുജ ജേക്കബ്, സയന സൂസൻ വർഗീസ് എന്നിവർ നേതൃത്വം നൽകി.

ഹലോ ഇംഗ്ലീഷ് പ്രോഗ്രാം

ഹലോ ഇംഗ്ലീഷിന്റെ പ്രവർത്തങ്ങൾ സുജ ജേക്കബിന്റെ നേതൃത്വത്തിൽ യു പി തലത്തിൽ കുട്ടികൾക്കും രക്ഷിതാക്കൾക്കും നടക്കുന്നുണ്ട്.

• 
• 
• 
• 

പ്രവർത്തനങ്ങൾ2022-23

ക്വിസ്സ് മത്സരം

മുൻ രാഷ്ട്രപതി ഡോ.എ.പി.ജെ അബ്ദുൾ കലാമിന്റെ സ്മരണാർത്ഥം ഇംഗ്ലീഷ് ക്ലബ്ബ് 27/07/2022 ഉച്ചയ്ക്ക് 1.10 ന് U.P I.T ലാബിലും, ഫിസിക്‌സ് ലാബിലും ക്വിസ് മത്സരം നടത്തി.ഓരോ ക്ലാസ്സിൽ നിന്നും 2 പേരടങ്ങുന്ന ഒരു ടീം മത്സരത്തിൽപങ്കെടുത്തു.ഒന്നും,രണ്ടും സ്ഥാനക്കാർക്കുള്ള സമ്മാനദാനം നടത്തി.  

• 
• 

പോസ്റ്റർ ഡ്രോയിംഗ്

ഡോ.എ.പി.ജെ അബ്ദുൾ കലാമിന്റെ സ്മരണാർത്ഥം പോസ്റ്റർ ഡ്രോയിംഗ് നടത്തി. താൽപ്പര്യമുള്ള എല്ലാ വിദ്യാർത്ഥികളും മത്സരത്തിൽ പങ്കെടുത്തു. ഒന്നും,രണ്ടും സ്ഥാനക്കാർക്കുള്ള സമ്മാനദാനം നടത്തി.

പ്രവർത്തനങ്ങൾ2024-25

ഇംഗ്ലീഷ് ഭാഷാ ക്ലബ്ബ് ചലഞ്ച്

2024-25 അധ്യയന വർഷത്തെ ഇംഗ്ലീഷ് ക്ലബ്ബിന്റെ പ്രവർത്തനങ്ങളുടെ ഭാഗമായി, പി.ടി.എ.യുടെ നേതൃത്വത്തിൽ സ്കൂളിൽ ഒരു നോട്ടീസ് ബോർഡ് സ്ഥാപിച്ചു. ഈ ബോർഡിൽ, ഇംഗ്ലീഷ് ക്ലബ്ബിലെ കുട്ടികൾ പ്രതിദിനം ഒരു പുതിയ ഇംഗ്ലീഷ് വാക്ക് എഴുതി, അതിന്റെ അർത്ഥവും ഒരു ഉദാഹരണ വാക്യവും കൂടി ചേർത്ത് പ്രദർശിപ്പിക്കുന്നു.

ആഴ്ചയിൽ ഒരിക്കൽ, ഈ വാക്കുകളെ അടിസ്ഥാനമാക്കി വിവിധ പ്രവർത്തനങ്ങൾ സംഘടിപ്പിക്കുകയും, വിജയികളെ പ്രോത്സാഹിപ്പിക്കുന്നതിന് സമ്മാനങ്ങൾ നൽകുകയും ചെയ്യുന്നു. ഈ പ്രവർത്തനം കുട്ടികളുടെ ഇംഗ്ലീഷ് ഭാഷാ പ്രാവീണ്യം വളരെയേറെ വർദ്ധിപ്പിക്കുന്നതിന് സഹായിക്കുന്നു

