കമ്പിൽ മോപ്പിള ഹയർ സെക്കണ്ടറി സ്കൂൾ/പ്രവർത്തനങ്ങൾ-17

ജൂൺ 1

ഓൺലൈൻ ക്ലാസ് ആരംഭിച്ചു പുതിയ രീതികൾ ആസൂത്രണം ചെയ്യുകയും നടപ്പിലാക്കുകയും  ചെയ്തു. പ്രവേശനോത്സവം ഓൺലൈനായി നടത്തി. കൊളച്ചേരി ഗ്രാമ പഞ്ചായത്ത് പ്രസിഡണ്ട് ശ്രീ.കെ.പി.അബ്ദുൽ മജീദ് ഉത്ഘാടനം ചെയ്തു. അധ്യാപകർ ആശംസകൾ അറിയിക്കുകയും ഗൂഗിൾ മീറ്റ് വഴി കുട്ടികളെയും രക്ഷിതാക്കളെയും കണ്ടു ആശയവിനിമയം നടത്തുകയും ചെയ്തു.കുട്ടികൾ കോവിഡ് പ്രോട്ടോകോൾ പ്രകാരം അകലം പാലിച്ചുകൊണ്ട് ക്ലാസ്സിൽ ഇരുന്നു. പ്രവേശന കവാടത്തിൽ അധ്യാപകർ സാനിറ്റൈസർ നൽകിയും ഊഷ്മാവ് പരിശോധിച്ചും കുട്ടികളെ വരവേറ്റു..

ജൂൺ 5 ലോക പരിസ്ഥിതി ദിനം

ലോക പരിസ്ഥിതി ദിനം ഈ വർഷവും  പരിസ്ഥിതി ദിനം ഓൺലൈൻ ആയി തന്നെ ആഘോഷിച്ചു . പരിസ്ഥിതി ദിനവുമായി ബന്ധപ്പെട്ട് കഥകൾ, പോസ്റ്ററുകൾ അവതരിപ്പിച്ചു കുട്ടികൾ  വീട്ടിൽ തൈകൾ നടുന്നതിന്റെ  ചിത്രങ്ങൾ ക്ലാസ്സ് വാട്സ്ആപ്പ് ഗ്രൂപ്പുകളിൽ പങ്കുവെച്ചു.

ജൂൺ19 വായനാദിനം

ഓൺലൈൻ വഴി വായനാദിനം ആചരിച്ചു. ചിറക്കൽ രാജാസ് ഹയർ സെക്കന്ററി സ്കൂൾ പ്രിൻസിപ്പാളും മലയാളം അധ്യാപകനും ആയ പ്രശാന്ത് കൃഷ്ണൻ സാർ ആയിരുന്നു ഈ വർഷത്തെ വായനാദിനവും വിവിധ ക്ലബ്ബുകളുടെ ഉത്ഘാടനവും ചെയ്തത് . ഇദ്ദേഹം കവിയും സിനിമാ ഗാന രചയിതാവും കൂടി ആണ്..  വായനാ വാരത്തിന് ആരംഭമായി. പാഠപുസ്തകത്തിലെ കഥകളുടെ വായന മത്സരം, കവിതാരചന, കഥാരചന, ക്വിസ് തുടങ്ങിയവ നടത്തി വായനാ വാരത്തിൽ ഓരോ ദിവസവും ഒരു പ്രവർത്തനം എന്ന നിലയിൽ പരിപാടികൾ  നടത്തി. വാരാവസാനം വരെ  എല്ലാ  കുട്ടികളും സജീവമായി  പങ്കെടുത്തു. മികച്ചത് തിരഞ്ഞെടുത്തു വിജയികളെ അഭിനന്ദിച്ചു.

ജൂൺ 26 ലഹരി വിരുദ്ധ ദിനം

കുട്ടികൾ ലഹരി വിരുദ്ധ പോസ്റ്റർ നിർമ്മിച്ചു. പ്രസംഗം നടത്തി.  ലഹരി  വിരുദ്ധ സന്ദേശം പ്രചരിപ്പിക്കുകയും ക്ലാസ് വാട്സാപ്പ് ഗ്രൂപ്പുകളിൽ പങ്കുവെക്കുകയും ചെയ്തു.

