ഗവൺമെന്റ് എച്ച്. എസ്. മടത്തറകാണി/അക്ഷരവൃക്ഷം/ പരിസ്ഥിതി

പരിസ്ഥിതി പ്രകൃതി അമ്മയാണ്.പരിസ്ഥിതിക്ക് ദോഷകരമായ രീതിയിൽമനുഷ്യൻ പ്രവർത്തിക്കുന്നത് ലോകനാശത്തിന് കാരണമാകും. പരിസ്ഥിതിസംരക്ഷണം ഓർമ്മിപ്പിക്കാനായി ഐക്യരാഷ്ട്രസഭയുടെ ആഭിമുഖ്യത്തിൽ 1972 മുതലാണ് ലോകപരിസ്ഥിതിദിനം ആചരിക്കുന്നത്.മലിനീകരണത്തിനെതിരായും വനനശീകരണത്തിനെതിരായും പ്രവർത്തിക്കുകയാണ് പാരിസ്ഥിതികസുസ്ഥിരത ഉറപ്പാക്കാനുള്ള ഒരു മാർഗ്ഗം. നഗരങ്ങളെല്ലാം മലിനീകരണത്തിന്റെ മാരകഫലങ്ങൾ അനുഭവിച്ചു തുടങ്ങിയിരിക്കുന്നു.കൂടുതൽ ആളുകൾ നഗരങ്ങളിൽ താമസിക്കുന്നത് കുടി വെള്ളത്തിനും പ്രശ്നങ്ങൾ ഉണ്ടാക്കുന്നു.അതോടൊപ്പം മനുഷ്യരാശിയെ കൊന്നൊടുക്കാൻ ശേഷിയുള്ള മാരകരോഗങ്ങൾ പടർന്ന് പിടിക്കുന്നു. ഭൂമിയിലെ ചൂട് വർദ്ധിക്കുന്നതിന്റെ പ്രധാനകാരണം അന്തരീക്ഷത്തിലെ കാർബൺ ഡൈ ഓക് സൈഡിന്റെ വർദ്ധനയാണ്. ഈ വാതകം അന്തരീക്ഷത്തിൽ സൃഷ്ടിക്കുന്ന ഊഷ്മാവിന്റെ പ്രവാഹത്തെ തടഞ്ഞുനിർത്തി അന്തരീക്ഷതാപംവർദ്ധിപ്പിക്കുന്നു. ഇന്ത്യയെപോലുള്ള രാജ്യങ്ങളിൽ ഈപ്രശ്നം കൂടുതൽരൂക്ഷമാണ്.ഇന്ത്യയിൽ വനപ്രദേശത്തിന്റെ വിസ് തൃതി കുറഞ്ഞ് വരികയാണ്. വനനശീകരണങ്ങൾ തടയുകയും മരങ്ങൾ വെച്ചുപിടിപ്പിക്കുന്നതിന് പ്രോത്സാഹനം നൽകുകയും ചെയ്യുന്നതിലൂടെ മാത്രമേ ഈ ദുസ്ഥിതി തടയാൻ കഴിയൂ. എല്ലാ മനുഷ്യർക്കും ശുദ്ധവായുവും ശുദ്ധജലവും ജൈവവൈവിധ്യത്തിന്റ ആനുകൂല്യങ്ങളും അനുഭവിക്കാനുള്ളഅവകാശവും സ്വാതന്ത്ര്യവും ഉണ്ട് എന്ന സങ്കൽപ്പമാണ് ലോകപരിസ്ഥിതിദിനത്തിന്റെ കരുതൽ. ജലമലിനീകരണം,ഖരമലിനീകരണത്തിന്റെ നിർമ്മാർജ്ജന പ്രശ്നങ്ങൾ,മണ്ണിടിച്ചിൽ,മണ്ണൊലിപ്പ്,അതിവൃഷ്ടി,വരൾച്ച, പുഴമണ്ണ്ഖനനം,വ്യവസായവൽക്കരണം മൂലമുണ്ടാകുന്ന അന്തരീക്ഷമലിനീകരണം,മഴ, ഭൂമികുലുക്കം തുടങ്ങി ഒട്ടേറെപ്രശ്നങ്ങൾപരിസ്ഥിതി സംരക്ഷണത്തെ പ്രതികൂലമായി ബാധിക്കുന്നു. വൃക്ഷങ്ങൾ അന്തരീക്ഷതാപനിലയെ നിയന്ത്രിക്കുന്നതിന് സഹായിക്കുന്നു.വനങ്ങൾ നശിപ്പിച്ചാൽ ഒട്ടേറെ പക്ഷികൾക്ക് വംശനാശം സംഭവിക്കും.അതുകൊണ്ട് എല്ലാവരും "പ്രകൃതിയെ സംരക്ഷിക്കൂ”.... "മരങ്ങൾ നട്ടുപിടിപ്പിക്കൂ”..... മീര.എസ്സ് 8C ഗവൺമെന്റ് എച്ച്.എസ്സ്.മടത്തറക്കാണി പാലോട് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Naseejasadath തീയ്യതി: 11/ 02/ 2022 >> രചനാവിഭാഗം - ലേഖനം