ഇക്കോ ക്ലബ്ബ്

പരിസ്ഥിതി ബോധവൽക്കരണ ക്ലാസ്

2023ന് സ്കൂൾ ഐടി ലാബിൽ വച്ച് ഇക്കോ ക്ലബ്ബിന്റെ അഭിമുഖത്തിൽ പരിസ്ഥിതി ബോധവൽക്കരണ ക്ലാസ് നടത്തി. ഈ ക്ലാസിന് സ്വാഗതം ശ്രീമതി സന്ധ്യ നായർ, ഉദ്ഘാടനം ഹെഡ്മിസ്ട്രസ് അനില സാമൂവേൽ തുടങ്ങിയവർ നടത്തി. ക്ലാസിന് നേതൃത്വം നൽകിയത്  ഫോറസ്റ്റ് ഓഫീസർ ബാബു എ ആണ്. എട്ടാം ക്ലാസ് വിദ്യാർത്ഥി ഹരിനാരായണൻ നന്ദി നിർവഹിച്ചു. ഫോറസ്റ്റ്, നേച്ചർ, എക്കോ ക്ലബ്ബിലെ കുട്ടികൾ പങ്കാളികളാവുകയും, ലിറ്റിൽ കൈറ്റ്സ് കുട്ടികൾ തത്സമയം ചായാഗ്രഹണം നടത്തുകയും ചെയ്തു. കുട്ടികൾക്ക് തികച്ചും വ്യത്യസ്തമായ അനുഭവങ്ങളും, അറിവും നേടാൻ ഈ ക്ലാസ്സിലൂടെ സാധിച്ചു, ബ്ലീറ്റ് പ്ലാസ്റ്റിക് പൊലൂഷൻ  എന്ന 2023ലെ മുദ്രാവാക്യം കുട്ടികളിലേക്ക് എത്തിക്കാൻ ഒരു പരിധി വരെ ഈ ക്ലാസ്സിലൂടെ സാധിച്ചു.

അനുഭവ വിവരണ ക്ലാസ്

2023 ജൂൺ 6 ന്  യുവകർഷകനും സ്കൂൾ പൂർവ്വ വിദ്യാർത്ഥിയും കേരളത്തിൽ നിന്നും ഇസ്രയേൽ കൃഷി രീതികൾ പഠിക്കാൻ പോയ ഗ്രൂപ്പിലെ ഒരംഗമായ ശ്രീ സുനിൽകുമാർ ഇക്കോ ക്ലബ്ബിലെ കുട്ടികൾക്ക് ക്ലാസ് നൽകുകയും സംശയനിവാരണം നടത്തുകയും ചെയ്തു. ഒരാഴ്ച നീണ്ടുനിൽക്കുന്ന വാരാഘോഷത്തിന്റെ ഭാഗമായാണ് ഇക്കോ ക്ലബ്ബ് ഈ പരിപാടി സംഘടിപ്പിച്ചത്. സ്കൂൾ ഹെഡ്മിസ്ട്രസ് അനില ടീച്ചർ, എക്കോ ക്ലബ് കൺവീനർ ലക്ഷ്മി പ്രകാശ് എന്നിവർ ഈ ക്ലാസ്സിന്റെ ഭാഗമായി.

പരിസ്ഥിതിയും മനുഷ്യനും

2023 ജൂൺ 13 ന് ഇക്കോ ക്ലബ്ബിന്റെ ആഭിമുഖ്യത്തിൽ പരിസ്ഥിതി ദിനത്തോടനുബന്ധിച്ച് രണ്ട് വിഭാഗങ്ങളിലായി ഉപന്യാസരചന നടത്തപ്പെട്ടു. യു.പി ഹൈസ്കൂൾ വിഭാഗങ്ങളിലായിട്ട് ആയിരുന്നു മത്സരം. "പരിസ്ഥിതിയും മനുഷ്യനും" എന്നതായിരുന്നു വിഷയം. യുപി വിഭാഗത്തിൽ ഒന്നാം സ്ഥാനം അനഘ 7ബി രണ്ടാം സ്ഥാനം ആർച്ച എസ് 5ബി, ഹൈസ്കൂൾ വിഭാഗത്തിൽ ഒന്നാം സ്ഥാനം ഹന്ന ആൻ തോമസ് 9എ രണ്ടാം സ്ഥാനം അഖിൽ പി സന്തോഷ് 8എ എന്നിവർ കരസ്ഥമാക്കി.

