ജി.എച്ച്.എസ്.എസ് ചെറുന്നിയൂർ/ക്ലബ്ബ് പ്രവർത്തനങ്ങൾ

വിവിധ വിഷയങ്ങളുടെ ക്ലബ്ബുകൾ സ്കൂളിൽ പ്രവർത്തിക്കുന്നു.

ഇംഗ്ലീഷ് ക്ലബ് സ്കൂൾ ഇംഗ്ലീഷ് ക്ലബ്ബിന്റെ ചുമതല സ്കൂളിന്റെ ഇംഗ്ലീഷ് ഭാഷ അധ്യാപകരായ ശ്രീമതി.സന്ധ്യ.ജി ക്കും ശ്രീമതി .സുജ വിജയനുമാണ്. ഇരുപത്തിയഞ്ചു കുട്ടികളാണ് ഇംഗ്ലീഷ് ക്ലബ് അംഗങ്ങളായിട്ടുള്ളത്.എല്ലാ മാസവും തിങ്കളാഴ്ചയും വ്യാഴാഴ്ചയുമാണ് ക്ലബ് പ്രവർത്തിക്കുന്നത്. ക്ലബ് പ്രവർത്തനത്തിന്റെ ഭാഗമായി സ്കിറ്റ് ,റോൾ പ്ലേ, ഡിബേറ്റ് ,പോസ്റ്റർ നിർമ്മാണം ,അസംബ്ലി എന്നിവ കുട്ടികൾ ചെയ്തു വരുന്നു.

ഗണിത ക്ലബ് ഗണിത ക്ലബ്ബിന്റെ ചുമതല ഗണിത അധ്യാപകരായ ശ്രീമതി .ജ്യോതിലക്ഷ്മി അമ്മാൾ ഉം ശ്രീ .കൃഷ്ണകുമാർ സാറിനും ആണ്. സ്കൂൾ ശാസ്ത്ര മേളയിൽ മാത്സിന് ഓവറോൾ കരസ്ഥമാക്കിയത് ഞങ്ങളുടെ കുട്ടികളാണ് .

സയൻസ് ക്ലബ് സയൻസ് ക്ലബ്ബിലാണ് കുട്ടികൾ കൂടുതലുള്ളത് .സയൻസ് അധ്യാപകരായ ശ്രീമതി.ആർ.സൈല , ശ്രീമതി .സുജ സുന്ദരൻ ,ശ്രീ.അരുൺ സാറും മേൽനോട്ടം വഹിക്കുന്നു .വീഡിയോ പ്രദർശനവും ,പരീക്ഷണങ്ങളും ,സ്റ്റിൽ മോഡലുകളും ,പ്രബന്ധ രചനയുമെല്ലാം കുട്ടികൾ വളരെ താത്പര്യത്തോടെ ചെയുന്നു.

സോഷ്യൽ സയൻസ് ക്ലബ് സോഷ്യൽ സയൻസ് ക്ലബ്ബിന്റെ ഭാഗമായി വിവിധ സാമൂഹിക ബോധവത്കരണ ക്ലാസ്സുകളും റാലികളും സംഘടിപ്പിച്ചു വരുന്നു . ദിനാചരണങ്ങളും വിവിധ വിജ്ഞാന പ്രദമായ പ്രശ്‌നോത്തിരികളും വാർത്താവായന മത്സരങ്ങളും നടത്തുന്നു.

ഹിന്ദി ക്ലബ് സ്കൂളിന്റെ ഹിന്ദി ക്ലബ്ബിന്റെ ആഭിമുഖ്യത്തിൽ മുൻഷി പ്രേംചന്ദ് ദിനാചരണം ആചരിച്ചു .ഹിന്ദി കവിത രചനയും പ്രസംഗവുമെല്ലാം ഹിന്ദി ക്ലബ്ബിന്റെ മേൽനോട്ടത്തിൽ നിർവഹിക്കപ്പെടുന്നു.നിലവിൽ ഹിന്ദി അദ്ധ്യാപിക ശ്രീമതി.പി .കെ .രമണി ടീച്ചറിന്റെ മേൽനോട്ടത്തിലാണ് ക്ലബ് പ്രവർത്തനങ്ങൾ നടക്കുന്നത് .

ഐ.റ്റി ക്ലബ് ഐ .റ്റി ക്ലബ്ബിന്റെ ആഭിമുഖ്യത്തിൽ ഡിജിറ്റൽ പെയിന്റിംഗ്, മലയാളം ടൈപ്പിംഗ് എന്നിവയിൽ പരീശീലനം നൽകുന്നു

സ്പോർട്സ് ആൻഡ് ഹെൽത്ത് ക്ലബ് കായിക അധ്യാപകനാണ് ഈ ക്ലബ്ബിന്റെ കൺവീനർ .ഹെൽത്ത് ക്ലബ്ബിലെ കുട്ടികൾക്ക് സ്കൂളിന്റെ പരിസര ശുചീകരണത്തിന്റെയും ചുമതലയും ഉണ്ട്.

സ്പോർട്സ് ക്ലബ്ബിൽ വിവിധ ഇൻഡോർ ഔട്ഡോർ ഗെയിംസിന്റെ പരിശീലനവും നൽകുന്നു. ടേബിൾ ടെന്നീസ്, ചെസ്സ്,കാരംസ്, ബാഡ്മിന്റൺ, ഖോ ഖോ,എന്നീ ഇനങ്ങൾ പരിശീലിപ്പിക്കുന്നു.

.