"കാടാച്ചിറ ഹയർ സെക്കന്ററി സ്കൂൾ, കാടാച്ചിറ" എന്ന താളിന്റെ പതിപ്പുകൾ തമ്മിലുള്ള വ്യത്യാസം
No edit summary |
No edit summary |
||
വരി 106: | വരി 106: | ||
<tr> | <tr> | ||
<td> | <td> | ||
[[ | [[പ്രമാണം:13060 pic 1.jpg |thumb|250px|left |ROHITH GIREESH 12 C ]] | ||
</td> | </td> | ||
<td> | <td> |
17:51, 25 സെപ്റ്റംബർ 2020-നു നിലവിലുണ്ടായിരുന്ന രൂപം
കാടാച്ചിറ ഹയർ സെക്കന്ററി സ്കൂൾ, കാടാച്ചിറ | |
---|---|
![]() | |
വിലാസം | |
കണ്ണൂർ കാടാച്ചിറ പി.ഒ, , കണ്ണൂർ 670621 , കണ്ണൂർ ജില്ല | |
സ്ഥാപിതം | 01 - 06 - 1946 |
വിവരങ്ങൾ | |
ഫോൺ | 04972822990 |
ഇമെയിൽ | kadachira_hs@rediffmail.com |
വെബ്സൈറ്റ് | http://kadachirahss.com |
കോഡുകൾ | |
സ്കൂൾ കോഡ് | 13060 (സമേതം) |
വിദ്യാഭ്യാസ ഭരണസംവിധാനം | |
റവന്യൂ ജില്ല | കണ്ണൂർ |
വിദ്യാഭ്യാസ ജില്ല | കണ്ണൂർ |
സ്കൂൾ ഭരണ വിഭാഗം | |
സ്കൂൾ വിഭാഗം | പൊതു വിദ്യാലയം |
പഠന വിഭാഗങ്ങൾ | എൽ.പി യു.പി ഹൈസ്കൂൾ |
മാദ്ധ്യമം | മലയാളം, ഇംഗ്ലീഷ് |
സ്കൂൾ നേതൃത്വം | |
പ്രിൻസിപ്പൽ | ശ്രീമതി ഷീജ കെ |
പ്രധാന അദ്ധ്യാപകൻ | ശ്രീ സന്തോഷ് കുമാർ കെ |
അവസാനം തിരുത്തിയത് | |
25-09-2020 | Kadachira |
ക്ലബ്ബുകൾ | |
---|---|
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) | |
(സഹായം?) |
കണ്ണൂർ ജിലയിലെ എറ്റവും പഴക്കമേറിയ സ്കൂളുകളിൽ ഒന്നാണ് കാടാച്ചിറ ഹയർ സെക്കന്ററി സ്കൂൾ. കണ്ണൂർ ജില്ലയിൽ തന്നെ കാടാച്ചിറ ഹയർ സെക്കന്ററി സ്കൂളിനേക്കാൾ മുന്നെ പിറന്ന വിദ്യാലയങ്ങൾ വിരലിലെണ്ണാവുന്നവ മാത്രം.
ഒരു മഹത്തായ വിദ്യാലയ സംസ്കാരം എന്നത് ആ വിദ്യാലയത്തിലെ അധ്യാപകരും വിദ്യാർത്ഥികളും അവരുടെ രക്ഷിതാക്കളും കലാലയ അന്തരീക്ഷവും, നാട്ടുകാരുമെല്ലാം ചേർന്ന് രൂപപ്പെടുത്തുന്നതാണ്.
കാടാച്ചിറയുടെയും സമീപപ്രദേശങ്ങളുടെയും സാംസ്കാരിക അടിത്തറയുടെ ആധാരശിലയായി കാടാച്ചിറ ഹയർ സെക്കന്ററി സ്കൂൾ മാറിയതും ഈ ഘടകങ്ങളെല്ലാം സമന്വയിച്ചതുകൊണ്ടുമാത്രമാണ്. സമൂഹത്തിൽ വിവിധമേഘലകളുടെ ഉന്നതങ്ങളിലെത്തിയ എത്രയോ പ്രതിഭകളെ സംഭാവന ചെയ്ത ഈ വിദ്യാലയം നിത്യഹരിതമാർന്ന ഭാവത്തിൽ എന്നും പ്രവർത്തിച്ചുവരുന്നു. ഇടക്കാലത്ത് സംഭവിച്ച അപചയത്തിൽ നിന്ന് പാഠങ്ങൾ ഉൾകൊണ്ടുകൊണ്ട് അച്ചടക്കത്തിലൂന്നിയ വിദ്യാഭ്യാസ സമ്പ്രദായത്തിലൂടെ സാമൂഹിക മാറ്റത്തിന്റെ വക്താക്കളായി വിദ്യാർത്ഥികളെ വളർത്തിയെടുക്കാൻ ഞങ്ങൾ പ്രതിജ്ഞാബദ്ധരായി ശ്രമിക്കുന്നു. ഞങ്ങളിൽ വിശ്വാസമർപ്പിക്കുന്ന വിദ്യാർത്ഥികളുടെയും രക്ഷിതാക്കളുടെയും സംതൃപ്തിയാണ് ഞങ്ങളുടെ ലക്ഷ്യം.
വാർത്തകൾ
സ്വാതന്ത്ര്യദിന പരേഡിൽ ഏറ്റവും മികച്ച ഗൈഡ്സ് ഗ്രൂപ്പിനുള്ള അവാർഡ് കാടാച്ചിറ ഹയർ സെക്കന്ററി സ്കൂളിലെ ട്രൂപ്പിന്
![]() |
![]() |
ഈ വർഷത്തെ എസ് എസ് എൽ സി വിജയശതമാനം 99.5% 197 വിദ്യാർത്ഥികൾ പരീക്ഷയെഴുതിയതിൽ 196 പേരും വിജയിച്ചു.. NMMS, USS സ്കോളർഷിപ് പരീക്ഷകളിൽ ഓരോ വിദ്യാർത്ഥികൾ വീതം വിജയം നേടി. , ഈ വർഷം മനോരമ നല്ലപാഠം , മാതൃഭൂമി സീഡ് എന്നിവയുടെ ജില്ലാതല അംഗീകാരവും നമ്മുടെ സ്കൂളിന് ലഭിച്ചിരുന്നു.
![]() |
|
![]() |
![]() |
ചരിത്രം
![](/images/thumb/6/6f/Khsslogo.png/100px-Khsslogo.png)
![](/images/thumb/a/a5/Khshead.jpg/300px-Khshead.jpg)
![](/images/thumb/f/fb/Schoolkhss.jpg/150px-Schoolkhss.jpg)
![](/images/thumb/7/7b/School113060.jpg/150px-School113060.jpg)
1946 ൽ കാടാച്ചിറയിലെയും സമീപ പ്രദേശങളിലെയും ഹൈസ്കൂൾ വിദ്യാഭ്യാസം ആഗ്രഹിക്കുന്നവർക്ക് നാഴികകൾ താണ്ടി തലശ്ശേരിയിലോ കണ്ണൂരിലോ പോകേണ്ടിയിരുന്ന കാലത്താണ് കാടാച്ചിറ ഹൈസ്കൂൾ പിറവിയെടുക്കുന്നത്. കാടാച്ചിറയിലെയും പരിസരത്തെയും സുമനസ്സുകൾ ചാരിറ്റബൾ സൊസൈറ്റീസ് ആക്റ്റ് അനുസരിച്ച് കാടാച്ചിറ എഡുക്കേഷണൽ സൊസൈറ്റി എന്ന പേരിൽ രജിസ്റ്റർ ചെയ്ത് പ്രവർത്തനമാരംഭിച്ചു. ശ്രീ ടി എം രാധാകൃഷ്ണൻ നമ്പ്യാരുടെയും ശ്രീ രൈരു നായരുടെയും ശ്രമഫലമായി പ്രവർത്തനം മുന്നോട്ടു പോകുകയും കെട്ടിടം നിർമ്മാണം ആരംഭിക്കുകയും ക്ലാസുകൾ തുടങുകയും ചെയ്തു. സബ് രജിസ്ട്രാഫീസിനടുത്ത കെട്ടിടത്തിൽ ആരംഭിച്ച ക്ലാസ് കൗമുദി ടീച്ചറുടെ പിതാവിന്റെ ഔദാര്യത്താൽ അവിടെ തുടർന്ന് പിന്നീട് പണി പൂർത്തിയായ പുതിയ കെട്ടിടത്തിലേക്ക് മാറ്റി. ക്യാപ്റ്റൻ കെ കെ നമ്പ്യാർ, ടി എം രാധാകൃഷ്ണൻ നമ്പ്യാർ, രൈരു നായർ, രയരംകണ്ടി കുഞിരാമൻ തുടങിയവരുടെ നേതൃത്വത്തിൽ സൊസൈറ്റിയിൽ അംഗങളെ ചേർക്കുകയും സംഭാവന സ്വരൂപിച്ച് നിർമ്മാണ പ്രവർത്തനം പൂർത്തിയാക്കുകയും ചെയ്തു. 2010 ആഗസ്റ്റ് മാസം മുതൽ ഈ വിദ്യാലയം ഹയർ സെക്കന്ററിയായി അപ്ഗ്രേഡ് ചെയ്യപ്പെട്ടു. സയൻസ്, ഹ്യുമാനിറ്റിക്സ് കോമേഴ്സ് എന്നി വിഭാഗങളിലായി ഓരോ ബാച്ച് വീതം അനുവദിക്കപ്പെട്ടു.
