പത്തനംതിട്ട ജില്ലയിൽ റാന്നി താലൂക്കിൽ അയിരൂർ വില്ലേജിൽ ടി പഞ്ചായത്തിൽ പതിനഞ്ചാം വാർഡിൽ തടിയൂർ-ചെറുകോൽപ്പുഴ റോഡിൽ കാവുംമുക്ക് പ്രദേശത്ത് സ്ഥിതി ചെയ്യുന്ന സരസ്വതി മന്ദിരമാണ് ദേവി വിലാസം ഹരിജൻ എൽ.പി സ്കൂൾ.
ചരിത്രം
1940-42 കാലഘട്ടത്തിൽ കാഞ്ഞീറ്റുകര-കുറിയന്നൂർ കരയിലെ പുലയർക്ക് പള്ളിക്കൂടം സ്ഥാപിക്കുന്നതിനായി തോട്ടാവള്ളിൽ കുടുംബത്തിലെ നാരായണൻ ആശാൻ, ഗോവിന്ദനാശാൻ എന്നിവർ ചേർന്ന് 50 സെൻറ് സ്ഥലം ദാനമായി നൽകി. ദേവി വിലാസം ഹിന്ദു പുലയ സമാജം സ്ഥാപിച്ചു. 1948-49 കാലഘട്ടത്തിൽ നാരായണൻ ആശാൻ, ഗോവിന്ദനാശാൻ, പുല്ലുവിഴ രാമപ്പണിക്കർ, അഴകേത്ത് ഗോവിന്ദപിള്ള എന്നിവരുടെ നേതൃത്വത്തിൽ സ്കൂൾ പണിതു. 1952ൽ സ്കൂളിന് അംഗീകാരം ലഭിച്ചു.
ഭൗതികസാഹചര്യങ്ങൾ
1 മുതൽ 4 വരെ ക്ലാസ്സുകൾ ഉണ്ട്. ഓടുമേഞ്ഞ മേൽക്കൂരയും സിമൻറ് തറയും ചായം പൂശിയ ഭിത്തിയുമാണ്. പ്രവർത്തനക്ഷമമായ 6 ക്ലാസ് മുറികൾ, രക്ഷകർത്താക്കളുടെ നേതൃത്വത്തിൽ പ്രവർത്തിക്കുന്ന നഴ്സറി ക്ലാസ്സുകളുമുണ്ട്.
2014-15 അധ്യയനവർഷത്തിൽ പ്രൊഫസർ പി ജെ കുര്യൻ M Pയുടെ ഫണ്ടിൽ നിന്ന് ക്ലാസ്റൂം അനുവദിച്ചു. കോൺക്രീറ്റ് ചെയ്ത ക്ലാസ് മുറി ഇപ്പോൾ കമ്പ്യൂട്ടർ ലാബായി പ്രവർത്തിക്കുന്നു.
ശ്രീ ജോയിക്കുട്ടി തറയിലേത്ത് പന്നിയോലിക്കൽ മകളും പൂർവ്വ വിദ്യാർത്ഥിയുമായ ജാസ്മിൻ ഇ തോമസ്, സഹോദരി ഡോ. ടെസ്സി സാം എന്നിവർ ചേർന്ന് 2019 അധ്യയനവർഷത്തിൽ വായനമൂല സജ്ജീകരിക്കാൻ 4 ക്ലാസ്സ് മുറികളിലേക്കും ബുക്ക് ഷെൽഫ് നൽകി.
മികവുകൾ
മുൻസാരഥികൾ
കെ എൻ തങ്കമ്മ
പി കെ ശ്രീധരൻ
സി ജി ഗൗരി
വി റ്റി ചിന്നമ്മ
എം എസ് ശ്രീധരൻ
ബി രോഹിണിബായ്
എം കെ ദേവകിയമ്മ
എ ജി സരസമ്മ
പ്രശസ്തരായ പൂർവ്വവിദ്യാർത്ഥികൾ
ഇന്ത്യൻ റെയിൽവേ ക്യാഷ് അവാർഡ് നൽകി ആദരിച്ച ചിത്രകാരൻ അരുൺ കൃഷ്ണൻ ഈ സ്കൂളിലെ പൂർവ വിദ്യാർത്ഥിയാണ്.
ഇന്ത്യൻ റെയിൽവേ ക്യാഷ് അവാർഡ്അരുൺ കൃഷ്ണൻ_പൂർവ വിദ്യാർത്ഥി.
ദിനാചരണങ്ങൾ
ദിനാചരണത്തിന്റെ പ്രാധാന്യം ഉൾക്കൊണ്ട് മിക്കവാറും എല്ലാ ദിനാഘോഷങ്ങളും പൂർവ്വാധികം ഭംഗിയായി നടത്തിവരുന്നു. പരിസ്ഥിതിദിനം, വായനാദിനം, ചാന്ദ്രദിനം, സ്വാതന്ത്ര്യദിനം, ഓണാഘോഷം, ഗാന്ധിജയന്തി, ശിശുദിനം, ക്രിസ്തുമസ് ആഘോഷം, ശാസ്ത്രദിനം എന്നിവ നടത്തുന്നു. ക്വിസ് മത്സരം, പതിപ്പ് നിർമ്മാണം, റാലി, ബോധവൽക്കരണ ക്ലാസ് എന്നിവയും നടത്തുന്നു.