ലോക ജനസംഖ്യാദിനം

ഇക്കോ ക്ലബിന്റെ ആഭിമുഖ്യത്തിൽ ജൂലൈ 11 ലോക ജനസംഖ്യാദിനം ആചരിച്ചു.ഇതിനോട് അനുബന്ധിച്ച് ജൂലൈ 11,12,13 തീയതികളിൽ ക്വിസ്, പോസ്റ്റർ, പ്രസംഗം എന്നിവ നടത്തി.ഇക്കോ ക്ലബ്‌ കൺവീനർ ശ്രീമതി ലക്ഷ്മി പ്രകാശ് നേതൃത്വം നൽകി.മത്സരങ്ങളിൽ ഒന്നും രണ്ടും സ്ഥാനം നേടിയവരെ അനുമോദിച്ചു.വിധി കർത്താക്കൾ ആയി എത്തിയത് അദ്ധ്യാപകരായ ശ്രീമതി അഞ്ജലി ദേവി എസ് ,ശ്രീമതി സന്ധ്യ ജി നായരുമാണ്.

ഔഷധത്തോട്ടം

ഇക്കോ ക്ലബ്ബ് ഔഷധത്തോട്ടം

ചരിത്രാതീതകാലം മുതൽ പരമ്പരാഗത വൈദ്യശാഖയിൽ ഉപയോഗിക്കുന്ന ഔഷധ സസ്യങ്ങളെ പറ്റിയും അവയുടെ ഉപയോഗത്തെ പറ്റിയുമുള്ള അറിവുകൾ ഇന്ന് അന്യം നിന്ന് പോയിക്കൊണ്ടിരിക്കുകയാണ്. മനുഷ്യർക്ക് മാത്രമല്ല മൃഗങ്ങൾക്കും രോഗപ്രതിരോധത്തിനും രോഗ നാശത്തിനുമായി ഇത്തരം മരുന്നുകൾ നാം ഉപയോഗിച്ചുവരുന്നു. പുതിയ തലമുറയിലേക്ക് അവയെപ്പറ്റിയുള്ള അറിവുകൾ എത്തിക്കുക എന്ന ലക്ഷ്യത്തോടുകൂടിയാണ് പരിസ്ഥിതി വിദ്യാഭ്യാസ പരിപാടി (ഇ.ഇ.പി) സ്കൂൾ പ്രോജെക്ടിൽ നിന്നും ലഭിച്ചതായ 10000 രൂപ ഉപയോഗിച്ച് ഔഷധസസ്യ ഉദ്യാനം നിർമ്മിച്ചത്. 36 ഔഷധ ചെടികൾ ചട്ടികളിലായി  മണ്ണ്,ജൈവ വളവും, പൊട്ടിങ് മിക്സ്‌, ചാണകപ്പൊടി, എല്ലുപ്പൊടി, വേപ്പിൻപിണ്ണാക്ക്, കമ്പോസ്റ്റ് എന്നിവ ചേർത്ത് നല്ലൊരു പൊട്ടിങ് മിക്സ്‌ തയ്യാറാക്കി നടുകയും ചെയ്തു .ഓരോ ചെടിയുടെ പേരുകൾ കുട്ടികൾ മനസിലാക്കാൻ അവയുടെ പേരുകൾ എഴുതിയ ടാഗുകളും സ്ഥാപിച്ചു.