ഭൗതികസൗകര്യങ്ങൾ
5 കെട്ടിടങ്ങളിലായി ആധുനിക രീതിയിലുള്ള 40 കളാസ് മുറികൾ, വിശാലമായ കളിസ്ഥലം, മികച്ച ബാസ്കറ്റ് ബാൾ കോർട്ട്, ടൈല് പാകിയ ബാറ്റ്മിന്റൻ കോർട്ട്, സുസജ്ജമായ ലൈബ്രറി, 16 കമ്പ്യൂട്ടറുകളും ഇന്ററാക്ടീവ് പ്രൊജക്റ്റർ, FTTH ബ്രോഡ് ബാന്റ് കണക്റ്റിവിറ്റി എന്നി സൗകര്യങളോടുകൂടിയ 2 കമ്പ്യൂട്ടർ ലാബുകൾ, മൾട്ടിമീഡിയ റൂം, യു പി വിഭാഗത്തിന് പ്രത്യേകം കമ്പ്യൂട്ടർ ലാബ്, എല്ലാ വിധ പഠനോപകരണങളോടും കൂടിയ സയൻസ് ലാബ് എന്നീ സൗകര്യങൾ ഈ വിദ്യാലയത്തിനുണ്ട്. എല്ലാ ഭാഗങ്ങളിലേക്കും വാഹന സൗകര്യം ഏർപ്പെടുത്തിയിട്ടുണ്ട്
നേർകാഴ്ച
കോവിഡ് കാലത്തെ ചിത്രരചനകൾ
![]() |
![]() |
![]() |
|
|
|
|
ലിറ്റിൽ കൈറ്റ്സ് യൂണിറ്റ്
കാടാച്ചിറ ഹയർ സെക്കന്ററി സ്കൂളിലെ ലിറ്റിൽ കൈറ്റ്സ് യൂണിറ്റ് 2018 മുതൽ പ്രവർത്തനം ആരംബിച്ചു . ഈ വർഷത്തെ പ്രവർത്തനോദ്ഘാടനം ജൂൺ 6 ന് ബഹുമാനപ്പെട്ട് കടമ്പൂർ ഗ്രാമപഞ്ചായത്ത്റ്റ് പ്രസിഡണ്ട് ശ്രീ കെ ഗിരീശൻ അവർകൾ നിർവഹിച്ചു. 25 അംഗങ്ങളുള്ള ക്ലബിന്റെ നയിക്കുന്നത് കൈറ്റ് മിസ്റ്റ്രസ്സുകളായ്യ ശ്രീമതി കെ ലസിത ടീച്ചർ, ശ്രീമതി സപ്ന ടീച്ചർ എന്നിവരാണ്. അംഗങ്ങൾ വിവിധ മേഖലകളിൽ പരിശീലനത്തിൽ ഏർപ്പെട്ടുവരുന്നു
![]() |
![]() |
പാഠ്യേതര പ്രവർത്തനങ്ങൾ
- സ്കൗട്ട് & ഗൈഡ്സ്, ജൂനിയർ റെഡ് ക്രോസ്
- റോഡ് സുരക്ഷക്ലബ്ബ് (ഗവ. അംഗീകൃതം),
- പരിസ്ഥിതി, ഊർജ്ജക്ലബ്ബുകൾ
- ഓയിസ്ക ഇന്റർനാഷണൽ സ്കൂൾ യൂണിറ്റ്(ലവ് ഗ്രീൻ ക്ലബ്)
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവർത്തനങ്ങൾ.
- ഏറ്റവും മികച്ച ഔഷധത്തോട്ടം
- മികച്ച കായിക വിദ്യാഭ്യാസം
- പ്രവൃത്തിപരിചയ ക്ലബ്ബ്
മാനേജ്മെന്റ്
കാടാച്ചിറ എഡുക്കേഷൻ സൊസൈറ്റിയുടെ കീഴിൽ പ്രവർത്തിക്കുന്നു. ഇപ്പോഴത്തെ മാനേജർ ശ്രീ എം രാമദാസൻ
മുൻ സാരഥികൾ
സ്കൂളിന്റെ മുൻ പ്രധാനാദ്ധ്യാപകർ : ബാലകൃഷ്ണ പണിക്കർ, പി ജി വെങ്കിടേശ്വര അയ്യർ, കൃഷ്ണ അയ്യർ, വി ഗോവിന്ദൻ, ടി വാസുദേവൻ നമ്പ്യാർ, എൻ ബാലകൃഷ്ണൻ നമ്പ്യാർ, ടി എം രാധാകൃഷ്ണൻ നമ്പ്യാർ, വി കേശവൻ നമ്പൂതിരി, പി വി കുഞമ്പു നായർ, എൻ പി രാഘവൻ, ജി ഓമന അമ്മ, ജി ഗോപാലപ്പിള്ള, എ ജയലക്ഷ്മി, പി ഉമാവതി, പി രാജു, കെ ശ്രീധരൻ നായർ, കെ കെ നാരായണൻ, എ രാഘവൻ, എം ഭവാനി, പി കെ നിർമ്മല, ടി ശിവദാസൻ
സാമൂഹ്യ സാംസ്കാരിക രംഗങളിൽ വ്യക്തി മുദ്ര പതിപ്പിച്ച അനേകം പ്രശസ്തരായ അധ്യാപകരുടെ സേവനം ലഭിക്കുവാൻ കാടാച്ചിറ ഹൈസ്കൂളിന് ഭാഗ്യം സിദ്ധിച്ചു. ജില്ലയിലെ ഏറ്റവും മികച്ച ബാസ്കറ്റ് കളിക്കാരിലൊരാളായ ശ്രീ ടി വാസുദേവൻ നമ്പ്യാർ, പ്രമുഖ സാഹിത്യകാരൻ ഡോ. ടി പി സുകുമാരൻ, അനേകം നാടകങൾ രചിക്കുകയും സം വിധാനം ചെയ്യുകയും ജില്ലയ്ക്കകത്തും പുറത്തും അനേകം വേദികളിൽ അവതരിപ്പിക്കുകയും ചെയ്ത ശ്രീ കെ പി അച്ചുതൻ നമ്പ്യാർ, ആശാന്റെ കൃതികൾ ഹിന്ദിയിലേക്ക് വിവർത്തനം ചെയ്ത ശ്രീ കെ ചാത്തുക്കുട്ടി, സംസ്കൃതത്തിൽ അസാമാന്യ പണ്ഡിത്യം നേടിയിരുന്ന ശ്രീ എം നാരായണൻ നമ്പ്യാർ, ശാസ്ത്ര സാഹിത്യ പരിഷത്തിന്റെ സംസ്ഥാന അധ്യക്ഷനായിരുന്ന ശ്രീ സി ജി ശാന്തകുമാർ, ആകാശവാണി സം പ്രേഷണം ചെയ്ത നാടകങളിൽ ശബ്ദം നൽകിയ അനുഗ്രഹീത നടനായിരുന്ന ശ്രീ ടി വി ബാലകൃഷ്ണൻ തുടങിയവർ അവരിൽ ചിലർ മാത്രം
പ്രശസ്തരായ പൂർവവിദ്യാർത്ഥികൾ
ശ്രീ കെ സുധാകരൻ എം പി, ശ്രീ പി ശശി, പുഴക്കൽ വാസുദേവൻ, ശ്രീ കെ സി കടമ്പൂരാൻ തുടങ്ങിയ വർത്തമാനകാല രാഷ്ട്രീയത്തിൽ നിറഞ്ഞുനിൽക്കുന്നവർ, ലോകാധ്യാപക സംഘടനയുടെ നേതാവും കെ എ പി ടി സംസ്ഥാന അധ്യക്ഷനുമായിരുന്ന ശ്രീ എം ടി കുഞ്ഞിരാമൻ നമ്പ്യാർ, പ്രമുഖ സാഹിത്യകാരൻ ഡോ എൻ മുകുന്ദൻ, ജില്ലയിലെ പ്രമുഖ സാംസ്കാരിക പ്രവർത്തകൻ ശ്രീ എൻ കെ കൃഷ്ണൻ, ആകാശവാണിയിലെ ഇപ്പോഴത്തെ പ്രമുഖരിലൊരാളായ ശ്രീ വി ചന്ദ്രബാബു ഇങിനെ പലരും ഈ വിദ്യാലയത്തിലെ പ്രശസ്തരായ പൂർവ്വ വിദ്യാർത്ഥികളാണ്
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
|
{{#multimaps:11.84202,75.437708|zoom=12}}
കുട്ടികളുടെ രചനകൾ
കഥ
ഭക്ഷണത്തിന്റെ രുചി (ഖദീജ ബാനു 6 ബി)