ജൂലൈ 5 ബഷീർ അനുസ്മരണം

ബഷീർ അനുസ്മരണവുമായി ബന്ധപ്പെട്ട്  ബഷീറിനെ കുറിച്ചുള്ള വിവരണങ്ങൾ, ബഷീർ  കഥകൾ എന്നിവ വാട്സ്ആപ്പ് ഗ്രൂപ്പിൽ നൽകി. വായനാ കുറിപ്പ് തയ്യാറാക്കി കുട്ടി ക്ലാസ് വാട്സ്ആപ്പ് ഗ്രൂപ്പ് വഴി പങ്കുവെച്ചു. അതിനുശേഷം പാത്തുമ്മയുടെ ആട് എന്ന നോവൽ ഭാഗം ഓൺലൈൻ നാടക രൂപത്തിൽ അവതരിപ്പിച്ചു. കുട്ടികൾ മികച്ച പ്രകടനം കാഴ്ചവച്ചു.

ജൂലൈ 21 ചാന്ദ്രദിനം

ചാന്ദ്രദിനവുമായി ബന്ധപ്പെട്ട്  പോസ്റ്റർ നിർമ്മാണം പ്രസംഗം  തുടങ്ങിയവ ഓൺലൈനായി നടത്തി

ആഗസ്റ്റ് 6, 7 ഹിരോഷിമ -നാഗസാക്കി ദിനം

സോഷ്യൽ സയൻസ് ക്ലബ്ബിൻറെ നേതൃത്വത്തിൽ ഹിരോഷിമ - നാഗസാക്കി ദിനങ്ങൾ ആചരിച്ചു. കുട്ടികൾ യുദ്ധവിരുദ്ധ സന്ദേശങ്ങൾ പ്രചരിപ്പിക്കുകയും പോസ്റ്റർ നിർമ്മാണം  നടത്തുകയും ചെയ്തു.

ആഗസ്റ്റ് 15 സ്വാതന്ത്ര്യ ദിനം

സ്വാതന്ത്ര്യ ദിനം ഓൺലൈനായി ആഘോഷിച്ചു. സ്കൂളിൽ ദേശീയ പതാക ഉയർത്തി.  ദേശഭക്തിഗാനം, പ്രസംഗം തുടങ്ങിയ പരിപാടികൾ ഓൺലൈനായി നടത്തി. മത്സരമില്ലാതെ എല്ലാവരുടെയും പങ്കാളിത്തത്തിനായി പരിപാടികൾ നടത്തി.

ആഗസ്റ്റ് 29

വിദ്യാരംഗത്തിന്റെ  നേതൃത്വത്തിൽ കഥാരചന,കവിതാരചന, ചിത്ര രചന തുടങ്ങി വിവിധ മത്സരങ്ങൾ നടത്തി. കുട്ടികൾ സജീവമായി പരിപാടികളിൽ പങ്കെടുത്തു ദുറുഷ്‌ദ 9 (ഡി) യുടെ കഥ  ജില്ലാ തലം വരെ തെരഞ്ഞെടുക്കപ്പെട്ടു.

സപ്തംബർ 5 അധ്യാപക ദിനം

ഓൺലൈനായി അധ്യാപക ദിനം ആഘോഷിച്ചു. കഥ, കവിത, ചിത്രങ്ങൾ, കാർഡുകൾ തുടങ്ങി നിരവധി ഉൽപ്പന്നങ്ങൾ കുട്ടികളിൽ നിന്ന് ലഭിച്ചു.

ഒക്ടോബർ 2 ഗാന്ധിജയന്തി

ഗാന്ധിജയന്തിയുമായി ബന്ധപ്പെട്ട് പോസ്റ്റർ,ചിത്ര രചന, ഗാന്ധിജിയുടെ സന്ദേശങ്ങൾ തുടങ്ങിയവ  കുട്ടികൾ വാട്സ്‌ആപ്പ് ഗ്രൂപ്പിൽ പങ്കുവെച്ചു. വീടും പരിസരവും ശുദ്ധിയാക്കി ശുചീകരണ യജ്ഞത്തിൽ മുഴുവൻ കുട്ടികളും പങ്കാളികളായി.