ഔഷധ സസ്യങ്ങൾ

വയമ്പ്, കൊടുവേലി, മൈലാഞ്ചി, കുമ്പിൾ, കുമിഴ്, രക്ത ചന്ദനം, നീലയമരി, തിപ്പലി, തഴുതാമ, ആടലോടകം, മണി തക്കാളി, സോമം, കറ്റാർവാഴ, കരിങ്ങോട്ട, കണിക്കൊന്ന, ഇഞ്ചി, കറിവേപ്പ്, നോനി, പാതിരി, കൂവളം, ചതുരമുല്ല, ഉങ്, കിരിയാത്ത്, നോച്ചി അശോകം, രാമച്ചം, ഇഞ്ചിപുല്ല്, ഇരുവേലി, പുളിയാറില, കുടംപുളി, കുടുക്കമൂലി, ചക്കരകൊല്ലി, നെല്ലി, പനികൂർക്ക, തുളസി, മുഞ്ഞ, ആര്യവേപ്പ്, മുറിക്കൂട്ടി, അയ്യപ്പാന എന്നിവ നട്ടു പിടിപ്പിച്ചിട്ടുണ്ട്.

ഔഷധസസ്യ പരിപാലനം

ഔഷധസസ്യ പരിപാലനം

ഔഷധസസ്യ പരിചയം, പ്രകൃതിയുമായി ഇണങ്ങി ജീവിക്കുക, ശാസ്ത്രീയമായ ഔഷധസസ്യകൃഷി സംരക്ഷണം, പരിപാലനം തുടങ്ങിയ ലക്ഷ്യങ്ങൾ കുട്ടികളിൽ വളർത്തിയെടുക്കുക എന്ന ലക്ഷ്യത്തോടുകൂടിയാണ് ഈ പദ്ധതി രൂപം കൊണ്ടത്. ഔഷധസസ്യം ആരോഗ്യത്തിനും അതോടൊപ്പം ആദായത്തിനും എന്ന ചിന്ത ഇതിലൂടെ കുട്ടികളിൽ ഉളവാകുന്നു. ഇക്കോ ക്ലബ്ബിന്റെ ആഭിമുഖ്യത്തിൽ നക്ഷത്ര വനം നിർമ്മിക്കുക, അവയുടെ ഭംഗിയായ പരിപാലനം നടത്തുക,സ്കൂൾ ഗ്രൗണ്ടിൽ വൃക്ഷത്തൈകൾ നട്ടുപിടിപ്പിക്കുക തുടങ്ങിയ പ്രവർത്തനങ്ങൾ വിദ്യാർത്ഥികളുടെ നേതൃത്വത്തിൽ നടത്തുന്നു.