പണ്ടുപണ്ട് ഒരു നാട്ടിൽ അബ്ദുല്ല എന്ന ഒരു പലചരക്കു കച്ചവടക്കാരനുണ്ടായിരുന്നു. ഭാര്യ സുഹ്റയും ബിലാൽ എന്നും റഹീം എന്നും പേരുകളുള്ള രണ്ടു മക്കളും. അതായിരുന്നു അദ്ദേഹത്തിന്റെ കുടുംബം . അവധിക്കാലത്ത് പള്ളിക്കൂടം അടച്ചപ്പോൾ ഒരു ദിവസം അബ്ദുല്ല ബിലാലിനോടും റഹീമിനോടുമായി പറഞ്ഞു: "മക്കളേ ഇനി കുറച്ചു നാളത്തേക്ക് പഠനമൊന്നുമില്ലല്ലോ ... ഇന്ന് പീടികയിലെ ജോലിക്കാരിലൊരാൾ സുഖമില്ലാതെ അവധിയെടുത്തിരുന്നു . അയാളുടെ ജോലി നിങ്ങൾ രണ്ടുപേരും കൂടി ചെയ്താൽ ഉപ്പാക്ക് വലിയ സഹായമാകും . നിങ്ങൾക്ക് ജോലി പഠിക്കുകയും ചെയ്യാം. എന്താ?. അതു കേട്ടപ്പോൾ മൂത്തവനായ ബിലാലിന്റെ കണ്ണുകൾ സന്തോഷത്തോടെ തിളങ്ങി. ഉപ്പയുടെ കടയിൽ പോവുക, അവിടെ എന്തെങ്കിലും ജോലിചെയ്യുക എന്നതൊക്കെ അവന് വലിയ സന്തോഷം നൽകുന്ന കാര്യങ്ങളാണ്. അവനപ്പോൾ തന്നെ ഉപ്പയുടെ കടയിലേക്ക പോകാൻ തയ്യാറായി . എന്നാൽ റഹീമാകട്ടെ ചിന്തിച്ചത് ഇപ്രകാരമാണ്: "ഹും ഉപ്പയുടെ കടയിൽ പോയിരുന്നാൽ കൂട്ടുകാരോടൊപ്പം കളിക്കാൻ പറ്റില്ല. ഉപ്പയെ അനുസരിക്കാതെ വയ്യല്ലോ." പിതാവിന്റെയോ ബിലാലിന്റെയോ കൂടെ മടിച്ചുമടിച്ചാണ് റഹീം കടയിലേക്കു പോകാനൊരുങ്ങുന്നത്. മൂന്ന് പേരും ജോലിക്കു പോകുമ്പോൾ സുഹ്റ തന്റെ രണ്ടു മക്കളേയും വിളിച്ചുവരുത്തി. എന്നിട്ട് ഒരു ഭക്ഷണപൊതി അവരെ ഏൽപ്പിച്ചുകൊണ്ടു പറഞ്ഞു: "മക്കളേ ... ഇത് ഞാൻ നിങ്ങൾക്ക് പ്രത്യേകമായി ഉണ്ടാക്കിയതാണ്. മറന്നു പോകാതെ കഴിക്കണേ... അന്ന് കടതുറന്നത് ബിലാലാണ് വളരെ ഉഝാഹത്തോടയാണ് അവൻ കാര്യങ്ങളെല്ലാം ചെയ്തത്. ഇരിപ്പിടങ്ങളെല്ലാം പൊടിതട്ടി തുടച്ചു വെടിപ്പാക്കി, ചൂലെടുത്ത് അകം നന്നായി തൂത്തുവാരി. കുറച്ചുകഴിഞ്ഞപ്പോൾ അബ്ദുള്ള ധാന്യങ്ങൾ അളന്നു തൂക്കി ചെറിയ പൊതികളിലാക്കാനുള്ള ജോലി അവർക്കു നൽകി . പ്രത്യേകിച്ചു പറയേണ്ടതില്ലല്ലോ, ബിലാലാണ് പിതാവ് ഏൽപ്പിച്ച ജോലി ചെയ്ത്ത് . ഉഷ്ണ കാലത്തെ ചൂടും അധ്വാനവും കാരണം ബിലാൽ നന്നായി വിയർത്തു. എന്നാൽ റഹീമാകട്ടെ, ബിലാൽ ചെയ്യുന്നതെല്ലാം നോക്കി നിൽക്കുകയേ ചെയ്തുള്ളൂ. ഉച്ചയായപ്പോൾ ബിലാലും റഹീമും ഭക്ഷണം കഴിച്ചു . ബിലാൽ വളരെപ്പെട്ടന്നാണ് ഊണ് കഴിച്ചത് അവൻ പറഞ്ഞു : എന്തു രുചിയാ ഈ ഭക്ഷണത്തിന് . റഹീമിന് ഭക്ഷണം ഇഷ്ടപ്പെട്ടില്ലായിരുന്നു. അവർ രണ്ടു പേരും വീട്ടിലെത്തി. നടന്നതെല്ലാം റഹീം വിവരിച്ചു. ഉമ്മ പറഞ്ഞു : മക്കളേ എനിക്കറിയാം , എന്താണുണ്ടായതെന്ന് അധ്വാനിക്കുന്നവന് വിശപ്പുകൂടും. അവർക്ക് ഏതു ഭക്ഷണവും രുചികരവുമായിരിക്കും. അതു കേട്ടപ്പോൾ പാവം, റഹീമിന് വേറെ ഒന്നും പറയാൻ സാധിച്ചില്ല.
|
കഥ
വിഷക്കനി (ഇന്ദീവർ എസ് വിനു 6 ബി)
അമ്മക്കിളിയുടെ കൂടെ കുഞ്ഞിക്കിളി ആദ്യമായി നഗരം കാണാൻ പുറപ്പെട്ടു. വലിയ വലിയ കെട്ടിടങ്ങളും, വാഹനങ്ങളും പരിഷ്ക്കാരികളായ ആളുകളേയും അമ്മക്കിളി , കുഞ്ഞിക്കിളിക്ക് കാട്ടിക്കൊടുത്തു. അവൾ കൗതുകത്തോടെ ഓരോന്നു നോക്കിക്കണ്ടു. പറന്നുപോകുന്നതിനിടെ കുഞ്ഞിക്കിളിക്ക് ധാരാളം പഴക്കടകളും മാർക്കറ്റും കാട്ടിക്കൊടുത്തു . പഴക്കടകൾ കണ്ട കിളിക്കുഞ്ഞ് അതിശയിച്ചുപോയി. വിവിധനിറങ്ങളിൽ , രൂപങ്ങളിൽ എത്രയെത്ര തരം പഴങ്ങളാണ്, മിക്കതും കുഞ്ഞിക്കിളി ഇതുവരെ കണ്ടിട്ടുപോലുമില്ല. കൂടകളിലും, സ്റ്റാന്റുകളിലും , കെട്ടിത്തൂക്കിയുമൊക്കെ വച്ചിരിക്കുന്ന പഴങ്ങൾ കണ്ട് കിളിക്കുഞ്ഞിന് കൗതുകവും കൊതിയും തോന്നി. അവയിൽ കുറച്ച് കിട്ടിയെങ്കിലെന്ന് അവളാഗ്രഹിച്ചു. ഇത്രയും ദൂരം പറന്നതിന്റെ ക്ഷീണംവും തിളങ്ങുന്ന പഴങ്ങളോടുള്ള ആർത്തിയും കുഞ്ഞിക്കിളിയേ മുന്നോട്ട് പറക്കാൻ അനുവദിച്ചില്ല. അവളമ്മയോട് പറഞ്ഞു, അമ്മേ എനിക്കിനി എന്തെങ്കിലും കഴിക്കണം അല്ലാതെ പറക്കാനാവില്ല, വിശക്കുന്നു, നോക്കൂ ആ കടയിൽ എന്തൊക്കെ പഴങ്ങളാണ് അതെനിക്കുവേണം. വരുമ്പോൾ വയറു നിറയെ ഭക്ഷണം കഴിച്ചിട്ടല്ലേ നീ വന്നത് , അമ്മ ചോദിച്ചു. പിന്നെ ഇത്രവേഗം വിശന്നുപോയോ, അപ്പോൾ കടയിലെ ചുവന്നുതുടുത്ത പഴങ്ങൾ കാണിച്ച് കിളിക്കുഞ്ഞ് അമ്മയോട് പറഞ്ഞു . അത് നോക്കമ്മേ എനിക്കിതുവരെ അത് കിട്ടിയിട്ടില്ലല്ലോ. അമ്മക്കിളി കുഞ്ഞിക്കിളിയേയും കൊണ്ട് ഒരു കെട്ടിടത്തിന്റെ മുകളിൽ ചെന്നിരുന്നു. എന്നിട്ട് സാവധാനം കുഞ്ഞിക്കിളിയോട് പറഞ്ഞു, മോളേ, നീ ആ കാണുന്ന പഴങ്ങൾ കാണാൻ വളരെ ഭംഗിയുള്ളതാണ്, ആർക്കായാലും ആഗ്രഹം തോന്നും. എന്നാൽ അതൊക്കെ കഴിച്ചാൽ നിന്റെ കുഞ്ഞു ശരീരം വിഷമയമാകും, അവയിലൊക്കെ മനുഷ്യർ ഒരു ദയയുമില്ലാതെ ഒരുപാട് മരുന്നുകൾ കുത്തിനിറച്ചിരിക്കുകയാണ് , കാണാനേകൊള്ളൂ, കഴിക്കാൻ കൊള്ളത്തില്ല. നമുക്ക് ഇത്തിരിനേരം ഇവിടെ വിശ്രമിച്ചിട്ട് ഗ്രാമത്തിലേക്ക് തിരിച്ചു പോകാം . അവിടെ എത്തിയാൽ നിനക്കമ്മ ഇഷ്ടംപോലെ ഭക്ഷണം തരാം. അമ്മയുടെ വാക്കുകൾ കേട്ട് കുഞ്ഞിക്കിളി പഴക്കടയിലെ പഴങ്ങളെ നോക്കിക്കൊണ്ട് മിണ്ടാതെ ഇരുന്നു.
