"മഴൂർ എൽ പി സ്കൂൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കണ്ണൂർ ജില്ലയിൽ തളിപ്പറമ്പിനടുത്ത കുറുമാത്തൂർ ഗ്രാമപഞ്ചായത്തിലെ മഴൂർ ഗ്രാമത്തിൽ 1954 ൽ സ്ഥാപിതമായ വിദ്യാലയമാണ് മഴൂർ.ഗവ .എൽ .പി സ്കൂൾ .മഴൂർ ഗ്രാമത്തിലെ ഏക സർക്കാർ വിദ്യാലയമായ ഈ സ്കൂൾ ഭൗതിക, പഠന പാഠ്യേതര രംഗങ്ങളിൽ ഏറെ മുന്നിലാണ് .മഴൂർ,ഇടുകുഴി,പൂമംഗലം പ്രദേശത്തു നിന്നായി അറുപതോളം കുട്ടികൾ ഇവിടെ പഠിക്കുന്നു .1  മുതൽ 4 വരെ ഓരോ ഡിവിഷനുള്ള സ്കൂളിൽ 5 അദ്ധ്യാപകരും 1 പി ടി സി എമ്മു മാണുള്ളത്.{{Infobox School

മഴൂർ ഗ്രാമത്തിലെ ഏക സർക്കാർ സ്ഥാപനമായ മഴൂർ ഗവഃ എൽ പി സ്കൂൾ കഴിഞ്ഞ  67 വർഷമായി നാടിനു അറിവിന്റെ ആദ്യാക്ഷരം പകർന്നു നല്കിക്കൊണ്ടിരിക്കുകയാണ്.വിദ്യാഭ്യാസപരമായും സാമ്പത്തികമായും പിന്നോകാവസ്ഥയിലായിരുന്ന മഴൂർ പ്രദേശത്തെ ജനങ്ങളുടെ ചിരകാല സ്വപ്നമെന്ന നിലയ്ക്കാണ് 1954 ൽ ബോർഡ് എലിമെന്ററി സ്കൂൾ എന്നപേരിൽ സ്കൂൾ സ്ഥാപിതമായത്.1957 ൽ മഴൂർ ഗവഃ എൽ പി സ്കൂൾ ആയെങ്കിലും 2004 വരെ സ്കൂൾ വാടകക്കെട്ടിടത്തിലാണ് പ്രവർത്തിച്ചത് .ഗ്രാമപഞ്ചായത്തിൽ നിന്നുള്ള സഹായവും നാട്ടുകാരുടെയും രക്ഷിതാക്കളുടെയും   സംഭാവനകളിലൂടെ ലഭിച്ച തുകയും ചേർത്താണ്  15 1/ 2 സെന്റ് സ്ഥാലവും കെട്ടിടവും  ക്രി.നടുക്കണ്ടി ശങ്കരൻ നായരിൽ നിന്നും വിലയ്ക്ക് വാങ്ങി ഗ്രാമപഞ്ചായത്തിന് കൈമാറിയത് .പിന്നീട് ഗ്രാമപഞ്ചായത്ത് ,എസ് .എസ് .എ ,വിദ്യാഭ്യാസവകുപ്പ് എന്നിവയുടെ സഹായത്തോടെ നല്ല കോൺക്രീറ്റ് കെട്ടിടങ്ങളും ഭംഗിയായി ഒരുക്കിയ ക്ലാസ് മുറികളും ഹാളും സ്കൂളിന് സ്വന്തമായി ലഭിച്ചു .ഇന്ന് നാട്ടിലെ ഗ്രാമസഭയും മറ്റു പൊതുപരിപാടികളും മഴൂർ ഗവഃ എൽ പി സ്കൂളിൽ വെച്ചാണ് നടക്കുന്നത് .പാഠ്യ പഠ്യേതര പ്രവർത്തനങ്ങൾ മികച്ച രീതിയിൽ നടന്നു വരുന്നുണ്ട് .സ്കൂളിലെ പ്രവർത്തനങ്ങൾക്ക് എല്ലാവിധ നിർദ്ദേശങ്ങളും സഹായങ്ങളും നൽകിക്കൊണ്ട് സജീവമായ പി ടി എ യുംസ്കൂൾ സംരക്ഷണസമിതിയും പ്രവർത്തിക്കുന്നുണ്ട് .ഒരു കളിസ്ഥലമില്ലാത്തതും പൂർണമായ ചുറ്റുമതിലില്ലാത്തതും ഒരു പോരായ്മയായി നിലനിൽക്കുന്നു  

സ്കൂളിന് നല്ല കോൺക്രീറ്റ് കെട്ടിടങ്ങളുണ്ട്.ആകർഷകമായ ചിത്രങ്ങളോട് കൂടിയ 4  ഭംഗിയായ ക്ലാസ് മുറികളുണ്ട്.ഒരു വലിയ ഹാളും ഓഡിറ്റോറിയവും സ്കൂളിന് സ്വന്തമായുണ്ട്.2 ബോയ്സ് ടോയ്‌ലെറ്റും 3 ‌ഗേൾസ്  ടോയ്‌ലെറ്റും ഒരു ഐ ഇ ഡി ടോയ്‌ലെറ്റും സ്കൂളിലുണ്ട് .ഹൈടെക് ക്ലാസ് റൂമിന്റെ ഭാഗമായി 3  ലാപ്‌ടോപ്പുകളും  2 പ്രോജെക്ടറുകളും സ്കൂളിന് കിട്ടിയിട്ടുണ്ട്.4 ക്ലാസ് മുറികളിലും ഒരു ഹാളിലുമായി  5 സ്മാർട്ട് ടീവി കളും ഉണ്ട് .നല്ല ഗേറ്റ് ,മുറ്റത്ത്  പന്തൽ ,ഇന്റർലോക്ക് ചെയ്ത മുറ്റം,എല്ലാ സൗകര്യങ്ങളോടും കൂടിയ അടുക്കള ,ക്ലാസ് മുറികളിൽ വൈറ്റ് ബോർഡ്,ബ്ലാക്ക് ബോർഡ് തുടങ്ങി മെച്ചപ്പെട്ട ഒരു ഭൗതിക സൗകര്യം സ്കൂളിനുണ്ട് .സ്കൂളിന് സ്വന്തമായി ഒരു വലിയ മഴവെള്ള സംഭരണിയും കിണർ റീചാർജിങ് സൗകര്യവുമുണ്ട് .എല്ലാ ക്ലാസ്സ്മുറികളിലും ബുക്ക് സ്റ്റാന്റുകളും അലമാരകളും ഉണ്ട് .ഒരു മികച്ച ലൈബ്രറിയും സ്കൂളിന് സ്വന്തമായുണ്ട്. ആവശ്യത്തിന് ഇരിപ്പിടങ്ങളും കെട്ടുറപ്പുള്ള വാതിലുകളും ജനലുകളും ടൈൽ പാകിയ നിലത്തോട് കൂടിയതുമാണ് ക്ലാസ്സ്മുറികൾ .എല്ലാ ക്ലാസ്സ്മുറികളിലും ലൈറ്റ്,ഫാൻ തുടങ്ങിയ സൗകര്യങ്ങളുമുണ്ട്.