ടീൻസ് ക്ലബ്

ടീൻസ് ക്ലബ്

കൗമാരക്കാരായ വിദ്യാർത്ഥികൾക്ക് അവരുടെ ജീവിത പ്രതിസന്ധികളെ തരണം ചെയ്യുന്നതിനും, ആസ്വദിച്ച് അറിവ് നേടാനും, ആവശ്യമായ ജീവിത നൈപുണികൾ   പരിശീലിക്കാനും, കാര്യക്ഷമമായി ജീവിക്കുവാനും കൗമാരക്കാരായ വിദ്യാർത്ഥികളെ പ്രാപ്തരാക്കുക  എന്ന ലക്ഷ്യത്തോടെ പൊതുവിദ്യാഭ്യാസ വകുപ്പ് നടപ്പിലാക്കുന്ന പദ്ധതിയാണ് അഡോളസെന്റ് അവയർനസ് പ്രോഗ്രാം - 'കരുത്തും കരുതലും'. പൊതുവിദ്യാലയങ്ങളിലെ ഹൈസ്കൂൾ ക്ലാസുകളിലെ കൗമാരക്കാരായ വിദ്യാർത്ഥികളെ ഉൾപ്പെടുത്തിക്കൊണ്ട് രൂപീകരിച്ച കൗമാരം "കരുത്തും കരുതലും" മാർഗ്ഗരേഖ പ്രകാരമുള്ള പ്രവർത്തനങ്ങൾ ആണ് ഈ പദ്ധതിയുടെ ഭാഗമായി നടപ്പിലാക്കുന്നത്. കൗമാരക്കാരായ കുട്ടികൾക്ക് അവർ അഭിമുഖീകരിക്കുന്ന ജീവിത പ്രതിസന്ധികൾ  തരണം ചെയ്യുന്നതിന് വേണ്ട പിന്തുണ ഈ ക്ലബ്ബിലൂടെ അദ്ധ്യാപകർ നടപ്പിലാക്കുന്നുണ്ട്. വിദഗ്ധരുടെ ബോധവൽക്കരണ ക്ലാസുകൾ, കൗൺസിലിംഗ് ക്ലാസുകൾ തുടങ്ങിയവ ഈ ക്ലബ്ബിലെ എടുത്തു പറയപ്പെടുന്ന പ്രവർത്തനങ്ങളാണ്. വിദ്യാർത്ഥികളിൽ വൈകാരിക സുസ്ഥിതി കൈവരിക്കുന്നതിന് ഒരാൾ സ്വയം അറിയേണ്ടതുണ്ട്. ഇതിന് കുട്ടികൾക്ക് പരസ്പരം സഹായിക്കുവാൻ  കഴിയും. പരസ്പരം മനസ്സിലാക്കുകയും,വ്യക്തിത്വത്തെ ശക്തിപ്പെടുത്താൻ കുട്ടികളെ സഹായിക്കുകയും ചെയ്യുക എന്നതാണ് ഈ പദ്ധതിയുടെ മുഖ്യ ലക്ഷ്യം. വിദ്യാർത്ഥികളുടെ ആശങ്കകളും ആവശ്യങ്ങളും മനസ്സിലാക്കുവാൻ ആരോഗ്യകരമായ ഇടപെടലുകൾ നടത്തുന്നുണ്ട്. അദ്ധ്യാപകരെയും രക്ഷകർത്താക്കളെയും പങ്കാളികളാക്കുന്ന വിവിധ പ്രവർത്തനങ്ങളാണ് വരും വർഷങ്ങളിൽ നടപ്പാക്കുന്നത്.

ബോധവൽക്കരണ ക്ലാസ്

ബോധവൽക്കരണ ക്ലാസ്

ഇടയാറന്മുള എ.എം.എം ഹയർ സെക്കൻഡറി സ്കൂളിൽ ടീൻസ് ക്ലബിന്റെ നേതൃത്വത്തിൽ 28/02/2024 ബുധനാഴ്ച ബോധവത്കരണ ക്ലാസ്സ്‌ നടത്തി.സ്കൂൾ ഹെഡ്മിസ്ട്രെസ്സ്  അനില സാമൂവലിന്റെ അധ്യക്ഷതയിൽ ശിശു സംരക്ഷണ വകുപ്പ് നേതൃത്വം നൽകിയ ക്ലാസ്സിൽ  കാവൽ പ്രോജക്ട്

കോർഡിനേറ്റർ ജിനു മാത്യു സെക്സ് എഡ്യൂക്കേഷൻ എന്ന വിഷയത്തെ കുറിച്ച് ക്ലാസ്സ്‌ എടുത്തു. ശിശു സംരക്ഷണ വകുപ്പ് സ്റ്റാഫ് അംഗങ്ങളായ ഫറൂഖ്, സ്മിത എന്നിവരും പങ്കെടുത്തു. ടീൻസ് ക്ലബ് കോർഡിനേറ്റർ  ലക്ഷ്മി പ്രകാശ് സ്വാഗതവും, ബിന്ദു കെ ഫിലിപ്പ്  കൃതജ്ഞതയും അറിയിച്ചു. ക്ലാസ്സിൽ എട്ടാം ക്ലാസിലെ കുട്ടികൾ പങ്കെടുത്തു.