|
കഥ
എന്റെ മകൾ (നജ കെ പി 6 ബി)
ഒരു ഗ്രാമത്തിൽ ഒരു കൊച്ചുപെൺകുട്ടിയും ഒരു അമ്മയും ഉണ്ടായിരുന്നു. അവർ പാവപ്പെട്ടവരായിരുന്നു. ആ പെൺകുട്ടിയുടെ പേരാണ് സീത. അവളുടെ അമ്മയുടെ പേര് കല്ല്യാണി എന്നുമായിരുന്നു. സീതക്ക് അച്ഛനില്ല അവൾ ഒറ്റ ഒരു മകൾ മാത്രമാണ്. അവളുടെ അമ്മ വളരെ പാവമാണ്. അവരുടെ മകൾക്ക് ഒരു നല്ല ഭാവിജീവിതം ഉണ്ടാകണമെന്നുമായിരുന്നു അവരുടെ ആഗ്രഹം. സീത ഒന്നാം ക്ലാസിൽ പഠിക്കുന്നവളാണ്. അവളുടെ സ്കൂളിൽ അവളുടെ കാശ് അടക്കാൻ കല്ല്യാണിയുടെ കയ്യിൽ പൈസയൊന്നുമുണ്ടായിരുന്നില്ല. പാവം! അവർ അതിന് വേണ്ടി ദൂരെ ഒരു ജോലിക്ക് പോയി. അവർക്ക് ഒരു ജോലി കിട്ടി. വലിയ ബംഗ്ലാവിലാണ് ജോലി. പക്ഷെ സീത സ്കൂളിൽ പോയി വരുമ്പോൾ അവിടെ അമ്മയെ കാണാത്തതിനാൽ അവൾ എപ്പോഴും സങ്കടപ്പെട്ടു. അങ്ങനെ അവരുടെ പണിയൊക്കെ കഴിഞ്ഞ് ഒരു കൊല്ലത്തെ വരുമാനവും കൊണ്ട് അവർ അവരുടെ വീട്ടിൽ തിരിച്ചെത്തി. അങ്ങനെ അവളുടെ സ്കൂൂളിലെ കാശ് കൊടുത്തു. പക്ഷെ അവർക്ക് തിന്നാനും പുതിയ വസ്ത്രങ്ങൾ വാങ്ങാനൊന്നും ആ കാശ് തികഞ്ഞില്ല. അതുകൊണ്ട് അവർ ജോലിക്ക് വീണ്ടും പോയി. പക്ഷെ, അവരുടെ മകളെപ്പറ്റി അവർ ഒാർത്തില്ല. അവർ അവളെ വിട്ട് പോയി. അങ്ങനെ കുറേ ദിവസം കടന്നുപോയി. സീത നാലഞ്ചുദിവസം പട്ടിണിയാണ്. അങ്ങനെ ഒരു ദിവസം ഒരു അപരിചിതൻ അവളുടെ വീട്ടിലേക്ക് വന്നു. എന്നിട്ട് കുറച്ച് മിഠായി കാണിച്ചു പറഞ്ഞു. 'നീ എന്റെ കൂടെ വന്നാൽ ഞാൻ നിനക്ക് മിഠായി തരാം'. അവൾ ഒന്നും നോക്കാതെ അപരിചിതന്റെ കൂടെ പോയി. അപരിചിതന്റെ മനസ്സാണെങ്കിൽ വെറും കറുപ്പാണ്. അവളെ കൂട്ടി കൊണ്ടുപോയിട്ട് തീയെടുത്തിട്ട് കൈയിൽ ഉരച്ചുകൊടുത്തു. അവൾ അമ്മാ എന്ന് വിളിച്ച് കരഞ്ഞു. എന്നിട്ട് അവളെ പിച്ചക്കായി വിട്ടു. അവൾ എപ്പോഴും ഒാർത്തു കുറേ പൈസ ഉണ്ടാക്കിയാൽ ഇദ്ദേഹം എന്നെ വീട്ടിൽ കൊണ്ടാക്കിയാലോ എന്ന് അവൾ ചിന്തിച്ചു. അങ്ങനെ എപ്പോഴും പൈസ ഉണ്ടാക്കിക്കൊടുക്കും. പക്ഷെ അവൻ അവളെ വിട്ടില്ല. അങ്ങനെ കുറേ കാലം കഴിഞ്ഞപ്പോൾ സീതയുടെ അമ്മ വീട്ടിൽ തിരിച്ചെത്തി. സീതയെ കാണാതെ അമ്മ പരിഭ്രാന്തിയോടെ കരഞ്ഞു. എന്റെ മോളേ നീ എവിടേ, എന്ന്. അവർ കാര്യം മനസ്സിലാക്കി, അവൾ ആരുടെയോ കൂടെ പോയി എന്നത്. അവർ അങ്ങനെ കുറേ സ്ഥലങ്ങളിൽ പോയി തിരഞ്ഞു. പക്ഷെ അവർക്ക് കണ്ടുപിടിക്കാൻ സാധിച്ചില്ല. സീതക്ക് അവളുടെ അമ്മയെ കാണണമെന്നു തോന്നി. അവൾ ഭിക്ഷയ്ക്ക് പോയപ്പോൾ കാശുമെടുത്ത് ഒറ്റയോട്ടം. അവിടെയുള്ള ഒരു മലയുടെ മേലോട്ട് ഒാടി എന്നിട്ട് താഴോട്ടേക്കും ഒാടി. അവളുടെ അമ്മ അവിടെയുണ്ടായിരുന്നു. അവർ അവളെ അവിടെ തിരയാൻ വന്നതായിരുന്നു. അവളുടെ കണ്ണുകൾ നിറഞ്ഞു. അമ്മേ, എന്ന് വിളിച്ച് കരഞ്ഞുകൊണ്ടോടി. അമ്മ ഒച്ച കേട്ട് തിരിഞ്ഞുനോക്കുമ്പോൾ സീത. അവർ കരഞ്ഞുകൊണ്ട് മോളെ ഒാടിപ്പോയി കെട്ടിപ്പിടിച്ചു. സീത പറഞ്ഞു:ഇതാ നമുക്ക് ജീവിക്കാനുള്ള കാശ്. അമ്മ നിറഞ്ഞ കണ്ണുകൾ തുടച്ചിട്ട് പറഞ്ഞു: എനിക്ക് ഇതൊന്നും വേണ്ട മോളേ, എനിക്ക് നിന്നെ മതി. അങ്ങനെ അവർ സന്തോഷത്തോടെ ജീവിച്ചു.
