ഗവൺമെന്റ് യു .പി . ബി .എസ്സ് .കുമ്പനാട്

ഇംഗ്ലീഷ് വിലാസം

https://schoolwiki.in/Govt.U.P.B.S._Kumbanad

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ഗവൺമെന്റ് യു .പി . ബി .എസ്സ് .കുമ്പനാട്
വിലാസം
കുമ്പനാട് കുമ്പനാട് പി.ഒ. , 689547 , പത്തനംതിട്ട ജില്ല
സ്ഥാപിതം	01 - 06 - 1872
വിവരങ്ങൾ
ഇമെയിൽ	gupskumbanad@gmail.com
കോഡുകൾ
സ്കൂൾ കോഡ്	37337 (സമേതം)
യുഡൈസ് കോഡ്	32120600505
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	പുല്ലാട്
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	ആറന്മുള
താലൂക്ക്	തിരുവല്ല
ബ്ലോക്ക് പഞ്ചായത്ത്	കോയിപ്രം
തദ്ദേശസ്വയംഭരണസ്ഥാപനം	കോയിപ്രം പഞ്ചായത്ത്
വാർഡ്	17
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി യു.പി
സ്കൂൾ തലം	1 മുതൽ 7 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	26
പെൺകുട്ടികൾ	16
ആകെ വിദ്യാർത്ഥികൾ	42
അദ്ധ്യാപകർ	8
സ്കൂൾ നേതൃത്വം
പ്രധാന അദ്ധ്യാപിക	ജയദേവി ആർ
പി.ടി.എ. പ്രസിഡണ്ട്	നിഷ.എ.എസ്
എം.പി.ടി.എ. പ്രസിഡണ്ട്	ശുഭ പ്രസന്നൻ
അവസാനം തിരുത്തിയത്
21-01-2022	Pcsupriya

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

പത്തനംതിട്ട ജില്ലയിലെ തിരുവല്ല വിദ്യാഭ്യാസ ജില്ലയിൽ പുല്ലാട് ഉപജില്ലയിലെ കുമ്പനാട് എന്നസ്ഥലത്തുള്ള ഒരു സർക്കാർ വിദ്യാലയമാണ് ഗവ . യു .പി .ബി .എസ്സ് .കുമ്പനാട്‌ .

ചരിത്രം

കേരളത്തിലെ പത്തനംതിട്ട ജില്ലയിലെ തിരുവല്ല താലൂക്കിലെ കോയിപ്രം പഞ്ചായത്തിലെ ഒരു ചെറിയ പട്ടണമാണ് കുമ്പനാട്. ഈ സ്ഥലം തിരുവല്ല - കുമ്പഴ സംസ്ഥാന പാതയ്ക്കരികിലാണ്. കുംഭി എന്ന സംസ്കൃത വാക്കും (അർത്ഥം: ആന ) നാട് എന്ന മലയാളം വാക്കും ചേർന്നാണ് കുമ്പനാട് ഉണ്ടായതെന്നു പറയപ്പെടുന്നു. നൂറുകണക്കിനു വർഷങ്ങൾക്കുമുമ്പ് ഈ പ്രദേശങ്ങൾ കൊടുംകാടായിരുന്നു. കാട്ടുമൃഗങ്ങളും ആനകളും ഉണ്ടായിരുന്നു. ഇവിടെ അങ്ങനെയാവാം ഈ പേര് വന്നത്. 146 വർഷം പിന്നിട്ട കുമ്പനാട് ഗവ.യു.പി സ്കൂൾ ഇന്നും പച്ചപ്പോടെ തന്നെ നിൽക്കുന്നു.