ഒക്ടോബർ  27 വയലാർ അനുസ്മരണ ദിനം

വയലാർ അനുസ്മരണം നടത്തി. കുട്ടികൾ വയലാറിന്റെ കവിതകളും പാട്ടുകളും പാടി.

നവമ്പർ 1 കേരളപ്പിറവി ദിനം

ഈ വർഷത്തെ നവംബർ ഒന്നിന് വളരെയധികം പ്രാധാന്യമുണ്ട്.  കേരളപ്പിറവി ദിനം മാത്രമല്ല ഒന്നര വർഷത്തെ അടച്ചുപൂട്ടലിനുശേഷം വീണ്ടും സ്കൂൾ  തുറന്നു പ്രവർത്തിക്കുവാൻ  തുടങ്ങിയ ദിവസം കൂടിയായിരുന്നു.  കുട്ടികളെ രണ്ട് ബാച്ചുകളായി  വിദ്യാലയത്തിൽ എത്തിക്കാൻ തുടങ്ങി.  നവംബർ ഒന്നിന് പത്താം തരവും അടുത്ത ആഴ്ച (നവംബർ എട്ടിന്) എട്ടാം തരവും പതിനഞ്ചാം തീയതി ഒമ്പതാം  തരവും വിദ്യാലയത്തിൽ  വന്നുതുടങ്ങി..

നവംബർ 14 ശിശുദിനം

വിദ്യാരംഗം കലാ സാഹിത്യ വേദിയുടെ നേതൃത്വത്തിൽ കഥ, കവിത,ഗാനാലാപനം പരിപാടികൾ ഓൺലൈനായി നടത്തി. കുട്ടികൾ സജീവമായി പരിപാടികളിൽ പങ്കെടുത്തു എട്ട് എച്ചിലെ സൻഹ  പാട്ടുപാടി  വാട്സആപ്പ് ഗ്രൂപ്പിൽ പോസ്റ്റ് ചെയ്തു. ഭിന്നശേഷിയുള്ള സൻഹയുടെ പങ്കാളിത്തം മികച്ചതായിരുന്നു...

ഡിസംബർ 18 ലോക അറബി ഭാഷാ ദിനം

ലോക അറബി ഭാഷാ ദിനത്തോടനുബന്ധിച്ച് അറബിക് കാലിഗ്രാഫി മത്സരം നടത്തി. ഹൈസ്കൂൾ വിഭാഗത്തിൽ ഫാത്തിമത്തുൽ ജൗഹറ ഒന്നാം സ്ഥാനവും,  ഹംദ അസീസ്  രണ്ടാം സ്ഥാനവും, നഹ്‌ല നസീർ മൂന്നാംസ്ഥാനവും കരസ്ഥമാക്കി...യു.പി. വിഭാഗത്തിൽ സജ്‌വാ സലിം ഒന്നാം സ്ഥാനം കരസ്ഥമാക്കി..

• "വീടാണ് വിദ്യാലയം" കോവിഡ് കാലത്തെ പഠനത്തെ കുറിച്ച് രക്ഷിതാക്കൾക്ക് ബോധവകൽക്കരണം നടത്തി..
• യു.എസ്.എസ് .പരീക്ഷക്ക് ആവശ്യമായ കോച്ചിങ്ങും മോഡൽ പരീക്ഷകളും നടത്തി വരുന്നു.

• 

  പ്രവേശനോൽസവം

• 

  പുതിയ അധ്യയന വർഷത്തിലേക്ക്

• 

  പുതിയ അധ്യയന വർഷത്തിലേക്ക്

• 

  പുതിയ അധ്യയന വർഷത്തിലേക്ക്

• 

  കമ്പിൽ ഹൈസ്കൂൾ യൂണിറ്റ് കെ.എസ്.ടി.എ തെർമ്മൽ സ്കാനർ ഹെഡ്മിസ്ട്രെസ്സിനെ ഏൽപ്പിക്കുന്നു.

• 

  1989 ബാച്ച് പൂർവ്വ വിദ്യാത്ഥികൾ ഫൂട് പെടൽ ടു സാനിറ്റൈസർ സംഭാവന ചെയ്യുന്നു.

• 

  1990  ബാച്ച് പൂർവ്വ വിദ്യാത്ഥികൾ സാനിറ്റൈസർ സംഭാവന ചെയ്യുന്നു.