"ബുക്കാനൻ ഇൻസ്റ്റിറ്റ്യൂഷൻ ഗേൾസ് ഹൈസ്കൂൾ പള്ളം/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[പ്രമാണം:33070-club inauguration23-24-.jpeg|ലഘുചിത്രം|ക്ലബ്ബുകളുടെ ഉദ്ഘാടനം]]

== "വള്ളിയും പുള്ളിയും 2023 " ==

ഒരു വ്യക്തിയുടെ ആശയ വിനിമയത്തിന് ഭാഷ വളരെ അത്യാവശ്യമാണ്. വായിക്കുക, എഴുതുക എന്നീ അടിസ്ഥാന പ്രാഥമിക കഴിവുകൾ വിദ്യാർത്ഥികൾ നേടിയെടുക്കേണ്ടത് പ്രൈമറി ക്ലാസ്സുകളിൽ നിന്നാണ്. എന്നാൽ ചില വിദ്യാർത്ഥികളെങ്കിലും ഈ കഴിവുകൾ സ്വായത്തമാക്കാതെയാണ് ഹൈസ്കൂൾ ക്ലാസ്സുകളിൽ കടന്നു വരുന്നത്. അവർക്ക് ഭാഷാ പരമായ അജ്ഞത മാറ്റുന്നതിനായി ഭാഷാ പരിശീലന പരിപാടിയായ "വള്ളിയും പുള്ളിയും 2023 " നടത്തിവരുന്നു.  അക്ഷരങ്ങളിൽ വള്ളി, പുള്ളികൾ കൃത്യ സ്ഥാനങ്ങളിൽ ഉപയോഗിക്കാനറിയാത്തതാണ് കുട്ടികൾ നേരിടുന്ന പ്രധാന പ്രശ്നം. അതിന് ഒരു പരിഹാരം കണ്ടെത്താൻ ഈ പദ്ധതിയിലൂടെ സാധിക്കുകയാണ് ലക്ഷ്യം. എല്ലാ ആഴ്ചയിലും ചൊവ്വ, ബുധൻ ദിവസങ്ങളിൽ 3.30 മുതൽ 4.00 വരെ പരിശീലനം നൽകി വരുന്നു.

സെപ്റ്റംബർ മാസത്തിൽ കുട്ടികളെ അക്ഷരങ്ങളും അവ പ്രതിനിധീകരിക്കുന്ന ചിഹ്നങ്ങളും ഏതാണെന്ന് വിശദമായ ചാർട്ടുകളുടെ സഹായത്തോടെ പരിശീലിപ്പിച്ചു.

ഒക്ടോബർ മാസത്തിൽ ചിഹ്നം ചേർത്ത് എഴുതാനും വായിക്കാനും പരിശീലിപ്പിച്ചു. വിട്ടുപോയ ഭാഗങ്ങളിൽ ചിഹ്നങ്ങൾ തെരഞ്ഞെടുത്ത് ചേർക്കാൻ പരിശീലിച്ചു.ഒരു വാക്കും അതിൻ്റെ പര്യായപദങ്ങളും കണ്ടെത്താനും പ്രയോഗിക്കുവാനും പഠിച്ചു.

നവംബർ മാസത്തിൽ വായന മത്സരം നടത്തി. കുട്ടികൾക്ക് വായിക്കാനായി ഒരു ഭാഗം നേരത്തേ തന്നെ നൽകും. മൽസരമാരംഭിക്കുമ്പോൾ ഒട്ടും തട്ടും തടവും കൂടാതെ കൃത്യമായി വായിച്ചു പോരുന്നവരെ കണ്ടെത്തി സമ്മാനം നൽകും. ഒന്നിലധികം പേർ തെറ്റുകൂടാതെ വായിച്ചാൽ മറ്റൊരു ഭാഗം ഉടൻ നൽകി വായിപ്പിച്ച് അതിൽ നിന്നൊരാളെ വിജയിയായി പ്രഖ്യാപിച്ച്‌  സമ്മാനം കൊടുക്കും. ഇത് കുട്ടികൾക്ക് തെറ്റുകൂടാതെ വായിച്ച് സമ്മാനം നേടാനുള്ള പ്രോത്സാഹനമായി മാറി. ഹൈസ്കൂൾ മലയാളം അദ്ധ്യാപിക ഷീബ മേരി ചെറിയാനാണ് ചുമതല വഹിക്കുന്നത്.

== ചാന്ദ്രദിനം ==

ചന്ദ്രനിൽ ആദ്യമായി മനുഷ്യൻ കാലുകുത്തിയിട്ട് 54 വർഷങ്ങൾ പിന്നിട്ടു. മനുഷ്യൻ ആദ്യമായി ചന്ദ്രനിൽ കാലുകുത്തിയതിന്റെ ഓർമ്മയ്ക്കാണ് ജൂലൈ 21 ചാന്ദ്രദിനമായി ആചരിക്കുന്നത്. അമേരിക്കക്കാരായ നീൽ ആംസ്ട്രോങ്ങ് എഡ്വിൻ ആൽഡ്രിൻ, മൈക്കൽ കോളിൻസ്, എന്നീ ബഹിരാകാശ സഞ്ചാരികൾ ചേർന്ന് അപ്പോളോ 11 എന്ന ബഹിരാകാശ വാഹനത്തിൽ 1969 ജൂലൈ 20 നാണ് ചന്ദ്രോപരിതലത്തിൽ എത്തിയത്.