|
കഥ
തിരിച്ചറിവ് ( ഇന്ദിവർ എസ് വിനു 6 ബി)
ഒരു ദിവസം ഞാനും എന്റെ അനിയത്തിയും വീട്ടുമുറ്റതത് കുളിച്ചുകൊണ്ടിരിക്കുകയായിരുന്നു. സന്ധ്യയായി അകത്തേക്കുകേറിവാ, ഗേറ്റിനു പുറത്തേക്ക് പോകരുത്, നാട്ടിൽ നിറയെ പിള്ളേരുപിടുത്തക്കാരുള്ളതാ, അമ്മ അങ്ങനെ പലതും അടുക്കളയിൽനിന്ന് വിളിച്ചു പറയുന്നുണ്ടായിരുന്നു അപ്പോഴാണ് ഞാനക്കാര്യം ശ്രദ്ധിച്ചത് കുറേ കാക്കകൾ കരഞ്ഞുകൊണ്ട് വട്ടംചുറ്റിപ്പറക്കുന്നു. അനിയത്തിയെ ഗേറ്റിനുള്ളിൽ നിർത്തി ഞാൻ പതുക്കെ പുറത്തു കടന്നു, നോക്കുമ്പോഴതാ ഒരു നായക്കുട്ടി റോഡരികിൽ അതിന്റെ മുഖം ഒരു പ്ലാസ്റ്റിക്ക് കുപ്പിയിൽ കുടുങ്ങിപ്പോയിരിക്കുന്നു. അത് വല്ലാതെ പേടിച്ച് അങ്ങോട്ടുമിങ്ങോട്ടും ഓടുന്നുണ്ട്. അത് കണ്ടപ്പോൾ എനിക്ക് ചിരിവന്നു. അല്പ്പം കഴിഞ്ഞ് നായക്കുട്ടി ഏതോ വീട്ടുവളപ്പിലേക്ക് ഓടിക്കയറി ഒപ്പം കാക്കക്കൂടട്ടവും. നേരം രാത്രിയായി, എല്ലാ ദിവസവും രാത്രി ഭക്ഷണം കഴിഞ്ഞാൽ ഞങ്ങളെല്ലാവരും ഒന്നിച്ചിരുന്ന് വിശേഷങ്ങൾ പറയുന്ന പതിവുണ്ട്. അന്ന് രാത്രി ഞാൻ നായക്കുട്ടിയുടെ കാര്യം അച്ചനോടും അമ്മയോടുമൊക്കെയായി പറഞ്ഞു. അവരുടെ സംസാരത്തിൽ നിന്നാണ് അതിന്റെ സീരിയസ്സ്നെസ്സ് എനിക്ക് മനസ്സിലായത്. പ്ലാസ്റ്റിക്ക് അലക്ഷ്യമായി വലിച്ചെറിയുന്നതിന്റെ ദൂഷ്യഫലങ്ങൾ അവർ പറഞ്ഞു തന്നു. കൂടെ ആ നായയുടെ കഷ്ടസ്ഥിതിയും. അന്ന് രാത്രി എനിക്ക് ഉറങ്ങാനേ പറ്റിയില്ല. നായക്കുട്ടിചത്ത് പോകുമോ, ഇതൊക്കെയായിരുന്നു എന്റെ ചിന്ത. പിറ്റേന്ന് രാവിലെ ഞാനെഴുന്നേറ്റ് നായക്കുട്ടിയെ തിരഞ്ഞെങ്കിലും കണ്ടെത്താനായില്ല. രണ്ട് ദിവസം കഴിഞ്ഞപ്പോൾ നായയെ വീണ്ടും കണ്ടു. റോഡിന്റെ സൈഡിൽ നായ തളർന്നിരിക്കുന്നുണ്ടായിരുന്നു. ആരൊക്കെയോ നായയുടെ മുഖത്തെകുപ്പി അഴിക്കാൻ ശ്രമിച്ചെങ്കിലും നായ കുതറിയതിനാൽ അഴിച്ചെടുക്കാൻ കഴിഞ്ഞില്ല. നായക്കുട്ടിയുടെ അവസ്ഥ എന്നെ വല്ലാതെ വിഷമിപ്പിച്ചു. ആരും കാണാതെ ഞാൻ കരഞ്ഞു. പിറ്റേന്നു രാവിലെ നോക്കുമ്പോൾ നായ തീരെ അവശനായി കാണപ്പെട്ടു. നാട്ടുകാർ അടുത്തേക്ക് വരുമ്പോൾ അതിന് അനങ്ങാൻ പോലും വയ്യാതായി. നല്ലവരായ കുറച്ച് ചേട്ടന്മാർ അതിനെ പിടിച്ച് മുഖത്തെ കുപ്പി എടുത്തുമാറ്റി. അതിനുശേഷം നായക്കുട്ടിയെ അടുത്തുള്ള ഷെഡ്ഡിലേക്ക് മാറ്റി അതിന് വെള്ളവും ഭക്ഷണവും നൽകി. നായക്കുട്ടി ആർത്തിയോടെ കഴിച്ചു തുടങ്ങി. എനിക്ക് സന്തോഷമായി. രണ്ട് ദിവസത്തിനുള്ളിൽ നായക്കുട്ടി ഉഷാറായി. അത് വേഗത്തിൽ ഓടാനും മറ്റ് നായകളോട് ചേർന്ന് കളിക്കാനും തുടങ്ങി. ഈ സംഭവം എന്നെ പ്ലാസ്റ്റിക്ക് അലക്ഷ്യമായി വലിച്ചെറിയുന്നതിന്റെ ദൂഷ്യഫലങ്ങളെക്കുറിച്ച് മനസ്സിലാക്കിത്തരാൻ സഹായിച്ചു. അതിനുശേഷം ഞാനൊരു മിഠായിക്കടലാസുപോലും തോന്നിയപോലെ വലിച്ചെറിയാറില്ല. എന്റെ ഈ കൊച്ചുകഥയിലൂടെ എനിക്കു പറയാനുള്ളത് ശ്രദ്ധയോടെ മാത്രം കൈകാര്യം ചെയ്യണം എന്നാണ്. നമ്മുടെ അശ്രദ്ധ മറ്റുപല അപകടങ്ങൾക്കും നമ്മളറിയാതെ കാരണമാകുമെന്നറിയുക.
|
കവിത
ഒാർമകൾ എന്നുമുണ്ടുകൂടെ (അഹല്യ സി 9 ഇ)
കാലമെന്നെ തനിച്ചാക്കിയാലും നിന്നോർമകൾ എന്നുമുണ്ടുകൂടെ ഒരായിരം സ്വപ്നങ്ങൾ നെയ്തുകൂട്ടീ നാം ഒരു ചില്ലുകൊട്ടാരം പോൽ തകർന്നുവീണു ചന്ദ്രികയില്ലാ രജനിപോലിന്നെന്റെ ജീവിതം തീരാത്ത നോവാണ് നീയും നിൻ മൊഴികളും ഉഷസിന്റെ കിരണങ്ങൾ നീയായിരുന്നു ഇന്നു നീ നോവായി മാറിടുന്നു ഒരു നോക്കുകാണുവാൻ ഒരു നോക്കു മിണ്ടുവാൻ സാധ്യമല്ലാത്ത സ്വപ്നങ്ങളാണു നീ എന്നെങ്കിലും കാണുമോ വീണ്ടും അറിയാതെ വിതുമ്പുന്നു ഞാൻ |
കവിത
തൂവൽ (അനുശ്രീ സി 10 സി )
ഞാൻ പാർത്ത ചില്ലതൻ കൂട്ടിൽ നിന്നും ഒരു കിളിതൂവൽ ഞാൻ കണ്ടെടുത്തു വെയിലുദിക്കും മുമ്പേ ചാഞ്ഞതാവാം മഴയത്തു കേറി നിന്നതാവാം ഞാനില്ലാ നേരത്തു ഇന്നിവിടെ ആരോ കണ്ണീർ പൊഴിച്ചതാവാം വെയിലില്ല മഴയില്ല പുഴയുമല്ല കാറ്റല്ല മണ്ണും മനുഷ്യനല്ല ഒരുനേരം തലചായ്ക്കുുവാനായി ഇടംനോക്കുന്ന പാവം മൃഗങ്ങളല്ല വൃക്ഷതലപ്പല്ല ഇലയുമല്ല പൂച്ചില്ലകളിൽ പൂക്കുന്ന പൂവുമല്ല മാനത്തുകൂടി പറക്കുന്ന പക്ഷിക്കൂട്ടിൽ ആരുടെയോ കണ്ണുനീർ |
തയ്യാറാക്കിയത് ലിറ്റിൽ കൈറ്റ്സ് അംഗങ്ങൾ
ചിത്രങ്ങൾ
പ്രവർത്തനങ്ങൾ
അധ്യാപകദിനം
അധ്യാപക ദിനത്തിൽ കുട്ടികൾ അധ്യാപകരായി.
![]() |
![]() |
![]() |
കേരളത്തിനൊരു കൈത്താങ്ങ്
ചരിത്രം ഇതുവരെ കാണാത്ത വിധത്തിൽ കേരളം പ്രളയക്കെടുതിയിൽ അകപ്പെട്ടപ്പോൾ ദുരന്തമുഖങ്ങളിൽ പകച്ചുപോയവർക്ക് സാന്ത്വനവുമായി കാടാച്ചിറ ഹയർ സെക്കന്ററി സ്കൂൾ കുട്ടികളെത്തി. ഒറ്റ ദിവസം കൊണ്ട് സമാഹരിച്ച വസ്തുക്കൾ അധ്യാപകരുടെയും മാനേജ്മെന്റിന്റെയും നേതൃത്വത്തിൽ മാതൃഭൂമി ഓഫീസിൽ എത്തിച്ചു. കൂടാതെ കുട്ടികൾ വീണ്ടും ധനശേഖരണം നടത്തിവരുന്നു.
![]() |
![]() |
![]() |
സ്വാതന്ത്ര്യദിനാഘോഷം
പ്രധാനാധ്യാപകനും സഹപ്രവർത്തകരും വിദ്യാർത്ഥികളും സ്വാതന്ത്ര്യദിനചടങ്ങിൽ പങ്കെടുത്തു. പ്രധാനാധ്യാപകൻ ശ്രീ കെ സന്തോഷ് കുമാർ പതാക ഉയർത്തി. തുടർന്ന് സ്വാതന്ത്ര്യദിന ക്വിസ് മത്സരം, ദേശഭക്തിഗാനമത്സരം എന്നിവയുണ്ടായി
![]() |
![]() |
ചരിത്രമറിയാൻ യുവതലമുറ
കാടാച്ചിറ ഹയർസെക്കന്ററി സ്കൂളിന്റെയും കൗമുദി ടീച്ചറുടെയും ചരിത്രമറിയാൻ യുവ തലമുറ അന്വേഷണയാത്രയിൽ. കാടാച്ചിറ ഹൈ സ്ക്കൂളിലെ പൂർവ്വവിദ്യാർത്ഥിയും പൂർവ്വ അധ്യാപകനുമായ ശ്രീ നാണുമാസ്റ്ററുടെ വീട്ടിലെത്തിയാണ് കുട്ടികൾ ചരിത്രം പഠിക്കാൻ ശ്രമിച്ചത്. സോഷ്യൽ സയൻസ് അധ്യാപകർ നിർദ്ദേശങ്ങളുമായി കൂടെയുണ്ടായിരുന്നു.
![]() |
![]() |
ഔഷധത്തോട്ടം
കാടാച്ചിറ ഹയർ സെക്കന്ററി സ്കൂളിന്റെ ഒരു സ്വകാര്യ അഹങ്കാരമാണ് ഈ വിദ്യാലയത്തിലെ ഔഷധത്തോട്ടം. നിരവധി പുരസ്കാരങ്ങൾ നേടിയിട്ടുള്ള ഈ ഔഷധതോട്ടത്തിൽ 500 ൽ അധികം ഔഷധ സസ്യങ്ങൾ വളരുന്നു. ജില്ലയിലെ ഏറ്റവും വലിയതും വൈവിധ്യമാർന്നതുമാണ് ഈ സ്കൂൾ ഔഷധത്തോട്ടം. അത്തി, ഇത്തി, രുദ്രാക്ഷം, ഭദ്രാക്ഷം,, ദന്തപ്പാലം, കുടകപ്പാല, ചന്ദനം, രക്തചന്ദനം, നാഗലിംഗപൂമരം, കരിങ്ങാലി, കറപ്പ, നെല്ലി തുടങ്ങി അപൂർവ്വങ്ങളായ ഔഷധ സസ്യങ്ങൾ ഇവിടെ പരിപാലിക്കപ്പെട്ടുവരുന്നു.