AD 1761 ന് മുൻപ് കാടുകയറിക്കിടന്ന പ്രദേശമായിരുന്നു കുമ്പനാട്. 400 വർഷങ്ങൾക്ക് മുൻപ് 13 ഇല്ലങ്ങൾ ഈ പ്രദേശത്ത് നിലനിന്നിരുന്നു. പാണ്ടിപ്പടയുടെ ആക്രമണത്തിൽ ഈ 13 ഇല്ലങ്ങളും നാമാവശേഷമായി. പിന്നീട് കുറേ വർഷങ്ങൾ ആൾത്താമസമില്ലാതെ കിടന്ന ഈ പ്രദേശത്തേക്ക് യോഹന്നാൻ എന്ന ഒരു സന്യാസി എത്തിച്ചേരുകയും ഒരു കുടുംബമാരംഭംഭിക്കുകയും ചെയ്തു. പിന്നീട് മാർത്തോമ വലിയ പള്ളിസ്ഥാപിക്കുകയും ചെയ്തു. അക്കാലത്ത് വിദ്യാഭ്യാസം സർവ്വസാധാരണമല്ലായിരുന്നു. ഈ കുടുംബത്തിലെ കുട്ടികൾക്ക് വിദ്യാഭ്യാസം നൽകുക എന്നതായിരുന്നു ലക്ഷ്യം. പള്ളിയോട് ചേർന്ന് സ്ഥതി ചെയ്തതിനാൽ ഇതിനെ പള്ളിക്കൂടം എന്ന് നാമകരണം ചെയ്തു.

കൊല്ലവർഷം 1040 ൽ വല്ല്യ വീട്ടിലച്ചന്റെ ചുമതലയിൽ പാണ്ടനാട് ചാണ്ടപ്പിള്ള ആശാൻ തേവരത്തുണ്ടിയിൽ നൈനാൻ ആശാൻ എന്നിവരുടെ നേതൃതത്തിൽ പള്ളിപ്പറമ്പിൽ ഷെഡ് കെട്ടി കുടിപ്പള്ളിക്കുടം ആരംഭിച്ചു. കുടിപ്പള്ളിക്കൂടം മാത്രമേ അക്കാലത്ത് ഉണ്ടായിരുന്നുള്ളൂ. പിന്നീട് മാത്യൂസ് മാർ അത്താനം സ്യോസ് നിർദേശപ്രകാരം അന്നത്തെ ദിവാൻജി ആയിരുന്ന സർ . ടി. മാധവ വാര്യർ വ്യവസ്ഥാപിതമായി നടക്കുന്ന പള്ളിക്കുടങ്ങൾ പ്രാഥമിക വിദ്യാലയങ്ങളായി അംഗീകരിച്ചു കൊണ്ട് ഗ്രാന്റ് കൊടുക്കുന്ന പതിവ് നടപ്പിലാക്കി നേരത്തെ തന്നെ പള്ളിക്കൂടമായി പ്രവർത്തിച്ചു പോന്ന ഈ പള്ളിക്കൂടത്തിനും ഗ്രാന്റ് അനുവദിക്കപ്പെട്ടു. അങ്ങനെ ഗ്രാന്റിന്റെ സഹായത്തോടെ സ്കൂൾ അനേക വർഷം തുടർന്നു. മിച്ചൽ -ന്റെ വിദ്യാഭ്യാസ കോഡ് അനുസരിച്ച് ആവശ്യമായ സ്ഥല സൗകര്യങ്ങളുടെ അഭാവത്തിൽ കൂടുതൽ സൗകര്യ പ്രദമായ ഒരിടത്തേക്ക് സ്കൂൾ മാറ്റേണ്ടതായി വന്നു.

കൊല്ലവർഷം 1087-ൽ ഇപ്പോൾ കാണുന്ന ആൺ പള്ളിക്കൂടവും , കൊല്ലവർഷം 1093 ൽ പെൺപള്ളിക്കൂടവും കുമ്പനാട് ഇടവകാംഗങ്ങളുടെ പരിശ്രമത്തിൽ നാട്ടുകാരുടെ പൊതു സഹകരണത്തോടെ പണി കഴിപ്പിച്ച് സർക്കാരിന് വിട്ടുകൊടുക്കുകയും ചെയ്തു.

കുമ്പനാ‍ട് പ്രദേശത്ത് സ്ഥിതി ചെയ്യുന്ന ഈ വിദ്യാലയം 1872 ജുൺ 1 ആം തീയതി സ്ഥാപിതമായി.കുമ്പനാട് കുടുമ്പത്തിന്റെ ഉടമസ്ഥതയിലുള്ള ഈ വിദ്യാലയം 1912 ഫെബ്രുവരി 27 നു സർക്കാരിനു കൈമാറി. 1964 ജുൺ 6 നു യു പി സ്കുൂളായി ഉയർന്നു.കുമ്പനാടിന്റെ വളർച്ചയിലും പുരോഗതിയിലും ഈ സ്കൂൾ നിർണ്ണായക പങ്ക് വഹി‍ക്കുന്നു.