![]() |
![]() |
![]() |
![]() |
![]() |
![]() |
കൂടെയുണ്ട് നാട് - കുട്ടനാട്ടിലെ കൂട്ടുകാർക്ക് സാന്ത്വനം
കുട്ടനാട്ടിലെ സ്കൂളുകളിൽ പഠിക്കുന്ന കൂട്ടുകാർക്കായി നല്ലപാഠം പ്രവർത്തകർ നോട്ടുപുസ്തകങ്ങളും പഠന സാമഗ്രികളും ശേഖരിച്ചു. നല്ലപാഠത്തിന്റെ പ്രളയബാധിതരെ സഹായിക്കാനുള്ള "കൂടെയുണ്ട് നാട്" പദ്ധതിയുടെ ഭാഗമായി ശേഖരിച്ച പഠനോപകരണങ്ങൾ ജില്ലാ ആസ്ഥാനത്ത് എത്തിച്ചു
![]() |
'കഥകളതി സാദരം പ്രദർശനം
കാടാച്ചിറ ഹയർ സെക്കണ്ടറി സ്കൂൾ നല്ലപാഠം ക്ലബ്ബിന്റെ നേതൃത്വത്തിൽ സംസ്കൃത കൗൺസിലിന്റേയും, ലവ് ഗ്രീൻ ക്ലബ്ബിന്റേയും സഹകരണത്തോടെ രാമായണപുസ്തക പ്രദർശനം, കർക്കിടക മാസ ആരോഗ്യ പരിചരണ പോസ്റ്റർ പ്രദർശനം, പഠിപ്പുര പഠന സഹായി പ്രദർശനം ,മനോരമ ഡൈജസ്റ്റ് പ്രോജക്റ്റ് പോസ്റ്റർ പ്രദർശനം, ദശപുഷ്പ ഔഷധസസ്യ ചാർട്ട് പ്രദർശനം തുടങ്ങിയവ സംഘടിപ്പിച്ചു പ്രദർശനോദ്ഘാടനം പി.ടി.എ .പ്രസിഡണ്ട് ജനാർദ്ദനൻ മാസ്റ്റർ നിർവഹിച്ചു.തുടർന്ന് രാമായണത്തിന്റെ വർത്തമാനകാല പ്രസക്തി ,വിഷയത്തിൽ എൻ .കെ ജിഷ്ണു പ്രഭാഷണം നടത്തി.
![]() |
![]() |
![]() |
![]() |
ഉന്നത വിജയം നേടിയവർക്ക് ആദരം
ഇക്കഴിഞ്ഞ SSLC, USS,, NMMS പരീക്ഷകളിൽ ഉന്നത വിജയം നേടിയവർക്കുള്ള പുരസ്കാരങ്ങൾ ബഹു. കടമ്പൂർ ഗ്രാമപഞ്ചായത്ത് പ്രസിഡണ്ട് ശ്രീ കെ ഗിരീശൻ വിതരണം ചെയ്തു
![]() |
![]() |
നാഗസാക്കി ദിനം അനുസ്മരണം
സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ സ്കൂളിൽ നാഗസാക്കി ദിനത്തോടനുബന്ധിച്ച് പോസ്റ്റർ പ്രദർശനം നടത്തി
![]() |
![]() |
ശാസ്ത്ര പുസ്തക പ്രദർശനം
കുട്ടികളിൽ വായനാശീലം വളർത്തുന്നതിനോടൊപ്പം ശാസ്ത്രാവബോധം ഉണ്ടാക്കുക എന്ന ലക്ഷ്യത്തോടെ ശാസ്ത്ര പുസ്തക പ്രദർശനം നടത്തി. സ്കൂൾ ശാസ്ത്ര ക്ലബ്ബായ ഭൗമയുടെ അംഗങ്ങളായിരുന്നു ഈ പ്രദർശനം സംഘടിപ്പിച്ചത്. കൂടാതെ മാസത്തിൽ ഒന്നോ രണ്ടോ തവണകളിലായി ശാസ്ത്രനിരീക്ഷണ പരീക്ഷണ ക്ലാസുകളും സംഘടിപ്പിച്ചുവരുന്നു.
![]() |
![]() |
മലയാളം ഭാഷയിൽ പിന്നാക്കം നിൽക്കുന്നവർക്കുള്ള ശില്പശാല
പിന്നാക്കം നിൽക്കുന്ന വിദ്യാർത്ഥികൾക്ക് ഉച്ച സമയത്തും വൈകുന്നേരങ്ങളുമായി ഊർജ്ജിത പരിശീലനം നൽകിവരുന്നു. 'മലയാളം അധ്യാപകരായ ബബിന, വീണ, മൃദുല ,ഷീന, എന്നിവർ നേതൃത്വം നൽകുന്നു.
![]() |
![]() |
![]() |
പാമ്പ്, മിഥ്യയും യാഥാർത്ഥ്യവും ക്ലാസ്
കാടാച്ചിറ ഹയർ സെക്കന്ററി സ്കൂൾ ശാസ്ത്ര ക്ലബ്ബിന്റെ ആഭിമുഖ്യത്തിൽ പ്രസാദ് ഫാൻസ് അസോസിയേഷന്റെ സഹകരണത്തോടെ പാമ്പ് മിഥ്വയും യഥാർഥ്യവും എന്ന വിഷയത്തിൽ വീഡിയോ ക്ലാസ് നടത്തി. പി.ടി.എ പ്രസിഡണ്ട് ജനു ആയിച്ചാൻ കണ്ടി അധ്യക്ഷനായി. പ്രിൻസിപ്പാൾ കെ ഷീജ ബിജു കടയപ്രത്ത് എന്നിവർ പ്രസംഗിച്ചു.നിധീഷ് ചാലോട്, മനോജ് കാമനാട്ട്, ബോബൻ എന്നിവർ ക്ലാസെടുത്തു.
![]() |
![]() |
![]() |
കൃഷിപാഠത്തിന്റെ ആവേശം നുകർന്ന് പരിസ്ഥിതി ക്ലബ് പ്രവർത്തകർ
മാവിലായി വയലിലെ കൊയ്ത്തുത്സവം ആഘോഷമാക്കിമാറ്റുകയായിരുന്നു കാടാച്ചിറ ഹയർ സെക്കന്ററി സ്കൂളിലെ പരിസ്ഥിതി ക്ലബ്ബ്. രാവിലെ 10 മണിക്ക് ആരംഭിച്ച നെൽ കൊയ്ത്ത് 12 മണിയായപ്പോഴേക്കും ആവേശപൂർവ്വം നാടൻ പാട്ടിന്റെ അകമ്പടിയോടെ തീർക്കുകയായിരുന്നു വിദ്യാർത്ഥികളും അധ്യാപകരും . മാവിലായിയിലെ ശ്രീ ബാലകൃഷ്ണൻ, മനോജ് എന്നിവരുടെ നെൽവയലിലായിരുന്നു കൊയ്ത്ത് . കൃഷിരീതികളും നാട്ടറിവുകളും പറഞ്ഞുകൊടുക്കാൻ ഇവരും സമീപങ്ങളിലെ ആദ്യകാലകർഷകരും കൂട്ടിനുണ്ടായിരുന്നു. പി ടി എ പ്രസിഡന്റ് ശ്രീ ജനു ആയിച്ചാങ്കണ്ടി വൈസ് പ്രസിഡണ്ട് ശ്രീ ടി എച്ച് രാധാകൃഷ്ണൻ, ഹെഡ് മാസ്റ്റർ ശ്രീ കെ സന്തോഷ് കുമാർ, രാജീവ് കുമാർ, ജീവൻ കുമാർ, ബിജു കടയപ്രത്ത്, രേഷ്മ പി, ശ്രീപാർവ്വതി, ഷീന വി കെ എന്നിവർ കുട്ടികൾകൊപ്പം കൊയ്യാനുണ്ടായിരുന്നു
![]() |
![]() |
പരിസ്ഥിതി ക്ലബ്ബുകളുടെ പ്രവർത്തനോദ്ഘാടനം
പരിസ്ഥിതി ക്ലബ്ബിന്റെയും സീഡ് നല്ലപാഠം ക്ലബ്ബുകളുടെയും ഓയിസ്ക ലവ് ഗ്രീൻ ക്ലബ്ബിന്റെയും പ്രവർത്തനോദ്ഘാടനം ജൂൺ 5 ന് നടന്നു. ഹെഡ്മാസ്റ്റർ ശ്രീ കെ സന്തോഷ് കുമാറിന്റെ അധ്യക്ഷതയിൽ പി ടി എ പ്രസിഡണ്ട് ശ്രീ ജനു ആയിച്ചാങ്കണ്ടി നിർവഹിച്ചു. വേനൽക്കാലത്ത് നട്ടുനനച്ച പച്ചക്കറികളുടെ വിളവെടുപ്പും അന്നു നടന്നു. കൂടാതെ മലയാളത്തിലെ 51 അക്ഷരങ്ങളെ പരിചയപ്പെടുത്തിക്കൊണ്ട് 51 തരം ഫലവൃക്ഷങ്ങൾ നട്ടുകൊണ്ട് അക്ഷരവൃക്ഷോദ്യാനവും ഉണ്ടാക്കി.
![]() |
![]() |
![]() |
ശുചീകരണവും ഇലയറിവ് ക്ലാസും
ചാലത്തോടിന് സമീപത്ത് ശുചിത്വ സമിതിയുടെ നേതൃത്വത്തിൽ നടത്തിവരുന്ന കൃഷിയിടത്തിൽ സംഘടിപ്പിച്ച ശുചീകരണ പ്രവർത്തനത്തിലും തുടർന്ന് നടത്തിയ ഇലയറിവ് ക്ലാസ്സിലും കാടാച്ചിറ ഹയർ സെക്കന്ററി സ്കൂളിലെ നല്ല പാഠം പ്രവർത്തകർ പങ്കെടുത്തു. ശുചിത്വ സമിതി കൺവീനർമാരായ കെ.വി ചന്ദ്രൻ കെ ചന്ദ്രൻ മാസ്റ്റർ രാഘവൻ എന്നിവരോടൊപ്പം കോർപ്പറേഷൻ കൗൺസിലർ പി കെ പ്രീതയും പരിപാടിക്ക് നേതൃത്വം നൽകി. മാലിന്യ ഭൂമിയെ മനോഹരമായ വാഴത്തോപ്പാക്കി മാറ്റിയതിന്റെ നേർക്കാഴ്ച കുട്ടികൾക്ക് ആവേശമായി. ഒരു കാലത്ത് മാലിന്യഭൂമിയായിരുന്ന ഈ പ്രദേശം കഴിഞ്ഞ വർഷം കാടാച്ചിറ ഹയർ സെക്കൻഡറി സ്കൂളിലെ വിദ്യാർത്ഥികൾ കൂടി മുൻകൈ എടുത്തായിരുന്നു ശുചീകരിച്ച് കൃഷി ഭൂമിയാക്കി മാറ്റിയത്. കൃഷിയിടത്തിലെ ശുചീകരണ പ്രവർത്തനങ്ങളിൽ, കുട്ടികളോടെപ്പം അദ്ധ്യാപകരും പങ്കെടുത്തു.
![]() |
![]() |
പിറന്നാൾ മധുരം കാരുണ്യമാക്കി സീഡ് നല്ലപാഠം പ്രവർത്തകർ
പിറന്നാൾ മധുരം കാരുണ്യമാക്കി കൊണ്ട് കാടാച്ചിറ ഹയർ സെക്കന്റെറി സ്കൂളിലെ സീഡ് നല്ലപാഠം പ്രവർത്തകർ മാതൃകയായി. പിറന്നാൾ ദിനത്തിൽ മിഠായി വാങ്ങുന്നതിനു പകരമായി ഒരു തുക മാറ്റിവെച്ചുകൊണ്ടുള്ള 'പിറന്നാൾ മധുരം' എന്ന പദ്ധതിയിലൂടെ ശേഖരിച്ച തുകയുമായാണ് കുട്ടികൾ സാന്ത്വന പരിചരണത്തിലേർപ്പെടാൻ താല്പര്യം കാണിച്ചത്. മുഴപ്പിലങ്ങാട് തറവാട് എന്ന സ്നേഹ മന്ദിരത്തിലെ അന്തേവാസികൾക്കാണ് അരി, ധാന്യങ്ങൾ, പായസകിറ്റ് എന്നിവ സമ്മാനിച്ചുകൊണ്ട് കുട്ടികൾ എത്തിച്ചേർന്നത്. കുട്ടികളെ സ്വീകരിക്കാൻ നന്മ ചാരിറ്റബിൾ ട്രസ്റ്റ് സെക്രട്ടറി ഹാഷിമും സഹപ്രവർത്തകരും ഉണ്ടായിരുന്നു. മുഴപ്പിലങ്ങാട് ഗ്രാമപഞ്ചായത്ത് സെക്രട്ടറി ഫാഫിസ്, വാർഡ് മെമ്പർ ലക്ഷ്മി, പിടിഎ പ്രസിഡണ്ട് ജനു ആയിച്ചാങ്കണ്ടി, വൈസ് പ്രസിഡണ്ട് രാധാകൃഷ്ണൻ, പ്രിൻസിപ്പാൾ കെ ഷീജ, ഹെഡ്മാസ്റ്റർ കെ സന്തോഷ് കുമാർ ബിജു എൻ എന്നിവർ സംസാരിച്ചു. സീഡ് കോർഡിനേറ്റർ അനില പി കെ, രേഷ്മ പി, മുരളീധരൻ പി കെ എന്നിവർ കുട്ടികളെ അനുഗമിച്ചു. കാരുണ്യസ്പർശത്തിലൂടെ സാമൂഹ്യ പ്രതിബദ്ധതയുള്ള ഒരു പുതു തലമുറയെ കണ്ടതിൽ അധ്യാപകരും രക്ഷാകർത്താകളും സന്തുഷ്ടരായി.
![]() |
റോഡ് സുരക്ഷാ ബോധവല്കരണ ക്യാമ്പയിൻ
കാടാച്ചിറ ഹയർ സെക്കന്ററി സ്കൂൾ റോഡ് സുരക്ഷ ക്ലബ്ബും സീഡ് പ്രവർത്തകരും സ്വാതന്ത്ര്യദിനത്തിൽ കാടാച്ചിറ ടൗണിൽ റോഡ് സുരക്ഷാ ബോധവൽക്കരണം സംഘടിപ്പിച്ചു. ഹെൽമെറ്റ് ഇടാത്തവരെയും സീറ്റ് ബെൽട്ട് ധരിക്കാതെയും യാത്രചെയ്തവർക്ക് ലഘുലേഖ വിതരണം ചെയ്യുകയും ഇനി മുതൽ അവ ധരിച്ചുമാത്രമെ യാത്രചെയ്യുകയുള്ളൂ എന്ന് പ്രതിജ്ഞയെടുപ്പിക്കുകയും ചെയ്തു. എന്നാൽ റോഡ് നിയമം പാലിച്ചു പോയവരെ ലഡു നല്കി പ്രോത്സാഹിപ്പിച്ചു. ക്യാമ്പയിൽ കണ്ണൂർ മോട്ടോർ വെഹിക്കിൾ ഇൻസ്പെക്ടർ ശ്രീ അജ്മൽ ഖാൻ ഉദ്ഘാടനം ചെയ്തു. എടക്കാട് പോലീസ് സ്റ്റേഷൻ സബ് ഇൻസ്പെക്ടർ ശ്രീ മഹേഷ് കണ്ടമ്പേത്തും സഹപ്രവർത്തകരും പരിപാടി തീരും വരെ കുട്ടികളുമൊത്ത് ചെലവഴിച്ച് ആവശ്യമായ നിർദ്ദേശങ്ങൾ നല്കി. പി ടി എ പ്രസിഡന്റ് ശ്രീ ജനു ആയിച്ചാങ്കണ്ടി, അധ്യാപകരായ രാജീവ് കുമാർ സി, ബിജു കടയപ്രത്ത്, ശേഷ് കൃഷ്ണൻ, ജീവൻ കുമാർ, മുരളീധരൻ പി കെ, രേഷ്മ പി, ശ്രീപാർവ്വതി എന്നിവർ നേതൃത്വം നല്കി.
![]() |
![]() |
![]() |
ഊർജ്ജ സംരക്ഷണ സന്ദേശവുമായി എനർജി ക്ലബ് പ്രവർത്തകർ.