ഭൗതികസൗകര്യങ്ങൾ

• 7ക്ലാസ് മുറികൾ, കംപ്യൂട്ടർ ലാബ്, സയൻസ് ലൈബ്രറി
• 2 ലാപ്ടോപ്പും 2 പ്രൊജക്ടുകളും ഉൾപ്പെടുന്ന കമ്പ്യൂട്ടർ ലാബുണ്ട്.
• ഹൈടെക് പദ്ധതി പ്രകാരം 2020 വർഷത്തിൽ ഒരു ലാപ്ടോപ്പും ഒരു പ്രൊജക്ടറും അനുവദിക്കുകയുണ്ടായി.

• സ്കൂളിലേയ്ക്ക് ആവശ്യമായ കസേരകൾ (50 എണ്ണം)പൂർവ്വ വിദ്യാർത്ഥികൾ സംഭാവന ചെയ്തിട്ടുണ്ട്.
• കുമ്പനാട് ക്രിക്കറ്റ് ക്ലബ്ബിന്റെ നേതൃത്വത്തിൽ children's Park പണി കഴിപ്പിച്ചു തന്നിട്ടുണ്ട്.
• ടൈൽ പാകിയ 3 ക്ലാസ് റൂമുകൾ, സ്മാർട്ട് ക്ലാസ് റൂം, കളിസ്ഥലം, സൈക്കിളുകൾ, വൃത്തിയുള്ള പാചകപ്പുര തുടങ്ങിയവ കുട്ടികൾക്ക് മികച്ച പഠനാന്തരീക്ഷം നൽകുന്നു.
• കോയിപ്രം ബ്ലോക്ക് പഞ്ചായത്താൽ നിന്നും 2003-2004വർഷത്തെവരൾച്ചാ ദുരിതാശ്വാസ പദ്ധതിപ്രകാരം നിർമ്മിച്ച മഴവെള്ളസംഭരണിയുണ്ട്
• ജൈവവൈവിധ്യഉദ്യാനവും, ഔഷധസസ്യത്തോട്ടവും പഠനപ്രവർത്തനങ്ങൾക്ക് ഉണർവേകുന്നു.

പാഠ്യേതര പ്രവർത്തനങ്ങൾ

• എസ്.പി.സി
• എൻ.സി.സി.
• ബാന്റ് ട്രൂപ്പ്.
• വിദ്യാരംഗം കലാ സാഹിത്യ വേദി പ്രർത്തിക്കുന്നു.എല്ലാ കുട്ടികളും സജിവമായി പങ്കെടുക്കുന്നു.
• ക്ലബ്ബ് പ്രവർത്തനങ്ങൾ.ഭാഷാ ക്ലബ്,ശാസ്ത്ര ക്ലബ്,ഗണിത ക്ലബ്,സാമൂഹിക ശാസ്ത്ര ക്ലബ്,ഇക്കോ ക്ലബ് ഇവ പ്രവർത്തിക്കുന്നു.

ക്ലബുകൾ

• സയൻസ് ക്ലബ്ബ്
• ഹെൽത്ത് ക്ലബ്ബ്
• ഗണിത ക്ലബ്ബ്
• പരിസ്ഥിതി ക്ലബ്ബ്
• സാമൂഹ്യശാസ്ത്ര ക്ലബ്ബ്
• ഭാഷാ ക്ലബ്ബ്
• മാതൃഭൂമി സീഡ് പ്രവർത്തനങ്ങൾ
• വിദ്യാരംഗം കലാ സാഹിത്യ വേദി
• കൃഷി
• ഭക്ഷ്യമേള
• ക്വിസ് മത്സരങ്ങൾ
• പ്രദർശനങ്ങൾ
• ടാലന്റ് ലാബ്

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗം

തിരുവല്ല - കുമ്പഴ റോഡിലുള്ള കുമ്പനാട് ജംഗ്ഷനിൽ നിന്ന് ആറാട്ടുപുഴ റോഡിലൂടെ 130 m സഞ്ചരിക്കുമ്പോൾ റോഡിന്റെ വലുത് ഭാഗത്തായിട്ടാണ് ഈ സ്‌കൂൾ സ്ഥിതി ചെയ്യുന്നത്. |}