കാടാച്ചിറ ഹയർ സെക്കന്ററി സ്കൂൾ എനർജി ക്ലബ്ബും സീഡ് ക്ലബ്ബും ചേർന്ന് സ്കൂളിൽ എനർജി ക്യാമ്പയിൻ സഘടിപ്പിച്ചു. പ്രകാശപൂർണ്ണമായതും ഊർജ്ജസ്വലവുമായ നല്ല നാളെക്കായി ഊർജ്ജസംരക്ഷണത്തിന്റെ പ്രാധാന്യത്തെ കുറിച്ച് എനർജി മാനേജ്മെന്റ് സെന്റർ ആർ പി ശ്രീ കെ ശിവദാസൻ മാസ്റ്റർ കുട്ടികളെ ബോധവൽക്കരിച്ചു. അതിനു ശേഷം കുട്ടികളും അദ്ധ്യാപകരും ചേർന്ന് സ്കൂളിനു പരിസരങ്ങളിലെ വീടുകളിലേക്ക് ഊർജ്ജസംരക്ഷണ സന്ദേശയാത്ര നടത്തി. ഊർജ സംരക്ഷണത്തിന്റെ ആവിശ്യകതയെ കുറിച്ചുള്ള ലഘുലേഖ വിതരണം ചെയ്തു. കൂടെ ഓരോ വൃക്ഷതൈയും ഒരു പാക്കറ്റ് പച്ചക്കറിവിത്തുകളും നൽകി. ഹെഡ് മാസ്റ്റർ ശ്രീ കെ സന്തോഷ് കുമാർ, ശ്രീമതി പി രേഷ്മ, ശ്രീപാർവതി അനില പി കെ എന്നിവർ നേതൃത്വം നൽകി
![]() |
![]() |
പഴമയുടെ പുതുമ- പ്രദർശനം
കാടാച്ചിറ ഹയർ സെക്കന്ററി സ്കൂളിലെ സോഷ്യൽ സയൻസ് ക്ളബ്ബിന്റെയും സീഡ് നല്ലപാഠം ക്ളബുകളുടെയും സഹകരണത്തിൽ പുരാവസ്തു, ദാരുശില്പ, നാണയ പ്രദർശനം സംഘടിപ്പിച്ചു. ഇന്നത്തെ തലമുറക്ക് അന്യമായ പല വീട്ടുപകരണങ്ങളും കാർഷികോപകരണങ്ങളും കുട്ടികളിൽ ആവേശവും കൗതുകവുമുണർത്തി. സമീപങ്ങളിലെ സ്കൂളിലെ കുട്ടികളും പ്രദർശനം കാണാനെത്തിയിരുന്നൂ
![]() |
![]() |
![]() |
![]() |
സബ്ജില്ലാ ശാസ്ത്രോത്സവത്തിന് പേപ്പർ ബാഗുകളുമായി സീഡ് പ്രവർത്തകർ
മുഴപ്പിലങ്ങാട് ഹയർ സെക്കൻഡറി സ്കൂളിൽ വെച്ച് നടക്കുന്ന കണ്ണൂർ സൗത്ത് സബ്ബ് ജില്ലാ ശാസ്ത്രോത്സവത്തിന് രജിസ്ട്രേഷൻ ആവശ്യാർത്ഥമുള്ള മുഴുവൻ ബാഗുകളും പേപ്പർ കൊണ്ട് നിർമ്മിച്ച് കാടാച്ചിറ ഹയർ സെക്കന്ററി സ്കൂളിലെ സീഡ് പ്രവർത്തകരും ഓയിസ്ക ഇന്റർനാഷണൽ സ്കൂൾ യൂണിറ്റും മാതൃകയായി. കാടാച്ചിറ ഹയർ സെക്കന്ററി സ്കൂളിലെ സ്കൂൾ കലോത്സവത്തിനോടനുബന്ധിച്ച ഉദ്ഘാടന ചടങ്ങിൽ ഹെഡ്മാസ്റ്റർ ശ്രീ കെ സന്തോഷ് കുമാർ ശാസ്ത്രോത്സവ പ്രോഗ്രാം കൺവീനർ ശ്രീ അജിത് മാസ്റ്റർക്ക് ബാഗുകൾ കൈമാറി. പി ടി എ പ്രസിഡന്റ് ശ്രീ ജനു ആയിച്ചാങ്കണ്ടി ചടങ്ങിന് അധ്യക്ഷത വഹിച്ചു.
![]() |
![]() |
മെഹന്ദി ഫെസ്റ്റും ഇഫ്താർ വിരുന്നും
റംസാൻ ആഘോഷത്തിന്റെ ഭാഗമായി മെഹന്ദി ഫെസ്റ്റ് സംഘടിപ്പിച്ചു. രണ്ടു കുട്ടികൾ വീതമുള്ള ഗ്രൂപ്പുകളായിട്ടായിരുന്നു മത്സരത്തിൽ പങ്കെടുത്തത്. അതേ ദിവസം വൈകുന്നേരം സ്കൂളിൽ ഇഫ്താർ വിരുന്നും സംഘടിപ്പിച്ചു.
![]() |
![]() |
![]() |
![]() |
നാടൻ പൂക്കളുടെ പ്രദർശനം
ഓണത്തെ വരവേൽക്കാൻ നല്ലപാഠം സീഡ് പ്രവർത്തകർ നാടൻ പൂക്കളുടെ ശേഖരണവും പ്രദർശനവും നടത്തി. മറുനാടൻ പൂക്കളുപയോഗിച്ചുമാത്രം ഓണക്കാലത്ത് പൂക്കളമൊരുക്കിയ കുട്ടികൾക്ക് നാടൻപൂക്കളുടെ പ്രദർശനം ശരിക്കൊരു വിരുന്നായിരുന്നു. അരിപ്പൂവ്, കാക്കപ്പൂവ്, തെച്ചിപ്പൂവ്, ശംഖുപുഷ്പം, തൊട്ടാവാടിപ്പൂ, തുമ്പപ്പൂ, കോളാമ്പിപൂ, കൃഷ്ണകിരീടം വട്ടപ്പിരിയൻ പൂ തുടങ്ങി ഇന്നത്തെ തലമുറക്ക് കേട്ടുകേൾവി പോലുമില്ലാത്ത പലതരം പൂക്കൾ കുട്ടികളുടെ ശേഖരണത്തിലുണ്ടായിരുന്നു. മലയാളം ക്ലബ്ബുമായി സഹകരിച്ചാണ് നല്ലപാഠം പ്രവർത്തകർ പൂക്കളുടെ പ്രദർശനമൊരുക്കിയത്. ശ്രീമതി വീണ ഇ കെ, ശ്രീപാർവ്വതി, പി ബബിന എന്നിവർ നേതൃത്വം നല്കി.
![]() |
![]() |
![]() |
യോഗാ പഠന ക്യാമ്പ്
കുട്ടികളുടെ മാനസ്സിക ശാരീരിക ആരോഗ്യം വളർത്തുന്നതായി സ്കൂളിൽ നടത്തിവരുന്ന വിവിധ പ്രവർത്തനങ്ങളുടെ ഭാഗമായി യോഗാ പഠന ക്യാമ്പുകൾ നടത്തി. റിട്ട. ഡി വൈ എസ് പി ശ്രീ ധനഞ്ജയൻ ക്ലാസുകൾ നയിച്ചു. തുടർന്ന് യോഗാക്ലാസുകളും ഉണ്ടായിരുന്നു.
![]() |
![]() |
![]() |
കൗമുദി ടീച്ചർ അനുസ്മരണം
സ്വാതന്ത്ര്യത്തിന്റെ പ്രാധാന്യവും ദേശസ്നേഹവും പുതിയ തലമുറയിൽ വളർത്തിയെടുക്കുന്നതിനായി വിദ്യാലയത്തിന്റെ പരിസരത്ത് സ്ഥിതി ചെയ്യുന്ന കൗമുദി ടീച്ചറുടെ സ്മൃതി മണ്ഡപം സന്ദർശിച്ചു. സ്വാതന്ത്ര്യ സമര കാലത്ത് ഹരിജൻ ഫണ്ടിലേക്ക് സ്വന്തം ആഭരണങ്ങൾ ദാനം ചെയ്തു കൊണ്ട് ത്യാഗിയായ ടീച്ചറുടെ കഥ കുട്ടികൾക്ക് പ്രചോദനമായി. കൗമുദി ടീച്ചറുടെ ചരമവാർഷിക ദിനത്തിൽ കുട്ടികൾ സ്മൃതി മണ്ഡപത്തിൽ എത്തി പുഷ്പാർച്ചന നടത്തി.
![]() |
![]() |
![]() |
ഹരിതമയം വിദ്യാഭ്യാസം
പ്രകൃതിസംരക്ഷണം കേവലം പരിസ്ഥിതി ദിനാഘോഷത്തിൽ മാത്രം ഒതുക്കാതെ വൈവിധ്യങ്ങളായ പ്രവർത്തനങ്ങളുമായി നല്ലപാഠം പ്രവർത്തകരായ വിദ്യാർത്ഥികൾ വർഷം മുഴുവനും സ്വന്തം വിദ്യാലയത്തിനെ ഹരിതാഭമാക്കാൻ പ്രവർത്തിച്ചുകൊണ്ടിരിക്കുകയാണ്. വർഷങ്ങളായി നട്ടുനനച്ചു വളർത്തിക്കൊണ്ട് വരുന്ന വിവിധ ഔഷധ സസ്യങ്ങൾ നിറഞ്ഞ ഔഷധത്തോട്ടത്തോട്ടനുബന്ധിച്ച് നിർമ്മിക്കുന്ന ജൈവവൈവിധ്യോദ്യാനം അതിന്റെ പൂർണ്ണയിലേക്ക് നീങ്ങിക്കൊണ്ടിരിക്കുകയാണ്. ആമ്പൽക്കുളവും, ജലധാരയും, മത്സ്യകുളവും, ഏറുമാടവും, വള്ളിക്കുടിലും ഊഞ്ഞാലുകളും അടങ്ങിയ ഈ പാർക്ക് ഒരു പക്ഷെ ജില്ലയിലെത്തന്നെ ആദ്യത്തേയും വൈവിധ്യങ്ങളാൽ വലുതുമായേക്കാം. ഈ കടുത്ത വേനലിലും പച്ചക്കറികളാൽ സമൃദ്ധമാണ് സ്കൂൾ അങ്കണം. മുളകുതോട്ടവും, ജൈവ വാഴ തോട്ടവും, ചെറുതങ്കിലും കായ്ച്ചു നിൽക്കുന്ന മുന്തിരി പന്തലും, പേരത്തോട്ടവും, കൈയ്പ്പ ,പടവലങ്ങ, വെണ്ട, വെള്ളരി, ചീര ,വഴുതന, പൊട്ടിക്ക, എന്നിവ അടങ്ങിയ ജൈവ പച്ചക്കറിത്തോട്ടവും ആവേശപൂർവ്വം കുട്ടികൾ പരിപാലിക്കുന്നു.
![]() |
![]() |
![]() |
![]() |
![]() |
![]() |